ທ່ານເລຂາທິການໃຫຍ່ ປະທານປະເທດ ຫວຽດນາມ ໄດ້ເນັ້ນໜັກ 5 ໝາກຜົນຕົ້ນຕໍຂອງກອງປະຊຸມ, ສູນກາງໄດ້ເປັນເອກະພາບກຳນົດທິດຄົ້ນຄວ້າບັນດາບັນຫາພື້ນຖານຂອງພັກ ແລະ ເສັ້ນທາງພັດທະນາຍາວນານຂອງປະເທດຊາດ, ສູນກາງໄດ້ຮັບຮອງເອົາບັນດາໂຄງການສະຫຼຸບ 100 ປີພັກນຳພາການປະຕິວັດຫວຽດນາມ, ກຳນົດທິດຊີ້ນຳພັດທະນາປະເທດຊາດໃນ 100 ປີຕໍ່ໄປ; ສະຫຼຸບ 40 ປີປະຕິບັດໂຄງການກໍ່ສ້າງປະເທດຊາດໃນໄລຍະຂ້າມຜ່ານຂຶ້ນລັດທິສັງຄົມນິຍົມ, ຄົ້ນຄວ້າປັບປຸງກົດລະບຽບພັກ. ນີ້ແມ່ນພື້ນຖານເພື່ອສະຫຼຸບພຶດຕິກຳຕົວຈິງ, ພັດທະນາທິດສະດີ ແລະ ສຳເລັດພື້ນຖານອົງການຈັດຕັ້ງຂອງພັກ.

ສູນກາງຮັບຮອງເອົາຂໍ້ກຳນົດກ່ຽວກັບສະມາຊິກພັກເຂົ້າຮ່ວມການເຄື່ອນໄຫວລົງທຶນ, ດຳເນີນທຸລະກິດ, ສົ່ງເສີມສ້າງຄວາມຮັ່ງມີທີ່ຊອບທຳ ຕິດພັນກັບການຮັກສາທາດແທ້ຂອງພັກ, ກໍ່ສ້າງພັກໃນເຂດນອກລັດ.

ທ່ານເລຂາທິການໃຫຍ່ ປະທານປະເທດ ຫວຽດນາມ ກ່າວຕື່ມວ່າ: ບັນດານະໂຍບາຍຂອງກອງປະຊຸມຕ້ອງໄດ້ປະຕິບັດຢ່າງຄົບຊຸດ, ຕິດພັນກັບການກໍ່ສ້າງພັກ ແລະ ການພັດທະນາປະເທດຊາດ. ທ່ານໄດ້ສະເໜີຜັນຂະຫຍາຍ 3 ໜ້າທີ່ຫັນເປັນລະອຽດຢ່າງຄົບຖ້ວນ, ຫັນເປັນລະບອບລະບຽບການຢ່າງທັນການບັນດານະໂຍບາຍຊີ້ຂາດຂອງກອງປະຊຸມ, ສໍາເລັດໜ້າທີ່ປີ 2026, ສ້າງພື້ນຖານເພື່ອໃຫ້ປີ 2027 ບຸກທະລຸ, ເພີ່ມທະວີການກວດກາ, ຕິດຕາມກວດກາການປະຕິບັດ ແລະ ເສີມຂະຫຍາຍບົດບາດຂອງປະຊາຊົນ.