ງານບຸນນະມັດສະການພະທາດຫຼວງວຽງຈັນ

ບຸນພະທາດຫຼວງປີນີ້ ຄາດວ່າຈະມີຫ້ອງວາງສະແດງ-ຈໍາໜ່າຍສິນຄ້າ 1,625ຫ້ອງ

ບຸນພະທາດຫຼວງປີນີ້ ຄາດວ່າຈະມີຫ້ອງວາງສະແດງ-ຈໍາໜ່າຍສິນຄ້າ 1,625ຫ້ອງ
ເນື່ອງໃນໂອກາດງານບຸນນະມັດສະການພະທາດຫຼວງວຽງຈັນ ແລະ ວາງສະແດງສິນຄ້າປະຈໍາປີ 2024ເພື່ອເປັນການສ້າງໂອກາດຊຸກຍູ້ສົ່ງເສີມສິນຄ້າໂອດັອບ (ODOP)

 

ຂອງນະຄອນຫຼວງວຽງຈັນ (ນວ) ແລະສິນຄ້າຄອບຄົວຕົວແບບທີ່ຈະກ້າວເປັນສິນຄ້າທີ່ໄດ້ຮັບກາໝາຍສິນຄ້າໜຶ່ງເມືອງໜຶ່ງຜະລິດຕະພັນແຫ່ງຊາດ, ບັນດາວິສາຫະກິດຂະໜາດນ້ອຍ-ກາງຈະໄດ້ມາວາງສະແດງ, ຈຳໜ່າຍສິນຄ້າທັງພາຍໃນແລະຕ່າງປະເທດໃຫ້ປະຊາຊົນຊາວ ນວ ແລະແຂກຕ່າງປະເທດໄດ້ເຫັນ, ໄດ້ຊົມໃຊ້ສິນຄ້າພ້ອມທັງເປັນການແລກປ່ຽນບົດຮຽນແລະປະສົບການຕ່າງໆຂອງບັນດາຫົວໜ່ວຍທຸລະກິດດ້ວຍກັນ, ເພື່ອເປັນການສົ່ງເສີມການທ່ອງທ່ຽວປະກອບສ່ວນໃນການຊຸກຍູ້ການຜະລິດພາຍໃນ, ຊົມໃຊ້ສິນຄ້າທີ່ຜະລິດໄດ້ພາຍໃນໃຫ້ກວ້າງຂວາງ, ສ້າງຈິດໃຈຊາດຊົມໃຊ້ຜະລິດຕະພັນພາຍໃນໃຫ້ຫຼາຍຂຶ້ນ.

ທ່ານນາງ ວັນມະນີ ພິມມະສານຫົວໜ້າພະແນກອຸດສາຫະກຳ ແລະ ການຄ້າ ນວ ໄດ້ຖະແຫຼງຂ່າວໃນວັນທີ 5 ພະຈິກຜ່ານມາ ທີ່ພະທາດຫຼວງວຽງຈັນວ່າ: ຄະນະຮັບຜິດຊອບຈັດງານບຸນໄດ້ກຳນົດການຈັດງານວາງສະແດງອອກເປັນ 2 ຈຸດຄື: ຢູ່ເດີ່ນສະໜາມຫຼວງພະທາດຫຼວງຈັດຂຶ້ນໃນລະຫວ່າງວັນທີ11-15 ພະຈິກ2024, ຢູ່ສູນການຄ້າລາວ-ໄອເຕັກຈັດຂຶ້ນໃນວັນທີ 9-17 ພະຈິກ 2024ແລະ ໄດ້ກຳນົດເອົາວັນທີ11 ພະຈິກ2024ເປັນມື້ເປີດງານວາງສະແດງສິນຄ້າຢ່າງເປັນທາງການ ຊຶ່ງເປົ້າໝາຍວາງໄວ້ຮອງຮັບຜູ້ປະກອບການເຂົ້າຮ່ວມງານໃນເດີ່ນສະໜາມຫຼວງພະທາດຫຼວງ.ເຂດສະໜາມຫຼວງ ແລະ ເດີ່ນພະທາດຫຼວງແບ່ງອອກເປັນ6 ຜູ້ຈັດສັນ ຕາມແຜນຜັງທີ່ໄດ້ຮັບຮອງ ແລະ ບູດວາງສະແດງສິນຄ້າໂອດັອບ, ຄອບຄົວຕົວແບບ, ສິນຄ້າອຸດສາຫະກໍາ, ສິນຄ້າການບໍລິການທີ່ມີຮູບແບບທັນສະໄໝ, ມີບູດວາງສະແດງປະຫວັດຄວາມເປັນມາຂອງພະທາດຫຼວງ, ວາງສະແດງທາງດ້ານວັດທະນະທໍາເປັນຈຸດເດັ່ນຂອງງານ.(ຢູ່ໃນຈຸດເດີ່ນສະໜາມຫຼວງ; ສໍາລັບຈຸດອື່ນໆ ກໍມີກິດຈະກໍາການຄ້າຂາຍສິນຄ້າ, ການບໍລິການອາຫານ, ການລະຫຼິ້ນສໍາລັບເດັກ ແລະ ກິດຈະກໍາອື່ນໆ ທີ່ລະບຽບການຊົ່ວຄາວບໍ່ໄດ້ຫວງຫ້າມ).ສະເພາະຮອບນອກຂອງສະໜາມຫຼວງມອບໃຫ້ບ້ານ ແລະ ເມືອງເປັນຜູ້ຈັດສັນບູດ ແລະ ກິດຈະກໍາ.

ປີນີ້ຄາດວ່າຈະມີຈໍານວນຫ້ອງວາງສະແດງ ແລະ ຈໍາໜ່າຍສິນຄ້າ 1,625ຫ້ອງ, ສະເພາະເດີ່ນສະໜາມຫຼວງພະທາດຫຼວງ. ສຳລັບການວາງສະແດງຢູ່ສູນການຄ້າລາວ-ໄອເຕັກ(ຕຶກເກົ່າ)ພື້ນທີ່ວາງສະແດງສິນຄ້າດ້ານໃນຕຶກແມ່ນຂາຍສິນຄ້າປະເພດບໍລິສັດຂາອອກ-ຂາເຂົ້າ, ສິນຄ້າທົ່ວໄປ, ສິນຄ້າໄອທີ, ສິນຄ້າ ໂອດັອບ ແລະ SME, ສິນຄ້າ ເຟີນີເຈີ້, ສິນຄ້າຂອງບັນດາປະເທດອາຊຽນ, ການໂຊລົດຈັກ ແລະ ລົດໃຫຍ່ ສາມາດຮອງຮັບໄດ້ 381 ບູດ. ໃນນີ້ປະກອບມີໂຊນອາຫານ, ໂຊນຂອງບັນດາປະເທດອາຊຽນ ຊຶ່ງພື້ນທີ່ດ້ານນອກຂອງອາຄານລານຈອດລົດດ້ານໜ້າສູນການຄ້າລາວ-ໄອເຕັກ ໄດ້ມີກິດຈະກໍາລະຫຼິ້ນຕ່າງໆ ເພື່ອເປັນສີສັນຂອງງານພ້ອມທັງຈະມີການຕົບແຕ່ງປະຕູໂຂງເຂົ້າງານແລະກໍານົດຈຸດຖ່າຍຮູບພາຍໃນງານ.

ທາງດ້ານລາຄາຄ່າເຊົ່າສະຖານທີ່ຢູ່ເດີ່ນສະໜາມຫຼວງ (ຂະໜາດຂອງຫ້ອງແມ່ນ3x4ແມັດ), ສໍາລັບຜະລິດຕະພັນສິນຄ້າໂອດັອບ3,500,000 ກີບ/ຫ້ອງແລະ ຄ່າຂີ້ເຫຍື້ອໃນ 5 ວັນເປັນເງິນ 150,000 ກີບ, ສໍາລັບຜະລິດຕະພັນສິນຄ້າຂອງຄອບຄົວຕົວແບບແລະສິນຄ້າພາຍໃນທົ່ວໄປທີ່ຜະລິດແລະມາຈໍາໜ່າຍດ້ວຍຕົນເອງລາຄາ 6,000,000 ກີບ/ຫ້ອງແລະ ຄ່າຂີ້ເຫຍື້ອໃນ 5 ວັນ ເປັນເງິນ400,000 ກີບ.ສໍາລັບສິນຄ້າທົ່ວໄປຂາຍ

ໃນງານລາຄາ 7,000,000-15,000,000ກີບ/ຫ້ອງແລະ ຄ່າຂີ້ເຫຍື້ອໃນ 5 ວັນເປັນເງິນ 400,000 ກີບ, ການນຳໃຊ້ກະແສໄຟຟ້າແມ່ນຂຶ້ນກັບການນຳໃຊ້ອຸປະກອນຕົວຈິງ (ອີງຕາມກົດລະບຽບຂອງບໍລິສັດໄຟຟ້າລາວ) ຊຶ່ງເຈົ້າຂອງຫົວໜ່ວຍທຸລະກິດຈະຕ້ອງໄດ້ຮັບຜິດຊອບຈ່າຍເອງ, ສະເພາະບູດທີ່ໄດ້ຕົບແຕ່ງແມ່ນຜູ້ປະກອບການທຸລະກິດຕົບແຕ່ງເອງໃຫ້ມີຄວາມຈົບງາມ.

ດ້ານລາຄາຄ່າເຊົ່າສະຖານທີ່ຢູ່ສູນການຄ້າລາວ-ໄອເຕັກ (ຂະໜາດຂອງຫ້ອງແມ່ນ 3x3 ແມັດ), ດ້ານໃນອາຄານສິນຄ້າທົ່ວໄປລາຄາ 6,000,000 - 15,000,000 ກີບ/ຫ້ອງ (ປະກອບມີດອກໄຟ 40 ວັດຈໍານວນ 2 ດອກ, ໂຕະ 1 ໜ່ວຍ, ຕັ່ງ 2 ໜ່ວຍ);ສຳລັບສິນຄ້າໜຶ່ງເມືອງ ໜຶ່ງຜະລິດຕະພັນໂອດັອບ (ຍົກເວັ້ນຜະລິດຕະພັນໄມ້) ທີ່ເຂົ້າຮ່ວມງານແມ່ນ 3,500,000 ກີບ/ຫ້ອງ, ດ້ານນອກອາຄານລາຄາ 1,500,000 - 15,000,000 ກີບ/ຫ້ອງ (ອໍານວຍຄວາມສະດວກດ້ານແສງສະຫວ່າງ), ສໍາລັບການວາງສະແດງຂອງບັນດານະຄອນຕ່າງປະເທດຈະໄດ້ແຈ້ງສະເພາະ, ຄ້າຂາຍຍ່ອຍດ້ານນອກ 100.000 ກີບ/ມື້, ສຳລັບລາຄາຄ່າບໍລິການຝາກລົດແລະບໍລິການອື່ນໆ, ຄ່າຝາກລົດ: ກໍານົດລາຄາໃຫ້ຜູ້ມອບເໝົາຫຼືປະມູນເກັບຄ່າບໍລິການຄື:ລົດໃຫຍ່ 30,000ກີບ/ຄັນ/ຄັ້ງ,ລົດຕຸກໆ15,000ກີບ/ຄັນ/ຄັ້ງ, ລົດຈັກ10.000ກີບ/ຄັນ/ຄັ້ງ, ຄ່າບໍລິການຫ້ອງນ້ຳ: ກໍານົດໃຫ້ຜູ້ມອບເໝົາຫຼືປະມູນເກັບຄ່າບໍລິການ 5,000ກີບ/ຄັ້ງ/ຄົນ; ສໍາລັບຄະນະກຳມະການ, ແຂກທີ່ຖືກເຊີນແລະໜ່ວຍງານຮັບຜິດຊອບການຈັດງານບໍ່ໃຫ້ເກັບຄ່າບໍລິການ, ການເກັບປີ້ຕະຫຼາດ: ຂາຍອາຫານຍ່ອຍ(ຕຳສົ້ມ, ຂາຍໄຂ່, ໝາກໄມ້,ລູກຊີ້ນ,ປາມຶກ...)50.000ກີບ/ມື້ແລະ ຄ່າຂີ້ເຫຍື້ອ30.000 ກີບ/ມື້, ຂາຍເຂົ້າຫຼາມ, ປີ້ງໄກ່ 50.000ກີບ/ມື້ແລະ ຄ່າຂີ້ເຫຍື້ອ30.000 ກີບ/ມື້, ຂາຍເຄື່ອງຮັບໃຊ້ທົ່ວໄປ50.000ກີບ/ມື້ແລະ ຄ່າຂີ້ເຫຍື້ອ30.000 ກີບ/ມື້.ຄ່າບັດຕິດລົດ ຂົນເຄື່ອງເຂົ້າຮ້ານຂາຍເຄື່ອງ 20.000/ບັດ, ບັດຜູ້ປະກອບການ 10.000 ກີບ/ບັດ.(ໃຫ້ລົດເຂົ້າຂົນເຄື່ອງໃນເດີ່ນແຕ່ເວລາ5:00 ໂມງ- 9:00ໂມງເຊົ້າ),ຄ່າບໍລິການປີ້ເຂົ້າຊົມເຮືອນຊົງລາວ 10.000 ກີບ/ຄົນ/ຄັ້ງ,ຄ່າອະນຸຍາດເຄື່ອງຂະຫຍາຍສຽງ 5,000,000 ກີບ.

ດັ່ງນັ້ນ, ຂໍເຊີນຊວນຜູ້ປະກອບການຊາວຄ້າຂາຍ ແລະ ມວນຊົນເຂົ້າຈັບຈອງສະຖານທີ່ທັງ 2 ຈຸດ ແລະເຊີນທ່ຽວຊົມງານວາງສະແດງ ແລະ ຂາຍສິນຄ້າປີ 2024 ໃນຄັ້ງນີ້ຢ່າງເບີກບານມ່ວນຊື່ນ ພ້ອມກັນເປັນເຈົ້າພາບທີ່ດີເພື່ອດຶງດູດການທ່ອງທ່ຽວລາວ ຂໍໃຫ້ທຸກພາກສ່ວນປຸ້ມລຸມຊ່ວຍກັນເຮັດໃຫ້ງານບຸນໃນຄັ້ງນີ້ປະສົບຜົນສໍາເລັດຢ່າງຈົບງາມ.

ຂ່າວ-ພາບ: ພູວັນ+ວັນເພັງ

ຄໍາເຫັນ

ຂ່າວວັດທະນະທຳ-ສັງຄົມ

ຜູ້ໂດຍສານທີ່ຮັກແພງທຸກທ່ານ

ຜູ້ໂດຍສານທີ່ຮັກແພງທຸກທ່ານ

ເພື່ອຕອບສະໜອງຄວາມຮຽກຮ້ອງຕ້ອງການໃນການເດີນທາງຂອງປະຊາຊົນໂດຍໄວເທົ່າທີ່ຈະໄວໄດ້, ທາງລົດໄຟລາວ-ຈີນ ໄດ້ຈັດຕັ້ງປຸກລະດົມພະນັກງານເຮັດວຽກທັງເວັນ ແລະ ຄືນ ເພື່ອລົງເລິກກວດກາສະພາບແລວເສັ້ນທາງ, ອຸປະກອນກົນຈັກ ແລະ ສະຖານີລົດໄຟ ຢ່າງຖີ່ຖ້ວນຮອບດ້ານ. ດັ່ງນັ້ນ, ຈຶ່ງຂໍແຈ້ງມາຍັງບັນດາທ່ານຊາບວ່າ:
ສຳມະນາວິທະຍາສາດ ແຜນພັດທະນາລະບົບສານປະຊາຊົນ

ສຳມະນາວິທະຍາສາດ ແຜນພັດທະນາລະບົບສານປະຊາຊົນ

ສານປະຊາຊົນສູງສຸດ (ສປສສ) ໄດ້ຈັດກອງປະຊຸມສຳມະນາວິທະຍາສາດ ຕໍ່ຮ່າງລາຍງານການເມືອງ ແລະ ແຜນພັດທະນາລະບົບສານປະຊາຊົນ 5 ປີ ຄັ້ງທີ V ຂຶ້ນໃນວັນທີ 24 ກໍລະກົດ ນີ້ ທີ່ ສປສສ, ພາຍໃຕ້ການເປັນປະທານຂອງທ່ານ ບຸນຂວາງ ທະວີສັກ ຮອງເລຂາຄະນະບໍລິຫານງານພັກ ຮອງປະທານສານປະຊາຊົນສູງສຸດ ຊຶ່ງມີບັນດາຄະນະປະຈຳພັກ, ກຳມະການຄະນະບໍລິຫານງານພັກ, ຄະນະໜ່ວຍພັກ ສະມາຊິກພັກອາວຸໂສບໍານານນັກຄົ້ນຄວ້າປະລິນຍາເອກປະລິນຍາໂທ ເຂົ້າຮ່ວມ.
ຄໍາມ່ວນ ສຳມະນາວິທະຍາສາດ ປະກອບຄໍາເຫັນຕໍ່ຮ່າງເນື້ອໃນເອກະສານ ກອງປະຊຸມໃຫຍ່ ຜູ້ແທນອົງຄະນະພັກແຂວງ ຄັ້ງທີ XI

ຄໍາມ່ວນ ສຳມະນາວິທະຍາສາດ ປະກອບຄໍາເຫັນຕໍ່ຮ່າງເນື້ອໃນເອກະສານ ກອງປະຊຸມໃຫຍ່ ຜູ້ແທນອົງຄະນະພັກແຂວງ ຄັ້ງທີ XI

ສໍາມະນາວິທະຍາສາດ ປະກອບຄວາມຄິດເຫັນ ຕໍ່ຮ່າງເນື້ອໃນເອກະສານ ກອງປະຊຸມໃຫຍ່ ຜູ້ແທນອົງຄະນະພັກແຂວງຄໍາມ່ວນ ສະໄໝທີ XI ໄດ້ຈັດຂຶ້ນ ວັນທີ 24 ກໍລະກົດນີ້ ທີ່ສະໂມສອນໃຫຍ່ຫຼັກ 4 ຂອງແຂວງ ໂດຍການເປັນປະທານຂອງທ່ານ ວັນໄຊ ພອງສະຫວັນ ກໍາມະການສູນກາງພັກ ເລຂາຄະນະບໍລິຫານງານພັກແຂວງ ເຈົ້າແຂວງຄໍາມ່ວນ, ມີບັນດາຄະນະປະຈໍາ, ກໍາມະການພັກແຂວງ ພ້ອມດ້ວຍ ພະນັກງານການນໍາ, ພະນັກງານຫຼັກແຫຼ່ງຂອງແຂວງເຂົ້າຮ່ວມ.
ເມືອງພຽງ ໄດ້ຮັບຜົນກະທົບຈາກໄພພິບັດນ້ຳຖ້ວມຢູ່ບາງເຂດບ້ານ

ເມືອງພຽງ ໄດ້ຮັບຜົນກະທົບຈາກໄພພິບັດນ້ຳຖ້ວມຢູ່ບາງເຂດບ້ານ

ຕໍ່ກັບສະພາບໄພພິບັດນໍ້າຖ້ວມທີ່ເກີດຂຶ້ນໃນວັນທີ 23 ກໍລະກົດ 2025 ທີ່ເມືອງພຽງ ແຂວງໄຊຍະບູລີ, ອີງຕາມການເກັບກໍາຂໍ້ມູນເບື້ອງຕົ້ນຂອງຄະນະກໍາມະການຄຸ້ມຄອງໄພພິບັດຂັ້ນເມືອງ ຄັ້ງວັນທີ 23 ກໍລະກົດ 2025, ຫ້ອງການແຮງງານ ແລະ ສະຫວັດດີການສັງຄົມເມືອງພຽງ ໃນນາມກອງເລຂາຄະນະກໍາມະການຄຸ້ມຄອງໄພພິບັດຂັ້ນເມືອງ ໄດ້ລາຍງານໃຫ້ຮູ້ວ່າ: ວັນທີ 23 ກໍລະກົດຜ່ານມາ ໄດ້ມີຝົນຕົກໜັກຢ່າງຕໍ່ເນື່ອງເຮັດໃຫ້ເກີດມີນໍ້າຖ້ວມເຮືອນ, ທົ່ງນາ, ໜອງປາ, ສັດລ້ຽງ ແລະ ອື່ນໆ ຂອງປະຊາຊົນ ທີ່ສົ່ງຜົນກະທົບໃຫ້ຄອບຄົວຂອງປະຊາຊົນ ຈໍານວນ 22 ບ້ານ, ມີ 892 ຄອບຄົວ.
ບໍລິສັດໄຟຟ້າຫົງສາ ຈຳກັດ ມອບເຄື່ອງຊ່ວຍເຫຼືອໄພພິບັດນໍ້າຖ້ວມ ຢູ່ເມືອງເງິນ

ບໍລິສັດໄຟຟ້າຫົງສາ ຈຳກັດ ມອບເຄື່ອງຊ່ວຍເຫຼືອໄພພິບັດນໍ້າຖ້ວມ ຢູ່ເມືອງເງິນ

ຕອນບ່າຍຂອງວັນທີ 23 ກໍລະກົດນີ້ ຢູ່ທີ່ຫ້ອງວ່າການເມືອງເງິນ ແຂວງໄຊຍະບູລີ, ທ່ານ ທອງພັນ ສຸກສະຫວັດ ເລຂາຄະນະບໍລິຫານງານພັກເມືອງ ພ້ອມດ້ວຍຄະນະນຳອົງການປົກຄອງເມືອງ ໄດ້ຕ້ອນຮັບ ທ່ານ ຄະທາຍຸດ ຊູພູນ ຜູ້ອໍານວຍການໃຫຍ່ ບໍລິສັດ ໄຟຟ້າຫົງສາ ຈໍາກັດ ພ້ອມກັບທີມງານ, ໃນໂອກາດທີມາມອບເຄື່ອງຊ່ວຍເຫຼືອຜູ້ຖືກຜົນກະທົບຈາກໄພພິບັດນໍ້າຖ້ວມ ຢູ່ເມືອງເງິນ.
ເຈົ້າແຂວງຄຳມ່ວນ ລົງຕິດຕາມສະພາບນໍ້າຖ້ວມ ຢູ່ເມືອງຄູນຄໍາ

ເຈົ້າແຂວງຄຳມ່ວນ ລົງຕິດຕາມສະພາບນໍ້າຖ້ວມ ຢູ່ເມືອງຄູນຄໍາ

ວັນທີ 23 ກໍລະກົດນີ້, ທ່ານ ວັນໄຊ ພອງສະຫວັນ ເຈົ້າແຂວງຄໍາມ່ວນ ພ້ອມດ້ວຍຄະນະ ໄດ້ລົງຕິດຕາມ ສະພາບນໍ້າຖ້ວມ ຢູ່ເມືອງຄູນຄໍາ ໂດຍມີທ່ານ ແກ້ວບຸນຂວັນ ໄຊຍະວົງສາ ເຈົ້າເມືອງຄູນຄໍາ ພ້ອມຂະແໜງການກ່ຽວຂ້ອງຮ່ວມຕິດຕາມ.
ການນຳແຂວງຫຼວງພະບາງ ເລັ່ງແກ້ໄຂສະພາບຜົນກະທົບ ໄພພິບັດຢ່າງຮີບດ່ວນ

ການນຳແຂວງຫຼວງພະບາງ ເລັ່ງແກ້ໄຂສະພາບຜົນກະທົບ ໄພພິບັດຢ່າງຮີບດ່ວນ

ໃນລະຫວ່າງວັນທີ 22-23 ກໍລະກົດ 2025 ນີ້, ຢູ່ເມືອງນານ ແຂວງຫຼວງພະບາງ ໄດ້ເກີດມີຝົນຕົກໜັກຕິດຕໍ່ກັນເປັນເວລາຫຼາຍຊົ່ວໂມງ ເຮັດໃຫ້ສາຍນໍ້ານານ ແລະ ນໍ້າຫ້ວຍຫຼາຍສາຍ ມີປະລິມານເພີ່ມຂຶ້ນ ລົ້ນຝັ່ງຖ້ວມເຮືອນ ແລະ ພື້ນທີ່ການຜະລິດ ຂອງປະຊາຊົນ ສ້າງຄວາມເສຍຫາຍເປັນບໍລິເວນກວ້າງ
ຫົວໜ້າ ຄອສພ ລົງຊຸກຍູ້ການກະກຽມປັບປຸງກົງຈັກການຈັດຕັ້ງຢູ່ແຂວງບໍ​ລິ​ຄຳ​ໄຊ

ຫົວໜ້າ ຄອສພ ລົງຊຸກຍູ້ການກະກຽມປັບປຸງກົງຈັກການຈັດຕັ້ງຢູ່ແຂວງບໍ​ລິ​ຄຳ​ໄຊ

ໃນວັນທີ 23 ກໍລະກົດນີ້, ທ່ານ ຄຳພັັນ ເຜີຍຍະວົງ ຄະນະເລຂາທິການສູນກາງ ພັກ ຫົວໜ້າຄະນະໂຄສະນາອົບຮົມສູນກາງພັກ ປະທານສະພາທິດສະດີສູນກາງພັກ ພ້ອມ ຄະນະໄດ້ເຄື່ອນໄຫວຢ້ຽມຢາມເຮັດວຽກ ແລະ ຊຸກຍູ້ການກະກຽມປັບປຸງກົງຈັກການຈັດ ຕັ້ງຢູ່ແຂວງບໍລິ​ຄຳ​ໄຊ, ໂດຍໃຫ້ການຕ້ອນຮັບ ຂອງທ່ານ ສອນ​ທະ​ນູ ທຳ​ມະ​ວົງ ກຳມະ ການສູນກາງພັກ ເລຂາພັກແຂວງ ເຈົ້າແຂວງບໍ​ລິ​ຄຳ​ໄຊ ແລະ ໄດ້ພົບປະເຮັດວຽກ ນຳຄະ ປະຈຳພັກແຂວງ, ຄະນະປັບປຸງກົງຈັກການຈັດຕັ້ງແຂວງ ແລະ ຄະນະໂຄສະນາອົບຮົມ ແຂວງ ທີ່ຫ້ອງວ່າການແຂວງບໍລິຄຳໄຊ.
ຮອງເຈົ້າແຂວງຊຽງຂວາງມອບເຄື່ອງບັນເທົາທຸກໃຫ້ເມືອງຄູນ

ຮອງເຈົ້າແຂວງຊຽງຂວາງມອບເຄື່ອງບັນເທົາທຸກໃຫ້ເມືອງຄູນ

ວັນທີ 23 ກໍລະກົດນີ້, ທ່ານ ສີວິໄລ ແສງຈະເລີນ ຮອງເຈົ້າແຂວງຊຽງຂວາງ ພ້ອມດ້ວຍພະແນກການ, ຄະນະກຳມະການຄຸ້ມຄອງໄພພິບັດຂັນແຂວງ ແລະ ເມືອງ ໄດ້ລົງກວດກາຜົນກະທົບຈາກໄພພິບັດນ້ຳຖ້ວມຊຸ ຢູ່ເມືອງຄູນ ແຂວງຊຽງຂວາງ ໄດ້ເຮັດໃຫ້ນ້ຳໄຫຼເຂົ້າເຮືອນຊານຂອງປະຊາຊົນ, ເຮືອນຖືກນ້ຳຊຸໄຫຼເປ່ເພ, ເຂົ້ານາ, ເຄື່ອປູກ, ສັດລ້ຽງ ເສຍຫາຍ, ເສັ້ນທາງເປ່ເພ, ດິນເຊາະເຈື່ອນຖົມທາງເຮັດໃຫ້ການສັນຈອນມີຄວາມຫຍຸ້ງຍາກຢູ່ເຂດເທສະບານເມືອງຄູນ ມີ 4 ບ້ານ ໄດ້ຮັບຜົນກະທົບທີ່ຢູ່ອາໄສມີ: ບ້ານສີພົມ, ເພຍວັດ, ນາສີ ແລະ ບ້ານໂພນແຍງ, ມີ 84 ຫຼັງຄາເຮືອນ, ມີ 582 ຄົນ ຊຶ່ງໄດ້ຍ້າຍໄປທີ່ປອດໄພແລ້ວ.
ແມ່ຍິງ ຫສນຍ ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ

ແມ່ຍິງ ຫສນຍ ສະເຫຼີມສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ

ໃນວັນທີ 22 ກໍລະກົດ ນີ້, ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດພິທີສະເຫຼີມສະຫຼອງວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຄົບຮອບ 70 ປີ (20 ກໍລະກົດ 1955 - 20 ກໍລະກົດ 2025) ພາຍ ໃຕ້ຄໍາຂວັນ ‘‘70 ປີ ມີໄຊ ເຕີບໃຫຍ່ເຂັ້ມແຂງພັດທະນາແມ່ຍິງກ້າວໄກ ທັນສະໄໝ” ໂດຍການໃຫ້ກຽດ ເຂົ້າຮ່ວມຂອງສະຫາຍ ບົວຄົງ ນາມມະວົງ ກຳມະການສູນກາງພັກ ເລຂາຄະນະບໍລິຫານງານພັກ ລັດຖະມົນຕີ ຫົວໜ້າ ຫສນຍ;ສະຫາຍ ນາງອາລີ ວົງໝໍ່ບຸນທຳ ກໍາມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ; ບັນດາສະຫາຍເລຂາໜ່ວຍພັກຮາກຖານ, ຄະນະບໍລິຫານງານສະຫະພັນກຳມະບານ, ຊາວໜຸ່ມ, ແມ່ຍິງ ພ້ອມດ້ວຍພັນລະຍາການນຳ, ພະນັກງານການນຳອາວຸໂສບຳນານເພດຍິງ ແລະ ສະມາຊິກສະຫະພັນແມ່ຍິງພາຍໃນ ຫສນຍ.
ເພີ່ມເຕີມ