 |
ໃນພິທີ, ທ່ານ ວີເພັດ ສີຫາຈັກ ປະທານບໍລິສັດສັນຕິພາບມໍເຕີ ກ່າວວ່າ: ໃນນາມຄະນະບໍລິຫານ ບໍລິສັດ ສັນຕິພາບ ມໍເຕີ ຂ້າພະເຈົ້າຮູ້ສຶກເປັນກຽດຢ່າງຍິ່ງ ທີ່ໄດ້ຕ້ອນຮັບບັນດາທ່ານທີ່ສະຖານທີ່ ແຫ່ງນີ້ ເນື່ອງໃນໂອກາດການເປີດຫ້ອງວາງສະແດງລົດໄຟຟ້າ Deepal ແຫ່ງທໍາອິດໃນ ສປປ ລາວ ຢ່າງ ເປັນທາງການ. ດັ່ງທີ່ບັນດາທ່ານຮູ້ ໃນໄລຍະ 2-3 ປີທີ່ຜ່ານມາ ພາຫະນະທີ່ຂັບເຄື່ອນໂດຍລະບົບໄຟຟ້າ ໄດ້ຮັບຄວາມນິຍົມນັບມື້ນັບເພີ່ມຂຶ້ນ. ຄວາມນິຍົມດັ່ງກ່າວເກີດມາຈາກ ຄວາມຮຽກຮ້ອງຕ້ອງການຂອງຜູ້ບໍ ລິໂພກ ທີ່ຕ້ອງການນໍາໃຊ້ລົດພະລັງງານສະອາດ ຄຽງຄູ່ໄປກັບ ເຕັກໂນໂລຊີ ທີ່ອັດສະລິຍະ ຍີ່ຫໍ້ Deepal, ເວົ້າໄດ້ວ່າ ເປັນ “ນ້ອງໃໝ່” ໃນເຄືອຂ່າຍ ຂອງກຸ່ມບໍລິສັດ Chang An, ໃນໄລຍະຜ່ານມາ ໄດ້ມີການພັດທະນາ ແລະ ຂະຫຍາຍຕົວຢ່າງວ່ອງໄວ ໃນຫຼາຍປະເທດທົ່ວໂລກ ດ້ວຍນະວັດຕະກຳທາງ ດ້ານຄວາມປອດໄພ, ການນໍາໃຊ້ ພະລັງງານທີ່ມີປະສິດທິພາບສູງ ແລະ ການອໍານວຍຄວາມສະດວກ ໃຫ້ກັບຜູ້ຂັບຂີ່.
 |
ບັນດາທ່ານຈະໄດ້ສຳຜັດ ກັບລົດ 2 ຮຸ່ນ ຄື: ຮຸ່ນ S07 ແລະ ຮຸ່ນ S05 ຊຶ່ງເປັນ 2 ຮຸ່ນຍອດນິຍົມຂອງ Deepal ໃນທົ່ວໂລກ. ຫ້ອງວາງສະແດງແຫ່ງນີ້ ບໍ່ເປັນພຽງແຕ່ເປັນບ່ອນຈໍາໜ່າຍ ລົດ, ແຕ່ຍັງເປັນສູນບໍລິການຫຼັງການຂາຍທີ່ມີມາດຕະຖານສູງ, ພວກເຮົາພ້ອມໃຫ້ຄໍາປຶກສາ ແລະ ຂໍ້ແນະ ນໍາວິທີການໃຊ້ງານ, ພ້ອມໃຫ້ບໍລິການຈາກວິສະວະກອນທີ່ໄດ້ຮັບການຢືນຢັນ, ນຳໃຊ້ອາໄຫຼ່ຂອງແທ້ ແລະ ມີການຮັບປະກັນຈາກໂຮງງານໂດຍກົງ, ຂ້າພະເຈົ້າຂໍຝາກຂໍ້ຄວນຄິດ 1 ຂໍ້ ເພື່ອສະແດງຜົນປະ ໂຫຍດທີ່ທ່ານຈະໄດ້ຮັບ ເມື່ອຫັນມາໃຊ້ລົດໄຟຟ້າ, ຕະຫຼອດໄລຍະການຂັບຂີ່ 1 ແສນກິໂລແມັດ, ທ່ານ ສາມາດປະຢັດຄ່ານໍ້າມັນໄດ້ ຫຼາຍກວາ 200 ລ້ານກີບ ແລະ ກະແສໄຟຟ້າທີ່ນໍາໃຊ້ ໃນການສາກລົດ ເປັນຊັບພະຍາກອນທຳມະຊາດທີ່ປະເທດລາວສາມາດຜະລິດໄດ້ ແລະ ເປັນມິດຕໍ່ສິ່ງແວດລ້ອມ ໃນໄລຍະ 1 ແສນກິໂລແມັດ, ລົດໄຟຟ້າປ່ອຍອາຍ Carbon ຕໍ່າກວ່າລົດນໍ້າມັນ 60%-70%. ໃນພິທີຍັງມີການແນະນຳຈາກນັກວິຊາການໃນການຂັບຂີ່ ແລະ ນຳໃຊ້ລົດດັ່ງກ່າວໃຫ້ເກີດຜົນປະໂຫຍດ ສູງສຸດ, ພ້ອມສະເໜີຄຸນນະພາບຂອງລົດທັງສອງລຸ້ນ ແລະ ເລີ່ມເປີດຮັບການສັ່ງຈອງລົດນັບແຕ່ມື້ເປີດໂຕ ລົດໄຟຟ້າຫຼູເປັນຕົ້ນໄປ.
(ຂ່າວ-ພາບ: ແສງຈັນ)
ຄໍາເຫັນ