ຫາລື ການທຽບຊັ້ນ- ຂັ້ນເງິນເດືອນ ແລະ ເຄື່ອງອຸປະໂພກໃຫ້ຄູອາສາທີ່ເຂົ້າມາເປັນທະຫານ

ສະຫາຍ ພົນຈັດຕະ ວາ ເພັດສະຫວ່າງ ຫຼ້າວົງຄຳ ຫົວໜ້າກົມກຳ ລັງພົນ ກົມໃຫຍ່ເສນາທິການ ໄດ້ສະເໜີຕໍ່ກອງປະຊຸມວ່າດ້ວຍການປະກອບເຄື່ອງອຸ ປະ ໂພກໃຫ້ຄູອາສາທີ່ເຂົ້າເປັນທະຫານຊຶ່ງຈະໄດ້ຮັບຊຸດລາຍສະໜາມຊຸດນາຍທະຫານຕາມລະດູການ ແລະ ຊຸດໃຫຍ່, ເສື້ອຊ້ອນ, ໂສ້ງຊ້ອນ, ເກີບ, ແຜເຊັດ, ບ່າໂລ, ຖົງຕີນ, ສາດ, ເປ້ ແລະ ອື່ນໆ ຕາມລະບຽບການ. ການສັບຊ້ອນຕຳແໜ່ງງານແມ່ນອີງໃສ່ເງື່ອນຕົວຈິງໃນໂຮງຮຽນນັ້ນໆ, ການເບີກຈ່າຍເງິນເດືອນ(ແມ່ນຈະໄດ້ຮັບຢູ່ນໍຳກອງບັນຊາການທະ ຫານເມືອງ. ໃນນີ້ຈະໄດ້ຮັບເງິນເດືອນພື້ນຖານ ຕາມຊັ້ນ ແລະ ວຸດການສຶກສາຈາກກະຊວງປ້ອງກັນປະເທດ ແລະ ຍັງຈະໄດ້ຮັບເງິນຊຸກຍູ້ການຮຽນ-ການສອນຈາກກະ ຊວງສຶກສາທິການ ແລະ ກິລາຈຳນວນໜຶ່ງ) ການຄຸ້ມຄອງຈຳນວນພົນແມ່ນໃຫ້ຂຶ້ນກັບກົມກອງເປັນຫຼັກ ແລະ ຄູອາສາເຫຼົ່ານັ້ນແມ່ນຈະໄດ້ຮັບການຝຶກອົບຮົມການທະຫານຂັ້ນພື້ນ ຖານໃນໄລຍະສັ້ນ, ຄາດວ່າຈະຈັດໃສ່ໃນໄລຍະພັກແລ້ງ. ຈາກນັ້ນແຕ່ລະພາກສ່ວນໄດ້ປະ ກອບຄຳຄິດເຫັນຢ່າງກົງໄປກົງມາ ເພື່ອຮັບ ປະກັນໜ້າວຽກໃຫ້ດຳເນີນໄປຢ່າງຖືກຕ້ອງ ແລະ ເໝາະສົມ.

ສໍາລັບປີ 2025 ຜ່ານມາ, ກະຊວງປ້ອງກັນປະເທດໄດ້ຮັບເອົາຄູອາສາຈຳນວນ 2,000 ຄົນ ເຂົ້າມາເປັນລັດຖະ ກອນກຳລັງປ້ອງກັນ ຊາດ, ໃນນີ້ມີເພດຍິງ 1,383 ຄົນ ຊາຍ 617 ຄົນ. ປັດຈຸບັນໄດ້ຮັບການປະດັບຊັ້ນແລ້ວຕາມວຸດທິການສຶກສາ ແລະ ມີບາງກົມກອງກໍໄດ້ປະດັບທຽບຊັ້ນເປັນທີ່ຮຽບຮ້ອຍແລ້ວ.

ໂອກາດນີ້, ສະຫາຍ ປະທານໄດ້ມີຄຳເຫັນຊີ້ນຳຫຼາຍບັນຫາ ພ້ອມທັງຮຽກຮ້ອງໃຫ້ແຕ່ລະພາກສ່ວນສືບຕໍ່ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ພ້ອມກັນເຮັດສຳເລັດທຸກການມອບໝາຍຂອງຂັ້ນເທິງ.

ໂດຍ: ຈິດ ເພັດພູທອງ