 |
ທ່ານ ວັນໄຊ ເງຍຈັນທະສອນ ໄດ້ລາຍງານຫຍໍ້ສະພາບການຈັດຕັ້ງປະຕິບັດ ວຽກງານໂຄສະ ນາອົບຮົມ ໃນໄລຍະ 1 ປີຜ່ານມາວ່າ: ຄະນະໂຄສະນາອົບຮົມແຂວງແມ່ນອົງການຈັດຕັ້ງໜຶ່ງ ຊຶ່ງມີຖາ ນະທຽບເທົ່າກັບພະແນກການ - ອົງການຈັດຕັ້ງຕ່າງໆຂັ້ນແຂວງມີພາລະບົດບາດ, ໜ້າທີ່ເປັນເສນາທິການ ດ້ານວຽກງານການເມືອງ - ແນວຄິດ, ທິດສະດີຂອງພັກໃຫ້ແກ່ຄະນະປະຈໍາພັກແຂວງໃນການຈັດຕັ້ງຄົ້ນ ຄວ້າ, ເຜີຍແຜ່-ເຊື່ອມຊຶມ ແລະ ຈັດຕັ້ງຜັນຂະຫຍາຍແນວທາງ-ນະໂຍບາຍ, ມະຕິ, ຄໍາສັ່ງຂອງ ພັກ-ລັດວາງອອກ ໃນແຕ່ລະໄລຍະ, ພ້ອມທັງຕິດຕາມ, ເກັບກໍາສະພາບແນວຄິດ ຈິດໃຈ-ຫາງສຽງສັງຄົມ ທົ່ວແຂວງ, ເພື່ອຮັບຮູ້ຕໍ່ການປະຕິບັດແນວທາງ-ນະໂຍບາຍ, ລະບຽບກົດໝາຍ, ດ້ານຕັ້ງໜ້າ ແລະ ດ້ານຫຍໍ້ທໍ້ ເພື່ອສັງລວມ-ລາຍງານໃຫ້ຄະນະພັກຂັ້ນເທິງ, ພາຍຫຼັງໄດ້ປະກາດໂອນ ມອບ-ຮັບ ໃນວັນທີ 14 ສິງຫາ 2025 ຜ່ານມາ, ພະນັກງານພາຍໃນ ຄະນະໂຄສະນາອົບຮົມແຂວງເພີ່ມເປັນ 51 ຄົນ ຍິງ 24 ຄົນ. ປະກອບມີ 5 ຂະແໜງການຄື: ຂະແໜງໂຄສະນາ, ຂະແໜງອົບຮົມ, ຂະແໜງສັງລວມ ແລະ ຂໍ້ມູນຂ່າວສານ, ຂະແໜງສື່ມວນຊົນ ແລະ ຂະແໜງບໍລິຫານ, ໃນນັ້ນດ້ານວິຊາສະເພາະ, ຂະແໜງໂຄ ສະນາ, ໄດ້ເອົາໃຈໃສ່ໃນການຈັດຕັ້ງເຜີຍແຜ່-ເຊື່ອມຊຶມ ແລະ ຜັນຂະຫຍາຍບັນດາມະຕິກອງປະຊຸມ ໃຫຍ່ທີ່ສຳຄັນຂອງພັກ, ຈັດໂຄສະນາ-ປາຖະກະຖາວັນປະຫວັດສາດທີ່ສຳຄັນຂອງພັກ-ຂອງຊາດ ຂອງ ສາກົນ ລວມທົ່ວແຂວງໄດ້ 155 ຄັ້ງ ມີຜູ້ເຂົ້າຮ່ວມ 44,697 ເທື່ອຄົນ, ໃນນັ້ນ, ຂະແໜງສື່ມວນຊົນ, ໄດ້ເຄື່ອນໄຫວຢ່າງແຂງແຮງໃນການປະຕິບັດໜ້າທີ່ສື່ມວນຊົນເປັນຕົ້ນແມ່ນຄຸ້ມຄອງ - ນໍາໃຊ້ພາຫະນະສື່, ຕິດຕາມເກັບກຳຂ່າວ-ຂຽນຂ່າວ ບົດຕ່າງໆ ອອກສື່ທາງວິທະຍຸ, ໂທລະພາບ, ໜັງສືພິມ, ວາລະສານ, ເວັບໄຊ, ເຟສບຸກ ໄດ້ 1,311 ຂ່າວ, ຂ່າວມົ້ງສົ່ງໃຫ້ໂທລະພາບແຫ່ງຊາດ 516 ຂ່າວ, ລາຍງານ ຂ່າວຕາມເຫດການ ແລະ ຂ່າວທົ່ວໄປ ໄດ້ 66 ຂ່າວ, ສົ່ງອອກວິທະຍຸກະຈາຍສຽງ ແຫ່ງຊາດ 41 ຂ່າວ, ເຂົ້າລາຍການໂທລະສັບບອກຂ່າວ 44 ຄັ້ງ ແລະ ສໍາພາດໄດ້ 32 ພາກສ່ວນ. ສຳລັບວຽກງານ ການຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຜູ້ແທນອົງຄະນະພັກແຂວງຄັ້ງທີ VIII ແລະ ມະຕິກອງ ປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກ. ໄດ້ເຜີຍແຜ່ອອກທາງສື່ຕ່າງໆໃນທົ່ວແຂວງ ນອກນັ້ນ ກໍຍັງໄດ້ຮ່າງນິຕິກໍາ (ເອກະສານເຊື່ອຊຶມ) 3 ບົດເປັນຂອງແຂວງ ແລະ ນໍາໃຊ້ເອກະສານສູນກາງອີກ 4 ບົດ ລວມເປັນ 7 ບົດເພື່ອເຜີຍແຜ່-ເຊື່ອມຊຶມ.
 |
ໂອກາດດັ່ງກ່າວ, ທ່ານ ລາວປາວຊົ່ງ ນະວົງໄຊ ໄດ້ສະແດງຄວາມຍ້ອງຍໍຊົມເຊີຍ ຕໍ່ຈິດໃຈບຸກບືນ, ຫ້າວຫັນຂອງຄະນະພັກ, ຄະນະນໍາໃນການຈັດຕັ້ງປະຕິບັດວຽກງານທີ່ມີຜົນສໍາເລັດໃນໄລ ຍະທີ່ຜ່ານມາ ແລະ ໄດ້ເນັ້ນໃຫ້ສືບຕໍ່ນໍາພາ-ຊີ້ນໍາວຽກງານສຶກສາອົບຮົມການເມືອງ-ແນວຄິດໃຫ້ສະມາ ຊິກພັກ-ພະນັກງານ ມີຄວາມເຊື່ອໝັ້ນຕໍ່ການນຳພາຂອງພັກ ແລະ ປະຕິບັດກົດລະບຽບຂອງພັກ ຢ່າງຖືກ ຕ້ອງ, ໃນນັ້ນເອົາໃຈໃສ່ຊີ້ນຳວຽກງານຫ້ອງການໃຫ້ຖືກຕ້ອງຕາມພາລະບົບາດ, ຕິດຕາມເອົາໃຈໃສ່ ວຽກງານຫາງສຽງສັງຄົມ, ເອົາໃຈໃສ່ວຽກງານໂຄສະນາແນວທາງນະໂຍບາຍຂອງພັກ ແລະ ວຽກງານພັດທະນາເສດຖະກິດ-ສັງຄົມໃຫ້ມີຄວາມວ່ອງໄວ, ທັນການ, ໃນນັ້ນ, ວຽງານອົບຮົມ ເຮັດແນວໃດເພື່ອໃຫ້ປະຊາຊົນບັນດາເຜົ່າມີຄວາມເຂົ້າໃຈຕໍ່ແນວທາງນະໂຍບາຍຂອງພັກ ແລະ ສ້າງ ຄວາມຮັບຮູ້ເຂົ້າໃຈ ໃຫ້ປະຊາຊົນປະກອບສ່ວນເຂົ້າໃນການພັດທະນາ ແລະ ສ້າງສາປະເທດຊາດ, ນຳພາ-ຊີ້ນຳ ວຽກງານສື່ມວນຊົນ, ສ້າງເຄືອຂ່າຍສື່ມວນຊົນ ແລະ ນັກສື່ມວນຊົນໃຫ້ຫຼາກຫຼາຍ ແລະ ວຽກງານອື່ນໆໃຫ້ນັບມື້ມີການພັດທະນາດີຂຶ້ນເລື້ອຍໆ
 |
ໃນໂອກາດດັ່ງກ່າວ, ທ່ານ ລາວປາວຊົ່ງ ນະວົງໄຊ ຍັງໄດ້ມອບເງິນ ຈຳນວນ 5 ລ້ານກີບ ໃຫ້ແກ່ໂຄສະນາອົບຮົມແຂວງບໍລິຄຳໄຊ ເພື່ອນຳໃຊ້ເຂົ້າໃນການເຄື່ອນໄຫວວຽກງານໂຄສະນາຂອງແຂວງ ດັ່ງກ່າວ.
(ຂ່າວ-ພາບ: ສຳນານ)
ຄໍາເຫັນ