ຮອງລັດຖະມົນຕີກະຊວງ ປກສ ຢ້ຽມຢາມໂອ້ລົມຄະນະນຳ ປກສ ແຂວງຈຳປາສັກ

ສະຫາຍ ພົຈວ ບຸນອ່ຽງ ພັນວົງສາ ໄດ້ລາຍງານສະພາບລວມໂດຍຫຍໍ້ວ່າ: ໃນ 6 ເດືອນຕົ້ນປີ 2026 ມີຄະດີເກີດຂຶ້ນທັງໝົດ 54 ເລື່ອງ. ໃນນັ້ນ, ມີຄະດີລັກຊັບ 31 ເລື່ອງ, ທໍາລາຍຊັບ 3 ເລື່ອງ, ຄາດຕະກໍາ 4 ເລື່ອງ, ປຸ້ນຊັບ 3 ເລື່ອງ ສາມາດມ້າງຄະດີໄດ້ 33 ເລື່ອງ, ກັກຜູ້ຖືກຫາໄດ້ 29 ຄົນ, ເກັບກູ້ເຄື່ອງຂອງກາງມີລົດດ້າມ 6 ລໍ້ 1 ຄັນ, ປືນດັດແປງ 1 ກະບອກ ພ້ອມດ້ວຍລູກປືນ 50 ລູກ, ລົດຈັກ 5 ຄັນ, ໂທລະສັບ 1 ເຄື່ອງ, ປືນແກັບ 1 ກະບອກ, ມີອຸບັດເຫດເກີດຂຶ້ນ 235 ເລື່ອງ, ຄົນໄດ້ຮັບບາດເຈັບ 370 ຄົນ, ເສຍຊີວິດ 22 ຄົນ, ພາຫະນະເປ່ເພສົມຄວນ 228 ຄັນ, ໃຊ້ການບໍ່ໄດ້ 1 ຄັນ ລວມມູນຄ່າເສຍຫາຍ 3,196,500,000 ກີບ, ມີອັກຄີໄພເກີດຂຶ້ນ 13 ເລື່ອງ, ຜົນເສຍຫາຍ 4,523,650,000 ກີບ. ສາມາດມ້າງຄະດີຢາເສບຕິດໄດ້ 224 ເລື່ອງ, ກັກຜູ້ຖືກຫາໄດ້ 425 ຄົນ ຍິງ 30 ຄົນ, ຢຶດເຄື່ອງຂອງກາງໄດ້ ລວມມີຢາບ້າ 52,935 ເມັດ, ຢາໄອສ໌ 0,5 ກຣາມ, ເຮໂຣອິນ 6 ກິໂລກັບ 10,32 ກຣາມ, ຢາເຄ 0,78 ກຣາມ, ຄໍລາເຈນ 1 ກິໂລ ກັບ 805 ກຣາມ, ຢາສູບໄຟຟ້າ 21 ຫຼອດ, ໃບກະທ້ອມ 136 ກິໂລ ກັບ 13 ກຣາມ, ຢາດີໄອ, ທາດີຊິນ 1,721 ແກ້ວ,ປືນສັ້ນ 2 ກະບອກພ້ອມລູກ 25 ລູກ, ປືນເອັມ 16 ຈໍານວນ 1 ກະບອກ ພ້ອມລູກ 13 ລູກ, ປືນເຊກາດັດ ແປງ 1 ກະບອກພ້ອມລູກ 8 ລູກ, ລົດໃຫຍ່ 13 ຄັນ, ລົດຈັກ 150 ຄັນ, ໂທລະສັບ 205 ເຄື່ອງ, ເງິນ 126,198,000 ກີບ, ເງິນບາດ 22,000 ບາດ, ເງິນໂດລາ 926 ໂດລາ ແລະ ວັດຖຸອຸປະກອນອື່ນໆອີກຈຳ ນວນໜຶ່ງ. ທ່ານຍັງໄດ້ຍົກໃຫ້ເຫັນ ວຽກງານກໍ່ສ້າງຮາກຖານ, ວຽກງານກໍ່ສ້າງພະນັກງານ, ວຽກງານຄຸ້ມຄອງຄົນຕ່າງປະເທດ, ວຽກງານພະລາທິການ, ວຽກງານກວດກາຄົນເຂົ້າ-ອອກເມືອງ.

ໂອກາດນີ້, ສະຫາຍ ພົຕ ແອນ ອຸ່ນອະນົງນຸດ ໄດ້ຊີ້ນຳຕໍ່ຄະນະພັກ-ຄະນະກອງບັນຊາການແຕ່ລະຂັ້ນເອົາໃຈໃສ່ໃນການສຶກສາອົບຮົມການເມືອງ-ນຳພາແນວຄິດໃຫ້ພະນັກງານຫຼັກແຫຼ່ງ, ນາຍ ແລະ ພົນຕຳຫຼວດ ທົ່ວກອງບັນຊາການໃຫ້ເປັນປົກະຕິ, ຕໍ່ເນື່ອງ, ກຳແໜ້ນແນວທາງນະໂຍບາຍຂອງພັກ, ລະບຽບກົດໝາຍຂອງລັດກໍຄືຂອງກຳລັງ ປກສ ໃຫ້ມີຄວາມໜັກແໜ້ນເຂັ້ມແຂງທາງດ້ານການຈັດຕັ້ງ, ມີລະບຽບວິໄນເຂັ້ມງວດ, ປັບປຸງແບບແຜນວິທີເຮັດວຽກໃຫ້ທັນສະໄໝ, ມີຄວາມເປັນເອກະພາບພາຍໃນໝູ່ຄະນະ, ເອົາໃຈໃສ່ປັບປຸງເຮັດວຽກງານການຈັດຕັ້ງທຸກຂັ້ນ ໃຫ້ແທດເໝາະກັບຄວາມຮຽກຮ້ອງຕ້ອງການໃນໜ້າທີ່ການເມືອງ, ປະຕິບັດຫຼັກການລວມສູນປະຊາທິປະໄຕ, ມີຄວາມສາມັກຄີພາຍໃນຄະນະພັກ, ກຳໃຫ້ໄດ້ສະພາບປະກົດການຫຍໍ້ທໍ້ພາຍໃນກຳລັງ ພ້ອມທັງກຳແໜ້ນສະພາບການຂອງສັດຕູ-ກຸ່ມຄົນບໍ່ດີ, ແກ້ໄຂໜໍ່ແໜງກໍ່ຄວາມບໍ່ສະຫງົບທາງດ້ານການເມືອງ ແລະ ປະ ກົດການຫຍໍ້ທໍ້ໃນສັງຄົມໃຫ້ດີຂຶ້ນ, ເອົາໃຈໃສ່ປັບປຸງວຽກງານສັນຕິບານເປັນຫຼັກ, ກຳແໜ້ນສະພາບການເຂົ້າ-ອອກເມືອງ, ສືບຕໍ່ຫັນພະນັກງານລົງກໍ່ສ້າງຮາກຖານຢູ່ບັນດາຈຸດສຸມ ແລະ ເຂດຫຼ່ໍແຫຼມ ປຸກລະດົມປະຊາຊົນໃຫ້ເຂົ້າໃຈແນວທາງຂອງພັກ-ລັດ ປະກອບສ່ວນເຂົ້າໃນວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ສະຖຽນລະພາບທາງດ້ານການເມືອງ, ມີສະຕິລະວັງຕົວ ກຽມພ້ອມເຮັດສຳເລັດໜ້າທີ່ການເມືອງທີ່ໄດ້ຮັບການມອບໝາຍ. ຂ່າວ: ປກສ