ຫົວໜ້າຫ້ອງການກະຊວງກະສິກຳ ແລະ ປ່າໄມ້,ທ່ານ ວໍຣະວຸດ ວານິດກຸນບໍດີ ປະທານເຈົ້າໜ້າທີ່ປະຕິບັດການ ກຸ່ມທຸລະກິດຕ່າງປະເທດ ບໍລິສັດ ເບທາໂກ ຈຳກັດ ມະຫາຊົນ ຫຼື "BTG" ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ວໍຣະວຸດ ວານິດກຸນບໍດີກ່າວວ່າ: ພາຍໃຕ້ງົບລົງທຶນ 650 ລ້ານກວ່າບາດ(ສະກຸນເງິນໄທ)ໄດ້ນຳເຕັກໂນໂລຊີທີ່ທັນສະໄໝມາໃຊ້ໃນການຜະລິດຫົວອາຫານສັດ ແລະ ບໍລິຫານຊັບພະຍາກອນດ້ວຍກຳລັງການຜະລິດ 108.000 ໂຕນຕໍ່ປີ ຫວັງສ້າງຜະລິດຕະພັນຄຸນນະພາບ,ຮອງຮັບຄວາມຕ້ອງການທີ່ຂະຫຍາຍຕົວຢ່າງຕໍ່ເນື່ອງ ແລະ ເພີ່ມປະສິດທິພາບການບໍລິຫານຈັດການຕົ້ນທຶນ ຫຼຸດຜ່ອນການນຳເຂົ້າຫົວອາຫານສັດຈາກປະເທດໄທ, ມຸ່ງພັດທະນາຄຸນນະພາບຊີວິດຂອງຜູ້ຄົນ ດ້ວຍອາຫານທີ່ດີ ແລະ ຮ່ວມຂັບເຄື່ອນເສດຖະກິດຂອງ ສປປ ລາວ ໃຫ້ເຕີບໃຫຍ່ໄປດ້ວຍກັນຢ່າງຍືນຍົງ,ເບທາໂກໃນຖານະຜູ້ປະກອບທຸລະກິດອາຫານ ແລະ ກະສິກຳ-ອຸດສາຫະກຳຄົບວົງຈອນຊັ້ນນຳລະດັບສາກົນ ເພື່ອການບໍລິໂພກໃນປະເທດ ແລະ ສົ່ງອອກໄປ 20 ກວ່າປະເທດທົ່ວໂລກ ລວມເຖິງການລົງທຶນໃນປະເທດເພື່ອນບ້ານເຊັ່ນ:ປະເທດ ມຽນມາ, ລາວ ແລະ ກຳປູເຈຍ ໂດຍກຸ່ມທຸລະກິດຕ່າງປະເທດມຸ່ງເນັ້ນການເພີ່ມປະລິມານຜົນຜະລິດດ້ວຍການເພີ່ມປະສິດທິພາບການຜະລິດຜ່ານການນຳເຕັກໂນໂລຊີທີ່ທັນສະໄໝມາໃຊ້ເພື່ອໃຫ້ໄດ້ຜົນຜະລິດທີ່ດີມີຄຸນນະພາບ ທັງຍັງບໍລິຫານຈັດການຕົ້ນທຶນໄດ້ດີຍິ່ງຂຶ້ນ, ດັ່ງນັ້ນຈຶ່ງເດີນໜ້າລົງທຶນ 650 ລ້ານກວ່າບາດ ສ້າງໂຮງງານຜະລິດຫົວອາຫານສັດເບທາໂກແຫ່ງທຳອິດໃນ ສປປ ລາວ ທີ່ມີການນຳໃຊ້ເຕັກໂນໂລຊີ ແລະ ນະວັດຕະກຳທີ່ທັນສະໄໝມາໃຊ້ໃນການຜະລິດຫົວອາຫານສັດ.
ທ່ານກ່າວຕື່ມວ່າ:ໂຮງງານຫົວອາຫານສັດ ເບທາໂກ ລາວ ນັບເປັນອີກໜຶ່ງໂຮງງານຫົວອາຫານສັດໃນຕ່າງປະເທດຂອງບໍລິສັດ ສາມາດຜະລິດຫົວອາຫານສັດໄດ້ຫຼາກຫຼາຍຊະນິດທັງໝູ,ໄກ່ໄຂ່ ແລະ ໄກ່ຊີ້ນ ໂດຍນຳໃຊ້ເຕັກໂນໂລຊີການຜະລິດທີ່ທັນສະໄໝມາຍົກລະດັບຈັດການຫຼາກຫຼາຍດ້ານໄດ້ແກ່: ລະບົບ SCADA (Supervisory Control and Data Acquisition) ແລະ ລະບົບ SAP ນຳມາໃຊ້ໃນການຈັດການວັດຖຸດິບ ແລະ ຜະລິດຫົວອາຫານສັດ ເພື່ອຍົກລະດັບການຜະລິດໃຫ້ມີຄວາມຖືກຕ້ອງຫຼາຍຂຶ້ນ,ລະບົບການບໍລິຫານຈັດການໂຮງງານເພື່ອຄວບຄຸມ ແລະ ລາຍງານຜົນຜະລິດ (Smart Dashboard),ລະບົບການຜະລິດຫົວອາຫານສັດ ແລະ ການໃຊ້ສານປະສົມລ່ວງໜ້າ (Smart Premix),ລະບົບການບັນຈຸຫົວອາຫານສັດທີ່ທັນສະໄໝ(Smart Bagging),ລະບົບການຈັດການຖານຂໍ້ມູນຜົນວິເຄາະວັດຖຸດິບຫົວອາຫານສັດເພື່ອການຄວບຄຸມຄຸນນະພາບ (Best LIMS-Laboratory Information Management System) ແລະລະບົບການກຳຈັດຝຸ່ນ ແລະ ກິ່ນ (Jet Filter) ເພື່ອຫຼຸດຜ່ອນຜົນກະທົບຕໍ່ສັງຄົມ ແລະ ສິ່ງແວດລ້ອມໂດຍການລົງທຶນໂຮງງານຫົວອາຫານສັດເບທາໂກລາວ ແຫ່ງນີ້ຄາດວ່າຈະຊ່ວຍເພີ່ມປະສິດທິພາບການຜະລິດອາຫານສັດທີ່ມີຄຸນນະພາບ ແລະ ປອດໄພ ທັງຍັງເປັນການສົ່ງເສີມການໃຊ້ວັດຖຸດິບຫົວອາຫານສັດໃນ ສປປ ລາວ ແລະ ເປັນສ່ວນໜຶ່ງໃນການຂັບເຄື່ອນເສດຖະກິດຂອງປະເທດ ແລະ ສ້າງຄວາມໄດ້ປຽບທາງການແຂ່ງຂັນອີກດ້ວຍ
ປັດຈຸບັນໂຮງງານຫົວອາຫານສັດເບທາໂກ ລາວ ມີອັດຕາການເດີນເຄື່ອງຢູ່ທີ່ 70% ຂອງການຜະລິດລວມ ແລະ ຄາດວ່າຈະຜະລິດເຕັມກຳລັງ 100%ຫຼື 108,000ໂຕນພາຍໃນປີ 2025 ອີກຍັງມີແຜນຂະຫຍາຍກຳລັງການຜະລິດເປັນ 144,000ໂຕນຕໍ່ປີໃນປີ 2027ເພື່ອຮອງຮັບການຂະຫຍາຍການຜະລິດອາຫານໃຫ້ຄອບຄຸມທັງ ສປປ ລາວ ແລະ ສົ່ງອອກໃຫ້ກັບຟາມກະສິກອນເຄືອຂ່າຍເບທາໂກໃນພື້ນທີ່ພາກອີສານຕອນກາງຂອງປະເທດໄທ,ເບທາໂກ ເຊື່ອວ່າໂຮງງານອາຫານສັດແຫ່ງນີ້ຈະຍົກລະດັບລະບົບຕ່ອງໂສ້ການສະໜອງດ້ານອາຫານຂອງ ສປປ ລາວ ທັງໃນດ້ານເສດຖະກິດ, ສັງຄົມ ແລະ ສິ່ງແວດລ້ອມ ດ້ວຍການສົ່ງມອບອາຫານທີ່ມີຄຸນນະພາບ ແລະ ຄວາມປອດໄພສູງ ດ້ວຍການຜະລິດທີ່ຍືນຍົງ ທັງຍັງສ້າງງານສ້າງອາຊີບໃຫ້ກັບຄົນໃນທ້ອງຖິ່ນ ຊຶ່ງຈະເຮັດໃຫ້ຜູ້ຄົນໃນ ສປປ ລາວ ມີທາງເລືອກໃຫ້ການບໍລິໂພກອາຫານທີ່ດີ ມີຄຸນນະພາບຖືວ່າເປັນສ່ວນໜຶ່ງໃນການຮ່ວມພັດທະນາ ແລະ ປັບປຸງລະບົບກະເສດອຸດສາຫະກຳ ແລະ ອາຫານໃນ ສປປ ລາວ ໃຫ້ມີມາດຕະຖານການຜະລິດໃນລະດັບສາກົນ ແລະ ປອດໄພຕໍ່ຜູ້ບໍລິໂພກ ຕະຫຼອດຈົນເປັນຖານການຜະລິດ ແລະ ສົ່ງອອກໄປຍັງຕ່າງປະເທດໃນອະນາຄົດຕໍ່ໄປ.
(ຂໍ້ມູນຈາກ:ເບທາໂກ)
ຄໍາເຫັນ