ໄດ້ເຂົ້າມາວາງກະຕ່າດອກໄມ້ ແລະ ດອກໄມ້ທີ່ຫອມຫວນຢູ່ຕໍ່ໜ້າອະນຸສາວະດີທ່ານ ໜູຮັກ ພູມສະຫວັນ, ເພື່ອເປັນການສະແດງຄວາມເຄົາລົບຮັກ ຄວາມກະຕັນຍູຮູ້ບຸນຄຸນ, ສັນລະເສີນເຖິງຄຸນງາມຄວາມດີ ແລະ ຜົນງານອັນໃຫຍ່ຫຼວງຂອງທ່ານ ໜູຮັກ ພູມສະຫວັນ ທີ່ໄດ້ອຸທິດຕະຫຼອດຊີວິດ ເພື່ອປະເທດຊາດ ແລະ ການປະຕິວັດ.
ທ່ານ ໜູຮັກ ພູມສະຫວັນ ແມ່ນໜຶ່ງໃນບັນດາທ່ານຜູ້ນຳຮຸ່ນທຳອິດທີ່ໄດ້ຮ່ວມຂະບວນການປະຕິວັດ, ສ້າງຕັ້ງພັກປະຊາຊົນປະຕິວັດລາວ ແລະ ສ້າງຕັ້ງລະບອບໃໝ່, ເປັນຜູ້ນຳທີ່ແສນເຄົາລົບຮັກຂອງປວງຊົນລາວ ຕະຫຼອດຊີວິດເພິ່ນໄດ້ເສຍສະຫຼະ ແລະ ອຸທິດຕົນເພື່ອພາລະກິດຕໍ່ສູ້ກູ້ຊາດ, ປົກປັກຮັກສາ ແລະ ສ້າງສາປະເທດຊາດໃຫ້ຈະເລີນກ້າວໜ້າ.
ການເຂົ້າຮ່ວມໃນພິທີວາງກະຕ່າດອກໄມ້ ແລະ ດອກໄມ້ໃນຄັ້ງນີ້ລວມມີທັງໝົດ 14 ຄະນະເຊັ່ນ: ການນຳແຂວງ, ຄະນະສະມາຊິກສະພາແຫ່ງຊາດປະຈຳເຂດທີ 13 ແລະ ສະພາປະຊາຊົນແຂວງ, ຄະນະພັກ-ຄະນະບັນຊາກອງບັນຊາການທະຫານແຂວງ, ຄະນະພັກ-ຄະນະບັນຊາກອງບັນຊາການ ປກສ ແຂວງ, ຄະນະພັກ-ຄະນະນຳນະຄອນໄກສອນພົມວິຫານ, ອົງການກວດສອບປະຈຳພາກກາງ 2, ພາກສ່ວນພັກ-ພະນັກງານ ແລະ ອົງການຈັດຕັ້ງມະຫາຊົນ, ພາກສ່ວນລັດວິສາຫະກິດແຂວງ, ພາກສ່ວນວັດທະນະທຳ-ສັງຄົມ, ພາກສ່ວນເສດຖະກິດ, ພາກສ່ວນສະພາການຄ້າ-ອຸດສາຫະກຳ ແລະ ສະຖາບັນການສຶກສາພາກເອກະຊົນ, ພາກສ່ວນທະນາຄານປະຈຳແຂວງ, ພາກສ່ວນຂົງເຂດຕຸລາການ ແລະ ຄະນະບໍລິຫານງານຊາວໜຸ່ມແຂວງ.
(ແຫຼ່ງຂ່າວ: ແຂວງສະຫວັນນະເຂດ)
ຄໍາເຫັນ