 |
ໃນໂອກາດການເຂົ້າຢ້ຽມອໍາລາ ໃນຄັ້ງນີ້ ທ່ານ ລິນຄໍາ ດວງສະຫວັນ ໄດ້ຕີລາຄາສູງ ແລະ ສະແດງຄວາມຂອບໃຈ ຕໍ່ຝ່າຍ ຍີ່ປຸ່ນ ທີ່ໄດ້ໃຫ້ການສະໜັບສະໜູນ ແລະ ຮ່ວມມື ກັບ ສປປ ລາວ ດ້ວຍດີຕະຫຼອດມາ, ໂດຍສະເພາະໃນຂົງເຂດຂະແໜງການກະສິກໍາ ແລະ ສິ່ງແວດລ້ອມ, ເປັນຕົ້ນແມ່ນ ຮ່ວມມືດ້ານວຽກງານການປົກປັກຮັກສາ ແລະ ຄຸ້ມຄອງປ່າໄມ້, ວຽກງານການພັດທະນາລະບົບຊົນລະປະທານ, ວຽກງານກອງເລຂາຄະນະກໍາມະການແມ່ຂອງແຫ່ງຊາດ ແລະ ວຽກງານອື່ນໆ.
ໃນຕອນທ້າຍ, ທ່ານລັດຖະມົນຕີ ກະຊວງກະສິກໍາ ແລະ ສິ່ງແວດລ້ອມ ໄດ້ອວຍພອນໃຫ້ທ່ານ ໂຄອິຊຶມິ ຊຶໂຕະມຸ ເອກອັກຄະຣາຊະທູດ ແຫ່ງ ຍີ່ປຸ່ນ ປະຈໍາ ສປປ ລາວ ຈົ່ງປະສົບຜົນສໍາເລັດ ໃນໜ້າທີ່ວຽກງານໃນອະນາຄົດ ທີ່ໄດ້ຮັບການມອບໝາຍ ແລະ ສືບຕໍ່ເສີມຂະຫຍາຍສາຍພົວພັນມິດຕະພາບ ລະຫວ່າງ ສປປ ລາວ ແລະ ຍີ່ປຸ່ນ ເວົ້າສະເພາະ ກໍຄືການຮ່ວມມືໃນຂົງເຂດຂະແໜງການກະສິກໍາ ແລະ ສິ່ງແວດລ້ອມ ໃຫ້ມີບາດກ້າວອັນໃໝ່ ແລະ ຍິ່ງໃຫຍ່ກວ່າເກົ່າໃນຕໍ່ໜ້າ.
(ແຫຼ່ງຂ່າວ: ກະຊວງ ກສ)
ຄໍາເຫັນ