ໃນວັນທີ 14 ພະຈິກນີ້ທີ່ຫ້ອງວ່າການແຂວງເຊກອງ ທ່ານ ນາງ ເຮືອ ທິ ບິກ ທູ ປະທານບໍລິສັດ ຮຸ້ນສ່ວນການຄ້າອິນໂດໄຊນາ ໂຮນດິງ ສສ ຫວຽດນາມ ໄດ້ນໍາເງິນຈໍານວນ 100 ລ້ານກີບ ມອບໃຫ້ແຂວງເຊກອງ ເພື່ອເປັນການສົມທົບທຶນເຂົ້າໃນການກໍ່ສ້າງຄືນອະນຸສະຖານທີ່ ທີ່ທ່ານ ຄໍາໄຕ ສີພັນດອນ ເຄີຍອາໄສຢູ່ເຂດບ້ານດາກປໍາ ແລະ ບ້ານດາກຊວງ ເມືອງດາກຈຶງ ຕາງໜ້າກ່າວຮັບໂດຍທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ແລະ ມີພາກສ່ວນກ່ຽວຂ້ອງເຂົ້າຮ່ວມ.
ໃນໂອກາດນີ້, ທ່ານເຈົ້າແຂວງໄດ້ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍບໍລິສັດ ຮຸ້ນສ່ວນການຄ້າອິນໂດໄຊນາ ໂຮນດິງ ສສ ຫວຽດນາມ ທີ່ໄດ້ປະກອບສ່ວນສົມທົບທຶນໃນຄັ້ງນີ້, ພາຍຫຼັງການກໍ່ສ້າງສໍາເລັດ ຈະເປັນສະຖານທີ່ໜຶ່ງທີ່ມີຄວາມໝາຍສໍາຄັນ, ກາຍເປັນແຫຼ່ງທ່ອງທ່ຽວທາງປະຫວັດສາດ ແລະ ເປັນບ່ອນສຶກສາຮຽນຮູ້ໃຫ້ແກ່ຄົນຮຸ່ນໜຸ່ມ. ພ້ອມນີ້, ທ່ານເຈົ້າແຂວງ ຊີ້ນໍາໃຫ້ບໍລິສັດສືບຕໍ່ຢ່າງແຂງແຮງໃນປະຕິບັດກິດຈະກໍາຕ່າງໆຂອງຕົນ ໂດຍສະເພາະກິດຈະກໍາໂຄງການພັດທະນາການທ່ອງທ່ຽວ ເພາະການລົງທຶນໃນຂະແໜງດັ່ງກ່າວ ແມ່ນຖືກຕ້ອງຕາມຍຸດທະສາດການພັດທະນາຂອງພັກ-ລັດຖະບານ ກໍຄືອົງການປົກຄອງທ້ອງຖິ່ນ ທັງເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ສ້າງວຽກເຮັດງານທໍາໃຫ້ປະຊາຊົນໃນທ້ອງຖິ່ນຕື່ມອີກ.
ຂ່າວ-ພາບ: ສັນຍາ
ໃນໂອກາດນີ້, ທ່ານເຈົ້າແຂວງໄດ້ກ່າວສະແດງຄວາມຂອບໃຈ ແລະ ຍ້ອງຍໍຊົມເຊີຍບໍລິສັດ ຮຸ້ນສ່ວນການຄ້າອິນໂດໄຊນາ ໂຮນດິງ ສສ ຫວຽດນາມ ທີ່ໄດ້ປະກອບສ່ວນສົມທົບທຶນໃນຄັ້ງນີ້, ພາຍຫຼັງການກໍ່ສ້າງສໍາເລັດ ຈະເປັນສະຖານທີ່ໜຶ່ງທີ່ມີຄວາມໝາຍສໍາຄັນ, ກາຍເປັນແຫຼ່ງທ່ອງທ່ຽວທາງປະຫວັດສາດ ແລະ ເປັນບ່ອນສຶກສາຮຽນຮູ້ໃຫ້ແກ່ຄົນຮຸ່ນໜຸ່ມ. ພ້ອມນີ້, ທ່ານເຈົ້າແຂວງ ຊີ້ນໍາໃຫ້ບໍລິສັດສືບຕໍ່ຢ່າງແຂງແຮງໃນປະຕິບັດກິດຈະກໍາຕ່າງໆຂອງຕົນ ໂດຍສະເພາະກິດຈະກໍາໂຄງການພັດທະນາການທ່ອງທ່ຽວ ເພາະການລົງທຶນໃນຂະແໜງດັ່ງກ່າວ ແມ່ນຖືກຕ້ອງຕາມຍຸດທະສາດການພັດທະນາຂອງພັກ-ລັດຖະບານ ກໍຄືອົງການປົກຄອງທ້ອງຖິ່ນ ທັງເປັນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ສ້າງວຽກເຮັດງານທໍາໃຫ້ປະຊາຊົນໃນທ້ອງຖິ່ນຕື່ມອີກ.
ຂ່າວ-ພາບ: ສັນຍາ
ຄໍາເຫັນ