 |
ການອົບຮົມ-ຫັດແອບໃນຄັ້ງນີ້, ເປັນວຽກງານໜຶ່ງທີ່ມີຄວາມສໍາຄັນແລະຈຳເປັນຕໍ່ການປະຕິບັດວຽກງານຢູ່ໃນກົມກອງໂດຍສະເພາະແມ່ນການຍົກລະດັບຄວາມຮູ້, ຄວາມສາດຂອງພະນັກງານວິຊາສະເພາະ, ການເກັບກຳຂ່າວ, ການບົວລະບັດຜັດເຊັດ, ສ້ອມແປງອາວຸດເພື່ອຮັບປະກັນໃຫ້ການເຄື່ອນໄຫວວຽກງານ, ການກຽມພ້ອມສູ້ຮົບແນໃສ່ເຮັດສຳເລັດໜ້າທີ່ທີ່ໄດ້ຮັບການມອບໝາຍ.
 |
ຊຶ່ງນັກຝຶກອົບຮົມຈະໄດ້ຮຽນຮູ້ພາກທິດສະດີ: ຄໍາແນະນໍາການສ້ອມແປງ, ບຳລຸງຮັກສາອາວຸດ, ຍຸດໂທປະກອນຈໍານວນໜຶ່ງ, ຄໍາແນະນໍາການຈັດວາງອາວຸດ, ຍຸດໂທປະກອນຢ່າງເປັນລະບຽບຮຽບຮ້ອຍໃນສາງ, ການຈັດຕັ້ງ, ການຈັດວາງກໍາລັງ, ຍຸດໂທປະກອນຂອງກອງທັບບາງປະເທດໃນໂລກ, ບົດຮຽນໃນການກໍ່ສ້າງກໍາລັງສືບຂ່າວ-ສອດແນມໃນສະພາບການໃໝ່, ວິທີການເກັບກຳ, ຄົ້ນຄວ້າ, ປະມວນຜົນແລະລາຍງານສືບຂ່າວ-ສອດແນມໃນສະພາບການໃໝ່, ບາງເນື້ອໃນພື້ນຖານກ່ຽວກັບການ“ຫັນປ່ຽນໂດຍສັນຕິ”, ການຈະລາຈົນໂຄ່ນລົ້ມຂອງບັນດາອິດທິກຳລັງປໍລະປັກສັດຕູໃນສະພາບການໃໝ່, ໝວດສືບຂ່າວຕີພິເສດບຸກໂຈມຕີຍຶດເອົາເປົ້າໝາຍຄືນ, ຊ່ວຍກູ້ຕົວປະກັນ, ການກະທໍາຂອງໝວດສືບຂ່າວຕີພິເສດບຸກໂຈມຕີຍຶດເອົາເປົ້າໝາຍຄືນແລະການຝຶກອົບຮົມບາງຈັງຫວະພື້ນຖານໃນການຈັບສັດຕູດ້ວຍມືເປົ່າ. ການອົບຮົມ-ຫັດແອບຈະໄດ້ດໍາເນີນເປັນເວລາ 4 ວັນຈຶ່ງຈະສຳເລັດ.
 |
ໂດຍ: ສົມເພັດວີໄລຄຳ
ຄໍາເຫັນ