 |
ກິດຈະກໍາໃນຄັ້ງນີ້, ແມ່ນໄດ້ເນັ້ນໃສ່ 5 ຫົວຂໍ້ຫຼັກເພື່ອໃຫ້ນັກສຶກສາ ແລະ ຊາວໜຸ່ມໃນທ້ອງຖິ່ນໄດ້ຮຽນຮູ້ຄື: ພາກປະຕິບັດ, ພາກການຄົ້ນຄ້ວາ, ບົດຮຽນວິທະຍາສາດ, ພາກກິດກະກໍາ ແລະ ການແລກປ່ຽນດ້ານວັດທະນະທໍາ. ຊຶ່ງໄດ້ອະທິບາຍຂັ້ນຕອນການກໍ່ສ້າງ, ການດໍາເນີນງານ, ມາດຕະການປົກປ້ອງສິ່ງແວດລ້ອມ ແລະ ການຮ່ວມມືກໍ່ສ້າງຊຸມຊົນໃນບໍລິເວນອ້ອມຂ້າງ.
ພາຍໃຕ້ການນໍາພາຂອງວິສະວະກອນລາວ-ຈີນ ບັນດານັກສຶກສາໄດ້ເຂົ້າໃຈເຖິງກົນໄກການຜະລິດ, ການບໍລິຫານຈັດການຂອງເຂື່ອນຫຼາຍຂຶ້ນ. ຜ່ານການຮຽນຮູ້ທາງດ້ານທິດສະດີ ແລະ ເບິ່ງພາກສະໜາມຕົວຈິງ, ນັກສຶກສາ ໄດ້ໃຫ້ສໍາພາດວ່າ: ຜ່ານການລົງທັດສະນະໃນຄັ້ງນີ້, ໄດ້ຄວາມຮູ້ຫຼາຍຢ່າງທີ່ຢູ່ນອກປຶ້ມບົດຮຽນ, ຂ້າພະເຈົ້າໄດ້ເຫັນການດໍາເນີນງານຂອງໂຮງງານໄຟຟ້າດ້ວຍຕົນເອງ ແລະ ຮັບຮູ້ເຖິງ ຈິດໃຈຄວາມຮັບຜິດຊອບທາງສັງຄົມ ແລະ ການປົກປ້ອງລະບົບນິເວດຂອງວິສາຫະກິດຈີນ. ຂ້າພະເຈົ້າຮູ້ສຶກເປັນກຽດທີ່ມີໂອກາດເຂົ້າຮ່ວມງານໃນຄັ້ງນີ້.
ພ້ອມນີ້ ເຂື່ອນໄຟຟ້ານໍ້າງຽບ 2 ສົມທົບກັບ ອໍານາດການປົກຄອງເມືອງຜາໄຊ, ຈັດກິດຈະກໍາປູກຕົ້ນໄມ້ ແລະ ປ່ອຍປາຢູ່ທີ່ເມືອງຜາໄຊ ແຂວງຊຽງຂວາງ, ຊຶ່ງປູກຕົ້ນໄມ້ກິນໝາກປະມານ 2000 ຕົ້ນ, ປ່ອຍປາ 100,000 ກວ່າໂຕ. ທ່ານ ຄໍາຫຼ້າ ແກ້ວດາວັນ ເລຂາພັກເມືອງຜາໄຊໄດ້ກ່າວວ່າ: ເຂື່ອນໄຟຟ້ານໍ້າງຽບ 2 ບໍ່ພຽງແຕ່ສະໜອງພະລັງງານສະອາດໃຫ້ ສປປ ລາວ, ແຕ່ຍັງປົກປ້ອງລະບົບນິເວດໂດຍສະແດງຜ່ານກິດຈະກໍາປູກຕົ້ນໄມ້ ແລະ ປ່ອຍປາໃນແຕ່ລະປີ. ເມືອງຜາໄຊໄດ້ມອບໃບຍ້ອງຍໍ ແລະ ໃບຢັ້ງຢືນການຟື້ນຟູປ່າໄມ້ໃຫ້ກັບ ບໍລິສັດ ໄຟຟ້ານໍ້າງຽບ 2 ຈໍາກັດ
.
ຄໍາເຫັນ