ພາບລົດຈັກຂອງພໍ່ ແມ່ປະຊາຊົນ ຊາວຫຼວງນໍ້າທາ ພາຍຫຼັງທີ່ຖືກນໍ້າຖ້ວມ. ໂດຍການ ເຂົ້າຮ່ວມຂອງທ່ານ ສີວິໄລ ປັນແກ້ວ ຮອງເຈົ້າແຂວງຫຼວງນໍ້າທາ, ມີທ່ານ ໄຊຢຸດ ຣຸດຈະນະພອນ ຜູ້ຈັດການໃຫຍ່ທົ່ວໄປ ບໍລິສັດນີວຈິບເຊັງ ຈໍາກັດ, ທ່ານ ນາງ ອໍາພອນ ເຈົ້າຂອງຮ້ານ ຮອນດ້າ ຫຼວງນໍ້າທາ ມີນາຍຊ່າງ, ຄູ-ອາຈານ ແລະ ນັກຮຽນຈາກໂຮງຮຽນ ເຕັກນິກວິຊາຊີບແບບປະສົມ ແຂວງ ຕະຫຼອດຮອນຜູ້ມາໃຊ້ບໍລິການສ້ອມແປ່ງລົດເຂົ້າຮ່ວມ.
ການມາບໍລິການຄັ້ງນີ້, ໄດ້ນໍາເອົານາຍຊ່າງ ແລະ ອຸປະກອນອາໄລ່ລົດຈັກມາປ່ຽນຖ່າຍໃຫ້ປະຊາຊົນໂດຍບໍ່ເສຍຄ່າຄື: ປະກອບມີ ນໍ້າມັນເຄື່ອງ, ກອງອາກາດ, ຫົວທຽນ ແລະ ອາໄລ່ອື່ນໆ. ຖ້າໄດ້ສ້ອມປ່ຽນໃຫຍ່ແມ່ນຄິດໄລ່ສ່ວນຫຼຸດ 30 ເປີເຊັນຂອງມູນຄ່າທັງໝົດ, ຊຶ່ງໄດ້ເລີ່ມແຕ່ວັນທີ່ 9 - 11 ຕຸລາ 2024 ຜ່ານມາ. ມີລົດຈັກມາໃຫ້ບໍລິການພາຍໃນສາມມື້ ໄດ້ປະມານ 500 ກ່ວາຄັນ ລວມມູນຄ່າອາໄຫຼ່ 160 ລ້ານກີບ ແລະ ມອບເງີນສົດໃຫ້ແຂວງຫຼວງນໍ້າທາ ຈໍານວນ 40 ລ້ານກີບ ລວມທັງໝົດ 200 ລ້ານກີບ ມອບໂດຍທ່ານ ໄຊຢຸດ ຣຸດຈະນະພອນ, ຮັບໂດຍທ່ານ ສີວິໄລ ປັນແກ້ວ ເພື່ອນໍາເງິນດັ່ງກ່າວໄປຟື້ນຟູແຂວງຫຼວງນໍ້າທາໃຫ້ກັບສູ່ສະພາບເດີມໂດຍໄວ. ພ້ອມນັ້ນທາງບໍລິສັດຍັງໄດ້ນໍາເອົາ ເສື້ອກັນຝົນ 100 ຜືນ, ຜ້າເຊັດລົດ 200 ຜືນ, ເສື້ອຍືດ 50 ຜືນ ແລະ ໝວກແກັບ 50 ໜ່ວຍ ເປັນກິດຈະກໍາໃຫ້ຜູ້ມາໃຊ້ບໍລິການລົດມາສ້ອມແປງເພື່ອຈົກສະຫຼາກເອົາລາງວັນ.
(ຂ່າວ: ມຸນຕີ)
ຄໍາເຫັນ