ໂດຍການເປັນປະທານຂອງທ່ານ ສົມສະຫວາດ ພົງສາ ຫົວໜ້າກົມສື່ມວນຊົນກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ), ມີບັນດາຫົວໜ້າກົມ, ແຂກຖືກເຊີນກ່ຽວຂ້ອງເຂົ້າຮ່ວມ.
ທ່ານ ສົມສະຫວາດ ພົງສາກ່າວວ່າ: ການສ້າງນິຕິກຳລຸ່ມກົດໝາຍສື່ມວນຊົນມາດຕາ 36 ແລະ ມາດຕາ 37 (ຂໍ້ຕົກລົງວ່າດ້ວຍນັກວິຊາການດ້ານສື່ມວນຊົນ ແລະ ຄູ່ຮ່ວມງານ) ໃນ 8 ໝວດ 24 ມາດຕາໂດຍອີງຕາມກົດໝາຍວ່າດ້ວຍສື່ມວນຊົນ (ສະບັບປັບປຸງ) ເລກທີ 01/ສພຊ, ລົງວັນທີ 4 ພະຈິກ 2016, ອີງຕາມດໍາລັດວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງ ຖວທ ເລກທີ 95/ນຍ, ລົງວັນທີ 9 ມີນາ 2017 ເພື່ອກໍານົດຫຼັກການ, ລະບຽບການ ແລະ ມາດຕະການກ່ຽວກັບການຈັດຕັ້ງ, ການເຄື່ອນໄຫວ, ການຄຸ້ມຄອງ, ການຕິດຕາມກວດການັກວິຊາການ ດ້ານສື່ມວນຊົນ ແລະ ຜູ້ຮ່ວມງານເພື່ອເສີມຂະຫຍາຍບົດບາດ, ຍົກສູງຄຸນນະພາບຂອງສື່ມວນຊົນໃຫ້ກ້າວໜ້າ ແລະ ທັນສະໄໝ ພ້ອມທັງເສີມຂະຫຍາຍປະຊາທິປະໄຕ ແລະ ສິດເປັນເຈົ້າປະເທດຊາດຂອງປະຊາຊົນລາວບັນດາເຜົ່າ ແນໃສ່ຮັບປະກັນການປະຕິບັດສິດເສລີພາບດ້ານສື່ມວນຊົນຂອງພົນລະເມືອງລາວສາມາດເຊື່ອມໂຍງພາກພື້ນ ແລະ ສາກົນປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ. ພ້ອມນີ້, ນັກວິຊາການດ້ານສື່ມວນຊົນຕ້ອງເປັນຄົນທີ່ມີຄວາມຮູ້, ຄວາມສາມາດ ແລະ ປະສົບການດ້ານສື່ມວນຊົນຂະແໜງຕ່າງໆທີ່ປະຕິບັດງານໃນອົງການສື່ມວນຊົນເພື່ອຮັບໃຊ້ການສ້າງຜະລິດຕະພັນສື່ມວນຊົນ. ສຳລັບວິຊາການດ້ານສື່ມວນຊົນປະກອບມີ: ນັກວິຊາການເນື້ອໃນ, ເຕັກນິກ ແລະ ນັກວິຊາການບໍລິຫານ. ສ່ວນດ້ານຜູ້ຮ່ວມງານແມ່ນບຸກຄົນບໍ່ສັງກັດອົງການສື່ມວນຊົນທີ່ມີຄວາມຮູ້, ຄວາມສາມາດ ແລະ ປະສົບການດ້ານສື່ມວນຊົນໃນການສະໜອງຂ່າວ, ບົດ, ຮູບນິ້ງ, ຮູບເໜັງຕີງ, ລາຍການວິທະຍຸ, ໂທລະພາບ ຫຼືຂໍ້ມູນຂ່າວສານປະເພດຕ່າງໆໃຫ້ອົງການສື່ມວນຊົນຕາມສັນຍາ ພ້ອມທັງໄດ້ຮັບຄ່າແຮງງານ ແລະ ນະໂຍບາຍຕ່າງໆຈາກອົງການສື່ມວນຊົນ ແລະ ການຈັດຕັ້ງກ່ຽວຂ້ອງຕາມກົດໝາຍ ແລະ ລະບຽບການ.
ໃນກອງປະຊຸມ, ຜູ້ເຂົ້າຮ່ວມຍັງໄດ້ຮັບຟັງການຜ່ານບັນດາຂໍ້ກຳນົດນິຕິກຳລຸ່ມກົດໝາຍສື່ມວນຊົນມາດຕາ 36 ແລະ ມາດຕາ 37 (ຂໍ້ຕົກລົງວ່າດ້ວຍນັກວິຊາການດ້ານສື່ມວນຊົນ ແລະ ຄູ່ຮ່ວມງານ) ພ້ອມທັງປະກອບຄຳຄິດເຫັນໃສ່ ໃນບົດກົດໝາຍດັ່ງກ່າວໃນ 8 ໝວດ 24 ມາດຕາ ເພື່ອໃຫ້ມີເນື້ອໃນຄົບຖ້ວນຊັດເຈນຂຶ້ນ ໃນການຈັດຕັ້ງປະຕິບັດ ວຽກງານສື່ມວນຊົນອີກດ້ວຍ.
ຂ່າວ: ວຽງສະຫວັນ, ພາບ: ຂັນໄຊ
ຄໍາເຫັນ