ການຈັດກອງປະຊຸມໃນຄັ້ງນີ້, ຈຸດປະສົງເພື່ອເປັນເວທີໃຫ້ຜູ້ແທນຈາກຕ່າງປະເທດ ແລະ ອົງການສາກົນ ໄດ້ແລກປ່ຽນຄວາມຄິດເຫັນຊຶ່ງກັນ ແລະ ກັນ ເພື່ອສົ່ງເສີມການຮ່ວມມື ແລະ ຄວາມເຂົ້າໃຈລະຫວ່າງປະເທດ. ນອກຈາກນັ້ນຍັງເປັນການຊຸກຍູ້ສົ່ງເສີມຫຼັກການບໍລິຫານໂລກ ແບບຮ່ວມມື ແລະ ການສ້າງຊຸມຊົນທີ່ມີອະນາຄົດຮ່ວມກັນຂອງມວນມະນຸດ ໃຫ້ປະກົດຜົນເປັນຈິງ.
ໃນກອງປະຊຸມດັ່ງກ່າວ, ທ່ານ ຫວາງອີ້ ໄດ້ກ່າວຄຳປາໄສວ່າ: ໃນເດືອນທີ່ຜ່ານມາ ປະທານ ສີ ຈິ້ນຜິ້ງ ໄດ້ປະກາດເປັນທາງການ ກ່ຽວກັບຂໍ້ລິເລີ່ມບໍລິຫານໂລກ (GGI) ເພື່ອເປັນຄຳຕອບຂອງ ສປ ຈີນ ຕໍ່ຄຳຖາມໃນສະພາບຂອງໂລກປັດຈຸບັນ ໂດຍຄຳສະເໜີດັ່ງກ່າວປະກອບດ້ວຍ 5 ບັນຫາໃຫຍ່ຄື: ໜຶ່ງ, ຄວາມເທົ່າທຽມຂອງບັນດາປະເທດຊາດ ຕ້ອງຮັບປະກັນການມີສ່ວນຮ່ວມໃນວຽກງານໃນໂລກ ຂອງທຸກປະເທດ. ສອງ, ບັນຫາກົດ ໝາຍລະຫວ່າງປະເທດ, ຕ້ອງສ້າງລະບົບການບໍລິຫານໂລກທີ່ມີຄວາມຍຸຕິທຳ ແລະ ມີລະບຽບແຜນ. ສາມ, ຕ້ອງສ້າງການຮ່ວມມືຫຼາຍຝ່າຍ ສ້າງຄວາມຮ່ວມມືຢ່າງເຂັ້ມແຂງ ແລະ ການຮ່ວມມືລະຫວ່າງປະເທດໃຫ້ມີຄວາມຮັດ ແໜ້ນ. ສີ່, ຕ້ອງເອົາໃຈໃສ່ຕໍ່ປະຊາຊົນ ເພື່ອຜົນຮັບທີ່ມີຜົນປະໂຫຍດແບບສາທາລະນະ ແລະ ຮ່ວມມືທຸກຝ່າຍໃນການບໍລິຫານໂລກ. ຫ້າ, ຜົນໄດ້ຮັບ ເພື່ອສ້າງຂະບວນການບໍລິຫານໂລກທີ່ມີປະໂຫຍຍດ ແລະ ມີປະສິດຕິພາບທີ່ສຸດ.
ຫຼັງຈາກນັ້ນ, ໃນກອງປະຊຸມກໍໄດ້ມີການສົນທະນາ ແລະ ແລກປ່ຽນຄຳຄິດຄຳເຫັນຈາກອົງການສາກົນທີ່ເຂົ້າຮ່ວມກອງປະຊຸມໃນຄັ້ງນີ້ຢ່າງມີຄວາມເອົາໃຈໃສ່ຕໍ່ບັນຫາດັ່ງກ່າວ ແລະ ບັນຫາຂອງການພັດທະນາ, ນຳໃຊ້ປັນຍາປະດິດຕໍ່ການຍົກລະດັບການບໍລິຫານໂລກ ເພື່ອສ້າງຊຸມຊົນທີ່ມີອະນາຄົດຮ່ວມກັນຂອງມວນມະນຸດອີກດ້ວຍ.
ຂ່າວ: ໄມຕຣີ
ຄໍາເຫັນ