ເຈົ້າແຂວງສາລະວັນ ອວຍພອນ ນາຍ ແລະ ພົນທະຫານ ກອງຮ້ອຍ 33

ຂັ້ນແຂວງ ພ້ອມດ້ວຍຄະນະ ເຄື່ອນໄຫວຢ້ຽມຢາມ, ອວຍພອນ ນາຍ ແລະ ພົນທະຫານ ຂອງກອງຮ້ອຍ 33 ເມືອງເລົ່າງາມ.

ໃນໂອກາດນີ້, ທ່ານເຈົ້າແຂວງສາລະວັນ ໄດ້ສະແດງຄວາມເປັນຫ່ວງເປັນໃຍ ເພື່ອເປັນການນໍາເອົາຄວາມອົບອຸ່ນຈາກຄະນະພັກ, ຄະນະປົກຄອງແຂວງ ເຖິງຊີວິດການເປັນຢູ່ຂອງ ນາຍ ແລະ ພົນທະຫານ ທີ່ໄດ້ປະຕິບັດໜ້າທີ່ຢູ່ຮາກຖານທ້ອງຖິ່ນ, ໄດ້ຜ່ານຜ່າຄວາມຫຍຸ້ງຍາກຕ່າງໆ ດ້ວຍຄວາມຮັບຜິດຊອບສູງ, ທັງໄດ້ສຸມໃສ່ການຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆ ເຮັດໃຫ້ທົ່ວສັງຄົມ ມີຄວາມສະຫງົບ, ຄວາມເປັນລະບຽບຮຽບຮ້ອຍ, ພໍ່ແມ່ປະຊາຊົນ ໄດ້ເຄື່ອນໄຫວດຳລົງຊີວິດດ້ວຍຄວາມສະຫງົບ, ປອດໄພ ແລະ ການປະກອບສ່ວນອັນສໍາຄັນໃນການພັດທະນາເສດຖະກິດ-ສັງຄົມ. ພ້ອມທັງເນັ້ນໃຫ້ນາຍ ແລະ ພົນທະຫານ ສືບຕໍ່ຮັກສາມູນເຊື້ອ ແລະ ຮ່ຳຮຽນເອົາມູນເຊື້ອອັນສະຫງ່າງາມຂອງກອງທັບປະຊາຊົນລາວ ຄຽງຄູ່ກັບການພັດທະນາກໍາລັງໃຫ້ມີຄວາມເຂັ້ມແຂງ, ທັນສະໄໝ, ຄວາມພິລະອາດຫານ, ເພີ່ມທະວີເອົາໃຈໃສ່ໃນການພົວພັນກັບບ້ານ ເນື່ອງຈາກເປັນກອງຮ້ອຍ ທີ່ຢູ່ໃກ້ຊຸມຊົນ, ລົງເລິກໃນການຄຸ້ມຄອງພົນລະເມືອງ, ຊ່ວຍເຫຼືອວຽກງານຮອບດ້ານຂອງບ້ານ ກໍຄືປະຊາຊົນ ແລະ ສຸມໃສ່ຮັກສາຄວາມເປັນລະບຽບຮຽບຮ້ອຍຂອງສັງຄົມ.

ການເຄື່ອນໄຫວໃນຄັ້ງນີ້, ຍັງໄດ້ຮັບຟັງການລາຍງານກ່ຽວກັບການຈັດຕັ້ງປະຕິບັດວຽກງານໄລຍະຜ່ານມາ.ກອງຮ້ອຍ 33ແມ່ນກົມກອງເຫຼົ່າຮົບປືນໃຫຍ່ໜ້າດິນ ສາຍຕັ້ງຂຶ້ນກັບກົມໃຫຍ່ໜ້າດິນ, ສາຍຂວາງຂຶ້ນກັບກອງບັນຊາການທະຫານແຂວງ.

(ຂ່າວ-ພາບ: ວິໄລວອນ ສິດທິໄຊ)