 |
ການເກັບກູ້ ແລະ ທຳລາຍລະເບີດທີ່ຍັງບໍ່ທັນແຕກຕາມສັນຍາດັ່ງກ່າວ, ແມ່ນຕ້ອງຮັບປະກັນໃຫ້ສໍາເລັດພາຍໃນ 3 ເດືອນ ນັບຕັ້ງແຕ່ມື້ລົງລາຍເຊັນເປັນຕົ້ນໄປ ແລະ ຝ່າຍຜູ້ຮັບເໝົາ ຕ້ອງຮັບຜິດຊອບຄວາມປອດໄພໃນການກວດກາ ແລະ ເກັບກູ້ລະເບີດ, ຮັບຜິດຊອບຊີວິດຊັບສິນ ແລະ ຄ່າເສຍຫາຍທັງໝົດທີ່ອາດຈະເກີດຂຶ້ນຈາກອຸປະຕິເຫດໃນສະຖານທີ່ກວດກາລະເບີດໃນແຕ່ລະຈຸດທີ່ໄດ້ກຳນົດໄວ້, ພາຍຫຼັງທີ່ເກັບກູ້ພື້ນທີ່ໂຄງການສຳເລັດ 100%. ຜູ້ຮັບເໝົາ ຈະຕ້ອງອອກໃບຢັ້ງຢືນຄຸນນະພາບ ຈາກຄະນະກຳມະການ ຄຸ້ມຄອງແຫ່ງຊາດ ເພື່ອແກ້ໄຂບັນຫາລະເບີດບໍ່ທັນແຕກທີ່ຕົກຄ້າງ ຢູ່ ສປປ ລາວ ທີ່ສາມາດຢັ້ງຢືນຄວາມປອດໄພຂອງເຂດທີ່ຖືກເກັບກູ້ແລ້ວ.
ລົງນາມໃນພິທີເຊັນສັນຍາດັ່ງກ່າວ ຕາງໜ້າຝ່າຍອົງການປົກຄອງແຂວງຄໍາມ່ວນ ເຊັນໂດຍ ທ່ານ ສຸທັດ ສຸມາລີ ຫົວໜ້າພະແນກໂຍທາທິການ ແລະ ຂົນສົ່ງແຂວງ, ຝ່າຍບໍລິສັດຜູ້ຮັບເໝົາ ເຊັນໂດຍທ່ານ ແຫຼວຄໍາ ວົງສາວັນທອງ ຜູ້ອຳນວຍການບໍລິສັດ ອິນຊີ ເກັບກູ້ ແລະ ທຳລາຍລະເບີດ ຈຳກັດຜູ້ດຽວ, ໂດຍມີທ່ານ ແກ້ວອຸດອນ ບຸດສິງຂອນ ຮອງເຈົ້າແຂວງຄໍາມ່ວນ, ມີບັນດາຄະນະພະແນກການກ່ຽວຂ້ອງຂັ້ນແຂວງ ເຂົ້າຮ່ວມເປັນສັກຂີພະຍານ.
(ຂ່າວ-ພາບ: ກອງຄໍາ)
ຄໍາເຫັນ