ຕຸລາຜ່ານມາ ຢູ່ທີ່ສູນບໍາບັດ ແລະ ຟຶ້ນຟູຜູ້ຕິດຢາເສບຕິດໜອງດົງ ເມືອງປາກກະດິງ ແຂວງບໍລິຄໍາໄຊ.ໂດຍການເປັນປະທານຂອງທ່ານ ສອນທະນູ ທໍາມະວົງ ກໍາມະການສູນກາງພັກ ເລຂາພັກແຂວງ ເຈົ້າແຂວງບໍລິຄໍາໄຊ ປະທານປ້ອງກັນຊາດ-ປ້ອງກັນຄວາມສະຫງົບແຂວງ, ມີແຂກຖືກເຊີນ ແລະ ພາກສ່ວນກ່ຽວຂ້ອງອ້ອມຂ້າງແຂວງເຂົ້າຮ່ວມ.
ທ່ານ ພົຈວ ກົງຈັນ ໄຊປັນຍາ ຫົວໜ້າກອງບັນຊາການ ປກສ ແຂວງ ໄດ້ລາຍງານ ຜົນການເຄື່ອນໄຫວວຽກງານຄວບຄຸມ, ສະກັດກັ້ນ ແລະ ຕ້ານຢາເສບຕິດ ໃນໄລຍະ 1 ປີຜ່ານມາ. ຜ່ານການເຄື່ອນໄຫວວຽກງານຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ, ມີຄະດີຢາເສບຕິດເກີດຂຶ້ນທັງໝົດ ມີ 329 ເລື່ອງ, ຜູ້ຖືກຫາ 472 ຄົນ ຍິງ 51 ຄົນ, ຄົນຕ່າງປະເທດ 13 ຄົນ. ຍຶດຂອງກາຢາບ້າ 72,287 ເມັດ, ຢາອີ 61 ກິໂລກຼາມ, ຢາໄອສ 1,589 ກິໂລກຼາມ, ເຮໂລອິນ 45.5 ກິໂລກຼາມ, ຢາເຄ 6.3 ກິໂລກຼາມ, ກັນຊາແຫ້ງ 3,865 ກິໂລກຼາມ, ຄໍລະເຈນປະສົມສານເສບຕິດ 36 ຊ່ອງ, ໃບກະທ່ອມ 37 ກິໂລກຼາມ, ນ້ຳກະທ່ອມ 60 ຕຸກ, ຢາສູບໄຟຟ້າ 231 ອັນ, ຢຶດປືນແກັບ, ປືນປະດິດ, ປືນສັ້ນ ທັງໝົດ 53 ກະບອກ, ລູກກປືນ 9 ລູກ, ລົດໃຫ່ຍ 20 ຄັນ, ລົດຈັກ 20 ຄັນ.
ສໍາລັບຢາເສບຕິດ ທີ່ນໍາມາຈູດທໍາລາຍຖີ້ມໃນຄັ້ງນີ້, ມີຢາບ້າ ຈໍານວນ 7,468,982 ເມັດນໍ້າໜັກ 731 ກິໂລກຼາມ, ຢາໄອສ 135 ກິໂລກຼາມ, ເຮໂລອິນ 35.5 ກິໂລກຼາມ, ກັນຊາແຫ້ງ 3,683 ກິໂລກຼາມ, ຄໍລະເຈນ 157 ຊ່ອງ, ຢາສູບໄຟຟ້າ 686 ອັນ ແລະ ຢາອີ 191 ເມັດ ລວມນໍ້າໜັກທັງໝົດ 4,584.5 ກິໂລກຼາມ, ຊຶ່ງເປັນຂອງກາງຄະດີທີ່ຜ່ານການສືບສວນ-ສອບສວນ, ດຳເນີນຄະດີ ແລະ ຜ່ານການຕັດສີນຢ່າງຖືກຕ້ອງຕາມລະບຽບກົດໝາຍເປັນທີ່ຮຽບຮ້ອຍແລ້ວ ຈື່ງນຳມາຈູດເພື່ອທຳລາຍຖີ້ມ.
(ຂ່າວ-ພາບ: ພອນສະຫວັນ)
ຄໍາເຫັນ