ຢ່າງເປັນທາງການ ແລະ ນໍາສະເໜີກິດຈະກໍາຕ່າງໆທີ່ຈະຈັດຂຶ້ນໃນປີ 2025, ໂດຍ ການເປັນປະທານຂອງ ທ່ານ ມາກ ອອງຕວນ ຣູບ ຜູ້ອໍານວຍການໃຫຍ່ ນໍ້າເທີນ 2, ມີ ຄະນະບໍລິຫານບໍລິສັດ,ພາກສ່ວນທີ່ກ່ຽວຂ້ອງແລະ ສື່ມວນຊົນ ເຂົ້າຮ່ວມ.
ໃນການຖະແຫຼງຂ່າວຄັ້ງນີ້,ບໍລິສັດໄຟຟ້ານໍ້າເທີນ 2 ຈໍາກັດ ໄດ້ນຳສະເໜີຂໍ້ມູນກ່ຽວກັບປະຫວັດຄວາມເປັນມາຂອງໂຄງການພະລັງງານໄຟຟ້ານໍ້າເທີນ 2 ຊຶ່ງໄດ້ຖືກຮັບຮູ້ເປັນໂຄງການຕົວແບບທາງດ້ານການຜະລິດ, ດ້ານຄວາມປອດໄພ, ດ້ານສິ່ງແວດລ້ອມໃນລະດັບສາກົນ ຈົນໄປເຖິງດ້ານການພັດທະນາເສດຖະກິດ-ສັງຄົມ ຂອງ ສປປລາວ,ໃນນັ້ນ,ໄດ້ນໍາສະເໜີແຜນການກິດຈະກໍາແລະ ແຜນປະຊາສໍາພັນ ໃນປີ 2025ຄື:ໃນວັນທີ30ເມສາ2025ທີ່ ນະຄອນຫຼວງວຽງຈັນ ຈະຈັດງານສະເຫຼີມສະຫຼອງວັນຄົບຮອບ15ປີ ຂອງການຜະລິດໄຟຟ້າ,ໂດຍຈະເຊິີນການນຳຂັ້ນສູງຂອງລັດຖະບານລາວ, ຜູ້ຕາງໜ້າຜູ້ຖືຮຸ້ນ ແລະ ພາກສ່ວນຕ່າງໆທີ່ໄດ້ມີການປະກອບສ່ວນໃນໂຄງການນໍ້າເທີນ2ໃນໄລຍະ15ປີ ທີ່ຜ່ານມາເຂົ້າຮ່ວມ,ໃນເດືອນຕຸລາ2025,ຈະຮ່ວມມືກັບອໍານາດການປົກຄອງ ເມືອງນາກາຍ ຈັດງານບຸນນາກາຍຫຼືNakai Festival ທີ່ເມືອງນາກາຍ ແຂວງຄຳມ່ວນ ເພື່ອເປັນການສ້າງບັນຍາກາດມ່ວນຊື່ນແລະ ສະແດງຄວາມຮູ້ບຸນຄຸນຕໍ່ພໍ່ແມ່ປະຊາຊົນທ້ອງຖິ່ນ ຊຶ່ງກວມລວມເອົາ ເມືອງນາກາຍ, ເມືອງຍົມມະລາດ ແລະ ເມືອງມະຫາໄຊ. ນອກຈາກນັ້ນເປັນການສະໜັບສະໜູນການທ່ອງທ່ຽວແລະ ຊຸກຍູ້ເສດຖະກິດ-ສັງຄົມໃນພາກພື້ນ.ບໍລິສັດນໍ້າເທີນ2ຈະຮ່ວມມືກັບ ກຸ່ມບໍລິສັດຫຍ້າສີຟ້າ (BlueGrass Design Group) ເພື່ອດຳເນີນການປະຊາສຳພັນຕະຫຼອດປີ2025, ໂດຍການນໍາໃຊ້ພື້ນທີ່ໂຄສະນາທາງຈໍLED ແລະ ປ້າຍໂຄສະນາທົ່ວປະເທດເພື່ອນຳສະເໜີຜົນງານອັນພົ້ນເດັ່ນຂອງບໍລິສັດໃນໄລຍະ15ປີ ຜ່ານມາ.
ທ່ານມາກ ອອງຕວນ ຣູບກ່າວວ່າ:ນັບຕັ້ງແຕ່ປີ 2010ຜ່ານມາ ຈົນເຖິງປັດຈຸບັນ, ນໍ້າເທີນ 2 ເປັນໜຶ່ງໃນບໍລິສັດໃນລາວທີ່ໄດ້ປະສົບຄວາມສຳເລັດຢ່າງມີປະສິດທິພາບແລະ ໄດ້ປະກອບສ່ວນໃນການພັດທະນາ ເສດຖະກິດ-ສັງຄົມ ຂອງ ປະເທດຊາດ ຢ່າງຫຼວງຫຼາຍ ພາຍໃຕ້ການຊີ້ນຳຂອງພັກແລະ ລັດ. ໃນປີ2025, ບໍລິສັດ ໄຟຟ້າ ນໍ້າເທີນ 2 ຈໍາກັດ ຈະສະເຫຼີມສະຫຼອງ ຄົບຮອບ 15ປີຂອງວັນເລີ່ມການຜະລິດໄຟຟ້າຢ່າງເປັນທາງການ (30 ເມສາ 2010) ໂຄງການນ້ຳເທີນ 2 ຖືເປັນໜຶ່ງໃນໂຄງການຜະລິດໄຟຟ້າພະລັງງານນໍ້າທີ່ໃຫຍ່ທີ່ສຸດໃນປະເທດລາວໂດຍມີການຮ່ວມລົງທຶນລະຫວ່າງ Electricité De France (EDF) ທີ່ຖືຮຸ້ນ 40%, Electricity Generating Company of Thailand (EGCO) ທີ່ຖືຮຸ້ນ 35%, ແລະ Lao Holding State Enterprise (LHSE) ໃນນາມ ລັດຖະບານລາວ ທີ່ຖືຮຸ້ນ 25% ໂດຍມີກໍາລັງການຜະລິດໄຟຟ້າ 1,080 ເມກາວັດ. ທີ່ຕັ້ງໂຄງການຢູ່ແຂວງຄໍາມ່ວນ ແລະ ດໍາເນີນການຜະລິດໄຟຟ້າພາຍໃຕ້ ສັນຍາສຳປະທານໄລຍະເວລາ 25 ປີ (2010-2035),ນ້ຳເທີນ 2 ຜະລິດໄຟຟ້າໄດ້ສະເລ່ຍ 6,000 ຈິກກາວັດຕໍ່ຊົ່ວໂມງ ໃນແຕ່ລະປີຊຶ່ງໄດ້ນຳໃຊ້ໃນປະເທດລາວ 5% ແລະ ສົ່ງອອກປະເທດໄທ 95%. ຈາກລາຍໄດ້ໃນການສົ່ງອອກໄຟຟ້າ, ໂຄງການນ້ຳເທີນ 2 ຄາດວ່າຈະສ້າງລາຍໄດ້ປະມານ 2 ຕື້ໂດລາໃຫ້ກັບລັດຖະບານລາວ ຊຶ່ງມຸ່ງເນັ້ນໃນການນຳໃຊ້ໃນໂຄງການພັດທະນາເສດຖະກິດ-ສັງຄົມຕ່າງໆເພື່ອຫຼຸດຜ່ອນຄວາມທຸກຍາກ ແລະ ພັດທະນາຊຸມຊົນໃນປະເທດລາວຢ່າງຍືນຍົງ.
(ຂ່າວ-ພາບ:ສຳນານ)
ຄໍາເຫັນ