ຮັກສາການ ປະທານສານປະຊາຊົນພາກໃຕ້ ຊີ້ນໍາວຽກງານວິຊາສະເພາະ ຢູ່ທີ່ສານປະຊາຊົນແຂວງສະຫວັນນະເຂດ

ທ່ານ ສີບຸນເຮືອງ ໂກສົນ ຮອງປະທານສານປະຊາຊົນແຂວງ ໄດ້ລາຍງານກ່ຽວກັບການເຄື່ອນໄຫວຈັດຕັ້ງປະຕິບັດວຽກງານ ໄລຍະ 6 ເດືອນ ພ້ອມທັງຜ່ານທິດທາງແຜນການໃນຕໍ່ໜ້າ. ຜ່ານການຈັດຕັ້ງປະຕິບັດການແກ້ໄຂຄະດີ 2 ຂັ້ນ ຂອງສານປະຊາຊົນແຂວງ ແລະ ສານປະຊາຊົນເຂດ ແມ່ນສາມາດແກ້ໄຂຄະດີທີ່ເຂົ້າມາສານ ໃນໄລຍະ 6 ເດືອນໄດ້ທັງໝົດ 358 ເລື່ອງ, ເທົ່າກັບ 59.17% ຂອງຄະດີທັງໝົດ 605 ເລື່ອງ. ໃນນັ້ນ, ຂັ້ນຕົ້ນມີການຂໍອຸທອນ 22 ເລື່ອງ, ເທົ່າກັບ 6.15% ຂອງຄະດີແກ້ໄຂເປັນຂັ້ນຕົ້ນ 334 ເລື່ອງ, ການແກ້ໄຂຂັ້ນອຸທອນມີ 24 ເລື່ອງ ບໍ່ມີການຂໍລົບລ້າງ. ປັດຈຸບັນຄະດີຍັງພວມດຳເນີນຢູ່ສານພາຍໃນແຂວງທັງໝົດ 247 ເລື່ອງ ສາມາດແຍກໄດ້ດັ່ງນີ້: ຄະດີຂັ້ນຕົ້ນ ທີ່ສານປະຊາຊົນແຂວງ, ສານປະຊາຊົນເຂດ ແກ້ໄຂໄດ້ດັ່ງນີ້: ຄະດີອາຍາ ມີຄະດີທັງໝົດ 274 ເລື່ອງ ແກ້ໄຂໄດ້ 219 ເລື່ອງ ເທົ່າກັບ 79.93% ຍັງດຳເນີນ 55 ເລື່ອງ; ຄະດີແພ່ງ ມີຄະດີທັງໝົດ 200 ເລື່ອງ ແກ້ໄຂໄດ້ 82 ເລື່ອງ ເທົ່າກັບ 41% ຍັງດໍາເນີນ 41 ເລື່ອງ; ຄະດີການຄ້າ ມີຄະດີທັງໝົດ 21 ເລື່ອງ ແກ້ໄຂໄດ້ 10 ເລື່ອງ ເທົ່າກັບ 47.62% ຍັງດຳເນີນ 11 ເລື່ອງ; ຄະດີເດັກ ມີຄະດີທັງໝົດ 7 ເລື່ອງ ແກ້ໄຂໄດ້ 3 ເລື່ອງ ເທົ່າກັບ 42.86%, ຄະດີຄອບຄົວ ມີຄະດີທັງໝົດ 33 ເລື່ອງ, ແກ້ໄຂໄດ້ 15 ເລື່ອງ ເທົ່າກັບ 45.45% ຍັງດຳເນີນ 18 ເລື່ອງ; ຄະດີແຮງງານ ມີຄະດີທັງໝົດ 5 ເລື່ອງ ແກ້ໄຂໄດ້ 5 ເລື່ອງ ເທົ່າກັບ 100%. ຈາກນັ້ນ, ຜູ້ເຂົ້າຮ່ວມກອງປະຊຸມ ໄດ້ມີການແລກປ່ຽນທາງດ້ານວຽກງານວິຊາສະເພາະ, ວຽກງານບໍລິຫານ ພ້ອມສັງລວມບັນດາຄໍາຖາມ ແລະ ຄໍາຕອບ ໃນການແກ້ໄຂຄະດີອາຍາ ຈາກ ສານປະຊາຊົນແຕ່ລະແຂວງ ໃນເຂດພາກໃຕ້.

(ແຫຼ່ງຂ່າວ: ແຂວງສະຫວັນນະເຂດ)