ຄະນະພັກ-ຄະນະບັນຊາ, ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 13 ແຂວງສະຫວັນນະເຂດ, ກົມກອງອອ້ມຂ້າງແຂວງ-ນະຄອນ, ພະແນກການ, ອົງການກວດສອບແຫ່ງລັດປະຈຳພາກກາງ 2 ແຂວງສະຫວັນນະເຂດ, ພະນັກງານ-ລັດຖະກອນ, ອົງການຈັດຕັ້ງມະຫາຊົນ ແລະ ພາກສ່ວນອື່ນໆ ອ້ອມຂ້າງແຂວງເຂົ້າຮ່ວມ.
ໃນພິທີ, ໄດ້ເລີ່ມຈາກຄະນະນໍາຂອງແຂວງ, ຊຶ່ງໄດ້ເຂົ້າວາງກະຕ່າດອກໄມ້ຢູ່ຕໍ່ໜ້າຮູບຫຼໍ່ປະທານ ໄກສອນ ພົມວິຫານຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ, ເນື່ອງໃນໂອກາດສະເຫຼີມສະຫຼອງວັນເກີດ ປະທານ ໄກສອນ ພົມວິຫານ ຄົບຮອບ 104 ປີ (13 ທັນວາ 1920-13 ທັນວາ 2024). ຈາກນັ້ນ, ພາກສ່ວນຕ່າງໆ ກໍໄດ້ສືບຕໍ່ເຂົ້າໄຕ້ທູບຢູ່ອະນຸສອນສະຖານ ປະທານ ໄກສອນ ພົມວິຫານ ຢູ່ບ້ານໄຊຍະພູມ ນະຄອນໄກສອນ ພົມວິຫານ ແຂວງສະຫວັນນະເຂດ. ທັງນີ້, ກໍເພື່ອສະແດງຄວາມເຄົາລົບຮັກ ແລະ ກະຕັນຍູຮູ້ບຸນຄຸນເຖິງຄຸນງາມຄວາມດີຂອງປະທານໄກສອນ ພົມວິຫານ ຫຼອດຊີວິດເພື່ອຜົນປະໂຫຍດລວມຂອງຊາດ, ເພື່ອອະນາຄົດຂອງລູກຫຼານບັນດາເຜົ່າ, ປະທານໄດ້ສຸມສະຕິປັນຍາເຂົ້າໃນການນຳພາຂະບວນການຕໍ່ສູ້ຕ້ານການຮຸກຮານຂອງພວກຕ່າງດ້າວ, ສາມາດໄດ້ຮັບໄຊຊະນະ ແລະ ນໍາເອົາຄວາມຢູ່ເຢັນເປັນສຸກມາສູ່ປະຊາຊົນ, ປະທານແມ່ນນັກຮັກຊາດຜູ້ຍິ່ງໃຫຍ່ແມ່ນລູກຜູ້ປະເສີດຂອງປະຊາຊົນລາວບັນດາເຜົ່າ, ແມ່ນນັກປະຕິວັດຜູ້ດີເລີດ, ເພິ່ນເປັນຜູ້ນໍາສູງສຸດຂອງການປະຕິວັດທີ່ມີຄວາມປີຊາສາມາດ ແລະ ສະຫຼາດຫຼັກແຫຼມ, ປະທານ ໄກສອນພົມວິຫານຍືນຍົງຄົງຕົວຢູ່ໃນພາລະກິດອັນຍິ່ງໃຫຍ່ຂອງປະຊາຊົນລາວບັນດາເຜົ່າຕະຫຼອດໄປ.
ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ