ຂ່າວສານຫວຽດນາມລາຍງານ, ໃນວັນທີ 7 ເມສາ ຜ່ານມານີ້, ທ່ານ ຈັສຕິນ ທຣູໂດ ນາຍົກລັດຖະມົນຕີ ການາດາ ໃຫ້ຮູ້ວ່າ: ລັດຖະບານການາດາ ຈະໃຊ້ງົບປະມານ 2,4 ຕື້ໂດລາການາດາ (ເກືອບ 1,8 ຕື້ໂດລາ) ເຂົ້າໃນງົບປະມານປີ 2024 ເພື່ອພັດທະນາຄວາມສາມາດແຫ່ງຊາດດ້ານປັນຍາປະດິດ (AI).
ຂ່າວລາຍງານວ່າ: ທ່ານ ຈັສຕິນ ທຣູໂດ ໃຫ້ຮູ້ວ່າ, ນີ້ແມ່ນການລົງທຶນທີ່ສຳຄັນໃນອະນາຄົດຂອງປະເທດ, ອະນາຄົດຂອງຜູ້ອອກແຮງງານ, ເພື່ອຮັບປະກັນໃຫ້ບັນດາຂະແໜງການ ແລະ ທຸກຮຸ່ນຄົນມີບັນດາເຄື່ອງມືເພື່ອບັນລຸຜົນສຳເລັດກໍຄືຄວາມຈະເລີນຮຸ່ງເຮືອງດ້ານເສດຖະກິດໃນອະນາຄົດ.
ສ່ວນໃຫຍ່ຂອງຈໍານວນເງິນຂ້າງເທິງ, ປະມານ 2 ຕື້ໂດລາການາດາຈະຖືກນຳໃຊ້ເຂົ້າໃນເຕັກໂນໂລຊີ ແລະ ໂຄງສ້າງພື້ນຖານຄອມພິວເຕີໃຫ້ກັບບັນດານັກຄົ້ນຄວ້າ ແລະ ບັນດາບໍລິສັດ AI ຂອງການາດາ.
ທຶນທີ່ຍັງເຫຼືອແມ່ນຈະລົງທຶນໃນຂົງເຂດອື່ນໆຂອງເຕັກໂນໂລຊີ AI, ໃນນັ້ນ ຫຼາຍກວ່າ 200 ລ້ານໂດລາການາດາ ຈະຖືກຈັດສັນຜ່ານບັນດາອົງການພັດທະນາພາກພື້ນ ເພື່ອສະໜັບສະໜູນທຸລະກິດໃນຂົງເຂດນີ້ ແລະ 50 ລ້ານໂດລາການາດາ ຈະໃຊ້ເພື່ອຊ່ວຍເຫຼືອແຮງງານທີ່ໄດ້ຮັບຜົນກະທົບຈາກການຮັບຮອງເອົາເຕັກໂນໂລຊີ AI.
ນອກຈາກນັ້ນ, ລັດຖະບານ ການາດາ ຍັງວາງແຜນທີ່ຈະສ້າງຕັ້ງສະຖາບັນຄວາມປອດໄພ AI ດ້ວຍມູນຄ່າ 50 ລ້ານໂດລາການາດາ ແລະ ຈັດສັນເງິນອີກ 5 ລ້ານໂດລາການາດາ ເພື່ອຈັດຕັ້ງປະຕິບັດກົດໝາຍວ່າດ້ວຍຂໍ້ມູນ ແລະປັນຍາປະດິດ.
ຂ່າວລາຍງານວ່າ: ທ່ານ ຈັສຕິນ ທຣູໂດ ໃຫ້ຮູ້ວ່າ, ນີ້ແມ່ນການລົງທຶນທີ່ສຳຄັນໃນອະນາຄົດຂອງປະເທດ, ອະນາຄົດຂອງຜູ້ອອກແຮງງານ, ເພື່ອຮັບປະກັນໃຫ້ບັນດາຂະແໜງການ ແລະ ທຸກຮຸ່ນຄົນມີບັນດາເຄື່ອງມືເພື່ອບັນລຸຜົນສຳເລັດກໍຄືຄວາມຈະເລີນຮຸ່ງເຮືອງດ້ານເສດຖະກິດໃນອະນາຄົດ.
ສ່ວນໃຫຍ່ຂອງຈໍານວນເງິນຂ້າງເທິງ, ປະມານ 2 ຕື້ໂດລາການາດາຈະຖືກນຳໃຊ້ເຂົ້າໃນເຕັກໂນໂລຊີ ແລະ ໂຄງສ້າງພື້ນຖານຄອມພິວເຕີໃຫ້ກັບບັນດານັກຄົ້ນຄວ້າ ແລະ ບັນດາບໍລິສັດ AI ຂອງການາດາ.
ທຶນທີ່ຍັງເຫຼືອແມ່ນຈະລົງທຶນໃນຂົງເຂດອື່ນໆຂອງເຕັກໂນໂລຊີ AI, ໃນນັ້ນ ຫຼາຍກວ່າ 200 ລ້ານໂດລາການາດາ ຈະຖືກຈັດສັນຜ່ານບັນດາອົງການພັດທະນາພາກພື້ນ ເພື່ອສະໜັບສະໜູນທຸລະກິດໃນຂົງເຂດນີ້ ແລະ 50 ລ້ານໂດລາການາດາ ຈະໃຊ້ເພື່ອຊ່ວຍເຫຼືອແຮງງານທີ່ໄດ້ຮັບຜົນກະທົບຈາກການຮັບຮອງເອົາເຕັກໂນໂລຊີ AI.
ນອກຈາກນັ້ນ, ລັດຖະບານ ການາດາ ຍັງວາງແຜນທີ່ຈະສ້າງຕັ້ງສະຖາບັນຄວາມປອດໄພ AI ດ້ວຍມູນຄ່າ 50 ລ້ານໂດລາການາດາ ແລະ ຈັດສັນເງິນອີກ 5 ລ້ານໂດລາການາດາ ເພື່ອຈັດຕັ້ງປະຕິບັດກົດໝາຍວ່າດ້ວຍຂໍ້ມູນ ແລະປັນຍາປະດິດ.
ຄໍາເຫັນ