ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ໄດ້ຕ້ອນຮັບການເຂົ້າອວຍພອນ ຂອງ ທ່ານ ກີ ໂມນີຣ໋ວດ ກົງສູນໃຫຍ່ແຫ່ງ ຣາຊະອານາຈັກກໍາປູເຈຍ ປະຈໍານະຄອນປາກເຊ ພ້ອມຄະນະ, ໃນວັນທີ 24 ພະຈິກ ຜ່ານມາ ທີ່ຫ້ອງວ່າການແຂວງເຊກອງ, ເນື່ອງໃນໂອກາດສະເຫຼີມສະຫຼອງວັນຊາດແຫ່ງສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 48 ປີ.
ໃນໂອກາດທີ່ມາອວຍພອນ ແລະຢ້ຽມຢາມໃນຄັ້ງນີ້, ທ່ານ ກີ ໂມນີຣ໋ວດ ໄດ້ກ່າວສະແດງຄວາມຂ່ຳນັບຮັບຕ້ອນວັນຊາດ ທີ 2 ທັນວາ ຄົບຮອບ 48 ປີ ແລະອວຍພອນໄຊໃຫ້ບັນດາທ່ານການນຳຂັ້ນແຂວງຕະຫຼອດຮອດປະຊາຊາຊົນບັນດາເຜົ່າຊາວແຊວງເຊກອງ ຈົ່ງມີຄວາມສຸກຄວາມຈະເລີນ ມີສຸຂະພາບແຂງແຮງ ປະສົບຜົນສຳເລັດໃນໜ້າທີ່ການການທຸກໆດ້ານ ແລະອວຍພອນຕໍ່ການພົວພັນມິດຕະພາບ ສາມັກຄີ ແລະ ການຮ່ວມມື ລະຫວ່າງ ສອງປະເທດ ລາວ-ກໍາປູເຈຍ ໃຫ້ສືບຕໍ່ໝັ້ນຄົງຂະ ໜົງແກ່ນຕະຫຼອດໄປ ແລະ ສືບຕໍ່ສາຍພົວພັນໃຫ້ດີຍິ່ງໆຂຶ້ນ.
ພ້ອມນີ້, ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ຍັງໄດ້ເລົ່າຄືນການພົວພັນອັນສະໜິດແໜ້ນ ການຮ່ວມມື ແລະການຊ່ວຍເຫຼືອຊຶ່ງກັນ ແລະກັນ ຍັງສືບຕໍ່ຮັກສາໄດ້ມູນເຊື້ອອັນອົງອາດກ້າແກ່ນຂອງທ່ານຜູ້ນຳສ້າງຊາດ ຮັກສາມູນເຊື້ອຄວາມສາມັກຄີຮັກແພງຊ່ວຍເຫຼືອຊຶ່ງ ແລະກັນ, ພ້ອມທັງກ່າວສະແດງຄວາມຂອບໃຈມາຍັງທ່ານ ກີ ໂມນີຣ໋ວດ ພ້ອມຄະນະ ຊຶ່ງຍາມໃດກໍໄດ້ໃຫ້ຄວາມສຳຄັນ ແລະໃຫ້ການຮ່ວມມືຢ່າງສະໜິດແໜ້ນ ເປັນຕົ້ນດ້ານການທູດ, ການທ່ອງທ່ຽວ, ການຄ້າ ແລະອື່ນໆ; ໃນໂອກາດດຽວກັນນັ້ນ ທ່ານເຈົ້າແຂວງເຊກອງ ກໍໄດ້ອວຍພອນເຖິງບັນດາການນຳທຸກຂັ້ນ ຕະຫຼອດຮອດປະຊາຊົນກຳປູເຈຍ ຈົ່ງມີຄວາມສຸກ, ມີສຸຂະພາບແຂງແຮງ ແລະ ມີຜົນສຳເລັດໃນໜ້າທີ່ວຽກງານທຸກດ້ານສືບຕໍ່ຮັດແໜ້ນສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມື ໃຫ້ນັບມື້ແໜ້ນແຟ້ນຂຶ້ນເລື້ອຍໆ. ຂ່າວ-ພາບ: ພຸດທະສອນ
ໃນໂອກາດທີ່ມາອວຍພອນ ແລະຢ້ຽມຢາມໃນຄັ້ງນີ້, ທ່ານ ກີ ໂມນີຣ໋ວດ ໄດ້ກ່າວສະແດງຄວາມຂ່ຳນັບຮັບຕ້ອນວັນຊາດ ທີ 2 ທັນວາ ຄົບຮອບ 48 ປີ ແລະອວຍພອນໄຊໃຫ້ບັນດາທ່ານການນຳຂັ້ນແຂວງຕະຫຼອດຮອດປະຊາຊາຊົນບັນດາເຜົ່າຊາວແຊວງເຊກອງ ຈົ່ງມີຄວາມສຸກຄວາມຈະເລີນ ມີສຸຂະພາບແຂງແຮງ ປະສົບຜົນສຳເລັດໃນໜ້າທີ່ການການທຸກໆດ້ານ ແລະອວຍພອນຕໍ່ການພົວພັນມິດຕະພາບ ສາມັກຄີ ແລະ ການຮ່ວມມື ລະຫວ່າງ ສອງປະເທດ ລາວ-ກໍາປູເຈຍ ໃຫ້ສືບຕໍ່ໝັ້ນຄົງຂະ ໜົງແກ່ນຕະຫຼອດໄປ ແລະ ສືບຕໍ່ສາຍພົວພັນໃຫ້ດີຍິ່ງໆຂຶ້ນ.
ພ້ອມນີ້, ທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ ຍັງໄດ້ເລົ່າຄືນການພົວພັນອັນສະໜິດແໜ້ນ ການຮ່ວມມື ແລະການຊ່ວຍເຫຼືອຊຶ່ງກັນ ແລະກັນ ຍັງສືບຕໍ່ຮັກສາໄດ້ມູນເຊື້ອອັນອົງອາດກ້າແກ່ນຂອງທ່ານຜູ້ນຳສ້າງຊາດ ຮັກສາມູນເຊື້ອຄວາມສາມັກຄີຮັກແພງຊ່ວຍເຫຼືອຊຶ່ງ ແລະກັນ, ພ້ອມທັງກ່າວສະແດງຄວາມຂອບໃຈມາຍັງທ່ານ ກີ ໂມນີຣ໋ວດ ພ້ອມຄະນະ ຊຶ່ງຍາມໃດກໍໄດ້ໃຫ້ຄວາມສຳຄັນ ແລະໃຫ້ການຮ່ວມມືຢ່າງສະໜິດແໜ້ນ ເປັນຕົ້ນດ້ານການທູດ, ການທ່ອງທ່ຽວ, ການຄ້າ ແລະອື່ນໆ; ໃນໂອກາດດຽວກັນນັ້ນ ທ່ານເຈົ້າແຂວງເຊກອງ ກໍໄດ້ອວຍພອນເຖິງບັນດາການນຳທຸກຂັ້ນ ຕະຫຼອດຮອດປະຊາຊົນກຳປູເຈຍ ຈົ່ງມີຄວາມສຸກ, ມີສຸຂະພາບແຂງແຮງ ແລະ ມີຜົນສຳເລັດໃນໜ້າທີ່ວຽກງານທຸກດ້ານສືບຕໍ່ຮັດແໜ້ນສາຍພົວພັນມິດຕະພາບ, ຄວາມສາມັກຄີ ແລະ ການຮ່ວມມື ໃຫ້ນັບມື້ແໜ້ນແຟ້ນຂຶ້ນເລື້ອຍໆ. ຂ່າວ-ພາບ: ພຸດທະສອນ
ຄໍາເຫັນ