 |
ທ່ານ ນາງ ລີ ສີເຈິນ ທີ່ປຶກສາດ້ານເສດຖະກິດ ແລະ ການຄ້າ ສະຖານທູດຈີນ ປະຈໍາລາວ ໄດ້ກ່າວວ່າ: ຈີນ ແລະ ລາວມີຊາຍແດນຕິດຈອດກັນ ແລະ ມີອະນາຄົດຮ່ວມກັນ ການດຳເນີນທຸລະກິດ ຂອງບໍລິສັດຈີນໃນລາວ ເປັນການຮ່ວມມືທາງດ້ານສັງຄົມ ລະຫວ່າງສອງປະເທດຢ່າງເປັນຮູບປະທໍາ ຈີນ ແລະ ລາວ ຮ່ວມໃຈກັນ ເຮັດໃຫ້ປະຊາຊົນລາວໄດ້ຮັບການພັດທະນາຢ່າງແທ້ຈິງ. ຕົວແທນຈາກສູນຂ່າວສານ CSG ໄດ້ອະທິບາຍວ່າ ວິດີໂອສາລະຄະດີ “ມືແຫ່ງຄວາມຫວັງ” ແມ່ນຄວາມພະຍາຍາມທາງດ້ານຮູບເງົາທີ່ມາຈາກຫົວໃຈ ເພື່ອສ້າງຄວາມສໍາພັນລະຫວ່າງສອງປະເທດໃຫ້ເຂັ້ມແຂງຍິ່ງຂຶ້ນ. ໂດຍຜ່ານຮູບເງົານີ້, ພວກເຮົາມີຈຸດປະສົງທີ່ຈະບອກເລື່ອງລາວທີ່ແທ້ຈິງກ່ຽວກັບການຮ່ວມມື ແລະ ມິດຕະພາບ ຊຶ່ງຫວັງວ່າຈະມີການຮ່ວມມືຢ່າງຕໍ່ເນື່ອງກັບຄູ່ຮ່ວມງານທັງຫຼາຍ ເພື່ອແບ່ງປັນເລື່ອງທີ່ເຕັມໄປດ້ວຍແຮງບັນດານໃຈເຫຼົ່ານີ້.
 |
ວິດີໂອສາລະຄະດີມີຄວາມຍາວ 22 ນາທີ ໄດ້ບອກເລົ່າເລື່ອງຊີວິດ ຂອງຜູ້ອຳນວຍການໂຮງຮຽນສໍາລັບເດັກທີ່ມີຄວາມພິການທາງຫູ ໃນ ສປປ ລາວ ທີ່ CSG ໄດ້ຊ່ວຍໃຫ້ພວກເຂົາເກີດຄວາມຝັນທີ່ຈະໄປຮຽນທີ່ ສປ ຈີນ. ຮູບເງົາດັ່ງກ່າວໄດ້ສ້າງແຮງບັນດານໃຈ ຍ່າງເລິກເຊິ່ງໃຫ້ກັບຜູ້ຊົມ ຫຼັງຈາກການເຜີຍແຜ່ຮູບເງົາ ທີມຜູ້ສ້າງໄດ້ແບ່ງປັນປະສົບການເບື້ອງຫຼັງການຖ່າຍທຳ ແລະ ພະນັກງານຈາກບໍລິສັດ ສາຍສົ່ງ ໄຟຟ້າແຫ່ງຊາດລາວ ຈໍາກັດ (EDL-T) ຍັງໄດ້ແບ່ງປັນ ປະສົບການໃນການປະຕິບັດຕາມຫຼັກດ້ານສິ່ງແວດລ້ອມ, ສັງຄົມ ແລະ ການບໍລິຫານ (ESG).
 |
ພາຍໃນງານຜູ້ເຂົ້າຮ່ວມໄດ້ຮັບຊົມວິດີໂອສາລະຄະດີ ມືແຫ່ງຄວາມຫວັງ; ກິດຈະກໍາແລກປ່ຽນວັດທະນະທໍາ; ການສົນທະນາແລກປ່ຽນລະຫວ່າງຜູ້ອໍານວຍການ ແລະ ນັກຮຽນຂອງໂຮງຮຽນມືແຫ່ງຄວາມຫວັງ (Hands of Hope); ງານວາງສະແດງຜະລິດຕະພັນປະເພດດອກໄມ້ຜ້າ; ພວງກະແຈ; ກະເປົາຜ້າອື່ນໆ ແລະ ການສະແດງສິລະປະຂອງນັກຮຽນທີ່ພິການທາງຫູ; ຫ້ອງຮຽນກ່ຽວກັບໄຟຟ້າ; ການນໍາສະເໜີຂໍ້ມູນສູ່ສາທາລະນະໃນຫົວຂໍ້ ສ່ອງແສງຊີວິດ ເຊື່ອມໂຍງອະນາຄົດ ຊຶ່ງຈັດໂດຍບໍລິສັດສາຍສົ່ງໄຟຟ້າລາວ ຈໍາກັດ (EDL-T) ເພື່ອສະແດງໃຫ້ເຫັນເຖິງຜົນສໍາເລັດທີ່ສໍາຄັນຂອງ ບໍລິສັດໃນດ້ານການຈັດສັນຊັບພະຍາກອນໄຟຟ້າຢ່າງເໝາະສົມ, ການສົ່ງອອກພະລັງງານສະອາດ, ການພັດທະນາແບບຍືນຍົງ ແລະ ການຮັບປະກັນສະຫວັດດີການດ້ານສາທາລະນະຕ່າງໆ ຂອງບໍລິສັດຕາຂ່າຍໄຟຟ້າພາກໃຕ້ຈີນ (CSG) ກິດຈະກຳຄັ້ງນີ້ ເປັນເທື່ອທໍາອິດທີ່ນໍາມາສາຍສູ່ສາທາລະນະ.
 |
ວິດີໂອ “ມືແຫ່ງຄວາມຫວັງ” ຜະລິດຮ່ວມກັນໂດຍ ບໍລິສັດຕາຂ່າຍໄຟຟ້າພາກໃຕ້ (CSG), ສະຕູດິໂອຈີນຣີວິວ (China Review Studio) ແລະ ຊ່ອງ Discovery ຊຶ່ງທີມງານຖ່າຍທໍາວິດີ ໂອໄດ້ໃຊ້ເວລາເກືອບສອງປີໃນການຜະລິດ ແລະ ຖ່າຍທໍາ ໄດ້ເດີນທາງຜ່ານ ສປປ ລາວ ແລະ ສປ ຈີນ ເພື່ອບັນທຶກເລື່ອງລາວທີ່ແທ້ຈິງຂອງຄູ-ອາຈານ ແລະ ນັກສຶກສາຜູ້ທີ່ມີຄວາມພິການທາງຫູ ທີ່ໄດ້ແບ່ງປັນການຊ່ວຍເຫຼືຶອ ແລະ ມິດຕະພາບຮ່ວມກັນຂ້າມພົມແດນລະຫວ່າງສອງປະເທດ. ໂດຍໄດ້ອອກອາກາດຄັ້ງທຳອິດໃນວັນທີ 28 ກັນຍາ 2025, ຊົມເຊີຍວັນແຫ່ງຊາດຄົນຫູໜວກຄັ້ງທີ 68. ວິດີໂອດັ່ງກ່າວ ມີທັງພາສາຈີນ, ລາວ ແລະ ອັງກິດ ແລະ ຈະຖືກອອກອາກາດຫຼາຍກວ່າ 9 ພາສາ ຜ່ານເວັບໄຊ ແລະ ແອັບພລິເຄຊັນສຳຄັນໆທົ່ວໂລກ ເພື່ອນຳເອົາເລື່ອງກ່ຽວກັບມິດຕະພາບ ຈີນ-ລາວ ໄປສູ່ຜູ້ຊົມທົ່ວໂລກ.
ຂ່າວ: ຍຸພິນທອງ
ຄໍາເຫັນ