ຫ້ອງວ່າການສຳນັກງານປະທານປະເທດ ປາຖະກະຖາ 2 ວັນ ປະຫວັດສາດ

ໃນພິທີ, ສະຫາຍ ພົນໂທ ແສງນວນ ໄຊຍະລາດ ເລຂາຄະນະບໍລິຫານງາພັກ ປະທານ ສະຫະ ພັນນັກຮົບແຫ່ງຊາດລາວ ໄດ້ຂຶ້ຶນປາຖະກະຖາ 2 ວັນປະຫວັດສາດ ຊຶ່ງໄດ້ຍົກໃຫ້ເຫັນສະພາບການປິດລ້ອມຂອງກອງພັນທີ 2, ການຜ່າວົງປິດລ້ອມຂອງກອງພັນທີ 2 ໃນວັນທີ 18/5-2/6/1959, ຄວາມໝາຍຄວາມສຳຄັນ ແລະ ປັດໄຈພື້ນຖານການຜ່າວົງປິດລ້ອມຂອງກອງພັນທີ 2. ໃນນັ້ນ, ໄດ້ຍົກໃຫ້ເຫັນ ສະພາບການ ແລະ ການເຄື່ອນໄຫວປະຕິວັດຂອງບັນດາຜູ້ນຳພັກ ແລະ ແນວລາວຮັກຊາດ ໃນໄລຍະປີ 1957-1959, ແຜນການໂຕນຄຸກ, ການກະກຽມໂຕນຄຸກຈາກຄຸກໂພນເຄັງຂອງບັນດາຜູ້ນຳ ແລະ ສາເຫດການໂຕນຄຸກຢ່າງມະຫັດສະຈັນຂອງບັນດາຜູ້ນຳໄປສູ່ເຂດທີ່ໝັ້ນປະຕິວັດຢ່າງປອດໄພ.

ໃນການຈັດຕັ້ງປາຖະກະຖາສອງວັນປະຫວັດສາດໃນຄັ້ງນີ້: ເພື່ອໃຫ້ບັນດາສະມາຊິກພັກ, ພະນັກ ງານ-ລັດຖະກອນ ພາຍໃນຫ້ອງວ່າການ ສຳນັກງານປະທານປະເທດ ໄດ້ມີຄວາມຮັບຮູ້ ແລະ ເຫັນໄດ້ມູນເຊື້ອ ອັນພິລະອາດຫານ ແລະ ຄວາມມະຫັດສະຈັນ ອັນສະຫຼາດສ່ອງໃສຂອງການນຳຂອງພັກເຮົາໃນການຕໍ່ສູ່ກູ້ຊາດ.

(ຂ່າວ-ພາບ: ສຳນານ)