ໃນຕອນເຊົ້າວັນທີ31 ມັງກອນ ຜ່ານມາ ທີ່ຫໍປະຊຸມແຫ່ງຊາດ, ຫ້ອງວ່າການສໍານັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານກໍ່ສ້າງພັກ, ພະນັກງານ ແລະ ວຽກງານວິຊາສະເພາະ ປະຈໍາປີ 2023 ແລະ ທິດທາງແຜນການປະຈໍາປີ 2024 ແລະ ປະກາດການຈັດຕັ້ງ, ພາຍໃຕ້ການເປັນປະທານ ຂອງທ່ານ ອາລຸນໄຊ ສູນນະລາດ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ; ໂດຍການໃຫ້ກຽດເຂົ້າຮ່ວມໂອ້ລົມ ແລະ ໃຫ້ທິດຊີ້ນຳ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ; ມີບັນດາທ່ານຮອງລັດຖະມົນຕີ, ຮອງຫົວໜ້າ ຫສນຍ,ທ່ານຮອງປະທານອົງການກາແດງແຫ່ງຊາດລາວ, ບັນດາທ່ານຄະນະກົມ, ຄະນະຫໍປະຊຸມແຫ່ງຊາດ,ພະນັກງານ-ລັດຖະກອນ, ພະນັກງານອາວຸໂສບຳນານ ທີ່ສັງກັດ ຫສນຍ ແລະ ແຂກຖືກເຊີນ ເຂົ້າຮ່ວມ.
ໃນໂອກາດນີ້, ທ່ານ ຄຳລາວັນ ຈັນທະລາວັນ ຮອງລັດຖະມົນຕີ ຮອງຫົວໜ້າ ຫສນຍ ໄດ້ລາຍງານກ່ຽວກັບການຈັດຕັ້ງປະຕິບັດວຽກງານພັກ-ພະນັກງານ ແລະ ວຽກງານວິຊາສະເພາະ ຂອງ ຫສນຍ ປະຈຳປີ 2023 ແລະ ທິດທາງແຜນວຽກງານຈຸດສຸມ ປະຈຳປີ 2024 ໂດຍໄດ້ຍົກໃຫ້ເຫັນຜົນງານອັນພົ້ນເດັ່ນ ໃນການກໍ່ສ້າງພັກ-ພະນັກງານ, ການປັບປຸງການຈັດຕັ້ງ, ການປະຕິບັດນະໂຍບາຍ ຕໍ່ພະນັກງານ-ລັດຖະກອນ ແລະ ພະນັກງານບຳນານ, ການນຳພາ-ຊີ້ນຳ ແລະ ເຄື່ອນໄຫວວຽກງານອົງການຈັດຕັ້ງມະຫາຊົນ, ການຈັດຕັ້ງປະຕິບັດວຽກງານວິຊາສະເພາະ ກໍຄືການປະຕິບັດ ຄຳຂວັນ 3 ດີ ຂອງ ຫສນຍ ຄື: ເປັນເສນາທິການທີ່ດີ, ປະສານງານທີ່ດີ ແລະ ບໍລິການຮັບໃຊ້ທີ່ດີ ຕິດພັນກັບປະຕິບັດທິດ 3 ຫັນ (ຫັນປ່ຽນຈາກແນວຄິດຄອງຄອຍ, ລໍຖ້າຄໍາສັ່ງ, ລັງເລ ໄປສູ່ຄວາມເປັນເຈົ້າການກວ່າເກົ່າ; ຫັນຈາກການເຮັດວຽກບໍ່ມີແຜນການຮັດກຸມ ໄປສູ່ການເຮັດວຽກຢ່າງມີລະບົບ, ມີລະບຽບ, ມີຈຸດສຸມ ແລະ ມີຄາດໝາຍທີ່ຊັດເຈນ; ແລະ ຫັນຈາກລະບົບການເຮັດວຽກຫຼາຍຂັ້ນຂອດ ໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ). ຄຽງຄູ່ກັນນັ້ນ ກໍໄດ້ຍົກໃຫ້ເຫັນສາເຫດທີ່ພາໃຫ້ມີດ້ານດີ, ຈຸດອ່ອນ-ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແຜນວຽກຈຸດສຸມໃນຕໍ່ໜ້າ, ລວມທັງມາດຕະການໃນການຈັດຕັ້ງປະຕິບັດ; ຜູ້ເຂົ້າຮ່ວມກອງປະຊຸມຈຳນວນໜຶ່ງ ກໍໄດ້ປະກອບຄຳເຫັນ ຕໍ່ບົດສະຫຼຸບດັ່ງກ່າວ ເພື່ອເຮັດໃຫ້ມີເນື້ອໃນຄົບຖ້ວນ, ສົມບູນ, ແທດຕົວຈິງກວ່າເກົ່າ ແລະ ເປັນບ່ອນອີງທີ່ເປັນເອກະພາບສູງ ໃຫ້ແກ່ການຈັດຕັ້ງປະຕິບັດວຽກງານໃນຕໍ່ໜ້າ ໃຫ້ໄດ້ຮັບຜົນເປັນຢ່າງດີ.ພ້ອມດຽວກັນນີ້, ກອງປະຊຸມ ຍັງໄດ້ຮັບຟັງຄຳຄິດຄຳເຫັນ ແລະ ໄດ້ສຳພາດພະນັກງານອາວຸໂສບຳນານ ທີ່ເປັນອະດີດການນຳ ກ່ຽວກັບການຈັດຕັ້ງປະຕິບັດວຽກງານຂອງຫ້ອງວ່າການສຳນັກງານນາຍົກລັດຖະມົນຕີຊຶ່ງເຫັນວ່າໄດ້ມີບາດກ້າວຫັນປ່ຽນຫຼາຍດ້ານ ສະແດງອອກໃນຜົນງານທີ່ຍາດມາໄດ້,ການປະຕິບັດນະໂຍບາຍຕໍ່ພະນັກງານບໍານານ ກໍຄື ພະນັກງານທີ່ຍັງປະຈໍາການກໍໄດ້ຮັບການປັບປຸງດີຂຶ້ນເປັນກ້າວໆ.
ໃນໂອກາດດຽວກັນ, ກໍໄດ້ມີພິທີປະກາດການຈັດຕັ້ງ ພາຍໃນ ຫສນຍ, ໃນນັ້ນ ທ່ານນາງ ວິໄລ ພິລາວົງຮອງຫົວໜ້າກົມຄຸ້ມຄອງພະນັກງານຄະນະຈັດຕັ້ງສູນກາງພັກ ໄດ້ຂຶ້ນຜ່ານດຳລັດ ຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຮອງລັດຖະມົນຕີ, ຮອງຫົວໜ້າ ຫສນຍ ຈຳນວນ 2 ທ່ານ ຄື: ທ່ານ ເຂິງຄໍາ ແກ້ວໜູຈັນ ແລະ ທ່ານ ນາງ ບຸນໜັກ ດາລາງາແກ້ວ. ພ້ອມນີ້, ທ່ານ ຖາວອນ ຈັນທະລາຮອງຫົວໜ້າກົມຈັດຕັ້ງ ແລະ ພະນັກງານ ຫສນຍ ກໍໄດ້ຂຶ້ນຜ່ານຂໍ້ຕົກລົງ ຂອງທ່ານລັດຖະມົນຕີ, ຫົວໜ້າ ຫສນຍ ວ່າດ້ວຍການແຕ່ງຕັ້ງຮັກສາການຫົວໜ້າກົມ ຈຳນວນ 2 ທ່ານ ຄື: ແຕ່ງຕັ້ງທ່ານ ຊາຍຄໍາ ພຸດທະວົງຮອງຫົວໜ້າກົມຄົ້ນຄວ້າສັງລວມ ເປັນຮັກສາການຫົວໜ້າກົມຄົ້ນຄວ້າສັງລວມ; ແຕ່ງຕັ້ງທ່ານ ນາງ ສຸລິກັນ ພົມມະຈັນຮອງຫົວໜ້າກົມຈັດຕັ້ງ ແລະ ພະນັກງານ ເປັນຮັກສາການຫົວໜ້າກົມຈັດຕັ້ງ ແລະ ພະນັກງານ.
ໃນໂອກາດທີ່ມີຄວາມໝາຍສຳຄັນນີ້, ກອງປະຊຸມ ໄດ້ຮັບກຽດຢ່າງສູງ ຮັບຟັງການໂອ້ລົມ ແລະ ໃຫ້ທິດຊີ້ນຳ ຈາກທ່ານ ນາຍົກລັດຖະມົນຕີ ຊຶ່ງທ່ານໄດ້ຕີລາຄາສູງ ແລະ ຍ້ອງຍໍຊົມເຊີຍ ຕໍ່ຜົນງານພົ້ນເດັ່ນ ທີ່ສາມາດປະຕິບັດໄດ້ ໃນປີຜ່ານມາ; ຍົກໃຫ້ເຫັນສະພາບພົ້ນເດັ່ນທີ່ເກີດຂຶ້ນຢູ່ພາຍໃນ ແລະ ຕ່າງປະເທດ, ລວມທັງ ຂໍ້ຫຍຸ້ງຍາກ ແລະ ສິ່ງທ້າທາຍ ຕໍ່ການພັດທະນາເສດຖະກິດ-ສັງຄົມ ຂອງປະເທດເຮົາ ໃນໄລຍະຜ່ານມາ ແລະ ປັດຈຸບັນ; ໄດ້ເຜີຍແຜ່ທິດຊີ້ນຳຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດກ່ຽວກັບເສດຖະກິດເອກະລາດ ເປັນເຈົ້າຕົນເອງ ຫຼື ເອີ້ນວ່າ “ສອຈ” ຊຶ່ງໝາຍເຖິງເສດຖະກິດ ຂອງປະເທດໜຶ່ງ ທີ່ມີຄວາມພະຍາຍາມອອກຈາກລະບົບ, ລະບອບເສດຖະກິດເພິ່ງພາ ແລະ ເອື່ອຍອີງ ໃຫ້ກາຍເປັນເຈົ້າຕົນເອງ ຢ່າງມີບາດກ້າວເດີນທີ່ໜັກແໜ້ນ. ຕ້ອງໄດ້ເອົາໃຈໃສ່ສ້າງຄວາມເປັນເຈົ້າຂອງໃນສິ່ງທີ່ເຮົາມີ, ໃນສິ່ງທີ່ເຮົາເຮັດໄດ້, ຮູ້ອີງໃສ່ທ່າແຮງບົ່ມຊ້ອນຂອງປະເທດ, ຮູ້ໃຊ້ຊັບພະຍາກອນທີ່ເຮົາມີຢ່າງຄຸ້ມຄ່າ ແລະ ຮູ້ວາງແຜນໃນການຂຸດຄົ້ນຊັບພະຍາກອນຂອງຊາດ, ໃຫ້ຄົນລາວເປັນເຈົ້າຫຼາຍຂຶ້ນ, ໄດ້ເງິນມາຕ້ອງຮູ້ປະຢັດ, ຮູ້ອົດອອມ, ຮູ້ໃຊ້ຈ່າຍຢ່າງກຸ້ມຄ່າ, ຮູ້ຕໍ່ຍອດ ແລະ ສ້າງມູນຄ່າເພີ່ມອອກມາເລື້ອຍໆ. ພ້ອມກັນນັ້ນ “ສອຈ” ຕ້ອງຮູ້ເຂົາ-ຮູ້ເຮົາ ດີ ແລະ ເລິກເຊິ່ງ ເປັນຕົ້ນຕ້ອງຮູ້ຈັກຕະຫຼາດພາຍໃນ ແລະ ຕ້ອງຮູ້ການແບ່ງປັນ ຈາກຕະຫຼາດສາກົນ;ຮູ້ຈັກເຂົ້າເຖິງຕະຫຼາດແລະເຂົ້າເຖິງເຕັກໂນໂລຊີໃໝ່ທີ່ທັນສະໄໝຈາກໂລກແລະນຳໃຊ້ສິ່ງທີ່ເຂົາມີແຕ່ເຮົາບໍ່ມີໃຫ້ໄດ້ຢ່າງເໝາະສົມແລະມີການເລືອກເຟັ້ນ; ຕ້ອງເດັດດ່ຽວເອົາເສດຖະກິດເຮົາເຂົ້າສູ່ການເປັນໂລກາພິວັດ, ເອົາສິນຄ້າພາຍໃນອອກສູ່ໂລກ; ໃຊ້ຊັບພະຍາກອນຂອງຊາດໃຫ້ອອກມາເປັນສິນຄ້າເພື່ອໃຫ້ອອກສູ່ຕະຫຼາດໂລກແລະເປັນເຈົ້າການນຳເອົາສິ່ງຈາກໂລກພາຍນອກມາໃຊ້ພາຍໃນຢ່າງມີການຄິດໄລ່ໄຕ່ຕອງ; ເອົາສິ່ງທີ່ເຮົາມີຢູ່ນີ້ກະທົບໃສ່ໂລກພາຍນອກໃຫ້ເກີດອອກມາເປັນເງິນ-ເປັນທຶນທີ່ຈັບຕ້ອງໄດ້; ຮູ້ຈັກເອົາທຶນ, ເອົາຄວາມຮູ້, ເຕັກໂນໂລຊີ ຈາກພາຍນອກມາກະທົບໃສ່ຊັບພະຍາກອນຂອງປະເທດເຮົາ ໃຫ້ເກີດເປັນມູນຄ່າເພີ່ມ ຢ່າງມີຄວາມເປັນເຈົ້າ ແລະ ອື່ນໆ.
ພ້ອມກັນນີ້, ທ່ານນາຍົກລັດຖະມົນຕີ ໄດ້ມີຄຳເຫັນເນັ້ນໜັກ ໃຫ້ ຫສນຍ ໃຫ້ເອົາໃຈໃສ່ຕື່ມບາງດ້ານ ເປັນຕົ້ນຄົ້ນຄວ້າເຮັດໃຫ້ກົງຈັກການຈັດຕັ້ງຫສນຍ ຕ້ອງກະທັດຮັດ, ມີປະສິດທິຜົນ;ວຽກງານເສນາທິການ ໂດຍສະເພາະ ວຽກງານຄົ້ນຄວ້າວິໄຈບັນຫາ, ສັງລວມເອກະສານ, ຮ່າງບົດປາໄສຕ່າງໆ ໃຫ້ແກ່ທ່ານນາຍົກລັດຖະມົນຕີ, ບັນດາທ່ານຮອງນາຍົກລັດຖະມົນຕີ ຕ້ອງມີເນື້ອໃນແທດເໝາະກັບຄວາມເປັນຈິງ, ຖືກຈຸດ ແລະ ສາມາດປະຕິບັດໄດ້; ການບໍລິຫານ-ການຈັດການ ຕ້ອງວ່ອງໄວ, ຊັດເຈນ ຊຶ່ງພະນັກງານ-ລັດຖະກອນທຸກຄົນ ພາຍໃນ ຫສນຍ ຕ້ອງມີນໍ້າໃຈຮັບໃຊ້ປະເທດຊາດ ຮັບໃຊ້ປະຊາຊົນ ແລະ ຮອບຄອບ; ບໍ່ອູ້ມວຽກ, ບໍ່ປະໃຫ້ແກ່ຍາວເວລາ; ຕ້ອງຊື່ສັດບໍລິສຸດ, ຕ້ອງກ້າຫານ ສະເໜີຄໍາເຫັນຕໍ່ຂັ້ນເທິງ ຢ່າງກົງໄປກົງມາ,ພາວະວິໄສ; ຕ້ອງປະຕິບັດໜ້າທີ່ວຽກງານ ຕາມລະບຽບການແລະກົນໄກເຮັດວຽກ; ຕ້ອງຮັກສາຄວາມລັບທາງລັດຖະການ, ອັນໃດອະນຸຍາດໃຫ້ເປີດເຜີຍໄດ້ ຈຶ່ງເປີດເຜີຍ; ບັນຫາທີ່ຈະນໍາເຂົ້າພິຈາລະນາໃນກອງປະຊຸມນາຍົກ-ຮອງນາຍົກລັດຖະມົນຕີ, ກອງປະຊຸມລັດຖະບານ ຕ້ອງຄົ້ນຄວ້າລະອຽດຖີ່ຖ້ວນຕາມລະບຽບກົດໝາຍທີ່ກຳນົດໄວ້, ກະກຽມເອກະສານໃຫ້ຄົບຖ້ວນ ແລະ ທັນຕາມກຳນົດເວລາ, ແຈ້ງຜົນກອງປະຊຸມ ກໍຄືທິດຊີ້ນຳຂອງຂັ້ນເທິງໃຫ້ຖືກຕ້ອງ, ທັນການ ແລະ ມີການຕິດຕາມຊຸກຍູ້ການຈັດຕັ້ງປະຕິບັດຂອງພາກສ່ວນກ່ຽວຂ້ອງ;ການປະສານງານ ຕ້ອງເຮັດໃຫ້ດີ ເພື່ອປະຕິບັດວຽກງານຂອງຕົນສໍາເລັດ, ມີປະສິດທິຜົນ ແລະ ເພື່ອຊຸກຍູ້ການປະຕິບັດວຽກງານຂອງຂະແໜງການ ແລະ ທ້ອງຖິ່ນ;ການໄປເຮັດວຽກຢູ່ທ້ອງຖິ່ນ ຕ້ອງມີຈຸດສຸມ, ໄປແລ້ວຈະຕົກລົງບັນຫາຫຍັງ; ຕ້ອງມີຄວາມສາມັກຄີ, ເປັນຈິດໜຶ່ງໃຈດຽວ, ກ້າຕໍານິສົ່ງຂ່າວ ເພື່ອກໍ່ສ້າງ, ຊ່ວຍເຫຼືອຊຶ່ງກັນ ແລະ ກັນ ໃນການເຮັດວຽກ; ເອົາໃຈໃສ່ປັບປຸງກົງຈັກການຈັດຕັ້ງ ແລະ ບຸກຄະລາກອນ, ການຫັນເປັນດີຈີຕອນເພື່ອປັບປຸງການຈັດຕັ້ງປະຕິບັດວຽກ;ສືບຕໍ່ເພີ່ມທະວີຄວາມສາມັກຄີ, ຄວາມເປັນເອກະພາບພາຍໃນ, ປະຕິບັດແບບແຜນວິທີເຮັດວຽກລວມສູນ ຕາມຫຼັກການນໍາພາຂອງພັກ, ບໍ່ຫຼີກ ແລະ ບໍ່ໂຍນຄວາມຮັບຜິດຊອບ. ສຳລັບບັນດາທ່ານ ທີ່ໄດ້ຮັບການແຕ່ງຕັ້ງໃໝ່ ຕ້ອງເພີ່ມທະວີຄວາມເຂັ້ມງານ ຕາມຄວາມຮັບຜິດຊອບທີ່ເພີ່ມສູງຂຶ້ນ, ມີຄວາມເປັນເອກະພາບພາຍໃນໝູ່ຄະນະ ເພື່ອພ້ອມກັນຈັດຕັ້ງປະຕິບັດໜ້າທີ່ ທີ່ພັກ-ລັດ ມອບໝາຍໃຫ້ມີຜົນສຳເລັດຕາມຄາດໝາຍທີ່ກຳນົດໄວ້.
ໃນຕອນບ່າຍ ຂອງວັນດຽວກັນ, ຫສນຍ ຍັງໄດ້ສືບຕໍ່ດຳເນີນພິທີສະຫຼຸບວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ປະຈຳປີ 2023 ແລະ ເປີດຂະບວນການແຂ່ງຂັນ ຮັກຊາດ ແລະ ພັດທະນາ ປະຈໍາປີ 2024; ສະຫຼຸບວຽກງານກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ປະຈຳປີ 2023 ແລະ ເປີດຂະບວນການແຂ່ງຂັນ ກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ປະຈຳປີ 2024 ຕື່ມອີກ.
(ຂ່າວ-ພາບ: ກົມປະຊາສຳພັນ ຫສນຍ)
ໃນໂອກາດນີ້, ທ່ານ ຄຳລາວັນ ຈັນທະລາວັນ ຮອງລັດຖະມົນຕີ ຮອງຫົວໜ້າ ຫສນຍ ໄດ້ລາຍງານກ່ຽວກັບການຈັດຕັ້ງປະຕິບັດວຽກງານພັກ-ພະນັກງານ ແລະ ວຽກງານວິຊາສະເພາະ ຂອງ ຫສນຍ ປະຈຳປີ 2023 ແລະ ທິດທາງແຜນວຽກງານຈຸດສຸມ ປະຈຳປີ 2024 ໂດຍໄດ້ຍົກໃຫ້ເຫັນຜົນງານອັນພົ້ນເດັ່ນ ໃນການກໍ່ສ້າງພັກ-ພະນັກງານ, ການປັບປຸງການຈັດຕັ້ງ, ການປະຕິບັດນະໂຍບາຍ ຕໍ່ພະນັກງານ-ລັດຖະກອນ ແລະ ພະນັກງານບຳນານ, ການນຳພາ-ຊີ້ນຳ ແລະ ເຄື່ອນໄຫວວຽກງານອົງການຈັດຕັ້ງມະຫາຊົນ, ການຈັດຕັ້ງປະຕິບັດວຽກງານວິຊາສະເພາະ ກໍຄືການປະຕິບັດ ຄຳຂວັນ 3 ດີ ຂອງ ຫສນຍ ຄື: ເປັນເສນາທິການທີ່ດີ, ປະສານງານທີ່ດີ ແລະ ບໍລິການຮັບໃຊ້ທີ່ດີ ຕິດພັນກັບປະຕິບັດທິດ 3 ຫັນ (ຫັນປ່ຽນຈາກແນວຄິດຄອງຄອຍ, ລໍຖ້າຄໍາສັ່ງ, ລັງເລ ໄປສູ່ຄວາມເປັນເຈົ້າການກວ່າເກົ່າ; ຫັນຈາກການເຮັດວຽກບໍ່ມີແຜນການຮັດກຸມ ໄປສູ່ການເຮັດວຽກຢ່າງມີລະບົບ, ມີລະບຽບ, ມີຈຸດສຸມ ແລະ ມີຄາດໝາຍທີ່ຊັດເຈນ; ແລະ ຫັນຈາກລະບົບການເຮັດວຽກຫຼາຍຂັ້ນຂອດ ໄປສູ່ລະບົບການເຮັດວຽກທີ່ສະດວກ, ວ່ອງໄວ, ຖືກຕ້ອງ ແລະ ທັນສະໄໝກວ່າເກົ່າ). ຄຽງຄູ່ກັນນັ້ນ ກໍໄດ້ຍົກໃຫ້ເຫັນສາເຫດທີ່ພາໃຫ້ມີດ້ານດີ, ຈຸດອ່ອນ-ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ທິດທາງແຜນວຽກຈຸດສຸມໃນຕໍ່ໜ້າ, ລວມທັງມາດຕະການໃນການຈັດຕັ້ງປະຕິບັດ; ຜູ້ເຂົ້າຮ່ວມກອງປະຊຸມຈຳນວນໜຶ່ງ ກໍໄດ້ປະກອບຄຳເຫັນ ຕໍ່ບົດສະຫຼຸບດັ່ງກ່າວ ເພື່ອເຮັດໃຫ້ມີເນື້ອໃນຄົບຖ້ວນ, ສົມບູນ, ແທດຕົວຈິງກວ່າເກົ່າ ແລະ ເປັນບ່ອນອີງທີ່ເປັນເອກະພາບສູງ ໃຫ້ແກ່ການຈັດຕັ້ງປະຕິບັດວຽກງານໃນຕໍ່ໜ້າ ໃຫ້ໄດ້ຮັບຜົນເປັນຢ່າງດີ.ພ້ອມດຽວກັນນີ້, ກອງປະຊຸມ ຍັງໄດ້ຮັບຟັງຄຳຄິດຄຳເຫັນ ແລະ ໄດ້ສຳພາດພະນັກງານອາວຸໂສບຳນານ ທີ່ເປັນອະດີດການນຳ ກ່ຽວກັບການຈັດຕັ້ງປະຕິບັດວຽກງານຂອງຫ້ອງວ່າການສຳນັກງານນາຍົກລັດຖະມົນຕີຊຶ່ງເຫັນວ່າໄດ້ມີບາດກ້າວຫັນປ່ຽນຫຼາຍດ້ານ ສະແດງອອກໃນຜົນງານທີ່ຍາດມາໄດ້,ການປະຕິບັດນະໂຍບາຍຕໍ່ພະນັກງານບໍານານ ກໍຄື ພະນັກງານທີ່ຍັງປະຈໍາການກໍໄດ້ຮັບການປັບປຸງດີຂຶ້ນເປັນກ້າວໆ.
ໃນໂອກາດດຽວກັນ, ກໍໄດ້ມີພິທີປະກາດການຈັດຕັ້ງ ພາຍໃນ ຫສນຍ, ໃນນັ້ນ ທ່ານນາງ ວິໄລ ພິລາວົງຮອງຫົວໜ້າກົມຄຸ້ມຄອງພະນັກງານຄະນະຈັດຕັ້ງສູນກາງພັກ ໄດ້ຂຶ້ນຜ່ານດຳລັດ ຂອງນາຍົກລັດຖະມົນຕີ ວ່າດ້ວຍການແຕ່ງຕັ້ງຮອງລັດຖະມົນຕີ, ຮອງຫົວໜ້າ ຫສນຍ ຈຳນວນ 2 ທ່ານ ຄື: ທ່ານ ເຂິງຄໍາ ແກ້ວໜູຈັນ ແລະ ທ່ານ ນາງ ບຸນໜັກ ດາລາງາແກ້ວ. ພ້ອມນີ້, ທ່ານ ຖາວອນ ຈັນທະລາຮອງຫົວໜ້າກົມຈັດຕັ້ງ ແລະ ພະນັກງານ ຫສນຍ ກໍໄດ້ຂຶ້ນຜ່ານຂໍ້ຕົກລົງ ຂອງທ່ານລັດຖະມົນຕີ, ຫົວໜ້າ ຫສນຍ ວ່າດ້ວຍການແຕ່ງຕັ້ງຮັກສາການຫົວໜ້າກົມ ຈຳນວນ 2 ທ່ານ ຄື: ແຕ່ງຕັ້ງທ່ານ ຊາຍຄໍາ ພຸດທະວົງຮອງຫົວໜ້າກົມຄົ້ນຄວ້າສັງລວມ ເປັນຮັກສາການຫົວໜ້າກົມຄົ້ນຄວ້າສັງລວມ; ແຕ່ງຕັ້ງທ່ານ ນາງ ສຸລິກັນ ພົມມະຈັນຮອງຫົວໜ້າກົມຈັດຕັ້ງ ແລະ ພະນັກງານ ເປັນຮັກສາການຫົວໜ້າກົມຈັດຕັ້ງ ແລະ ພະນັກງານ.
ໃນໂອກາດທີ່ມີຄວາມໝາຍສຳຄັນນີ້, ກອງປະຊຸມ ໄດ້ຮັບກຽດຢ່າງສູງ ຮັບຟັງການໂອ້ລົມ ແລະ ໃຫ້ທິດຊີ້ນຳ ຈາກທ່ານ ນາຍົກລັດຖະມົນຕີ ຊຶ່ງທ່ານໄດ້ຕີລາຄາສູງ ແລະ ຍ້ອງຍໍຊົມເຊີຍ ຕໍ່ຜົນງານພົ້ນເດັ່ນ ທີ່ສາມາດປະຕິບັດໄດ້ ໃນປີຜ່ານມາ; ຍົກໃຫ້ເຫັນສະພາບພົ້ນເດັ່ນທີ່ເກີດຂຶ້ນຢູ່ພາຍໃນ ແລະ ຕ່າງປະເທດ, ລວມທັງ ຂໍ້ຫຍຸ້ງຍາກ ແລະ ສິ່ງທ້າທາຍ ຕໍ່ການພັດທະນາເສດຖະກິດ-ສັງຄົມ ຂອງປະເທດເຮົາ ໃນໄລຍະຜ່ານມາ ແລະ ປັດຈຸບັນ; ໄດ້ເຜີຍແຜ່ທິດຊີ້ນຳຂອງສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດກ່ຽວກັບເສດຖະກິດເອກະລາດ ເປັນເຈົ້າຕົນເອງ ຫຼື ເອີ້ນວ່າ “ສອຈ” ຊຶ່ງໝາຍເຖິງເສດຖະກິດ ຂອງປະເທດໜຶ່ງ ທີ່ມີຄວາມພະຍາຍາມອອກຈາກລະບົບ, ລະບອບເສດຖະກິດເພິ່ງພາ ແລະ ເອື່ອຍອີງ ໃຫ້ກາຍເປັນເຈົ້າຕົນເອງ ຢ່າງມີບາດກ້າວເດີນທີ່ໜັກແໜ້ນ. ຕ້ອງໄດ້ເອົາໃຈໃສ່ສ້າງຄວາມເປັນເຈົ້າຂອງໃນສິ່ງທີ່ເຮົາມີ, ໃນສິ່ງທີ່ເຮົາເຮັດໄດ້, ຮູ້ອີງໃສ່ທ່າແຮງບົ່ມຊ້ອນຂອງປະເທດ, ຮູ້ໃຊ້ຊັບພະຍາກອນທີ່ເຮົາມີຢ່າງຄຸ້ມຄ່າ ແລະ ຮູ້ວາງແຜນໃນການຂຸດຄົ້ນຊັບພະຍາກອນຂອງຊາດ, ໃຫ້ຄົນລາວເປັນເຈົ້າຫຼາຍຂຶ້ນ, ໄດ້ເງິນມາຕ້ອງຮູ້ປະຢັດ, ຮູ້ອົດອອມ, ຮູ້ໃຊ້ຈ່າຍຢ່າງກຸ້ມຄ່າ, ຮູ້ຕໍ່ຍອດ ແລະ ສ້າງມູນຄ່າເພີ່ມອອກມາເລື້ອຍໆ. ພ້ອມກັນນັ້ນ “ສອຈ” ຕ້ອງຮູ້ເຂົາ-ຮູ້ເຮົາ ດີ ແລະ ເລິກເຊິ່ງ ເປັນຕົ້ນຕ້ອງຮູ້ຈັກຕະຫຼາດພາຍໃນ ແລະ ຕ້ອງຮູ້ການແບ່ງປັນ ຈາກຕະຫຼາດສາກົນ;ຮູ້ຈັກເຂົ້າເຖິງຕະຫຼາດແລະເຂົ້າເຖິງເຕັກໂນໂລຊີໃໝ່ທີ່ທັນສະໄໝຈາກໂລກແລະນຳໃຊ້ສິ່ງທີ່ເຂົາມີແຕ່ເຮົາບໍ່ມີໃຫ້ໄດ້ຢ່າງເໝາະສົມແລະມີການເລືອກເຟັ້ນ; ຕ້ອງເດັດດ່ຽວເອົາເສດຖະກິດເຮົາເຂົ້າສູ່ການເປັນໂລກາພິວັດ, ເອົາສິນຄ້າພາຍໃນອອກສູ່ໂລກ; ໃຊ້ຊັບພະຍາກອນຂອງຊາດໃຫ້ອອກມາເປັນສິນຄ້າເພື່ອໃຫ້ອອກສູ່ຕະຫຼາດໂລກແລະເປັນເຈົ້າການນຳເອົາສິ່ງຈາກໂລກພາຍນອກມາໃຊ້ພາຍໃນຢ່າງມີການຄິດໄລ່ໄຕ່ຕອງ; ເອົາສິ່ງທີ່ເຮົາມີຢູ່ນີ້ກະທົບໃສ່ໂລກພາຍນອກໃຫ້ເກີດອອກມາເປັນເງິນ-ເປັນທຶນທີ່ຈັບຕ້ອງໄດ້; ຮູ້ຈັກເອົາທຶນ, ເອົາຄວາມຮູ້, ເຕັກໂນໂລຊີ ຈາກພາຍນອກມາກະທົບໃສ່ຊັບພະຍາກອນຂອງປະເທດເຮົາ ໃຫ້ເກີດເປັນມູນຄ່າເພີ່ມ ຢ່າງມີຄວາມເປັນເຈົ້າ ແລະ ອື່ນໆ.
ພ້ອມກັນນີ້, ທ່ານນາຍົກລັດຖະມົນຕີ ໄດ້ມີຄຳເຫັນເນັ້ນໜັກ ໃຫ້ ຫສນຍ ໃຫ້ເອົາໃຈໃສ່ຕື່ມບາງດ້ານ ເປັນຕົ້ນຄົ້ນຄວ້າເຮັດໃຫ້ກົງຈັກການຈັດຕັ້ງຫສນຍ ຕ້ອງກະທັດຮັດ, ມີປະສິດທິຜົນ;ວຽກງານເສນາທິການ ໂດຍສະເພາະ ວຽກງານຄົ້ນຄວ້າວິໄຈບັນຫາ, ສັງລວມເອກະສານ, ຮ່າງບົດປາໄສຕ່າງໆ ໃຫ້ແກ່ທ່ານນາຍົກລັດຖະມົນຕີ, ບັນດາທ່ານຮອງນາຍົກລັດຖະມົນຕີ ຕ້ອງມີເນື້ອໃນແທດເໝາະກັບຄວາມເປັນຈິງ, ຖືກຈຸດ ແລະ ສາມາດປະຕິບັດໄດ້; ການບໍລິຫານ-ການຈັດການ ຕ້ອງວ່ອງໄວ, ຊັດເຈນ ຊຶ່ງພະນັກງານ-ລັດຖະກອນທຸກຄົນ ພາຍໃນ ຫສນຍ ຕ້ອງມີນໍ້າໃຈຮັບໃຊ້ປະເທດຊາດ ຮັບໃຊ້ປະຊາຊົນ ແລະ ຮອບຄອບ; ບໍ່ອູ້ມວຽກ, ບໍ່ປະໃຫ້ແກ່ຍາວເວລາ; ຕ້ອງຊື່ສັດບໍລິສຸດ, ຕ້ອງກ້າຫານ ສະເໜີຄໍາເຫັນຕໍ່ຂັ້ນເທິງ ຢ່າງກົງໄປກົງມາ,ພາວະວິໄສ; ຕ້ອງປະຕິບັດໜ້າທີ່ວຽກງານ ຕາມລະບຽບການແລະກົນໄກເຮັດວຽກ; ຕ້ອງຮັກສາຄວາມລັບທາງລັດຖະການ, ອັນໃດອະນຸຍາດໃຫ້ເປີດເຜີຍໄດ້ ຈຶ່ງເປີດເຜີຍ; ບັນຫາທີ່ຈະນໍາເຂົ້າພິຈາລະນາໃນກອງປະຊຸມນາຍົກ-ຮອງນາຍົກລັດຖະມົນຕີ, ກອງປະຊຸມລັດຖະບານ ຕ້ອງຄົ້ນຄວ້າລະອຽດຖີ່ຖ້ວນຕາມລະບຽບກົດໝາຍທີ່ກຳນົດໄວ້, ກະກຽມເອກະສານໃຫ້ຄົບຖ້ວນ ແລະ ທັນຕາມກຳນົດເວລາ, ແຈ້ງຜົນກອງປະຊຸມ ກໍຄືທິດຊີ້ນຳຂອງຂັ້ນເທິງໃຫ້ຖືກຕ້ອງ, ທັນການ ແລະ ມີການຕິດຕາມຊຸກຍູ້ການຈັດຕັ້ງປະຕິບັດຂອງພາກສ່ວນກ່ຽວຂ້ອງ;ການປະສານງານ ຕ້ອງເຮັດໃຫ້ດີ ເພື່ອປະຕິບັດວຽກງານຂອງຕົນສໍາເລັດ, ມີປະສິດທິຜົນ ແລະ ເພື່ອຊຸກຍູ້ການປະຕິບັດວຽກງານຂອງຂະແໜງການ ແລະ ທ້ອງຖິ່ນ;ການໄປເຮັດວຽກຢູ່ທ້ອງຖິ່ນ ຕ້ອງມີຈຸດສຸມ, ໄປແລ້ວຈະຕົກລົງບັນຫາຫຍັງ; ຕ້ອງມີຄວາມສາມັກຄີ, ເປັນຈິດໜຶ່ງໃຈດຽວ, ກ້າຕໍານິສົ່ງຂ່າວ ເພື່ອກໍ່ສ້າງ, ຊ່ວຍເຫຼືອຊຶ່ງກັນ ແລະ ກັນ ໃນການເຮັດວຽກ; ເອົາໃຈໃສ່ປັບປຸງກົງຈັກການຈັດຕັ້ງ ແລະ ບຸກຄະລາກອນ, ການຫັນເປັນດີຈີຕອນເພື່ອປັບປຸງການຈັດຕັ້ງປະຕິບັດວຽກ;ສືບຕໍ່ເພີ່ມທະວີຄວາມສາມັກຄີ, ຄວາມເປັນເອກະພາບພາຍໃນ, ປະຕິບັດແບບແຜນວິທີເຮັດວຽກລວມສູນ ຕາມຫຼັກການນໍາພາຂອງພັກ, ບໍ່ຫຼີກ ແລະ ບໍ່ໂຍນຄວາມຮັບຜິດຊອບ. ສຳລັບບັນດາທ່ານ ທີ່ໄດ້ຮັບການແຕ່ງຕັ້ງໃໝ່ ຕ້ອງເພີ່ມທະວີຄວາມເຂັ້ມງານ ຕາມຄວາມຮັບຜິດຊອບທີ່ເພີ່ມສູງຂຶ້ນ, ມີຄວາມເປັນເອກະພາບພາຍໃນໝູ່ຄະນະ ເພື່ອພ້ອມກັນຈັດຕັ້ງປະຕິບັດໜ້າທີ່ ທີ່ພັກ-ລັດ ມອບໝາຍໃຫ້ມີຜົນສຳເລັດຕາມຄາດໝາຍທີ່ກຳນົດໄວ້.
ໃນຕອນບ່າຍ ຂອງວັນດຽວກັນ, ຫສນຍ ຍັງໄດ້ສືບຕໍ່ດຳເນີນພິທີສະຫຼຸບວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ ປະຈຳປີ 2023 ແລະ ເປີດຂະບວນການແຂ່ງຂັນ ຮັກຊາດ ແລະ ພັດທະນາ ປະຈໍາປີ 2024; ສະຫຼຸບວຽກງານກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ປະຈຳປີ 2023 ແລະ ເປີດຂະບວນການແຂ່ງຂັນ ກໍ່ສ້າງໜ່ວຍພັກປອດໃສເຂັ້ມແຂງໜັກແໜ້ນ ປະຈຳປີ 2024 ຕື່ມອີກ.
(ຂ່າວ-ພາບ: ກົມປະຊາສຳພັນ ຫສນຍ)
ຄໍາເຫັນ