ບົດສໍາພາດຂອງສະຫາຍ ນາງ ຟາງ ຫົງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ

ບົດສໍາພາດຂອງສະຫາຍ ນາງ ຟາງ ຫົງ ເອກອັກຄະລັດຖະທູດ ສປ ຈີນ ປະຈໍາ ສປປ ລາວ ກ່ຽວກັບກອງປະຊຸມຄົບຄະນະກຳມະການສູນກາງພັກກອມມູນິດຈີນ ຄັ້ງທີ 3 ສະໄໝທີ XX

ຄຳຖາມທີ 1: ເມື່ອບໍ່ດົນມານີ້, ກອງປະຊຸມຄົບຄະນະກຳມະການສູນກາງພັກກອມມູນິດຈີນ ຄັ້ງທີ 3 ສະໄໝທີ XX ໄດ້ຈັດຂຶ້ນຢູ່ນະຄອນຫຼວງປັກກິ່ງ ຢ່າງສຳເລັດຜົນ ຂໍເຊີນສະຫາຍແນະນໍາເນື້ອໃນຕົ້ນຕໍຂອງກອງປະຊຸມດັ່ງກ່າວ.



ກອງປະຊຸມຄັ້ງນີ້, ໄດ້ສຸມໃສ່ຄົ້ນຄວ້າວຽກງານ ລົງເລິກການປະຕິຮູບຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ, ໝາກຜົນສຳຄັນທີ່ສຸດ ແມ່ນໄດ້ຮັບຮອງເອົາ "ຂໍ້ຕົກລົງຂອງສູນກາງພັກກອມມູນິດຈີນ ກ່ຽວກັບການລົງເລິກການປະຕິຮູບຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ", ເອີ້ນວ່າ; "ຂໍ້ຕົກລົງ". ເປົ້າໝາຍລວມຂອງການລົງເລິກການປະຕິຮູບຢ່າງຮອບດ້ານຕື່ມອີກ, ສືບຕໍ່ປັບປຸງ ແລະ ພັດທະ ນາລະບົບສັງຄົມນິຍົມ ທີ່ມີສີສັນພິເສດຂອງຈີນ, ຊຸກຍູ້ຄວາມທັນສະໄໝຂອງລະບົບ ແລະ ຄວາມສາມາດດ້ານການບໍລິຫານຂອງຈີນ. ເມື່ອຮອດປີ 2035 ຈະສ້າງໂຄງປະກອບເສດຖະກິດຕະຫຼາດສັງຄົມນິຍົມ ໃນລະດັບສູງ ໃຫ້ສຳເລັດຜົນ ຢ່າງຮອບດ້ານ. ລະບອບສັງຄົມນິຍົມ ທີ່ມີສີສັນພິເສດຂອງຈີນ ຈະສົມບູນກວ່າເກົ່າ, ບັນລຸການຫັນເປັນທັນສະໄໝຂອງລະບົບ ແລະ ຄວາມສາມາດດ້ານການບໍລິຫານຂອງຊາດ, ບັນລຸການຫັນເປັນທັນສະໄໝສັງຄົມນິຍົມ ໂດຍພື້ນຖານ ແລະ ສ້າງພື້ນຖານອັນໝັ້ນແກ່ນ ໃຫ້ແກ່ການສ້າງສາປະເທດສັງຄົມນິຍົມ ທີ່ເຂັ້ມແຂງໃຫ້ສຳເລັດຜົນ ຢ່າງຮອບດ້ານ ໃນກາງສະຕະວັດນີ້.
ເພື່ອບັນລຸເປົ້າໝາຍລວມນີ້, "ຂໍ້ຕົກລົງ" ໄດ້ສະເໜີໃຫ້ສຸມໃສ່ສ້າງໂຄງປະກອບເສດຖະກິດຕະຫຼາດສັງຄົມນິຍົມໃນລະດັບສູງ, ພັດທະນາປະຊາທິປະໄຕ ປະຊາຊົນ ໃນທົ່ວຂະບວນການ, ສ້າງສາປະເທດສັງຄົມນິຍົມ ທີ່ເຂັ້ມແຂງໃນດ້ານວັດທະນະທຳ, ຍົກສູງຄຸນນະພາບຊີວິດຂອງປະຊາຊົນ, ສ້າງສາປະເທດຈີນທີ່ສວຍງາມ, ມີຄວາມສະຫງົບສຸກໃນລະດັບສູງກວ່າເກົ່າ, ຍົກສູງລະດັບການນຳພາ ແລະ ຄວາມສາມາດການກຳອຳນາດເປັນເວລາຍາວນານຂອງພັກ. ການສຸມໃສ່ 7 ດ້ານດັ່ງກ່າວ, ໄດ້ຊີ້ທິດນຳທາງໃຫ້ແກ່ການລົງເລິກການປະຕິຮູບຢ່າງຮອບດ້ານຕື່ມອີກ.
"ຂໍ້ຕົກລົງ" ແນໃສ່ບັນລຸເປົ້າໝາຍເມື່ອຮອດປີ 2035 ຈະບັນລຸການຫັນເປັນທັນສະໄໝສັງຄົມນິຍົມໂດຍພື້ນຖານ, ໄດ້ເນັ້ນໜັກ ແລະ ວາງແຜນການປະຕິຮູບດ້ານໂຄງປະກອບເສດຖະກິດ, ການເມືອງ, ວັດທະນະທຳ, ສັງຄົມ, ຄວາມສີວິໄລດ້ານນິເວດ, ຄວາມໝັ້ນຄົງຂອງຊາດ, ຂະແໜງການປ້ອງກັນຊາດ ແລະ ກອງທັບ. ລວມທັງໝົດມາດຕະການປະຕິຮູບມີ 60 ຂໍ້, ມີ 300 ກວ່າປະການ. ຕໍ່ໄປຈະປະກາດແຜນການປະຕິຮູບລະອຽດໜຶ່ງພັນກ່ວາປະການ ແລະ ໄດ້ກຳນົດວ່າ: ຮອດປີ 2029 ສປ ຈີນ ສ້າງຕັ້ງຂຶ້ນຄົບຮອບ 80 ປີ ຕ້ອງສຳເລັດທຸກປະການ. ວາລະ ແລະ ໜ້າທີ່ຊັດເຈນຈະແຈ້ງ, ສະແດງໃຫ້ເຫັນຄວາມຕັດສິນໃຈຢ່າງເຂັ້ມແຂງຂອງພັກກອມມູນິດຈີນ ດ້ານການສືບຕໍ່ລົງເລິກການປະຕິຮູບ ແລະ ເປີດປະຕູສູ່ພາຍນອກ.
ຄຳຖາມທີ 2: ການປະຕິຮູບ ແລະ ເປີດປະຕູສູ່ພາຍນອກ ມີຄວາມໝາຍຫຍັງຕໍ່ປະເທດຈີນ, ເປັນຫຍັງກອງປະຊຸມຄົບຄະນະຄັ້ງນີ້ ຈຶ່ງເນັ້ນໜັກຕ້ອງລົງເລິກການປະຕິຮູບຢ່າງຮອບດ້ານຕື່ມອີກ?
ເພື່ອອະທິບາຍບັນຫານີ້ໃຫ້ດີຂຶ້ນ, ຂ້າພະເຈົ້າ ຂໍທົບທວນຄືນໂດຍຫຍໍ້ ກ່ຽວກັບບາງເຫດການສຳຄັນໃນປະຫວັດສາດ 40 ກວ່າປີ ຂອງການປະຕິຮູບ ແລະ ເປີດປະຕູສູ່ພາຍນອກຂອງຈີນ. ກອງປະຊຸມຄົບຄະນະກຳມະການສູນກາງພັກ ຄັ້ງທີ 3 ສະໄໝທີ Ⅺ ໃນປີ 1978 ມີລັກສະນະເປັນຂີດໝາຍຂອງຍຸກສະ ໄໝ ຊຶ່ງໄດ້ເລີ່ມຕົ້ນໄລຍະໃໝ່ ແຫ່ງການປະຕິຮູບ ແລະ ເປີດປະຕູສູ່ພາຍນອກ, ການສ້າງສັງຄົມນິຍົມທັນສະໄໝ. ຜ່ານການປະຕິຮູບ ແລະ ເປີດປະຕູສູ່ພາຍນອກ, ພາລະກິດຂອງພັກ ແລະ ປະຊາຊົນຈີນ ໄດ້ໃຫ້ທັນກັບຍຸກສະໄໝ ດ້ວຍບາດກ້າວໃຫຍ່. ເສດຖະກິດ ແລະ ສັງຄົມຂອງຈີນ ໄດ້ບັນລຸການກ້າວກະໂດດແບບປະຫວັດສາດ ຈາກອາຫານບໍ່ພຽງພໍ ໄປສູ່ຄວາມອີ່ມໜຳສຳລານ ຢ່າງສັງລວມ, ຍອດຈຳນວນເສດຖະກິດຂອງຈີນ ໄດ້ກ້າວຂຶ້ນເປັນອັນດັບທີສອງຂອງໂລກ.
ກອງປະຊຸມຄົບຄະນະກຳມະການສູນກາງພັກ ຄັ້ງທີ 3 ສະໄໝທີ XVIII ກໍມີລັກສະນະເປັນຂີດໝາຍຂອງຍຸກສະໄໝເຊັ່ນດຽວກັນ ຊຶ່ງໄດ້ເລີ່ມຕົ້ນການອອກເດີນທາງຄັ້ງໃໝ່ ແຫ່ງການລົງເລິກການປະຕິຮູບຢ່າງຮອບດ້ານ, ການອອກແບບ ແລະ ຊຸກຍູ້ການປະຕິຮູບຢ່າງເປັນລະບົບ ແລະ ເປັນອັນດຽວກັນໃນຍຸກໃໝ່.ຜ່ານການປະຕິຮູບ ແລະ ເປີດປະຕູສູ່ພາຍນອກ, ພາລະກິດຂອງພັກ-ລັດຈີນ ໄດ້ບັນລຸຜົນງານແບບປະຫວັດສາດ ມີການປ່ຽນແປງແບບປະຫວັດສາດ. ຈີນ ໄດ້ຮັບໄຊຊະນະໃນການລຶບລ້າງຄວາມທຸກຍາກ, ສ້າງສັງຄົມທີ່ອີ່ມໜຳສຳລານໃຫ້ສຳເລັດຜົນຢ່າງຮອບດ້ານ ແລະ ບັນລຸເປົ້າໝາຍສູ້ຊົນຄົບຮອບ 100 ປີເຫດການທີ 1 ຂອງພັກ, ໄດ້ຮັບໄຊຊະນະ ໃນການຕ້ານການສໍ້ລາດບາງຫຼວງ ແລະ ປັບປຸງຢ່າງຮອບດ້ານຊຶ່ງໄດ້ຮັບການສະໜັບສະໜູນຈາກປະຊາຊົນ.
ປະຫວັດສາດ ໄດ້ຢືນຢັນໃຫ້ເຫັນຢ່າງຈະແຈ້ງວ່າ: ການປະຕິຮູບ ແລະ ເປີດປະຕູສູ່ພາຍນອກ ແມ່ນເຄັດລັບອັນສຳຄັນຂອງພັກ ແລະ ປະຊາຊົນ ໃນການສ້າງພາລະກິດ ໃຫ້ທັນກັບຍຸກສະໄໝ ດ້ວຍບາດກ້າວໃຫຍ່ ແລະ ເປັນມາດຕະການຕັດສິນ ຕໍ່ສະພາບການພັດທະນາຂອງຈີນ. ກອງປະຊຸມໃຫຍ່ຂອງພັກກອມມູນິດຈີນ ສະໄໝທີ XX ໄດ້ກຳນົດເປົ້າໝາຍໃຈກາງ ທີ່ສ້າງສາປະເທດສັງຄົມນິຍົມທັນສະໄໝເຂັ້ມແຂງ ໃຫ້ສໍາເລັດຜົນ ຢ່າງຮອບດ້ານ, ບັນລຸເປົ້າໝາຍສູ້ຊົນຄົບຮອບ 100 ປີເຫດການທີ 2 ແລະ ຊຸກຍູ້ການຟື້ນຟູຄວາມຈະເລີນຮຸ່ງເຮືອງອັນຍິ່ງໃຫຍ່ຂອງປະຊາຊາດຈີນ ຢ່າງຮອບດ້ານ ດ້ວຍຄວາມທັນສະໄໝແບບຈີນ. ເພື່ອບັນລຸເປົ້າໝາຍໃຈກາງດັ່ງກ່າວ, ພວກເຮົາ ຕ້ອງສືບຕໍ່ອາໄສການປະຕິຮູບ ແລະ ເປີດປະຕູສູ່ພາຍນອກ, ລົງເລິກການປະຕິຮູບຢ່າງຮອບດ້ານຕື່ມອີກ, ສືບຕໍ່ບູລະນະກົນໄກ ແລະ ໂຄງປະກອບທຸກປະການ, ສະໜອງກຳລັງແຮງໃຫຍ່ ແລະ ການຄ້ຳປະການດ້ານລະບອບ ໃຫ້ແກ່ການຊຸກຍູ້ຄວາມທັນສະໄໝແບບຈີນ.
ຄຳຖາມທີ 3: ການຈັດວາງແນວທາງຂອງການລົງເລິກການປະຕິຮູບຢ່າງຮອບດ້ານຕື່ມອີກ ທີ່ກໍານົດໃນຂໍ້ຕົກລົງມີລັກສະນະພົ້ນເດັ່ນຫຍັງ?
ຂໍ້ຕົກລົງ ແມ່ນການຈັດວາງແນວທາງສັງລວມ ຕໍ່ການລົງເລິກການປະຕິຮູບ ຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ, ມີລັກຊະນະພົ້ນເດັ່ນດັ່ງລຸ່ມນີ້:
ໜຶ່ງ; ແມ່ນຢຶດໝັ້ນທິດທາງຖືກຕ້ອງ, ບໍ່ວ່າມາດຕະການປະຕິຮູບແມ່ນຫຍັງ, ຕ້ອງຢຶດໝັ້ນທິດທາງແລະ ຫຼັກການພື້ນຖານທີ່ປ່ຽນບໍ່ໄດ້, ເປັນຕົ້ນຕ້ອງຢຶດໝັ້ນການນຳພາຮອບດ້ານຂອງພັກ, ຢຶດໝັ້ນລັດທິມາກ, ຢຶດໝັ້ນເສັ້ນທາງສັງຄົມນິຍົມທີ່ມີລັກຊະນະພິເສດຂອງຈີນ, ຢຶດໝັ້ນລະບອບປະຊາທິປະໄຕປະຊາຊົນ. ໝາຍຄວາມວ່າ, ຕ້ອງຢຶດໝັ້ນ ແລະ ບູລະນະເສັ້ນທາງສັງຄົມນິຍົມ ທີ່ມີລັກສະນະພິເສດຂອງຈີນ, ບໍ່ຍ່າງຕາມທາງປິດປະຕູສູ່ພາຍໃນ ແລະ ແຂງກະດ້າງ, ບໍ່ຍ່າງຕາມທາງທີ່ປ່ຽນລະບອບການເມືອງສັງຄົມນິຍົມ.
ສອງ; ແມ່ນຢຶດໝັ້ນຖືການແກ້ໄຂບັນຫາເປັນເປົ້າໝາຍກົກ, ມາດຕະການຕ່າງໆ ກໍ່ແມ່ນເພື່ອແກ້ໄຂບັນຫາ, ສຸມກຳລັງແຮງແນໃສ່ແກ້ໄຂບັນຫາທີ່ເປັນອຸປະສັກ ຕໍ່ການພັດທະນາທີ່ມີຄຸນນະພາບສູງ, ແກ້ໄຂບັນຫາເຄັ່ງຮ້ອນທີ່ທຳລາຍຄວາມເປັນຍຸຕິທຳຂອງສັງຄົມ, ບັນຫາຫຍຸ້ງຍາກໃນຊີວິດການເປັນຢູ່ຂອງປະຊາຊົນ, ບັນຫາພົ້ນເດັ່ນຂອງການກໍ່ສ້າງພັກ, ບັນຫາຄວາມສ່ຽງໄພໃນທຸກຂະແໜງການ.
ສາມ; ແມ່ນຢຶດໝັ້ນກຳວຽກງານຕົ້ນຕໍ ຖືມາດຕະການປະຕິຮູບສຳຄັນ ທີ່ມີຄວາມໝາຍຍຸດທະສາດດ້ານຄວາມທັນສະໄໝແບບຈີນ ເປັນວຽກງານຕົ້ນຕໍ, ແນໃສ່ການປະຕິຮູບໂຄງປະບອບກົນໄກ, ປະຕິຮູບສຳຄັນທີ່ມີຄວາມໝາຍຍຸດທະສາດ ແລະ ກ່ຽວພັນສະຖານະພາບສັງລວມ, ແນໃສ່ບົດບາດນຳພາຂອງການປະຕິຮູບດ້ານໂຄງປະກອບເສດຖະກິດ.
ສີ່; ແມ່ນຢຶດໝັ້ນປະຊາຊົນໃນຖານະສູງສຸດ, ຊຸກຍູ້ປະຕິຮູບເພື່ອຜົນປະໂຫຍດສັງລວມກົກຮາກ ແລະ ຍາວນານຂອງປະຊາຊົນ, ອອກມາດຕະການປະຕິຮູບທີ່ຮີບດ່ວນ ແລະ ຕ້ອງການທີ່ສຸດຂອງປະຊາຊົນ, ແກ້ໄຂບັນຫາຕົ້ນຕໍ ທີ່ປະຊາຊົນສົນໃຈທີ່ສຸດ ເປັນຕົ້ນການຈ້າງງານ, ເພີ່ມລາຍໄດ້, ການເຂົ້າໂຮງຮຽນ, ການປິ່ນປົວພະຍາດ, ທີ່ຢູ່ອາໄສ, ການບໍລິການ, ການດູແລເດັກ ແລະ ຜູ້ເຖົ້າ, ຄວາມປອດໄພຂອງຊີວິດ ແລະ ຊັບສິນ.
ຫ້າ; ແມ່ນຢຶດໝັ້ນການໂຮມເຂົ້າເປັນລະບົບ, ເພີ່ມທະວີການອອກແຜນສັງລວມ ຕໍ່ການປະຕິຮູບ, ຈັດຕັ້ງແບບເປັນລະບົບ, ເພີ່ມທະວີມາດຕະການວົງຈອນ, ຊຸກຍູ້ໃຫ້ມາດຕະການປະຕິຮູບໃນທຸກຂະແໜງການສາມາດສຸມກຳລັງແຮງເຂົ້າກັນ.
ຄຳຖາມທີ 4: ສະຫາຍເວົ້າວ່າ, ການປະຕິຮູບຕ້ອງຢຶດໝັ້ນການນຳພາຂອງພັກ. ຂໍສະຫາຍແນະນຳການຈັດວາງແນວທາງ ການເພີ່ມທະວີການນຳພາຂອງພັກ ທີ່ໄດ້ກຳນົດໄວໃນຂໍ້ຕົກລົງ.
ການນຳພາຂອງພັກ ເປັນທ່າແຮງການເມືອງໃຫຍ່ທີ່ສຸດຂອງຈີນ, ການປະຕິຮູບ ແລະ ເປີດປະຕູສູ່ພາຍນອກ ແມ່ນດຳເນີນພາຍໃຕ້ການນຳພາຂອງພັກ ຕັ້ງແຕ່ເດີມ. ພຶດຕິກຳ ແລະ ຜົນງານອັນຍິ່ງໃຫຍ່ຂອງການລົງເລິກປະຕິຮູບ ທີ່ໄດ້ຍາດເອົາໃນຍຸກໃໝ່ນັ້ນ, ສາເຫດກົກຮາກແມ່ນຍ້ອນມີການຊີ້ທິດນຳທາງຂອງສະຫາຍເລຂາທິການໃຫຍ່ ສີ ຈິ້ນຜິງ ເປັນແກ່ນສານຂອງສູນກາງພັກ ແລະ ຂອງທົ່ວພັກ, ຍ້ອນມີການນຳທາງແບບວິທະຍາສາດຂອງແນວຄິດ ສີຈິ້ນຜິງ ກ່ຽວກັບສັງຄົມນິຍົມທີ່ມີສີສັນພິເສດຂອງຈີນ ໃນຍຸກໃໝ່. ຂໍ້ຕົກລົງ ໄດ້ຊີ້ໃຫ້ເຫັນວ່າ: ການນຳພາຂອງພັກ ແມ່ນການຄ້ຳປະກັນກົກຮາກ ຂອງການລົງເລິກການປະຕິຮູບຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ, ໄດ້ຈັດວາງແນວທາງໃນ 3 ດ້ານໃຫ້ແກ່ການຍົກລະດັບການນຳພາຂອງພັກ ຕໍ່ການລົງເລິກການປະຕິຮູບ ຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະໄໝແບບຈີນ.
ໜຶ່ງ, ກຳນົດການຢຶດໝັ້ນການນຳພາແບບລວມສູນເປັນເອກະພາບຂອງພັກ ຕໍ່ການລົງເລິກການປະຕິຮູບຢ່າງຮອບດ້ານຕື່ມອີກ, ເນັ້ນໜັກ ສູນກາງພັກນຳພາການອອກແບບໂດຍລວມ ການປະສານສົມທົບຢ່າງເປັນເອກະພາບ ແລະ ການຊຸກຍູ້ໂດຍລວມຂອງການປະຕິຮູບ. ປັບປຸງກົນໄກຈັດຕັ້ງປະຕິບັດແຜນນະໂຍບາຍອັນສຳຄັນທີ່ກຳນົດໂດຍສູນກາງພັກ, ສົ່ງເສີມການປະດິດສ້າງໃໝ່ ໂດຍປະສົມປະສານກັບສະພາບເງື່ອນໄຂຕົວຈິງ, ຈັດວາງຫົວຂໍ້ປຶກສາຫາລືໃນການປະຕິຮູບໂດຍປິ່ນອ້ອມການແກ້ໄຂຂໍ້ຂັດແຍ້ງທີ່ພົ້ນເດັ່ນ, ປັບປຸງກົນໄກວາງແຜນການປະຕິຮູບທີ່ເປັນຈຸດສຳຄັນໃຫ້ດີຂຶ້ນ.
ສອງ, ກຳນົດລົງເລິກປະຕິຮູບລະບຽບການກໍ່ສ້າງພັກ, ຕ້ອງປັບປຸງລະບຽບການ ແລະ ກົນໄກກໍ່ສ້າງພັກ ໃຫ້ສົມບູນຂຶ້ນ, ເພີ່ມທະວີການປະກອບອາວຸດໃຫ້ພັກ ດ້ານທິດສະດີປະດິດສ້າງໃໝ່, ລົງເລິກການປະຕິຮູບລະບຽບການວຽກງານພະນັກງານ, ມີທິດຊີ້ນຳທີ່ຖືກຕ້ອງໃນການຄັດເລືອກ ແລະ ນຳໃຊ້ຄົນຢ່າງຈະແຈ້ງ, ອອກແຮງຄັດເລືອກພະນັກງານທີ່ມີຄວາມໜັກແໜ້ນດ້ານການເມືອງ ມີຄວາມກ້າຫານໃນການແບກຫາບໜ້າທີ່ຮັບຜິດຊອບ ມີຄວາມບຸກບືນໃນການປະຕິຮູບ ມີຜົນງານຕົວຈິງທີ່ພົ້ນເດັ່ນ ແລະ ມີຄວາມປອດໃສຂາວສະອາດ, ສຸມໃສ່ແກ້ໄຂບັນຫາພະນັກງານທີ່ເຮັດວຽກແບບປະລາໜ້າທີ່ ບໍ່ກ້າຮັບຜິດຊອບວຽກ ແລະ ບໍ່ຊໍານານໃນການເຮັດວຽກ. ສ້າງ ແລະ ປະຕິບັດຕາມທັດສະນະທີ່ຖືກຕ້ອງຕໍ່ຜົນງານບໍລິຫານ, ຊຸກຍູ້ສົ່ງເສີມໃຫ້ພະນັກງານບຸກບືນສູ້ຊົນ ແລະ ສ້າງຜົນງານ.
ສາມ, ກຳນົດລົງເລິກຊຸກຍູ້ການສ້າງແບບແຜນຂອງພັກ, ປັບປຸງລະບຽບການ ແລະ ກົນໄກປ້ອງກັນລັດທິຮູບການ ແລະ ລັດທິອາດຍາສິດໃຫ້ຄົບຖ້ວນ. ປັບປຸງກົນໄກເຮັດວຽກຕາມທິດບໍ່ກ້າສໍ້ລາດບັງຫຼວງ ບໍ່ສາມາດສໍ້ລາດບັງຫຼວງ ແລະ ບໍ່ຢາກສໍ້ລາດບັງຫຼວງເປັນອັນໜຶ່ງອັນດຽວກັນໃຫ້ສົມບູນຂຶ້ນ, ສຸມໃສ່ລຶບລ້າງສະພາບແວດລ້ອມ ແລະ ເງື່ອນໄຂທີ່ພາໃຫ້ເກີດບັນຫາສໍ້ລາດບັງຫຼວງ, ປັບປຸງກົນໄກກວດກາ ແລະ ແກ້ໄຂແບບແຜນທີ່ບໍ່ດີ ແລະ ບັນຫາສໍ້ລາດບັງຫຼວງໄປພ້ອມກັນໃຫ້ຄົບຖ້ວນ, ລົງເລິກແກ້ໄຂການສໍ້ລາດບັງຫຼວງໃນຂົງເຂດທີ່ມີສິດອຳນາດລວມສູນ ເງິນທຶນລວມສູນ ແລະ ຊັບພະຍາກອນລວມສູນ, ກວດກາ ແລະ ແກ້ໄຂບັນຫາທີ່ນັກການເມືອງກັບນັກທຸລະກິດສົມຮູ້ຮ່ວມຄິດກັນ ທຳລາຍສະພາບແວດລ້ອມການເມືອງ ແລະ ສະພາບແວດລ້ອມການພັດທະນາເສດຖະກິດຢ່າງເຂັ້ມງວດ, ປັບປຸງກົນໄກຫຼາຍພາກສ່ວນ ລົງໂທດຕໍ່ຜູ້ໃຫ້ສິນບົນຕົ້ນຕໍໃຫ້ສົມບູນຂຶ້ນ, ຂະຫຍາຍວິທີທີ່ມີປະສິດທິຜົນໃນການປ້ອງກັນ-ປາບປາມການສໍ້ລາດບັງຫຼວງແບບໃໝ່ ແລະ ແບບເຊື່ອງຊ້ອນໃຫ້ຫຼາຍກວ່າເກົ່າ.
ການຈັດວາງແນວທາງດັ່ງກ່າວ, ໄດ້ສະແດງເຖິງສູນກາງພັກຈີນທີ່ ສະຫາຍ ສີ ຈິ້ນຜິງ ເປັນແກ່ນສານນັ້ນ, ມີຄວາມເຂົ້າໃຈຢ່າງຈະແຈ້ງ ແລະ ຄວາມຢຶດໝັ້ນຕໍ່ການຊຸກຍູ້ຄຸ້ມຄອງພັກ ຢ່າງເຂັ້ມງວດຮອບດ້ານ ຕໍ່ເນື່ອງ ແລະ ການດຳເນີນການນຳພາຂອງພັກ ໃນທົ່ວຂະບວນການປະຕິຮູບດ້ານຕ່າງໆ.
ຄຳຖາມທີ 5: ໃນຂະບວນການລົງເລິກການປະຕິຮູບຢ່າງຮອບດ້ານຕື່ມອີກ ເພື່ອຊຸກຍູ້ຄວາມທັນສະ ໄໝແບບຈີນ, ຝ່າຍລາວ ສາມາດເພີ່ມທະວີການແລກປ່ຽນ ແລະ ຮ່ວມມືກັນກັບຈີນ ໃນຂະແໜງການຫຍັງ?
ຈີນ-ລາວ ເປັນບ້ານໃກ້ເຮືອນຄຽງ ມິດຕະພາບແບບສັງຄົມນິຍົມ, ສອງພັກ ຈີນ-ລາວ ກໍກຳລັງນຳພາການປະຕິຮູບເປີດປະຕູສູ່ພາຍນອກ ແລະ ການກໍ່ສ້າງຄວາມທັນສະໄໝຂອງຕົນເອງ. ຝ່າຍຈີນ ຍິນດີເພີ່ມທະວີການແລກປ່ຽນ ແລະ ຮ່ວມມືກັບຝ່າຍລາວ ໃນ 3 ດ້ານດັ່ງລຸ່ມນີ້:
ໜຶ່ງ, ເພີ່ມທະວີການຖອດຖອນບົດຮຽນຂອງການປະຕິຮູບນຳກັນ. ບົດຮຽນຂອງການປະຕິຮູບເປີດປະຕູສູ່ພາຍນອກ ແລະ ການກໍ່ສ້າງຄວາມທັນສະໄໝ ຊຶ່ງເປັນການສະເໜີຂອງການຊອກຫາເສັ້ນທາງພັດທະນາ ຕາມສະພາບການຕົວຈິງຂອງປະເທດກຳລັງພັດທະນາ ຢ່າງສັງລວມ. ໃນປັດຈຸບັນ, ຝ່າຍລາວກຳລັງສຸມໃສ່ຊຸກຍູ້ການປ່ຽນແປງໃໝ່ ແລະ ເປີດປະຕູສູ່ພາຍນອກ, ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ ໄດ້ປະກາດແນວຄິດ ການສ້າງເສດຖະກິດເປັນເອກະລາດ ແລະ ເປັນເຈົ້າການຕົນເອງ ໃນຕົ້ນປີນີ້ ໂດຍເນັ້ນໜັກ ຕ້ອງປັປປຸງເສດຖະກິດຕະຫຼາດຕາມທິດທາງສັງຄົມນິຍົມ, ລົງເລິກການປະຕິຮູບດ້ານລັດວິສາຫະກິດ, ການເງິນ, ພາສີອາກອນ ແລະ ການຄ້າຕ່າງປະເທດ, ຮັບມືກັບຄວາມຫຍຸ້ງຍາກຂອງເສດຖະກິດ. ຂໍ້ຕົກລົງຂອງຈີນ ໄດ້ຈັດວາງແນວທາງຕໍ່ຂະແໜງ ການດັ່ງກ່າວ. ຝ່າຍຈີນ ຍິນດີເພີ່ມທະວີການຖອດຖອນບົດຮຽນຂອງການປະຕິຮູບນຳກັນ ໂດຍອິງຕາມຄວາມຕ້ອງການຂອງຝ່າຍລາວ, ພ້ອມກັນຍົກສູງກຳລັງກຳອຳນາດຂອງສອງພັກ, ຄ້ຳປະກັນການຊຸກຍູ້ປະຕິຮູບດ້ວຍຄວາມສະດວກດີ. ຝ່າຍຈີນ ກໍຍິນດີເພີ່ມທະວີການແລກປ່ຽນ ແລະ ຮ່ວມມືກັບຝ່າຍລາວ ໃນຂະແໜງການສຶກສາທິການ, ເຕັກນິກ ແລະ ບຸກຄະລາກອນ ເພື່ອປະກອບສ່ວນສໍາຄັນເຂົ້າໃນການກໍ່ສ້າງຄວາມທັນສະໄໝຂອງໃຜລາວ.
ສອງ, ເປີດກວ້າງການແບ່ງປັນໂອກາດພັດທະນາ. ການເປີດປະຕູສູ່ພາຍນອກ ແມ່ນຂີດໝາຍສຳຄັນຂອງຄວາມທັນສະໄໝແບບຈີນ. ຈີນ ກໍ່ສ້າງເສດຖະກິດແບບເປີດປະຕູສູ່ພາຍນອກລະດັບສູງກ່ວາເກົ່ານັ້ນ, ຈະສ້າງໂອກາດດ້ານຕະຫຼາດລົງທຶນ ແລະ ເພີ່ມທະວີຢ່າງກວ້າງຂວາງໃຫ້ແກ່ບັນດາປະເທດ. ຝ່າຍຈີນ ຍິນດີຮ່ວມກັບຝ່າຍລາວ, ລົງເລິກການເຊື່ອມໂຍງເຂົ້າກັນດ້ານຍຸດທະສາດພັດທະນາ, ລົງເລິກການຮ່ວມມືດ້ານຂະແໜງເສດຖະກິດ-ການຄ້າ, ການລົງທຶນ, ກະສິກໍາ, ເສດຖະກິດສີຂຽວ, ພະລັງງານໃໝ່ ເປັນຕົ້ນ, ປົກປັກຮັກສາ ແລະ ດຳເນີນໂຄງການສຳຄັນຄື: ເສັ້ນທາງລົດໄຟ ຈີນ-ລາວ ບໍລິສັດ EDL-T ໃຫ້ດີ, ເປີດກວ້າງການຮ່ວມມືດ້ານດິຈິຕອນ, ສະໜັບສະໜູນລາວ ປະຕິບັດຍຸດທະສາດຫັນປະເທດທີ່ບໍ່ມີທາງອອກສູ່ທະເລກາຍເປັນປະເທດເຊື່ອມຈອດ, ນຳໃຊ້ກາລະໂອກາດປີທ່ອງທ່ຽວລາວ ລົງເລິກການຮ່ວມມືດ້ານການທ່ອງທ່ຽວ, ຊຸກຍູ້ໃຫ້ນັກທ່ອງທ່ຽວຈີນ ເຂົ້າມາ ສປປ ລາວ ຫຼາຍຂຶ້ນ, ປະກອບກຳລັງແຮງເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ.
ສາມ, ເປັນແບບຢ່າງຂອງພາກພື້ນ ແລະ ສາກົນ. ຄວາມທັນສະໄໝແບບຈີນ ແມ່ນຄວາມທັນສະໄໝທີ່ເດີນຕາມເສັ້ນທາງພັດທະນາໂດຍສັນຕິ. ສປ ຈີນ ແລະ ສປປ ລາວ ປະຕິບັດນະໂຍບາຍການຕ່າງປະເທດສັນຕິພາບ, ເອກະລາດ ແລະ ເປັນເຈົ້າຕົນເອງ, ໄດ້ຢູ່ແນວໜ້າໃນການກໍ່ສ້າງຄູ່ຮ່ວມຊາຕາກຳມວນມະນຸດ.ຝ່າຍຈີນ ຈະສືບຕໍ່ສະໜັບສະໜູນຝ່າຍລາວ ໃນການເປັນປະທານໝູນວຽນຂອງອາຊຽນ, ຍິນດີເພີ່ມທະວີການປະສານງານກັບຝ່າຍລາວ, ຕັ້ງໜ້າຈັດຕັ້ງປະຕິບັດຂໍ້ລິເລີ່ມການພັດທະນາທົ່ວໂລກ, ຂໍ້ລິເລີ່ມຄວາມໝັ້ນຄົງທົ່ວໂລກ ແລະ ຂໍ້ລິເລີ່ມອະລິຍະທໍາທົ່ວໂລກ. ລິເລີ່ມສົ່ງເສີມການຫັນເປັນຫຼາຍຂົ້ວຂອງໂລກ ທີ່ສະເໝີພາບ ແລະ ເປັນລະບຽບ ກໍຄືເສດຖະກິດໂລກາພິວັດທີ່ໃຫ້ຜົນປະໂຫຍດຢ່າງທົ່ວເຖິງ ແລະ ກວມລວມ. ຕັ້ງໜ້າເຂົ້າຮ່ວມໃນການນໍາພາການປະຕິຮູບ ແລະ ສ້າງລະບົບຄຸ້ມຄອງໂລກ, ສະໜັບສະໜູນປົກປັກຮັກສາອະທິປະໄຕ ຄວາມໝັ້ນຄົງ ແລະ ຜົນປະໂຫຍດດ້ານການພັດທະນາຂອງປະເທດຊຶ່ງກັນ ແລະ ກັນ, ຮ່ວມປາບປາມອາຊະຍາກຳຂ້າມຊາດ, ເສີມຂະຫຍາຍບົດບາດແບບຢ່າງໃນການຮ່ວມມືສ້າງຄູ່ຮ່ວມຊາຕາກຳມວນມະນຸດ ດ້ວຍການສ້າງຄູ່ຮ່ວມຊາຕາກຳ ຈີນ-ລາວ ທີ່ມີມາດຕະຖານສູງ, ຄຸນນະພາບສູງ ແລະ ລະດັບສູງ.





ຄໍາເຫັນ

ຂ່າວການຮ່ວມມື

ຮອງຫົວໜ້າ ຄອສພ ຕ້ອນຮັບທູດ ສ ເກົາຫຼີ

ຮອງຫົວໜ້າ ຄອສພ ຕ້ອນຮັບທູດ ສ ເກົາຫຼີ

ທ່ານ ນາງ ວິລະວອນ ພັນທະວົງ ຄະນະປະຈໍາພັກ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ໄດ້ໃຫ້ກຽດຕ້ອນຮັບ ທ່ານ ຈອງຢອງຊູ ເອກອັກຄະລັດຖະທູດ ສ ເກົາຫຼີ ປະຈໍາ ສປປ ລາວ ເຂົ້າຢ້ຽມພົບປະ ໃນຕອນແລງວັນທີ 17 ກໍລະກົດນີ້ ທີ່ຫ້ອງຮັບແຂກ ຄອສພ.
ທູດໄທ ມອບເງິນຊ່ວຍເຫຼືອຜູ້ປະສົບໄພ ທາງທຳມະຊາດໃນລາວ

ທູດໄທ ມອບເງິນຊ່ວຍເຫຼືອຜູ້ປະສົບໄພ ທາງທຳມະຊາດໃນລາວ

ໃນວັນທີ 18 ກໍລະກົດ ນີ້, ອົງການກາແດງແຫ່ງຊາດລາວ ໄດ້ຮັບເງິນຊ່ວຍເຫຼືອ ຈຳນວນ 100,000,000 ກີບ ຫຼື (150,000 ບາດ) ຈາກ ສະຖານເອກອັກຄະຣາຊະທູດໄທ ປະຈຳ ສປປລາວ
ກະຊວງການຕ່າງປະເທດ ລາວ -ເບລາຣຸດຊີ ເສີມຂະຫຍາຍການພົວພັນຮ່ວມມືສອງຝ່າຍ

ກະຊວງການຕ່າງປະເທດ ລາວ -ເບລາຣຸດຊີ ເສີມຂະຫຍາຍການພົວພັນຮ່ວມມືສອງຝ່າຍ

ໂດຍຕອບສະໜອງຕາມຄໍາເຊີນຂອງ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ, ທ່ານ ມາກຊິມ ຣືເຊັນກົບ (H.E. Mr. Maxim Ryzhenkov) ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ເບລາຣຸດຊີ ພ້ອມດ້ວຍຄະນະ ໄດ້ເດີນທາງຢ້ຽມຢາມ ສປປ ລາວ ຢ່າງເປັນທາງການ ແຕ່ວັນທີ 16-18 ກໍລະກົດ 2025 ເພື່ອສືບຕໍ່ຮັດແໜ້ນການພົວພັນສອງຝ່າຍ ບົນພື້ນຖານມູນເຊື້ອ ແຫ່ງ ມິດຕະພາບ ແລະ ການຮ່ວມມືອັນດີງາມ ລະຫວ່າງ ສປປ ລາວ ແລະ ສ ເບລາຣຸດຊີ.
ຮອງຫົວໜ້າ ຄອສພ ຕ້ອນຮັບຄະນະຜູ້ແທນພັກກອມມູນິດຈີນ

ຮອງຫົວໜ້າ ຄອສພ ຕ້ອນຮັບຄະນະຜູ້ແທນພັກກອມມູນິດຈີນ

ສະຫາຍ ຄໍາມອນ ຈັນທະຈິດ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຮອງປະທານ ຜູ້ປະຈຳການ ສະພາທິດສະດີສູນກາງພັກ ໄດ້ໃຫ້ກຽດຕ້ອນຮັບຄະນະຜູ້ແທນພັກກອມມູນິດຈີນ ນໍາໂດຍ ສະຫາຍ ເສີນໂຈ ຮອງຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນ ພ້ອມດ້ວຍຄະນະ ເຂົ້າຢ້ຽມຢາມພົບປະແລກປ່ຽນບົດຮຽນຮ່ວມກັນໃນວັນທີ 17 ກໍລະກົດນີ້ ທີ່ ຄອສພ. ໃນໂອກາດຄະນະຜູ້ແທນເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 16-18 ກໍລະກົດ 2025.
ຈາກ “ມິດຕະພາບອັນແຂງແກ່ນສູ່ຄູ່ຮ່ວມຊາ​ຕາ​ກຳ”: ການພັດທະນາກ້າວກະໂດດຕະຫຼອດ 64 ປີແຫ່ງສາຍ​ພົວພັນການທູດຈີນ-ລາວ

ຈາກ “ມິດຕະພາບອັນແຂງແກ່ນສູ່ຄູ່ຮ່ວມຊາ​ຕາ​ກຳ”: ການພັດທະນາກ້າວກະໂດດຕະຫຼອດ 64 ປີແຫ່ງສາຍ​ພົວພັນການທູດຈີນ-ລາວ

ການໄປມາຫາສູ່ລະຫວ່າງປະເທດຂຶ້ນຢູ່ກັບຄວາມຜູກພັນຂອງປະຊາຊົນ ແລະ ຄວາມຜູກພັນຂອງປະຊາຊົນກໍຂຶ້ນກັບຄວາມເຂົ້າໃຈ ແລະ ຄວາມເຊື່ອມໂຍງກັນທາງຈິດໃຈ, ຈີນ ແລະ ລາວ ເປັນປະເທດເພື່ອນບ້ານທີ່ມີພູເຂົາແລະ ສາຍນ້ຳ, ມິດຕະພາບອັນດີລະຫວ່າງກັນມີມາຢ່າງຍາວນານຕັ້ງແຕ່ວັນທີ 25 ເມສາ ພ.ສ 1961 ທີ່ຈີນ-ລາວ ໄດ້ລົງນາມໃນຖະແຫຼງການສ້າງ​ຕັ້ງ​ສາຍ​ພົວ​ພັນ​ການ​ທູດ, ຕະຫຼອດ 64 ປີທີ່ຜ່ານມາການ​ພົວ​ພັນຈີນ - ລາວ ໄດ້ພັດທະນາຈາກມິດຕະພາບດັ່ງເດີມສູ່ການ​ສ້າງ​ຄູ່ຮ່ວມຊາ​ຕາ​ກຳ ຊຶ່ງສອດຄ່ອງຢ່າງເລິກເຊິ່ງກັບຍຸດທະສາດ “ປ່ຽນປະເທດທີ່ບໍ່ມີຊາຍ​ແດນ​ຕິດ​ກັບທະເລເປັນປະເທດທີ່ເຊື່ອມໂຍງເຊື່ອມ​ຈອດ​ກັບ​ພາກ​ພື້ນ” ຂອງ ສ​ປ​ປ ລາວ ແລະໂຄງການ “ໜຶ່ງແລວໜຶ່ງເສັ້ນທາງ” ຂອງ ສ​ປ ຈີນ.
ລາວ ແລະ ການາດາ ປຶກສາຫາລືເພື່ອເສີມຂະຫຍາຍການພົວພັນຮ່ວມມື

ລາວ ແລະ ການາດາ ປຶກສາຫາລືເພື່ອເສີມຂະຫຍາຍການພົວພັນຮ່ວມມື

ຫວ່າງມໍ່ໆມານີ້, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານນາງ ອານິຕາ ອານັນ (Anita Anand) ລັດຖະມົນຕີກະຊວງການຕ່າງປະເທດແຫ່ງ ການາດາ, ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 ແລະ ບັນດາກອງປະຊຸມລັດຖະມົນຕີທີ່ກ່ຽວຂ້ອງ ໃນວັນທີ 8-11 ກໍລະກົດ ຜ່ານມາ ທີ່ ກົວລາລໍາເປີ ປະເທດມາເລເຊຍ.
ລາວ ແລະ ຕວັກກີພົບປະປຶກສາຫາລືເພື່ອເສີມຂະຫຍາຍການພົວພັນຮ່ວມມື

ລາວ ແລະ ຕວັກກີພົບປະປຶກສາຫາລືເພື່ອເສີມຂະຫຍາຍການພົວພັນຮ່ວມມື

ຫວ່າງບໍ່ດົນມານີ້, ທ່ານ ທອງສະຫວັນ ພົມວິຫານລັດຖະມົນຕີກະຊວງການຕ່າງປະເທດແຫ່ງ ສປປ ລາວ ໄດ້ພົບປະສອງຝ່າຍກັບ ທ່ານຮາກັນຟີດານ(Hakan FIDAN) ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ຕວັກກີ,ໃນໂອກາດເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58, ກອງປະຊຸມເວທີພາກພື້ນອາຊຽນ ຄັ້ງທີ 32 ແລະ ບັນດາກອງປະຊຸມລັດຖະມົນຕີທີ່ກ່ຽວຂ້ອງ ໃນວັນທີ 8-11 ກໍລະກົດ 2025 ທີ່ ກົວລາລໍາເປີ ປະເທດມາລເຊຍ.
ທູດລາວ ຍື່ນສານຕາຕັ້ງເປັນຜູ້ຕາງໜ້າຖາວອນປະຈໍາອົງການ ສປຊ ຄົນໃໝ່

ທູດລາວ ຍື່ນສານຕາຕັ້ງເປັນຜູ້ຕາງໜ້າຖາວອນປະຈໍາອົງການ ສປຊ ຄົນໃໝ່

ໃນວັນທີ 11 ກໍລະກົດຜ່ານມານີ້, ທ່ານ ທອງຜ່ານ ສະຫວັນເພັດ ເອກອັກຄະລັດຖະທູດຜູ້ຕາງໜ້າຖາວອນ ແຫ່ງ ສປປ ລາວ ປະຈໍາອົງການສະຫະປະຊາຊາດ ໄດ້ເຂົ້າຍື່ນສານຕາຕັ້ງຕໍ່ ທ່ານ ອັນໂຕນິໂອ ກູເຕເຣດ ເລຂາທິການໃຫຍ່ອົງການ ສປຊ, ເພື່ອດໍາລົງຕໍາແໜ່ງເປັນຜູ້ຕາງໜ້າຖາວອນແຫ່ງ ສປປ ລາວ ຄົນໃໝ່ ປະຈໍາອົງການ ສະຫະປະຊາຊາດ.
ອົດສະຕຣາລີສະໜັບສະໜູນສື່ມວນຊົນລາວເພື່ອເປັນພື້ນຖານໃນການສ້າງສັງຄົມທີ່ເຂັ້ມແຂງ

ອົດສະຕຣາລີສະໜັບສະໜູນສື່ມວນຊົນລາວເພື່ອເປັນພື້ນຖານໃນການສ້າງສັງຄົມທີ່ເຂັ້ມແຂງ

ໃນວັນທີ15 ກໍລະກົດນີ້, ທ່ານ ເມແກັນຈອນສເອກອັກຄະລັດຖະທູດອົດສະຕຣາລີ ໄດ້ພົບປະຮ່ວມກັບທ່ານ ຄຳພັນເຜີຍຍະວົງຄະນະເລຂາທິການສູນກາງພັກຫົວໜ້າຄະນະໂຄສະນາອົບຮົມສູນກາງພັກ,ເພື່ອປຶກສາຫາລືການເຕີບໃຫຍ່ຂະຫຍາຍຕົວຂອງການຮ່ວມມືລະຫວ່າງລາວແລະອົດສະຕຣາລີແລະການສະໜັບສະໜູນຂອງອົດສະຕຣາລີຕໍ່ຂະແໜງສື່ມວນຊົນຂອງລາວ. ການພົບປະຄັ້ງນີ້, ສອງຝ່າຍໄດ້ເຫັນດີສືບຕໍ່ຮັດການຮ່ວມມືໃນຂະແໜງສື່ມວນເພື່ອຊຸກຍູ້ສາຍພົວພັນລະຫວ່າງສອງປະເທດພາຍໃຕ້ກອບການເປັນຄູ່ຮ່ວມມືຮອບດ້ານລາວ-ອົດສະຕຣາລີ.
ສະຫຼອງ ສາຍພົວພັນການທູດລາວ-ຟີລິບປິນຄົບຮອບ 70 ປີ

ສະຫຼອງ ສາຍພົວພັນການທູດລາວ-ຟີລິບປິນຄົບຮອບ 70 ປີ

ງານລ້ຽງສະເຫຼີມສະຫຼອງ ຄົບຮອບ 70 ປີ ແຫ່ງການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ຟິລິບປິນແລະ ວັນຊາດ ແຫ່ງ ສາທາລະນະລັດຟີລິບປິນ ຄົບຮອບ 127 ປີ ໄດ້ຈັດຂຶ້ນໃນຕອນຄໍ່າຂອງວັນທີ 15 ກໍລະກົດ 2025, ທີ່ ໂຮງແຮມ ຄຣາວພລາຊາ, ນະຄອນຫຼວງວຽງຈັນ, ໂດຍໃຫ້ກຽດເຂົ້າຮ່ວມເປັນແຂກກິດຕິມະສັກຂອງ ທ່ານ ທອງສະຫວັນ ພົມວິຫານ, ລັດຖະມົນຕີກະຊວງການຕ່າງປະເທດ ໃນນາມຕາງໜ້າລັດຖະບານ ແຫ່ງ ສປປ ລາວ ແລະ ຕາງໜ້າຝ່າຍ ສ. ຟິລິບປິນ ໂດຍທ່ານ ນາງ ເອລິຊາເບັດເທ (Elizabeth Te), ເອກອັກຄະລັດຖະທູດ ແຫ່ງ ສ.ຟິລິບປິນ ປະຈໍາ ສປປ ລາວ, ພ້ອມທັງມີບັນດາຮອງລັດຖະມົນຕີ, ເຈົ້າໜ້າທີ່ຂັ້ນສູງຂອງລາວ, ທູຕານຸທູດຕ່າງປະເທດ ແລະ ບັນດາອົງການຈັດຕັ້ງສາກົນ ປະຈໍາ ສປປ ລາວ ພ້ອມດ້ວຍແຂກຖືກເຊີນຈາກພາກສ່ວນຕ່າງໆເຂົ້າຮ່ວມ.
ເພີ່ມເຕີມ