ທ່ານ ບຸນໂຈມ ອຸບົນປະເສີດ ກໍາມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ທ່ານ ວົງຄໍາ ພົມມະກອນ ກໍາມະການສູນກາງພັກ ຮອງລັດຖະມົນຕີກະຊວງປ້ອງກັນປະເທດ ພ້ອມພາກສ່ວນກ່ຽວຂ້ອງໄດ້ລົງຊຸກຍູ້ວຽກງານຢູ່ຈຸດສຸມຈຽງຕູບ ຫວ່າງບໍ່ດົນມານີ້. ໃນການລົງພົບປະຢ້ຽມຢາມຄັ້ງນີ້ ທ່ານເຈົ້າແຂວງ ແລະ ທ່ານຮອງລັດຖະມົນຕີກະຊວງປ້ອງກັນປະເທດ ໄດ້ນຳເອົາເຄື່ອງຝາກຂອງຕ້ອນ ເປັນຕົ້ນ: ອຸປະກອນການຮຽນ, ອຸປະກອນກິລາ, ເຄື່ອງນຸ່ງຫົ່ມ ແລະ ເຄື່ອງໃຊ້ໃນຄົວເຮືອນ ມອບໃຫ້ນັກຮຽນ ແລະ ຄູ-ອາຈານ ເພື່ອເປັນຂວັນກຳລັງໃຈໃນການຮ່ຳຮຽນ ແລະ ການສິດສອນຂອງຄູ-ອາຈານ ທີ່ຕັ້ງໜ້າບຸກບືນ ແລະ ມີຄວາມອົດທົນພະຍາຍາມ ໃນການສ້າງອະນາຄົດຂອງຊາດ ຢູ່ເຂດພູດອຍຫ່າງໄກສອກຫຼີກ ເຖິງຈະມີບັນຫາຄວາມຫຍຸ້ງຍາກນາໆປະການ ກໍຍັງພ້ອມກັນຜ່ານຜ່າມາໄດ້.
ໂອກາດນີ້, ທ່ານ ບຸນໂຈມ ອຸບົນປະເສີດ ໃນນາມຜູ້ຊີ້ນຳຈຸດສຸມຈຽງຕູບ ໄດ້ໃຫ້ສຳພາດແກ່ນັກຂ່າວແຂວງວ່າ: ໃນການລົງມາຊີ້ນຳຈຸດສຸມຈຽງຕູບຄັ້ງນີ້ ຈຸດປະສົງຫຼັກກໍເພື່ອພັດທະນາໃຫ້ຈຸດສຸມດັ່ງກ່າວນີ້ ໃຫ້ກາຍເປັນຕົວເມືອງນ້ອຍ, ສ້າງໃຫ້ກາຍເປັນບ້ານພົ້ນທຸກ, ຄອບຄົວພົ້ນທຸກ ໃນອະນາຄົດອັນໃກ້ນີ້. ເມື່ອຢາກເຮັດໄດ້ແນວນັ້ນ ທາງຄະນະນຳຂອງແຂວງ ກໍຄືລັດຖະບານ ໄດ້ທຸ່ມງົບປະມານຈຳນວນໜຶ່ງ ເພື່ອເລັ່ງປັບປຸງ ແລະ ພັດທະນາ ຊຶ່ງກ່ອນອື່ນໝົດ ກໍຕ້ອງເລັ່ງໃສ່ປັບປຸງລະບົບການເມືອງໃຫ້ມີຄວາມເຂັ້ມແຂງ, ໂດຍມອບໃຫ້ຄະນະພັກເມືອງເຊໂປນ ໄດ້ລົງປັບປຸງ ແລະ ແຕ່ງຕັ້ງຄະນະພັກຮາກຖານຂອງຈຸດສຸມແຫ່ງນີ້ຄືນໃໝ່, ໂດຍເນັ້ນໃສ່ໂຄງປະກອບທີ່ມີການຕິດພັນ, ໃນນັ້ນ ປະກອບມີ: ຄະນະພັກເມືອງ ເປັນເລຂາພັກຮາກຖານ, ມີກຳລັງ ປກສ ເປັນຮອງ, ກຳລັງ ປກຊ ເປັນຮອງ, ນອກນັ້ນມີ: ຫ້ອງການກະສິກຳ-ປ່າໄມ້, ສຶກສາທິການ-ກິລາ, ສາທາລະນະສຸກ, ອົງການຈັດຕັ້ງມະຫາຊົນ ພ້ອມອຳນາດການປົກຄອງຂັ້ນບ້ານ ເປັນກຳມະການ ຈາກນັ້ນ. ຈຶ່ງໄດ້ມີການສ້າງແຜນພັດທະນາພື້ນຖານໂຄງລ່າງ ຢ່າງມີຈຸດສຸມ ເປັນຕົ້ນ: ພັດທະນາເສັ້ນທາງໃຫ້ສາມາດທຽວໄດ້ 2 ລະດູ, ພ້ອມນັ້ນ ກໍຈະໄດ້ສ້າງຂົວຂ້າມເຊບັ້ງຫຽງ ເພື່ອຂ້າມໄປຫາຈຸດສຸມລະໂກ, ຈະໄດ້ມີການສ້າງໂຮງໝໍນ້ອຍ ທີ່ທັນສະໄໝ ສາມາດຜ່າຕັດນ້ອຍໄດ້ ໂດຍຈະໄດ້ມີການປະກອບບຸກຄະລາກອນໃຫ້ພຽງພໍ, ປັບປຸງພັດທະນາໂຮງຮຽນກິນນອນຊົນເຜົ່າ ເພື່ອໃຫ້ລູກຫຼານ, ນັກຮຽນໃຫ້ໄດ້ເຂົ້າຮຽນທຸກຄົນ, ສ່ວນປະຊາຊົນຜູ້ທີ່ບໍ່ຮູ້ໜັງສື ກໍສາມາດເຂົ້າຮຽນຫຼັກສູດບຳລຸງ ເພື່ອໃຫ້ຮູ້ພາສາລາວຫຼາຍຂຶ້ນ, ຈາກນັ້ນ ກໍຕ້ອງມີການຈັດສັນທີ່ດິນ ໃນການທຳມາຫາກິນໃຫ້ປະຊາຊົນແຕ່ລະຄົວເຮືອນ ເພື່ອຈະໄດ້ເຮັດການຜະລິດ, ສ້າງຕະຫຼາດຊຸມຊົນ ໃຫ້ມີບ່ອນແລກປ່ຽນຊື້-ຂາຍ, ສ້າງຄີວລົດໂດຍສານ ເພື່ອຄວາມສະດວກໃນການ ໄປ-ມາ ຫາສູ່ຢ່າງທົ່ວເຖິງ ແລະ ບັນຫາອື່ນໆ ກໍສາມາດພັດທະນາໄປພ້ອມໆກັນ. ໂອກາດນີ້ ທ່ານເຈົ້າແຂວງຍັງໄດ້ໃຫ້ຄຳໝັ້ນສັນຍາວ່າ: ໂຄງການທີ່ກ່າວມານີ້ ຈະເລີ່ມລົງມືແຕ່ດຽວນີ້ ຄາດວ່າອີກ 2 ປີຕໍ່ໜ້າ (ຮອດປີ 2025) ຈະໃຫ້ເຫັນຜົນ ແລະ ຈະໃຫ້ຈຸດສຸມຈຽງຕູບມີໃບໜ້າໃໝ່ຢ່າງແນ່ນອນ.
(ຂ່າວ: ແຂວງສະຫວັນນະເຂດ)
ໂອກາດນີ້, ທ່ານ ບຸນໂຈມ ອຸບົນປະເສີດ ໃນນາມຜູ້ຊີ້ນຳຈຸດສຸມຈຽງຕູບ ໄດ້ໃຫ້ສຳພາດແກ່ນັກຂ່າວແຂວງວ່າ: ໃນການລົງມາຊີ້ນຳຈຸດສຸມຈຽງຕູບຄັ້ງນີ້ ຈຸດປະສົງຫຼັກກໍເພື່ອພັດທະນາໃຫ້ຈຸດສຸມດັ່ງກ່າວນີ້ ໃຫ້ກາຍເປັນຕົວເມືອງນ້ອຍ, ສ້າງໃຫ້ກາຍເປັນບ້ານພົ້ນທຸກ, ຄອບຄົວພົ້ນທຸກ ໃນອະນາຄົດອັນໃກ້ນີ້. ເມື່ອຢາກເຮັດໄດ້ແນວນັ້ນ ທາງຄະນະນຳຂອງແຂວງ ກໍຄືລັດຖະບານ ໄດ້ທຸ່ມງົບປະມານຈຳນວນໜຶ່ງ ເພື່ອເລັ່ງປັບປຸງ ແລະ ພັດທະນາ ຊຶ່ງກ່ອນອື່ນໝົດ ກໍຕ້ອງເລັ່ງໃສ່ປັບປຸງລະບົບການເມືອງໃຫ້ມີຄວາມເຂັ້ມແຂງ, ໂດຍມອບໃຫ້ຄະນະພັກເມືອງເຊໂປນ ໄດ້ລົງປັບປຸງ ແລະ ແຕ່ງຕັ້ງຄະນະພັກຮາກຖານຂອງຈຸດສຸມແຫ່ງນີ້ຄືນໃໝ່, ໂດຍເນັ້ນໃສ່ໂຄງປະກອບທີ່ມີການຕິດພັນ, ໃນນັ້ນ ປະກອບມີ: ຄະນະພັກເມືອງ ເປັນເລຂາພັກຮາກຖານ, ມີກຳລັງ ປກສ ເປັນຮອງ, ກຳລັງ ປກຊ ເປັນຮອງ, ນອກນັ້ນມີ: ຫ້ອງການກະສິກຳ-ປ່າໄມ້, ສຶກສາທິການ-ກິລາ, ສາທາລະນະສຸກ, ອົງການຈັດຕັ້ງມະຫາຊົນ ພ້ອມອຳນາດການປົກຄອງຂັ້ນບ້ານ ເປັນກຳມະການ ຈາກນັ້ນ. ຈຶ່ງໄດ້ມີການສ້າງແຜນພັດທະນາພື້ນຖານໂຄງລ່າງ ຢ່າງມີຈຸດສຸມ ເປັນຕົ້ນ: ພັດທະນາເສັ້ນທາງໃຫ້ສາມາດທຽວໄດ້ 2 ລະດູ, ພ້ອມນັ້ນ ກໍຈະໄດ້ສ້າງຂົວຂ້າມເຊບັ້ງຫຽງ ເພື່ອຂ້າມໄປຫາຈຸດສຸມລະໂກ, ຈະໄດ້ມີການສ້າງໂຮງໝໍນ້ອຍ ທີ່ທັນສະໄໝ ສາມາດຜ່າຕັດນ້ອຍໄດ້ ໂດຍຈະໄດ້ມີການປະກອບບຸກຄະລາກອນໃຫ້ພຽງພໍ, ປັບປຸງພັດທະນາໂຮງຮຽນກິນນອນຊົນເຜົ່າ ເພື່ອໃຫ້ລູກຫຼານ, ນັກຮຽນໃຫ້ໄດ້ເຂົ້າຮຽນທຸກຄົນ, ສ່ວນປະຊາຊົນຜູ້ທີ່ບໍ່ຮູ້ໜັງສື ກໍສາມາດເຂົ້າຮຽນຫຼັກສູດບຳລຸງ ເພື່ອໃຫ້ຮູ້ພາສາລາວຫຼາຍຂຶ້ນ, ຈາກນັ້ນ ກໍຕ້ອງມີການຈັດສັນທີ່ດິນ ໃນການທຳມາຫາກິນໃຫ້ປະຊາຊົນແຕ່ລະຄົວເຮືອນ ເພື່ອຈະໄດ້ເຮັດການຜະລິດ, ສ້າງຕະຫຼາດຊຸມຊົນ ໃຫ້ມີບ່ອນແລກປ່ຽນຊື້-ຂາຍ, ສ້າງຄີວລົດໂດຍສານ ເພື່ອຄວາມສະດວກໃນການ ໄປ-ມາ ຫາສູ່ຢ່າງທົ່ວເຖິງ ແລະ ບັນຫາອື່ນໆ ກໍສາມາດພັດທະນາໄປພ້ອມໆກັນ. ໂອກາດນີ້ ທ່ານເຈົ້າແຂວງຍັງໄດ້ໃຫ້ຄຳໝັ້ນສັນຍາວ່າ: ໂຄງການທີ່ກ່າວມານີ້ ຈະເລີ່ມລົງມືແຕ່ດຽວນີ້ ຄາດວ່າອີກ 2 ປີຕໍ່ໜ້າ (ຮອດປີ 2025) ຈະໃຫ້ເຫັນຜົນ ແລະ ຈະໃຫ້ຈຸດສຸມຈຽງຕູບມີໃບໜ້າໃໝ່ຢ່າງແນ່ນອນ.
(ຂ່າວ: ແຂວງສະຫວັນນະເຂດ)
ຄໍາເຫັນ