flag

ຂ່າວວັດທະນະທຳ-ສັງຄົມ

ຮອງລັດຖະມົນຕີ ກະຊວງສຶກສາທິການ ແລະ ກິລາ ລົງເຄື່ອນໄຫວຢຽມຢາມ ແລະ ເຮັດວຽກ ຢູ່ເມືອງໄຊພູທອງ

ຮອງລັດຖະມົນຕີ ກະຊວງສຶກສາທິການ ແລະ ກິລາ ລົງເຄື່ອນໄຫວຢຽມຢາມ ແລະ ເຮັດວຽກ ຢູ່ເມືອງໄຊພູທອງ

ຮອງລັດຖະມົນຕີ ກະຊວງສຶກສາທິການ ແລະ ກິລາ ລົງເຄື່ອນໄຫວຢຽມຢາມ ແລະ ເຮັດວຽກ ຢູ່ເມືອງໄຊພູທອງ
ໃນທ້າຍອາທິດຜ່ານມານີ້, ທ່ານ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ໄດ້ຢຽມຢາມ ແລະ ເຮັດວຽກຢູ່ຫ້ອງການສຶກສາທິການ ແລະ ກິລາ ເມືອງໄຊພູທອງ ແຂວງສະຫວັນນເຂດ ໂດຍໃຫ້ກຽດຕ້ອນຮັບ ຂອງທ່ານ ພົມມາ ສົງວິໄລ ປະທານຄະນະກໍາມະການປົກຄອງເມືອງ, ພ້ອມຄະນະ.
ຮອງລດຖະມນຕ ກະຊວງສກສາທການ ແລະ ກລາ ລງເຄອນໄຫວຢຽມຢາມ ແລະ ເຮດວຽກ ຢເມອງໄຊພທອງ - image 1
 

ທ່ານ ສຸກັນ ບຸດຕາລາສີ ຫົວໜ້າຫ້ອງການສຶກສາທິການ ແລະ ກິລາ ເມືອງໄຊພູທອງ ໄດ້ລາຍງານກ່ຽວກັບສະພາບການຈັດການຮຽນ-ການສອນຫ້ອງຄວບຂອງເມືອງໄຊພູທອງໃນສົກປີ 2025-2026 ໃຫ້ຮຸ້ວ່າ: ໂຮງຮຽນຊັ້ນປະຖົມມີ 46 ແຫ່ງ, ເອກະລາດ 1 ແຫ່ງ, ໂຮງຮຽນມັດທະຍົມສຶກສາຕອນຕົ້ນ 3 ແຫ່ງ ແລະ ໂຮງຮຽນມັດທະຍົມສົມບູນ 6 ແຫ່ງ, ມີພະນັກງານລັດຖະກອນທັງໝົດ 417 ຄົນ ຍິງ 261 ຄົນ. ໃນນີ້, ມີພະນັກງານບໍລິຫານ 39 ຄົນ ຍິງ 15 ຄົນ. ມີນັກຮຽນທັງໝົດ 7,293 ຄົນ ຍິງ 3,564 ຄົນ. ໃນນີ້, ມີນັກຮຽນອະນຸບານ 1,448 ຄົນ ຍິງ 675 ຄົນ, ຊັ້ນປະຖົມ 3,607 ຄົນ ຍິງ 1,741 ຄົນ. ມີຫ້ອງຮຽນທັງໝົດຊັ້ນປະຖົມຕາມຊັ້ນຮຽນມີ 223 ຫ້ອງ. ສ່ວນ ຫ້ອງຄວບຊັ້ນ ປ1+ປ2 ມີ 16 ຫ້ອງ, ຊັ້ນປ2+ປ3 ມີ 7 ຫ້ອງ, ຫ້ອງຄວບຊັ້ນ3+ປ4 ມີ 7 ຫ້ອງ, ຊັ້ນປ4+ປ5 ມີ 13 ຫ້ອງ, ຊັ້ນ ປ1+ປ2+ປ3 ມີ 7 ຫ້ອງ, ຊັ້ນປ2+ປ3+ປ4 (ບໍມີ) ຫ້ອງຄວບຊັ້ນປ3+ປ4+ປ5 ມີ 6 ຫ້ອງ ຊັ້ນມໍຕົ້ນມີນັກຮຽນ 1,715 ຄົນ ຍິງ869 ຄົນ ແລະ ນັກຮຽນມໍປາຍ 523 ຄົນ,ຍິງ 264 ຄົນ.

ໃນຕອນທ້າຍ, ທ່ານ ດາລາວອນ ກິດຕິພັນ ໄດ້ເນັ້ນໜັກ ໃຫ້ຫ້ອງການສຶກສາທິການ ແລະ ກິລາ ເມືອງໄຊພູທອງ ເອົາໃຈໃສ່ວຽກງານການສຶກສາ ເຊັ່ນ: ວຽກງານສົ່ງເສີມການເຂົ້າຮຽນ ຕ້ອງໄດ້ເປັນເຈົ້າການປຸກລະດົມສັງຄົມ ແລະ ຜູ້ປົກຄອງສົ່ງລູກຫຼານເຂົ້າຮຽນເພື່ອຫຼອດຜ່ອນການປະລະ ແລະ ສຶບຕໍ່ຈັດຕັ້ງປະຕິບັດວຽກງານວິຊາສະເພະໃຫ້ສູງຂຶ້ນ, ຄົ້ນຄວ້າຊອກຮູ້ຮໍາຮຽນເອົາບົດຮຽນໃໝ່ໆມາສິດສອນຕ້ອງຍົກລະດັບຄວາມຮູ້ຄວາມສາມາດຂອງຄູອາຈານໃຫ້ສູງຂຶ້ນ, ເອົາໃຈໃສ່ການສິດສອນພາສາລາວ ແລະ ຄະນິດ ສາດ ສໍາລັບເຂດຫ່າງໄກສອກຫຼີກ ໃຫ້ມີຄຸນນະພາບນໍາໃຊ້ຫຼັກສູດການຮຽນ-ການສອນໃຫ້ມີຄຸນນະພາບ ເພື່ອຫັນເປັນຈີດີຕ້ອນ, ທັງນີ້ ກໍເພື່ອນແນໃສ່ ສ້າງຂີດຄວາມສາມາດໃຫ້ແກ່ຄູປະຈຳການ ທີ່ສອນຫ້ອງຄວບໃຫ້ມີຄວາມເຂົ້າໃຈກ່ຽວກັບ ວິທີການຈັດການຮຽນ-ການສອນຫ້ອງຄວບ ໃຫ້ແກ່ຄູສອນຫ້ອງຄວບ ຊັ້ນປະຖົມສຶກສາຢ່າງຖືກຕ້ອງ, ເພີ່ມທັກສະ, ເຕັກນິກການສອນຫ້ອງຄວບ ໃຫ້ແກ່ຄູປະຈຳການໃນການຈັດການຮຽນການສອນຫ້ອງຄວບຢ່າງມີປະສິດທິຜົນ, ເພື່ອປັບປຸງຄຸນນະພາບການຮຽນການສອນຂອງຄູປະຈຳການຊັ້ນປະຖົມສຶກສາໃຫັມີປະສິດທິພາບດີຂຶ້ນ ແລະ ສາມາດບັນລຸຕາມເປົ້າໜາຍຂອງການສຶກສາທີ່ວາງໄວ້.

(ແຫຼ່ງຂ່າວ: ເມືອງໄຊພູທອງ)


ຄໍາເຫັນ

ຂ່າວວັດທະນະທຳ-ສັງຄົມ

ນວ ສ້າງພະນັກງານຮາກຖານການເມືອງປະຈໍາປີ 2026

ນວ ສ້າງພະນັກງານຮາກຖານການເມືອງປະຈໍາປີ 2026

ນະຄອນຫຼວງວຽງຈັນ (ນວ) ເປີດຝຶກອົບຮົມ ຫຼັກສູດສະເພາະສ້າງພະນັກງານກໍ່ໍ່ສ້າງຮາກຖານການເມືອງປະຈໍາປີ 2026, ໃນວັນທີ 15 ມິຖຸນານີ້ ທີ່ໂຮງຮຽນການເມືອງ ແລະ ການປົກຄອງນະຄອນ ຫຼວງວຽງຈັນ. ໃຫ້ກຽດໃນພິທີ ໂດຍ ສະຫາຍ ອາດສະພັງທອງ ສີພັນດອນ ກໍາມະການສູນກາງພັກ ເລຂາຄະນະບໍລິຫານງານພັກ ປະທານສະພາປະຊາຊົນນະຄອນຫຼວງວຽງຈັນ, ເຂົ້າຮ່ວມ ມີ ບັນດາພະນັກງານລົງຮາກຖານ ອ້ອມຂ້າງ ນວ, ພະນັກງານ ຄູ-ອາຈານ ໂຮງຮຽນການເມືອງ ແລະ ການປົກຄອງ ນວ ພ້ອມດ້ວຍນັກສຶກສາທິດສະດີການເມືອງຂັ້ນກາງ ຮຸ່ນທີ 6.
ສສຊ ເຂດ 1 ແລະ ສສນວ ລົງພົບປະຜູ້ມີສິດເລືອກຕັ້ງ

ສສຊ ເຂດ 1 ແລະ ສສນວ ລົງພົບປະຜູ້ມີສິດເລືອກຕັ້ງ

ສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນ ນະຄອນຫຼວງວຽງຈັນ (ສສນວ) ກຸ່ມ 1, ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ ຊຸດທີ X ແລະ ສະພາປະຊາຊົນ ນວ ຊຸດທີ V ໃນວັນທີ 13 ມິຖຸນາ ຜ່ານມານີ້ ທີ່ວັດອົງຕື້ ເມືອງຈັນທະບູລີ ນະຄອນຫຼວງວຽງຈັນ.
ມ້າງແກ້ງສະແກມເມີ 2 ຈຸດຢູ່ບ້ານໂນນແກ້ວ ຈັບຕົວໄດ້ 80 ກວ່າຄົນ

ມ້າງແກ້ງສະແກມເມີ 2 ຈຸດຢູ່ບ້ານໂນນແກ້ວ ຈັບຕົວໄດ້ 80 ກວ່າຄົນ

ວັນທີ 12 ມິຖຸນາ 2026, ເຈົ້າໜ້າທີ່ ປກສ ເມືອງສີໂຄດຕະບອງ ນະຄອນຫຼວງວຽງຈັນ ເຂົ້າມ້າງກຸ່ມແກ້ງສໍ້ໂກງຊັບທາງໂທລະຄົມ ແລະ ການສື່ສານ ຫຼື ແກ້ງສະແກມເມີ ຢູ່ເຮືອນໃຫ້ເຊົ່າ 2 ຈຸດຢູ່ບ້ານໂນນແກ້ວ ເມືອງສີໂຄດຕະບອງ ສາມາດຈັບກຸ່ມແກ້ງ ໄດ້ທັງໝົດ 82 ຄົນ ແລະ ເຄື່ອງຂອງກາງທີ່ນຳໃຊ້ເຂົ້າໃນການກະທຳຜິດຈຳນວນຫຼາຍລາຍການ.
ຫາລືແຜນການສືບຕໍ່ກໍ່ສ້າງຫໍທໍາມະສະພາ ແຂວງຫຼວງພະບາງ

ຫາລືແຜນການສືບຕໍ່ກໍ່ສ້າງຫໍທໍາມະສະພາ ແຂວງຫຼວງພະບາງ

ຄະນະກຳມະການຮັບຜິດຊອບໂຄງການກໍ່ສ້າງຫໍທໍາມະສະພາ ອົງການພຸດທະສາສະໜາສໍາພັນລາວ ແຂວງຫລວງພະບາງ ຈັດກອງປະຊຸມປຶກສາຫາລືວຽກງານສືບຕໍ່ການກໍ່ສ້າງ ໃນວັນ 12 ມິຖຸນາ 2026 ທີ່ຫ້ອງຫ້ອງວ່າການແຂວງ ໂດຍເປັນປະທານຂອງ ທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີ ປະທານຄະນະຮັບຜິດຊອບໂຄງການກໍ່ສ້າງ ຝ່າຍຄາຣະວາດ, ມີການນຳຂອງແຂວງ, ບັນດາພຣະເຖຣາ-ນຸເຖລະ, ການຈັດຕັ້ງພັກ-ລັດ ທີ່ກ່ຽວຂ້ອງ ແລະ ແຂກຮັບເຊີນ ເຂົ້າຮ່ວມ.
ສສຊ ຊຸດທີ X ປະຈໍາເຂດເລືອກຕັ້ງທີ I ນວ ລົງພົບປະຜູ້ມີສິດເລືອກຕັ້ງ

ສສຊ ຊຸດທີ X ປະຈໍາເຂດເລືອກຕັ້ງທີ I ນວ ລົງພົບປະຜູ້ມີສິດເລືອກຕັ້ງ

ສະມາຊິກສະພາແຫ່ງຊາດ (ສສຊ) ຊຸດທີ X ປະຈໍາເຂດເລືອກຕັ້ງທີ I ນະຄອນຫຼວງວຽງຈັນ (ນວ) ລົງພົບປະຜູ້ມີສິດເລືອກຕັ້ງ ແລະ ເຜີຍແຜ່ຜົນສໍາເລັດຂອງກອງປະຊຸມສະພາແຫ່ງຊາດ ຊຸດທີ X ແລະ ສະພາປະຊາຊົນ ນວ ຊຸດທີ V ໃນວັນທີ 12 ມິຖຸນານີ້ ທີ່ສະໂມສອນໃຫຍ່ ກະຊວງປ້ອງກັນຄວາມສະຫງົບ (ປກສ). ໃຫ້ກຽດນໍາພາຄະນະ ໂດຍ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສະພາແຫ່ງຊາດ, ເຂົ້າຮ່ວມຮັບຟັງມີ ສະຫາຍ ພົນໂທ ວັນທອງ ກອງມະນີ ຄະນະເລຂາທິການສູນກາງພັກ ລັດຖະມົນຕີກະຊວງ ປກສ, ຮອງລັດຖະມົນຕີ, ຄະນະພັກ, ຄະນະນໍາ ພ້ອມດ້ວຍພະນັກງານຫຼັກແຫຼ່ງ, ນາຍ ແລະ ພົນຕໍາຫຼວດ ຂອງກະຊວງ ປກສ.
ກອງສິລະປະກອນກອງທັບ ປິດບັ້ນອົບຮົມການເມືອງ-ແນວຄິດ ປະຈຳປີ 2026

ກອງສິລະປະກອນກອງທັບ ປິດບັ້ນອົບຮົມການເມືອງ-ແນວຄິດ ປະຈຳປີ 2026

ກອງສິລະປະກອນກອງທັບ ຈັດພິທີປິດບັ້ນອົບຮົມການເມືອງ-ແນວຄິດ ປະຈຳປີ 2026 ຂຶ້ນໃນວັນທີ 10 ມິຖຸນາຜ່ານມາ, ໂດຍການເປັນປະທານຂອງສະຫາຍ ພັນເອກ ຈັນທີ ບຸດດາແກ້ວ ຫົວໜ້າການເມືອງ ກອງສິລະປະກອນກອງທັບ, ມີຄະນະພັກ-ຄະນະບັນຊາ ແລະ ພະນັກງານ-ນັກຮົບເຂົ້າຮ່ວມ.
ເຜີຍແຜ່ຜົນສຳເລັດກອງປະຊຸມຄັ້ງປະຖົມມະລຶກ ສະພາແຫ່ງຊາດ ຊຸດທີ X ຢູ່ເມືອງໄຊພູທອງ

ເຜີຍແຜ່ຜົນສຳເລັດກອງປະຊຸມຄັ້ງປະຖົມມະລຶກ ສະພາແຫ່ງຊາດ ຊຸດທີ X ຢູ່ເມືອງໄຊພູທອງ

ຄະນະສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 13 ແຂວງສະຫວັນນະເຂດ ແລະ ສະມາຊິກສະພາປະຊາຊົນແຂວງ (ສສຂ) ປະຈຳເຂດເລືອກຕັ້ງເມືອງໄຊພູທອງ ໄດ້ລົງພົບປະປະຊາຊົນ ພ້ອມທັງເຜີຍແຜ່ເນື້ອໃນຜົນສຳເລັດກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ X ແລະ ສະພາປະຊາຊົນແຂວງ ຊຸດທີ V ໃນ​ວັນ​ທີ 10 ມິ​ຖຸ​ນາ​ຜ່ານ​ມາ.
ຍທຂ ຫວນຄືນມູນເຊື້ອວັນສຳຄັນຂອງພັກ-ຂອງຊາດ

ຍທຂ ຫວນຄືນມູນເຊື້ອວັນສຳຄັນຂອງພັກ-ຂອງຊາດ

ກະຊວງ ໂຍທາທິການ ແລະ ຂົນສົ່ງ(ຍທຂ) ໄດ້ຈັດກອງປະຊຸມ ປາຖະກະຖາ ວັນຜ່າວົງປິດລ້ອມຂອງກອງພັນທີ 2 ວິລະຊົນທີ່ທົ່ງໄຫຫີນຊຽງຂວາງ ຄົບຮອບ 67 ປີ ແລະ ວັນວິລະກຳໂຕນຄຸກຢ່າງມະຫັດສະຈັນ ຂອງບັນດາຜູ້ນຳພັກ ແລະ ແນວລາວຮັກຊາດ ຄົບຮອບ 66 ປີ ຂຶ້ນໃນວັນທີ 11 ມິຖຸນາ 2026,ທີ ກະຊວງ ຍທຂ ໃຫ້ກຽດປາຖະກະຖາໂດຍທ່ານ ພົຈວ ສຸລິນພອນ ຄຳພະຈັນ ຮອງປະທານສະຫະພັນນັກຮົບເກົ່າ ແຫ່ງຊາດລາວ ຊຶ່ງມີ ທ່ານ ເດດສົງຄາມ ທຳມະວົງ ຮອງລັດຖະມົນຕີ ກະຊວງ ຍທຂ ພ້ອມດ້ວຍ ຫົວໜ້າກົມ ຮອງກົມ ຫົວໜ້າ ພະແນກ ຮອງພະແນກ ແລະ ພະນັກງານວິຊາການ ເຂົ້າຮ່ວມ.
ກອງບັນຊາການປ້ອງກັນສູນກາງ ປາຖະກະຖາ 3 ວັນປະຫວັດສາດ

ກອງບັນຊາການປ້ອງກັນສູນກາງ ປາຖະກະຖາ 3 ວັນປະຫວັດສາດ

ກອງບັນຊາການປ້ອງກັນສູນກາງ (ປກ) ກະຊວງປ້ອງກັນຄວາມສະຫງົບ (ປກສ) ໄດ້ຈັດພິທີປາຖະ ກະຖາ 3 ວັນປະຫວັດສາດ ຄື: ວັນກຳມະກອນສາກົນ ຄົບຮອບ 140 ປີ, ວັນຜ່າວົງປິດລ້ອມຂອງກອງພັນທີ 2 ວິລະຊົນທົ່ງໄຫຫີນຊຽງຂວາງ ຄົບຮອບ 67 ປີ ແລະ ວິລະກຳໂຕນຄຸກຢ່າງມະຫັດສະຈັນຂອງບັນດາຜູ້ນຳຂອງພັກ ຄົບຮອບ 66 ປີ ຂຶ້ນໃນວັນທີ 11 ມິຖຸນານີ້, ໃຫ້ກຽດປາຖະກະຖາໂດຍສະຫາຍ ພັອ ສຸລິເດດ ກອງທະວີໄຊ ຮອງຫົວໜ້າກອງບັນຊາການປ້ອງກັນສູນກາງ, ມີຄະນະພັກ-ຄະນະບັນຊາ, ນາຍ ແລະ ພົນຕຳຫຼວດເຂົ້າຮ່ວມ.
ເຊັນສັນຍາຮ່ວມມື ໂຄງການຂະຫຍາຍເຄືອຂ່າຍສັນຍານໂທລະຄົມມະນາຄົມຕາມເສັ້ນທາງ ລົດໄຟລາວ-ຈີນ

ເຊັນສັນຍາຮ່ວມມື ໂຄງການຂະຫຍາຍເຄືອຂ່າຍສັນຍານໂທລະຄົມມະນາຄົມຕາມເສັ້ນທາງ ລົດໄຟລາວ-ຈີນ

ໃນວັນທີ 11 ມິຖຸນານີ້ ທີ່ ສໍານັກງານໃຫຍ່ ບໍລິສັດ ລາວ ໂທລະຄົມມະນາຄົມ ມະຫາຊົນ ໄດ້ຈັດພິທີເຊັນສັນຍາການຮ່ວມມື ໂຄງການຂະຫຍາຍເຄືອຂ່າຍສັນຍານໂທລະຄົມມະນາຄົມຕາມເສັ້ນທາງ ລົດໄຟລາວ-ຈີນ ລະຫວ່າງບໍລິສັດ ລາວ ໂທລະຄົມມະນາຄົມ ມະຫາຊົນ ແລະ ບໍລິສັດ ທາງລົດໄຟ ລາວ-ຈີນ ຈໍາກັດ ຢ່າງເປັນທາງການ. ໃຫ້ກຽດລົງນາມໂດຍ ທ່ານ ລັດຖະປັນຍາ ຂຽວວົງພະຈັນ ຮອງຜູ້ອຳນວຍການໃຫຍ່ ບໍລິສັດ ລາວໂທລະຄົມ ມະນາຄົມ ມະຫາຊົນ ແລະ ທ່ານ ຄາງ ເທນິວ ຮອງຜູ້ອຳນວຍການໃຫຍ່ ບໍລິສັດ ທາງລົດໄຟລາວ-ຈີນ ຈຳກັດໂດຍການໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ແກ້ວວິສຸກ ໂສລະພົມ ຮອງເລຂາຄະນະບໍລິຫານງານພັກ ຮອງລັດຖະມົນຕີກະຊວງເຕັກໂນໂລຊີ ແລະ ການສື່ສານ, ທ່ານ ຫານ ເຢ້ (HAN YE) ເລຂານຸການ ເອກອັກຄະນະລັດຖະທູດຈີນ ຝ່າຍເສດຖະກິດ ແລະ ການຄ້າ ປະຈຳ ສປປ ລາວ, ທ່ານ ສຸພົນ ຈັນທະວີໄຊ ກໍາມະການຄະນະບໍລິຫານງານພັກກະຊວງ ເລຂາຄະນະພັກຮາກຖານ ຜູ້ອຳນວຍການໃຫຍ່ ບໍລິສັດ ລາວໂທລະຄົມມະນາຄົມ, ທ່ານ ລູ້ ຫາຍໂຈ ຜູ້ອໍານວຍການໃຫຍ່ ບໍລິສັດ ທາງລົດໄຟລາວ-ຈີນ ຈໍາກັດ, ຄະນະກົມຈາກກະຊວງເຕັກໂນໂລຊີ ແລະ ການສື່ສານ, ກະຊວງໂຍທາທິການ ແລະ ຂົນສົ່ງ, ຄະນະຜູ້ບໍລິຫານ ແລະ ພະນັກງານຂອງທັງສອງຝ່າຍ.
ເພີ່ມເຕີມ

ຂ່າວ​ລ່າ​ສຸດ

EPaper