ໃນເດືອນ 11 ປີ 2017, ສະຫາຍ ສີຈິ້ນຜິງ ເລຂາທິການໃຫຍ່ພັກກອມມູນິດຈີນ ຢ້ຽມຢາມ ສປປ ລາວ ໄດ້ເນັ້ນໜັກວ່າ: ຝ່າຍຈີນ ຍິນດີຮ່ວມແຮງຮ່ວມໃຈກັບຝ່າຍລາວ ເພື່ອເສີມຂະຫຍາຍ ແລະ ພັດທະນາສາຍພົວພັນຄູ່ຮ່ວມມືຍຸດທະສາດຮອບດ້ານ ຈີນ-ລາວ ທີ່ມີຄວາມໄວ້ເນື້ອເຊື່ອໃຈຊຶ່ງກັນ ແລະ ກັນ ໃນລະດັບສູງ, ຊ່ວຍເຫຼືອກັນ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ ຢ່າງບໍ່ຢຸດຢັ້ງ, ເຮັດໃຫ້ສອງປະເທດເປັນບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ ຕໍ່ກັນຕະຫຼອດໄປ. ໃນຫຼັກການດ້ານຄຸນຄ່າ ແລະ ການຊີ້ນໍາການປະພຶດ ເພື່ອສົ່ງເສີມການແລກປ່ຽນຄວາມໄວ້ເນື້ອເຊື່ອໃຈທາງດ້ານການເມືອງ, ສ້າງແນວຄິດການຮ່ວມມືສາກົນ, ເສີມຂະຫຍາຍການເຊື່ອມໂຍງ, ການພົວພັນທາງສັງຄົມ ແລະ ຮັດແໜ້ນມິດຕະພາບທີ່ເປັນມູນເຊື້ອ.
"ຈິດໃຈ 4 ດີ" ແມ່ນການສະແດງອອກຢ່າງເປັນຮູບປະທໍາ ຂອງການສືບທອດບົນຈິດໃຈຂອງ 5 ຫຼັກການຢູ່ຮ່ວມກັນໂດຍສັນຕິ, ການເສີມຂະຫຍາຍຄ່ານິຍົມຂອງຜູ້ຮັກຫອມສັນຕິພາບ, ການຮ່ວມມືແບບມີຄວາມໂອບເອື້ອອາລີ. ຢຶດໝັ້ນຕໍ່ເສັ້ນທາງການພັດທະນາຂອງອາຊີ ໃນການຮ່ວມມືແບບເປີດກວ້າງ ແລະ ຕ່າງຝ່າຍຕ່າງໄດ້ຮັບຜົນປະໂຫຍດ, ການສົ່ງເສີມຈິດໃຈກອງປະຊຸມບັນດຸງ ກ່ຽວກັບຄວາມສາມັກຄີ, ມິດຕະພາບ ແລະ ການຮ່ວມມື. ພາຍໃຕ້ການນຳພາຂອງ "ຈິດໃຈ 4 ດີ", ທັງສອງຝ່າຍ ຈີນ ແລະ ລາວ ໄດ້ມີການປຶກສາຫາລື ແລະ ເຂົ້າໃຈຊຶ່ງກັນ ແລະ ກັນ, ຊ່ວຍເຫຼືອຊຶ່ງກັນ ແລະ ກັນ, ຮ່ວມກັນເພີ່ມທະວີການເຊື່ອມຈອດພື້ນຖານໂຄງລ່າງ, ສ້າງໂຄງການຕົວແບບດ້ານການເຊື່ອມໂຍງຈິດໃຈປະຊາຊົນ, ຊຸກຍູ້ການແລກປ່ຽນບົດຮຽນດ້ານການປົກຄອງຂອງລັດຖະບານຈີນ ແລະ ລັດຖະບານລາວ, ສ້າງຕັ້ງລະບົບການພັດທະນາອຸດສາຫະກຳແບບທັນສະໄໝ. ສ້າງທ່ວງທ່າແຫ່ງການພັດທະນາແບບໃໝ່ ຢ່າງເປັນຮູບປະທໍາ ໃນການກໍ່ສ້າງຄູ່ຮ່ວມຊາຕາກຳ ຈີນ-ລາວ, ມີຫຼາຍໂຄງການເປັນແບບຢ່າງ ໃນການປະຕິບັດຕົວຈິງ ໃຫ້ແກ່ບັນດາປະເທດກຳລັງພັດທະນາ ເພື່ອຜ່ານຜ່າບັນຫາໃນການພັດທະນາແບບເພິ່ງພາ.
ກ່ຽວກັບຈິດໃຈ "ບ້ານໃກ້ເຮືອນຄຽງທີ່ດີ" ຮ່ວມກັນສ້າງເສັ້ນທາງເຊື່ອມຕໍ່ຫຼາຍມິຕິໃໝ່ ແລະ ກະຕຸ້ນແຮງຊຸກຍູ້ຂະບວນການໃໝ່ ໃຫ້ແກ່ການພັດທະນາພາກພື້ນ ລະຫວ່າງ ຈີນ-ລາວ ແມ່ນເນື້ອໃນຕົ້ນຕໍຂອງສາຍພົວພັນຄູ່ຮ່ວມມືຍຸດທະສາດຮອບດ້ານ ຈີນ-ລາວ ກໍຄືການປະຕິບັດຕາມຄຸນຄ່າແນວຄິດ ໃນການກໍ່ສ້າງຄູ່ຮ່ວມຊາຕາກຳ ຈີນ-ລາວ ໃນຍຸກສະໄໝໃໝ່. ຄໍາວ່າຈິດໃຈ; "ບ້ານໃກ້ເຮືອນຄຽງທີ່ດີ" ແມ່ນແນວທາງຊີ້ນຳການຮ່ວມມືທີ່ຖືເອົາການມີພູມສັນຖານເຊື່ອມຈອດກັນເປັນພື້ນຖານ, ຖືເອົາການເຄົາລົບຊຶ່ງກັນ ແລະ ກັນ ເປັນເງື່ອນໄຂເບື້ອງຕົ້ນ, ຖືເອົາການພັດທະນາຮ່ວມກັນເປັນເປົ້າໝາຍ, ສົມທົບກັບທ່າແຮງດ້ານການພັດທະນາຂອງແຕ່ລະຝ່າຍ ແລະ ກະຕຸ້ນປະສິດທິຜົນການພັດທະນາຂອງທັງສອງຝ່າຍ. ນັບແຕ່ການລົງນາມໃນແຜນປະຕິບັດງານຄູ່ຮ່ວມຊາຕາກຳ ຈີນ-ລາວ ໃນປີ 2017 ເປັນຕົ້ນມາ, ຈີນ ແລະ ລາວ ໄດ້ບັນລຸການເຊື່ອມຈອດພື້ນຖານໂຄງລ່າງຄົມມະນາຄົມຂົນສົ່ງພາກພື້ນ ຈີນ-ລາວ ແລະ ການພັດທະນາພາກພື້ນຈີນ-ລາວ ໄດ້ກະຕຸກຊຸກຍູ້ຢ່າງບໍ່ຢຸດຢັ້ງ ໂດຍຖືເອົາການມີພູມສັນຖານຕິດຈອດກັນເປັນໂອກາດ, ການກໍ່ສ້າງແລວເສດຖະກິດລຽບຕາມເສັ້ນທາງລົດໄຟ ຈີນ-ລາວ ໄດ້ຮັບຜົນສຳເລັດຢ່າງພົ້ນເດັ່ນ. ນັບແຕ່ເສັ້ນທາງລົດໄຟ ຈີນ-ລາວ ໄດ້ເປີດນຳໃຊ້ ແລະ ດຳເນີນງານເປັນຕົ້ນມາ, ຂະແໜງການລົດໄຟຂອງທັງສອງປະເທດ ຈີນ-ລາວ ໄດ້ເພີ່ມທະວີການຈັດຕັ້ງການຂົນສົ່ງສິນຄ້າ, ຍົກສູງຂີດຄວາມສາມາດ ແລະ ປະສິດທິພາບການຂົນສົ່ງ, ເຮັດໃຫ້ຕົ້ນທຶນການຂົນສົ່ງສິນຄ້າຈາກຄຸນໝິງຜ່ານມາລາວ ໄປຫາປະເທດໄທ ຫຼຸດລົງ 30% - 50%, ຕົ້ນທຶນການຂົນສົ່ງພາຍໃນປະເທດລາວ ຫຼຸດລົງ 20% - 40%, ໄດ້ຊຸກຍູ້ຍົກລະດັບຂະແໜງອຸດສາຫະກຳປະເພດຕ່າງໆ ຕາມແລວທາງລົດໄຟ ປະກອບສ່ວນເຮັດໃຫ້ເສດຖະກິດການຄ້າສາກົນຢ່າງແຂງແຮງ ແລະ ການໄປມາຫາສູ່ຂອງປະຊາຊົນທັງສອງປະເທດ, ນັກທ່ອງທ່ຽວສະດວກສະບາຍຂຶ້ນ. ໃນປີ 2024, ປະລິມານການຂົນສົ່ງສິນຄ້າທັງໝົດ ຜ່ານທາງລົດໄຟ ຈີນ-ລາວ ບັນລຸ 19.6 ລ້ານໂຕນ, ສະເລ່ຍຕໍ່ມື້ຮັກສາໃນລະດັບ 50,000 ໂຕນຂຶ້ນໄປ ໂດຍຖືເອົາການເຄົາລົບຊຶ່ງກັນ ແລະ ກັນ ເປັນເງື່ອນໄຂເບື້ອງຕົ້ນ, ໄດ້ເປັນເຈົ້າການໃນການເຊື່ອມໂຍງ ແລະ ຕອບສະໜອງຄວາມຕ້ອງການດ້ານການຂົນສົ່ງຂອງສັງຄົມ ທັງສອງຝ່າຍ ຈີນ-ລາວ. ຢຶດໝັ້ນຫຼັກການ “ຮ່ວມກັນປຶກສາຫາລື, ຮ່ວມກັນກໍ່ສ້າງ, ຮ່ວມກັນຊົມໃຊ້”, ທັງສອງຝ່າຍຈີນ-ລາວ ໄດ້ເພີ່ມທະວີການປະສານງານ ແລະ ການຄຸ້ມຄອງການຂົນສົ່ງສິນຄ້າທາງລົດໄຟ, ສ້າງຂະບວນລົດໄຟສາກົນ ຈີນ-ລາວ-ໄທ-ມາເລເຊຍ,ຊຸກຍູ້ໃຫ້ເກີດປະສິດທິຜົນດ້ານການຂົນສົ່ງໂລຈິສຕິກສາກົນຢ່າງບໍ່ຢຸດຢັ້ງ, ໂດຍຖືເອົາການພັດທະນາຮ່ວມກັນເປັນເປົ້າໝາຍ, ໄດ້ສ້າງເຄືອຂ່າຍເນັດເວີກໂລຈີສຕິກຂ້າມແດນອັດສະລິຍະຈີນ-ລາວ. ພາຍໃຕ້ການນຳພາຂອງພັກ ແລະ ລັດຖະບານຂອງທັງສອງປະເທດຈີນ ແລະ ລາວ, ທາງລົດໄຟ, ດ່ານພາສີ ແລະ ໜ່ວຍງານກວດກາຊາຍແດນຂອງທັງສອງປະເທດຈີນ ແລະ ລາວ ໄດ້ເພີ່ມທະວີການປະສານສົມທົບ, ສຳເລັດການຂະຫຍາຍ, ປັບປຸງ ແລະ ການກໍ່ສ້າງຫັນເປັນອັດສະລິຍະຂອງດ່ານທາງລົດໄຟບໍ່ຫານ ຊຶ່ງໄດ້ປັບປຸງຍົກປະດັບດ້ານການບໍລິການຢ່າງປະສິດທິຜົນສ້າງເງື່ອນໄຂອຳນວຍຄວາມສະດວກໃຫ້ແກ່ການຄ້າຂ້າມຊາຍແດນລະຫວ່າງຈີນ-ລາວ.
ຕໍ່ກັບຈິດໃຈ "ເພື່ອນມິດທີ່ດີ" ສ້າງໂຄງການຕົວແບບດ້ານການເຊື່ອມໂຍງຈິດໃຈຂອງປະຊາຊົນ, ມິດຕະພາບທີ່ເປັນມູນເຊື້ອ ຈີນ-ລາວ.
ຈິດໃຈ "ເພື່ອນມິດທີ່ດີ" ເປັນການສະແດງອອກເຖິງສາຍພົວພັນ ຈີນ-ລາວ ໃນຍຸກໃໝ່, ພ້ອມທັງເປັນຄຸນຄ່າແນວຄິດອັນຕົ້ນຕໍຂອງສາຍສໍາພັນ ຈີນ-ລາວ, ເນື້ອແທ້ກໍແມ່ນສາຍສໍາພັນທີ່ເປັນຄູ່ຮ່ວມມືແບບເຊື່ອມໂຍງ ແລະ ຊ່ວຍເຫຼືອກັນຢ່າງຮອບດ້ານ ໂດຍຖືການປະຕິບັດຕໍ່ກັນດ້ວຍຄວາມຈິງໃຈເປັນຫຼັກການໃນພຶດຕິກໍາ, ຖືເອົາການເຊື່ອມໂຍງຂອງປະຊາຊົນ ເປັນສາຍໃຍແຫ່ງຄວາມຜູກພັນທາງດ້ານຈິດໃຈ ແລະ ຖືເອົາມິດຕະພາບອັນແໜ້ນແຟ້ນ ເປັນເປົ້າໝາຍສຳຄັນ. ຈິດໃຈ "ເພື່ອນມິດທີ່ດີ" ມີບົດບາດສຳຄັນໃນການເສີມຂະຫຍາຍສາຍພົວພັນ ຈີນ-ລາວ ແລະ ການເພີ່ມທະວີການພົວພັນ ພາກລັດ ແລະ ສັງຄົມ ລະຫວ່າງຈີນ - ລາວ ຊຶ່ງມີຮາກຖານຄວາມຜູກພັນທາງປະຫວັດສາດ, ເປັນຄວາມຮັກແພງອັນຈິງໃຈທີ່ມີມາແຕ່ດົນນານ ແລະ ໝັ້ນຄົງຍາວນານ. ປັດຈຸບັນ, ຢູ່ບັນດາເຂດຊາຍແດນຂອງສອງປະເທດຈີນ ແລະ ລາວ, ມີ 10 ຊົນເຜົ່າດໍາລົງຊີວິດຮ່ວມກັນຄື: ຊົນເຜົ່າໄຕລື້, ຊົນເຜົ່າຈ້ວງ, ຊົນເຜົ່າຮັ້ນ, ຊົນເຜົ່າມົ້ງ, ຊົນເຜົ່າຢ້າວ, ຊົນເຜົ່າປູລາງ, ຊົນເຜົ່າອາຄາ, ຊົນເຜົ່າອີ, ຊົນເຜົ່າລາຫູ້, ຊົນເຜົ່າຈິງ, ມີພາສາດຽວກັນ, ວັດທະນະທຳເຊື່ອມໂຍງກັນ ແລະ ຮີດຄອງປະເພນີຄ້າຍຄືກັນ. ມີການເຊື່ອມໂຍງຢ່າງເລິກເຊິ່ງ ກາຍເປັນຄູ່ຮ່ວມຊາຕາກຳແບບ "ເຈົ້າຢູ່ໃນໃຈຂ້ອຍ, ຂ້ອຍຢູ່ໃນໃຈເຈົ້າ". ໃນຊຸມປີຜ່ານມາ, ພາຍໃຕ້ການນຳພາອັນສະຫຼາດສ່ອງໃສຂອງພັກ ແລະ ລັດຖະບານຂອງທັງສອງປະເທດຈີນ - ລາວ ໂດຍຖືເອົາຈິດໃຈ "ເພື່ອນມິດທີ່ດີ" ເປັນສິ່ງນຳພາ, ໂຄງການຕົວແບບດ້ານການເຊື່ອມໂຍງຈິດໃຈປະຊາຊົນ ໄດ້ຮັບເສີມສ້າງຢ່າງບໍ່ຢຸດຢັ້ງ, ຮັດແໜ້ນມິດຕະພາບທີ່ເປັນມູນເຊື້ອ ຈີນ-ລາວ ຢ່າງບໍ່ຢຸດຢັ້ງ. ຈີນໄດ້ເປັນຈຸດໝາຍປາຍທາງທຳອິດ ໃນການເລືອກຂອງນັກສຶກສາລາວເປັນເວລາ 5 ປີຕິດຕໍ່ກັນ, ກິດຈະກຳ "ປີມິດຕະພາບ ຈີນ-ລາວ" ໄດ້ຜັນຂະຫຍາຍໃນຫຼາຍຂະແໜງການ. ເພື່ອຊ່ວຍເຫຼືອ ແລະ ສະໜັບສະໜູນການຄຸ້ມຄອງການແກ້ໄຂຄວາມທຸກຍາກຂອງລາວ, ຈີນ ແລະ ລາວ ໄດ້ເພີ່ມທະວີການຮ່ວມມືແກ້ໄຂຄວາມທຸກຍາກຜ່ານຮູບແບບຕ່າງໆເຊັ່ນ: ການສ້າງແນວຄິດ, ການຮ່ວມມືໂຄງການ, ການຝຶກອົບຮົມບຸກຄະລາກອນ, ການສະໜັບສະໜູນດ້ານເຕັກນິກ ແລະ ການຊ່ວຍເຫຼືອດ້ານທຶນຮອນ ເພື່ອປະກອບສ່ວນດ້ານສະຕິປັນຍາ ແລະ ກຳລັງແຮງຂອງຈີນ ເຂົ້າໃນພາລະກິດການແກ້ໄຂຄວາມທຸກຍາກຂອງລາວ. ພາຍໃຕ້ການຈັດຕັ້ງປະຕິບັດ "8 ໂຄງການໃຫຍ່" ທີ່ຈີນຊ່ວຍເຫຼືອລາວດ້ານການກໍ່ສ້າງພື້ນຖານໂຄງລ່າງ ຢ່າງມີປະສິດທິຜົນເຊັ່ນ: ການສະໜອງນ້ຳປະປາ ແລະ ການສະໜອງໄຟຟ້າ ໃນເຂດຊົນນະບົດຂອງລາວ ໄດ້ຮັບການປັບປຸງໃຫ້ດີຂຶ້ນ ຢ່າງບໍ່ຢຸດຢັ້ງ, ໂຮງຮຽນ ແລະ ໂຮງໝໍທີ່ຈີນ ແລະ ລາວ ຮ່ວມກັນສ້າງຂຶ້ນຈຳນວນບໍ່ໜ້ອຍໄດ້ສຳເລັດ ແລະ ເປີດນຳໃຊ້ຢ່າງຕໍ່ເນື່ອງ. ຄວາມຮູ້ສຶກຂອງຜົນສໍາເລັດ, ຄວາມຮູ້ສຶກຂອງຜົນໄດ້ຮັບ ແລະ ຄວາມຮູ້ສຶກທີ່ມີຄວາມສຸກຂອງປະຊາຊົນລາວ ກໍສູງຂຶ້ນຢ່າງບໍ່ຢຸດຢັ້ງ, ຜົນປະໂຫຍດທາງດ້ານເສດຖະກິດທ້ອງ ຖິ່ນ ໄດ້ປະກົດໃຫ້ເຫັນເທື່ອລະກ້າວ, ມິດຕະພາບທີ່ເປັນມູນເຊື້ອ ຈີນ ແລະ ລາວ ກໍນັບມື້ໝັ້ນຄົງຂຶ້ນເລື້ອຍໆ.
(ອ່ານຕໍ່ສະບັບໜ້າ)
ຄໍາເຫັນ