ຂ່າວລະບຸວ່າ: ຝົນຕົກໜັກ, ນໍ້າຖ້ວມກະທັນຫັນ, ຟ້າຜ່າ, ດິນເຈື່ອນ, ແລະ ຕຶກອາຄານພັງລົງ ເຮັດໃຫ້ເກີດການສູນຢ່າງໜັກໜ່ວງທີ່ສຸດໃນລະດູຝົນປີນີ້. ອົງການຄຸ້ມຄອງໄພພິບັດປະຈຳແຂວງລາຍງານວ່າ: ມີຜູ້ເສຍຊີວິດ ແລະ ຫາຍສາບສູນ 307 ຄົນຢູ່ເຂດພູດອຍ ແລະ ພູເຂົາຂອງແຂວງໄຄເບີປັກຕຸນຄວາ.
ສຳລັບເມືອງບູເນີ ແຂວງໄຄເບີປັກຕຸນຄວາ ຊຶ່ງຕັ້ງຢູ່ທາງທິດເໜືອຂອງນະຄອນຫຼວງອິສລາມາບັດໃຊ້ເວລາເດີນທາງປະມານ 3 ຊົ່ວໂມງເຄິ່ງ ເປັນເມືອງໜຶ່ງທີ່ໄດ້ຮັບຜົນກະທົບຮ້າຍແຮງທີ່ສຸດ, ໂດຍມີຜູ້ເສຍຊີວິດ 184 ຄົນ ແລະ ເກີດຄວາມເສຍຫາຍຢ່າງຫຼວງຫຼາຍຕໍ່ພື້ນຖານໂຄງລ່າງ, ພືດ ແລະ ສວນ ໝາກໄມ້.
ຝົນຕົກໜັກ, ຕົ້ນໄມ້ຫັກ ແລະ ນໍ້າຖ້ວມກະທັນຫັນ ໄດ້ພັດເອົາປະຊາຊົນ ແລະ ຊັບສິນໄປກັບສາຍນໍ້າ. ໃນຂະນະທີ່ບາງພື້ນທີ່ຂອງເມືອງບູເນີ ຍັງມີປະຊາຊົນລວມທັງແມ່ຍິງ ແລະ ເດັກນ້ອຍ ຕິດຢູ່ໃນພື້ນທີ່ນ້ໍາຖ້ວມ. ໃນຂະນະທີ່ຄົ້ນພົບຜູ້ເສຍຊີວິດແລ້ວ ຈຳນວນ 93 ຄົນ.
ທັງນີ້, ບາງເຂດຂອງອິນເດຍ ແລະ ເນປານ ຊຶ່ງເປັນບ້ານໃກ້ເຮືອນຄຽງຂອງປາກິດສະຖານ ກໍໄດ້ຮັບຜົນກະທົບຢ່າງໜັກໜ່ວງຈາກຝົນຕົກໜັກ ແລະ ນ້ຳຖ້ວມກະທັນຫັນໃນອາທິດນີ້.
ຄໍາເຫັນ