ຄະນະຜູ້ແທນນະຄອນດາໜັງ ຢ້ຽມຢາມແລະເຮັດວຽກຢູ່ແຂວງສາລະວັນ

ສະຫາຍຫງວຽນດິ່ງຫວີ໊ງໄດ້ສະແດງຄວາມດີໃຈຕໍ່ການຕ້ອນຮັບອັນອົບ ແລະສະແດງຄວາມຊົມເຊີຍຕໍ່ຜົນສໍາເລັດກອງປະຊຸມໃຫຍ່ຄັ້ງທີX ຂອງອົງຄະນະພັກແຂວງສາລະວັນ, ທັງໄດ້ຍົກໃຫ້ເຫັນເຖີງສະພາບໂດຍລວມ ຂອງການປັບປຸງກົງຈັກການຈັດຕັ້ງຂອງນະຄອນດາໜັງ, ພາຍຫຼັງທີ່ໂຮມບັນດານະຄອນ, ແຂວງເຂົ້າກັນ. ຈາກ63 ແຂວງ, ເຫຼືອ34ແຂວງ/ນະຄອນ.ໃນນັ້ນ, ນະຄອນດາໜັງ ກໍໂຮມເຂົ້າກັນກັບແຂວງກວາງນາມ. ພາຍຫຼັງໄດ້ປະກາດໂຮມແລ້ວແມ່ນສືບຕໍ່ພົວພັນຮ່ວມມືກັບບັນດາແຂວງພາກໃຕ້ເວົ້າສະເພາະກໍຄືແຂວງສາລະວັນ, ກ່ຽວກັບບັນດາເນື້ອໃນທີ່ໄດ້ລົງນາມຮ່ວມມືກັນສືບຕໍ່ພົວພັນປະສານສົມທົບ, ເກັບກໍາຂໍ້ມູນລະຫວ່າງສອງຝ່າຍເພື່ອສ້າງແຜນວຽກ, ພົບປະ, ແລກປ່ຽນບົດຮຽນ ເຊີ່ງກັນ ແລະ ກັນໃຫ້ນັບມື້ນັບແໜ້ນແຟ້ນຂຶ້ນເໝືອນກັນກັບສາຍພົວພັນແບບພິເສດລະຫວ່າງສອງພັກສອງລັດ ແລະປະຊາຊົນສອງຊາດລາວ-ຫວຽດນາມ, ຫວຽດນາມ-ລາວ.

ສະຫາຍ ດາວວົງ ພອນແກ້ວ ໄດ້ສະແດງຄວາມຢື້ຢາມຖາມຂ່າວ ແລະ ຕາງໜ້າຄະນະກໍາມະການປົກຄອງແຂວງ, ພີ່ນ້ອງຊາວແຂວງສາລະວັນ ຂໍສົ່ງກຳລັງໃຫ້ທຸກພາກສ່ວນ ຈົ່ງຜ່ານຜ່າຄວາມຫຍຸ້ງຍາກ ທີ່ໄດ້ຮັບຜົນກະທົບຈາກພາຍຸ, ທັງໄດ້ລາຍງານສະພາບໂດຍລວມ ຜົນສໍາເລັດຂອງກອງປະຊຸມໃຫຍ່ຄັ້ງທີX ຂອງອົງຄະນະພັກແຂວງ, ການປັບປຸງກົງຈັກການຈັດຕັ້ງຕາມມະຕິ03ຂອງກົມການເມືອງສູນກາງພັກ, ທັງສະແດງຄວາມຂອບໃຈມາຍັງຄະນະພັກ, ຄະນະນໍາຂອງນະຄອນດາໜັງສສຫວຽດນາມ, ຊຶ່ງຍາມໃດກໍເຫັນໄດ້ເຖິງຄວາມສໍາຄັນແລະການຮ່ວມມືຢ່າງຮອບດ້ານ, ທັງໄດ້ຕີລາຄາສູງຕໍ່ກັບການຮັດແໜ້ນຄວາມສາມັກຄີ, ຍົກໃຫ້ເຫັນເຖີງການພົວພັນອັນສະໜິດແໜ້ນ, ການຮ່ວມມືຮອບດ້ານແລະການຊ່ວຍເຫຼືອເຊີ່ງກັນ ແລະ ກັນ, ສືບຕໍ່ຮັກສາມູນເຊື້ອຄວາມສາມັກຄີ, ຮັກແພງ, ຮັດແໜ້ນສາຍພົວພັນມິດຕະພາບ, ຄວາມສາມັກຄີແບບພິເສດໃຫ້ນັບມື້ເຕີບໃຫຍ່ເຂັ້ມແຂງແລະພັດທະນາກ້າວໜ້າຂຶ້ນເລື້ອຍໆ.

(ຂ່າວ-ພາບ: ວິໄລວອນສິດທິໄຊ)