 |
ທ່ານ ພິມພອນ ພັນດານຸວົງ ກ່າວວ່າ:ກອງປະຊຸມວິຊາການກຳນົດຫົວຂໍ້ສຳຄັນດ້ານການຈັດຕັ້ງປະຕິບັດແຜນພັດທະນາຊົນນະບົດ ແລະ ແກ້ໄຂຄວາມທຸກຍາກ ໃນຄັ້ງນີ້ມີຄວາມສຳຄັນຫຼາຍ ຊຶ່ງຜູ້ເຂົ້າຮ່ວມໄດ້ຮັບຟັງການເຜີຍແຜ່ ແລະ ຮ່ວມກັນຈັດຕັ້ງປະຕິບັດວາລະແຫ່ງຊາດ ວ່າດ້ວຍການພັດທະນາຊົນນະບົດ ແລະ ແກ້ໄຂຄວາມທຸກຍາກທີ່ລັດຖະບານໄດ້ວາງອອກ.ເປັນການຄົ້ນຄ້ວາ,ປະກອບຄໍາເຫັນ ແລະ ຢັ້ງຢືນ,ຮັບຮອງເອົາຕົວເລກຈຳນວນຄອບຄົວທຸກຍາກ ແລະ ກຳນົດແຜນລະອຽດໃນການຈັດຕັ້ງປະຕິບັດໃຫ້ບັນລຸດຕາມຈຸດປະສົງເປົ້າໝາຍທີ່ວາງໄວ້.
ທ່ານ ບຸນຍົງ ສູນທອນ ຮອງຫົວໜ້າຫ້ອງວ່າການແຂວງ (ຜູ້ຮັບຜິດຊອບວຽກງານກໍ່ສ້າງຮາກຖານການເມືອງ)ໄດ້ເຜີຍແຜ່ ຄໍາແນະນໍາ ວ່າດ້ວຍການຈັດຕັ້ງປະຕິບັດ ແຜນປະຕິບັດງານແຫ່ງຊາດ ວ່າດ້ວຍການພັດທະນາຊົນນະບົດ ແລະ ແກ້ໄຂຄວາມທຸກຍາກ ໄລຍະ 2027-2030.
ທ່ານ ໄຊຍະສິດ ວິລະພັດ ຮອງຫົວໜ້າພະແນກກະສິກຳ ແລະ ສິ່ງແວດລ້ອມແຂວງ ໄດ້ຜ່ານ ແຜນການການກໍານົດເປົ້າໝາຍ ຄອບຄົວ, ບ້ານ, ເມືອງເປົ້າໝາຍ ການປະຕິບັດວາລະແຫ່ງຊາດ ແລະ ການສ້າງແຜນການ, ໂຄງການ/ກິດຈະກຳ ແລະ ການປະເມີນຜົນໂຄງການ ກ່ອນການສ້າງແຜນ.
 |
ທ່ານ ສະໜັ່ນສີດາວົງ ຫົວໜ້າພະແນກການເງິນແຂວງ ໄດ້ຜ່ານແຜນການຂຶ້ນແຜນງົບປະມານຮັບໃຊ້ພັດທະນາຊົນນະບົດ ແລະ ແກ້ໄຂຄວາມທຸກຍາກ.
ຜູ້ເຂົ້າຮ່ວມໄດ້ປະດກອບຄໍາຄິດຄໍາເຫັນໃສ່ບັນດາໂຄງການ/ກິດຈະກຳ ທີ່ກຳນົດເຂົ້າໃນແຜນພັດທະນາຊົນນະບົດ ແກ້ໄຂຄວາມທຸກຍາກ ຢ່າງລະອຽດເພື່ອຄວາມເອກະພາບໃນການຈັດຕັ້ງປະຕິບັດໃນແຕ່ລະໜ້າວຽກ.
ທັງນີ້,ເພື່ອແນໃສ່ເຮັດໃຫ້ທິດທາງແຜນການດັ່ງກ່າວ ມີຄວາມເປັນເອກະພາບກັນທາງດ້ານຈໍານວນ,ງົບປະມານ ແລະ ວິທີຈັດຕັ່ງປະຕິບັດ ປົ້າໝາຍເພື່ອແກ້ໄຂຄວາມທຸກຍາກຂອງປະຊາຊົນທີ່ມີຢູ່ແຂວງຈຳປາສັກໃຫ້ໄດ້ຢ່າງມີປະສິດທິພາບ ເຮັດໃຫ້ຄອບຄົວທຸກຍາກຫຼຸດໜ້ອຍຖອຍລົງເທື່ອລະກ້າວ ແລະ ໝົດໄປໃນອະນາຄົດ.
ຂ່າວ: ເກດສະໜາ
ຄໍາເຫັນ