ພິທີມອບ-ຮັບເຄື່ອງດັ່ງກ່າວ ໄດ້ຈັດຂຶ້ນໃນວັນທີ 9 ຕຸລານີ້ ທີ່ ຄະນະໂຄສະນາອົບຮົມສູນກາງພັກ ໂດຍ ແມ່ນ ທ່ານ ແກ້ວວີສຸກ ໂສລະພົມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ເປັນຜູ້ກ່າວມອບ ແລະ ທ່ານ ນາງ ວິລະວອນ ພັນທະວົງ ຮອງຫົວໜ້າຄະນະໂຄສະນາອົບຮົມສູນກາງພັກເປັນຜູ້ກ່າວຮັບ ມີພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ໃນໂອກາດດັ່ງກ່າວ, ທ່ານ ນາງ ວິລະວອນ ພັນທະວົງ ກໍໄດ້ລາຍງານໃຫ້ ທ່ານຮອງລັດຖະມົນຕີກະຊວງ ເຕັກໂນໂລຊີ ແລະ ການສື່ສານຮູ້ວ່າ: ປັດຈຸບັນ ຄະນະໂຄສະນາອົບຮົມສູນກາງພັກກໍຢູ່ໃນໄລຍະປັບປຸງກົງຈັກການຈັດຕັ້ງຊຶ່ງພາຍຫຼັງທີ່ໄດ້ໂຮມເອົາ 5 ພາກສ່ວນ ຈາກ ກະຊວງວັດທະນາທຳ ແລະ ການທ່ອງທ່ຽວ ມາຂຶ້ນກັບ ໂຄສະນາອົບຮົມສູນກາງພັກ ແລະ ປັດຈຸບັນລວມມີ 14 ກົມກອງທຽບເທົ່າ ແລະ ໃນໂອກາດດັ່ງກ່າວ ທ່ານຮອງຫົວໜ້າໂຄສະນາອົບຮົມສູນກາງພັກ ກໍໄດ້ສະແດງຄວາມຂອບໃຈ ຕໍ່ຄະນະພັກ,ຄະນະນຳ ໂດຍສະເພາະກໍຄື ທ່ານຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ ທີ່ໄດ້ນຳເອົາເອົາອຸປະກອນຄອມພິວເຕີ ມາມອບໃຫ້ ຄອສພ ໃນຄັ້ງນີ້,ໄດ້ສະແດງເຖິງຄວາມເປັນຫ່ວງເປັນໃຍຕໍ່ວຽກງານ ຂອງ ຄອສພ ແລະ ຫວັງຢ່າງຍິງວ່າຈະນຳໃຊ້ອຸກອນດັ່ງກ່າວໃຫ້ເກີດຜົນປະໂຫຍດສູງສຸດ ໂດຍສະເພາະໝູນໃຊ້ເຂົ້າໃນການກວດກາ,ຕິດຕາມ,ຕອບໂຕ້ ແລະ ແກ້ໄຂບັນຫາຫາງສຽງບໍ່ດີໃນວຽກງານຄຸ້ມຄອງອິນເຕີເນັດໃຫ້ນັບມື້ດີຂຶ້ນເລື້ອຍໆ.
(ຂ່າວ-ພາບ:ສຳນານ)
ຄໍາເຫັນ