ການພັດທະນາພື້ນຖານໂຄງລ່າງດ້ານວັດຖຸເຕັກນິກວຽກງານຖະແຫຼງຂ່າວ

 ແລະ ສ້າງສາພັດທະນາປະເທດຊາດ ເຮັດໃຫ້ປະຊາຊົນຮັບຮູ້ເຂົ້າໃຈຕໍ່ແນວທາງຂອງພັກ,ເຫດການຕ່າງໆທີ່ເກີດຂຶ້ນພາຍໃນເມືອງສົ່ງມາໃຫ້ສື່ຂອງສູນກາງເປັນປົກກະຕິ.
ໃນ 5 ປີ ຜ່ານມາ(2020-2024) ຫ້ອງການຖະແຫຼງຂ່າວ, ວັດທະນະທໍາ ແລະ ທ່ອງທ່ຽວເມືອງ ເຄື່ອນໄຫວເກັບກໍາຂ່າວ-ຂຽນຂ່າວ ໄດ້ 864 ຂ່າວ, ຈັດລາຍການຂ່າວຜ່ານລະບົບໂທລະໂຄ່ງ 2,224 ຄັ້ງ, ຖ່າຍທອດຂ່າວຈາກວິທະຍຸກະຈາຍສຽງແຫ່ງຊາດຜ່ານລະບົບໂທລະໂຄ່ງຂອງເມືອງໄດ້ 480 ຊົ່ວໂມງ; ອັດຕາສ່ວນບ້ານທີ່ມີລະບົບໂທລະໂຄ່ງກວມເອົາ 100%.ກ່ຽວກັບດ້ານວັດທະນາທໍາ ໃນ 5 ປີຜ່ານມາ,ເມືອງສາມາດສ້າງຄອບຄົວວັດທະນະທຳໄດ້ແລ້ວ 98% ຂອງຄອບຄົວທັງໝົດ 8,474 ຄອບຄົວ,ສ້າງບ້ານວັດທະນະທຳໄດ້ 47 ບ້ານ ກວມເອົາ 100%;ສ້າງກົມກອງວັດທະນະທຳໄດ້ 13 ກົມກອງ, ເທົ່າກັບ 52%; ສຳລັບວຽກງານທ່ອງທ່ຽວເມືອງໄດ້ສຸມໃສ່ສ້າງສິ່ງຮອງຮັບໃຫ້ແກ່ການທ່ອງທ່ຽວພາຍໃນເມືອງໂດຍການສ້າງແຜນພັດທະນາພູປູ່ລ້ານ-ຍ່າຫງອກໃຫ້ກາຍເປັນຈຸດຊົມວີວຕົວເມືອງໃນຕໍ່ໜ້າ,ມີນັກທ່ອງທ່ຽວເຂົ້າຜ່ານເມືອງ ທັງໝົດ 5,260 ຄົນ,ທຽບໃສ່ປີ 2020 ເພີ່ມຂຶ້ນ 46%.ອັນທີ່ພົ້ນເດັ່ນແມ່ນໄດ້ສໍາເລັດການຈັດງານນະມັດສະການພຣະທາດທ້າວແກ່ນ, ພຣະທາດນາງແພງສີ,ປະເພນີບຸນເດືອນ 7 (ບຸນພຣະເຫວດ), ບຸນຊ່ວງເຮືອປະຈຳປີເພື່ອດຶງດູດເອົານັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມ. ໃນ 5 ປີ ຕໍ່ໜ້າ(2025-2029) ເມືອງແກ່ນທ້າວຈະສືບຕໍ່ປັບປຸງວຽກ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວໃຫ້ໄດ້ດີຂຶ້ນກວ່າເກົ່າ ສຸມໃສ່ປັບປຸງລະບົບສື່ມວນຊົນໃຫ້ທັນສະໄໝຂຶ້ນເທື່ອລະກ້າວ, ຖ່າຍທອດຂ່າວວິທະຍຸກະຈາຍສຽງແຫ່ງຊາດຜ່ານລະບົບໂທລະໂຄ່ງໃຫ້ໄດ້ 500 ຊົ່ວໂມງ.ສູ້ຊົນປັບປຸງລະບົບໂທລະໂຄ່ງຢູ່ຂັ້ນບ້ານ ຈຳນວນ 47 ບ້ານ ໃຫ້ໄດ້ນຳໃຊ້ປົກກະຕິ; ສົ່ງເສີມວັດທະນະທຳ ທີ່ເປັນເອກະລັກຂອງຊາດ, ກ້າວໜ້າ ແລະ ສ້າງໃຫ້ສັງຄົມມີຄວາມສາມັກຄີເປັນປຶກແຜນ ແລະ ສີວິໄລ ສ້າງຄອບຄົວວັດທະນະທຳໃຫ້ໄດ້ 100% ຂອງຈຳນວນຄອບຄົວທັງໝົດໃນທົ່ວເມືອງ, ຊຸກຍູ້ບ້ານວັດທະນະທໍາທີ່ໄດ້ປະກາດຮັບຮອງໃຫ້ມີຄວາມເຂັ້ມແຂງ, ສ້າງກົມກອງວັດທະນະທຳຢູ່ສຳນັກງານ-ອົງການ, ໂຮງຮຽນ ໃຫ້ໄດ້ 12 ກົມກອງ,ສ້າງບ້ານວັດທະນະທຳ ຕິດພັນກັບການທ່ອງທ່ຽວໃຫ້ໄດ້ 1 ບ້ານ (ບ້ານທ້າວແກ່ນ) ແລະ ສຸມໃສ່ພັດທະນາແຫຼ່ງທ່ອງທ່ຽວຢູ່ພາຍໃນເມືອງໃຫ້ໄດ້ມາດຖານ ໃຫ້ໄດ້ 3 ແຫ່ງ (ພູ່ປູ່ລ້ານ,ພູຍ່າຫງອກ ແລະ ເຂດດອນເມນ).