 |
ທ່ານ ນາງ ອິນລາວັນ ແກ້ວບຸນພັນ ໄດ້ຍົກໃຫ້ເຫັນຄວາມໝາຍຄວາມສໍາຄັນໃນການສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ເພື່ອເຮັດໃຫ້ບັນດາກິດຈະກຳໄດ້ຮັບການຈັດຕັ້ງປະຕິບັດ ທ່ານໄດ້ຮຽກຮ້ອງໃຫ້ບັນດາທ່ານທີ່ນອນຢູ່ໃນແຕ່ລະກິດຈະກໍາ ໃຫ້ພ້ອມກັນປຶກສາຫາລືຕາມ 5 ເນື້ອໃນ 2 ຮູບການ 8 ກິດຈະກໍາຕາມຂໍ້ຕົກລົງສະບັບເລກທີ 75/ສນຊ ວ່າດ້ວຍການແຕ່ງຕັ້ງຄະນະຮັບຜິດຊອບກະກຽມສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ໃຫ້ມີຜົນສໍາເລັດ. ພ້ອມນີ້ຜູ້ເຂົ້າຮ່ວມໄດ້ຮັບຟັງການຜ່ານມະຕິກ່ຽວກັບການຈັດຕັ້ງປະຕິບັດການສະເຫຼີມສະຫຼອງວັນສ້າງຕັ້ງແນວລາວສ້າງຊາດ ຄົບຮອບ 75 ປີ ສະບັບເລກທີ 116/ຄປຈ ແລະ ແຈ້ງການແນະນໍາ ສະບັບເລກທີ 30/ຄອສພ ວ່າດ້ວຍການຈັດຕັ້ງປາຖະກະຖາມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 75 ປີ. ໃນກອງປະຊຸມບັນດາຜູ້ເຂົ້າຮ່ວມໄດ້ຜັດປ່ຽນກັນປະກອບຄໍາຄິດຄໍາເຫັນຢ່າງກົງໄປກົງມາ ເພື່ອແນໃສ່ເຮັດໃຫ້ໜ້າວຽກຂອງແຕ່ລະກິດຈະກຳມີຄວາມສອດຄ່ອງກັບຕົວຈິງ ສະເຫຼີມສະຫຼອງວັນດັ່ງກ່າວໃຫ້ເປັນຂະບວນຟົດຟື້ນ ແລະ ມີຜົນສໍາເລັດຢ່າງຈົບງາມ.
 |
ຂ່າວ-ພາບ: ສນຊ
ຄໍາເຫັນ