ຫສພ ປະກາດການຈັດຕັ້ງ ແລະ ພະນັກງານອອກພັກການຮັບອຸດໜູນບຳນານ

ໃນພິທີ, ສະຫາຍ ນັນທະພົນ ລີວັດທະນາ ຕາງໜ້າຄະນະຈັດຕັ້ງສູນກາງພັກ ຂຶ້ນຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການປັບປຸງກົງຈັກການຈັດຕັ້ງຂອງຫ້ອງວ່າການສູນກາງພັກ,ສະບັບເລກທີ 31/ຄລສພ, ລົງວັນທີ 24/3/2026 ໂຮມ 3 ກົມເຂົ້າກັນຄື: ກົມບໍລິຫານ, ກົມການເງິນ ແລະ ກົມຄຸ້ມຄອງບຳລຸງພັກ ແລ້ວສ້າງຕັ້ງເປັນກົມບໍລິການ, ຜ່ານມະຕິຕົກລົງຂອງຄະນະເລຂາທິການສູນກາງພັກ, ເລກທີ 43,44/ຄລສພ, ລົງວັນທີ 31/3/2026, ວ່າດ້ວຍການແຕ່ງຕັ້ງຮອງຫົວໜ້າຫ້ອງວ່າການສູນກາງພັກ 2 ສະຫາຍຄື: ສະຫາຍ ກິຫຼຽນທອງ ແກ້ວນໍລະສິງ ແລະ ສະຫາຍ ສີສູນໄທ ແກ້ວໂພໄຊ,ຜ່ານມະຕິຕົກລົງຂອງຄະນະເລຂາທິການສູນກາງພັກ, ວ່າດ້ວຍການແຕ່ງຕັ້ງ ສະຫາຍ ນາງ ເກສອນ ວໍລະເພັດ ເປັນຫົວໜ້າກົມບໍລິຫານ ຫ້ອງວ່າການສູນກາງພັກ, ແຕ່ງຕັ້ງ ສະຫາຍ ນາງ ໃບຄູນ ສົມບັດດວງ ເປັນຫົວໜ້າກົມ ພິພິທະພັນ ໄກສອນ ພົມວິຫານ ແລະ ອະນຸສອນສະຖານຜູ້ນຳປະຕິວັດ ຫ້ອງວ່າການສູນກາງພັກ, ແຕ່ງຕັ້ງສະຫາຍ ບຸນທັນ ກຸສົນສະໜອງ ເປັນຫົວໜ້າກົມເລຂານຸການການນຳເລຂານຸການປະຈຳສະຫາຍເລຂາທິການໃຫຍ່ຄະນະບໍລິຫານງານສູນກາງພັກ, ແຕ່ງຕັ້ງ ສະຫາຍ ສີທັດ ຈັນທະສຸກ ເປັນຫົວໜ້າກົມກໍ່ສ້າງຮາກຖານ ຫ້ອງວ່າການສູນກາງພັກ, ແຕ່ງຕັ້ງ ສະຫາຍ ວິໄຊ ຂຳຕະກຸນ ເປັນຫົວໜ້າກົມທ້ອງຖິ່ນ-ຮາກຖານ ຫ້ອງວ່າການສູນກາງພັກ, ແຕ່ງຕັ້ງ ສະຫາຍ ເຫຼັກໄຊ ແກ້ວຍະສານ ເປັນຫົວໜ້າກົມຄົ້ນຄວ້າ-ສັງລວມ ຫ້ອງວ່າການສູນກາງພັກ, ນອກນັ້ນໃນພິທີກໍໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ, ສະບັບເລກທີ 41/ຄລສພ, ລົງວັນທີ 3/3/2026, ຕົກລົງໃຫ້ສະຫາຍ ໄຊຍະລາດ ພົງຍາລັກ ກຳມະການຄະນະພັກ ຫົວໜ້າກົມພິພິທະພັນ ໄກສອນ ພົມວິຫານ ແລະ ອະນຸສອນສະຖານຜູ້ນຳປະຕິວັດ ຫ້ອງວ່າການສູນກາງພັກ ອອກພັກການ-ຮັບອຸດໜູນບຳນານ ຈາກນັ້ນ ສະຫາຍ ຫົວໜ້າຫ້ອງວ່າການສູນກາງພັກກໍໄດ້ໂອ້ລົມຕໍ່ພິທີດັ່ງກ່າວ.

ຂ່າວ-ພາບ: ພູວຽງຄຳ