ພິທີພົບປະສອງຝ່າຍລະຫວ່າງທ່ານນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະສະຫວັດດີການສັງຄົມ (ຮສສ) ແລະ ທ່ານ ກິມ ເທ ຮຶມ ເຈົ້າແຂວງຊຸງຊອງນໍາໂດ ສເກົາຫຼີ ພ້ອມຄະນະໄດ້ຈັດຂຶ້ນໃນວັນທີ 7 ທັນວາຜ່ານມາ ທີ່ເຮືອນຮັບແຂກກະຊວງດັ່ງກ່າວ ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປລາວ.
ການພົບປະໃນຄັ້ງນີ້, ທັງສອງຝ່າຍໄດ້ພ້ອມກັນທົບທວນ ແລະ ຕີລາຄາສູງໃນການຈັດຕັ້ງປະຕິບັດບົດບັນທຶກການຮ່ວມມືໃນໄລຍະຜ່ານມາ ເພື່ອພ້ອມກັນປຶກສາຫາລືການຮ່ວມມືໃນຕໍ່ໜ້າ, ພ້ອມທັງໄດ້ແລກປ່ຽນຄຳຄິດຄຳເຫັນ ກ່ຽວກັບການຮັບເອົາແຮງງານລາວເຂົ້າໄປເຮັດວຽກຕາມລະດູການ ຢູ່ບັນດາເມືອງພາຍໃນແຂວງຊຸງຊອງນຳໂດ ແລະ ການສະໜອງເຄື່ອງຊ່ວຍເຫຼືອຕ່າງໆແກ່ ສປປ ລາວ. ໃນປີ 2023 ຜ່ານມາ, ມີແຮງງານລາວທີ່ໄປເຮັດວຽກຢູ່ແຂວງດັ່ງກ່າວປະມານ 100 ກວ່າຄົນ.
ໂອກາດນີ້, ທ່ານນາງ ໃບຄຳ ຂັດທິຍະ ໄດ້ຕີລາຄາສູງຕໍ່ທ່ານ ກິມ ເທ ຮຶມ ທີ່ໄດ້ລົງນາມໃນບົດບັນທຶກການຮ່ວມມືສອງຝ່າຍນຳກັນ ໂດຍສະເພາະການຮ່ວມມືໃນຂົງເຂດກະສິກຳເປັນຕົ້ນການສະໜອງແຮງງານດ້ານວຽກງານດັ່ງກ່າວ.ນອກນີ້ຍັງໄດ້ກຳນົດການຮ່ວມມື ແລະ ການຊ່ວຍເຫຼືອດ້ານອື່ນໆຕໍ່ກະຊວງ ຮສສ ຊຶ່ງສະແດງໃຫ້ເຫັນເຖິງຂີດໝາຍ ແລະ ບາດກ້າວທີ່ສຳຄັນໃນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ໂດຍສະເພາະວຽກງານຈັດຫາງານ ຊຶ່ງເປັນການສ້າງໂອກາດອັນໃຫຍ່ຫຼວງໃຫ້ແກ່ແຮງງານລາວ. ນອກຈາກຈະເປັນການສ້າງລາຍຮັບໃຫ້ແກ່ຜູ້ອອກແຮງງານ ແລະ ຄອບຄົວແລ້ວຍັງເປັນການພັດທະນາທັກສະສີມືແຮງງານ ແລະ ການຮຽນຮູ້ທັກສະແບບແຜນການເຮັດວຽກ ແລະ ການດຳລົງຊີວິດ ເພື່ອມາໝູນໃຊ້ໃນຊີວິດຕົວຈິງຂອງເຂົາເຈົ້າໃນເວລາກັບຄືນປະເທດ. ນອກນີ້ຍັງເປີດໂອກາດໃຫ້ແກ່ແຮງງານລາວໄດ້ໄປເຮັດວຽກຕາມລະດູການຢູ່ບັນດາເມືອງຂອງແຂວງຊຸງຊອງນໍາໂດ. ໄລຍະຜ່ານມາທາງແຂວງຍັງໄດ້ຊ່ວຍເຫຼືອ ສປປ ລາວ ຫຼາຍດ້ານເປັນຕົ້ນ ໄດ້ສະໜອງລົດຮັບ-ສົ່ງຄົນເຈັບ ແລະ ອຸປະກອນໄອທີຈຳນວນໜຶ່ງ. ຫວັງວ່າທາງແຂວງຊຸງຊອງນຳໂດ ຈະສືບຕໍ່ໃຫ້ການຮ່ວມມື, ຊ່ວຍເຫຼືອ ແລະ ສະໜັບສະໜູນແກ່ ສປປ ລາວ ໃນຕໍ່ໜ້າ. ພ້ອມທັງສະເໜີໃຫ້ຊ່ວຍຊຸກຍູ້ບັນດາເມືອງຢູ່ພາຍໃນແຂວງຊຸງຊອງນຳໂດ ທີ່ໄດ້ລົງນາມບົດບັນທຶກຄວາມເຂົ້າໃຈ ວ່າດ້ວຍການຈ້າງແຮງງານຕາມລະດູການ ຮ່ວມກັບກະຊວງ ຮສສ ໃຫ້ສືບຕໍ່ຮັບເອົາແຮງງານລາວໄປເຮັດວຽກຕາມລະດູການຢູ່ແຂວງດັ່ງກ່າວໃຫ້ນັບມື້ນັບຫຼາຍຂຶ້ນ.
ໂອກາດດັ່ງກ່າວນີ້, ກະຊວງ ຮສສ ຍັງໄດ້ມອບຫຼຽນກາແຮງງານໃຫ້ແຂວງຊຸງຊອງນຳໂດໃຫ້ກຽດມອບໂດຍທ່ານນາງ ໃບຄຳ ຂັດທິຍະ ແລະ ຕາງໜ້າຮັບໂດຍທ່ານ ກິມ ເທ ຮຶມ ເພື່ອເປັນການສະແດງຄວາມຂອບໃຈ ແລະ ຮູ້ບຸນຄຸນຕໍ່ອົງການປົກຄອງແຂວງຊຸງຊອງນຳໂດ ທີ່ໄດ້ປະກອບສ່ວນສຳຄັນໃນການພັດທະນາ ສປປ ລາວ ໂດຍສະເພາະການຮັບເອົາແຮງງານຕາມລະດູການຂອງສປປ ລາວ ໄປເຮັດວຽກຢູ່ບັນດາເມືອງແລ້ວ ແຂວງຊຸງຊອງນຳໂດ ຍັງໄດ້ໃຫ້ການຊ່ວຍເຫຼືອແກ່ ສປປ ລາວໂດຍຜ່ານກະຊວງ ຮສສ ເປັນຕົ້ນ ມອບລົດນຳສົ່ງຄົນເຈັບຈຳນວນ 15 ຄັນ, ຄອມພີວເຕີ 300 ຊຸດ ແລະ ໂຕະ-ຕັ່ງນັກຮຽນຈໍານວນ 280 ຊຸດ ເພື່ອແຈກຢາຍໃຫ້ພາກສ່ວນຕ່າງໆທັງສູນກາງ ແລະ ທ້ອງຖິ່ນທີ່ມີຄວາມຂາດເຂີນ ແລະ ຕ້ອງການ. ໃນວັນດຽວກັນນີ້, ສະມາຄົມອາສາສະໝັກດັບເພີງ ແຂວງຊຸງຊອງນຳໂດ ໄດ້ນຳເຄື່ອງເຕືອນໄຟໄໝ້ 550 ໜ່ວຍມອບໃຫ້ກະຊວງ ຮສສຕື່ມອີກ.
(ຂ່າວ-ພາບ: ວັນເພັງ)
ການພົບປະໃນຄັ້ງນີ້, ທັງສອງຝ່າຍໄດ້ພ້ອມກັນທົບທວນ ແລະ ຕີລາຄາສູງໃນການຈັດຕັ້ງປະຕິບັດບົດບັນທຶກການຮ່ວມມືໃນໄລຍະຜ່ານມາ ເພື່ອພ້ອມກັນປຶກສາຫາລືການຮ່ວມມືໃນຕໍ່ໜ້າ, ພ້ອມທັງໄດ້ແລກປ່ຽນຄຳຄິດຄຳເຫັນ ກ່ຽວກັບການຮັບເອົາແຮງງານລາວເຂົ້າໄປເຮັດວຽກຕາມລະດູການ ຢູ່ບັນດາເມືອງພາຍໃນແຂວງຊຸງຊອງນຳໂດ ແລະ ການສະໜອງເຄື່ອງຊ່ວຍເຫຼືອຕ່າງໆແກ່ ສປປ ລາວ. ໃນປີ 2023 ຜ່ານມາ, ມີແຮງງານລາວທີ່ໄປເຮັດວຽກຢູ່ແຂວງດັ່ງກ່າວປະມານ 100 ກວ່າຄົນ.
ໂອກາດນີ້, ທ່ານນາງ ໃບຄຳ ຂັດທິຍະ ໄດ້ຕີລາຄາສູງຕໍ່ທ່ານ ກິມ ເທ ຮຶມ ທີ່ໄດ້ລົງນາມໃນບົດບັນທຶກການຮ່ວມມືສອງຝ່າຍນຳກັນ ໂດຍສະເພາະການຮ່ວມມືໃນຂົງເຂດກະສິກຳເປັນຕົ້ນການສະໜອງແຮງງານດ້ານວຽກງານດັ່ງກ່າວ.ນອກນີ້ຍັງໄດ້ກຳນົດການຮ່ວມມື ແລະ ການຊ່ວຍເຫຼືອດ້ານອື່ນໆຕໍ່ກະຊວງ ຮສສ ຊຶ່ງສະແດງໃຫ້ເຫັນເຖິງຂີດໝາຍ ແລະ ບາດກ້າວທີ່ສຳຄັນໃນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງ ສປປ ລາວ ໂດຍສະເພາະວຽກງານຈັດຫາງານ ຊຶ່ງເປັນການສ້າງໂອກາດອັນໃຫຍ່ຫຼວງໃຫ້ແກ່ແຮງງານລາວ. ນອກຈາກຈະເປັນການສ້າງລາຍຮັບໃຫ້ແກ່ຜູ້ອອກແຮງງານ ແລະ ຄອບຄົວແລ້ວຍັງເປັນການພັດທະນາທັກສະສີມືແຮງງານ ແລະ ການຮຽນຮູ້ທັກສະແບບແຜນການເຮັດວຽກ ແລະ ການດຳລົງຊີວິດ ເພື່ອມາໝູນໃຊ້ໃນຊີວິດຕົວຈິງຂອງເຂົາເຈົ້າໃນເວລາກັບຄືນປະເທດ. ນອກນີ້ຍັງເປີດໂອກາດໃຫ້ແກ່ແຮງງານລາວໄດ້ໄປເຮັດວຽກຕາມລະດູການຢູ່ບັນດາເມືອງຂອງແຂວງຊຸງຊອງນໍາໂດ. ໄລຍະຜ່ານມາທາງແຂວງຍັງໄດ້ຊ່ວຍເຫຼືອ ສປປ ລາວ ຫຼາຍດ້ານເປັນຕົ້ນ ໄດ້ສະໜອງລົດຮັບ-ສົ່ງຄົນເຈັບ ແລະ ອຸປະກອນໄອທີຈຳນວນໜຶ່ງ. ຫວັງວ່າທາງແຂວງຊຸງຊອງນຳໂດ ຈະສືບຕໍ່ໃຫ້ການຮ່ວມມື, ຊ່ວຍເຫຼືອ ແລະ ສະໜັບສະໜູນແກ່ ສປປ ລາວ ໃນຕໍ່ໜ້າ. ພ້ອມທັງສະເໜີໃຫ້ຊ່ວຍຊຸກຍູ້ບັນດາເມືອງຢູ່ພາຍໃນແຂວງຊຸງຊອງນຳໂດ ທີ່ໄດ້ລົງນາມບົດບັນທຶກຄວາມເຂົ້າໃຈ ວ່າດ້ວຍການຈ້າງແຮງງານຕາມລະດູການ ຮ່ວມກັບກະຊວງ ຮສສ ໃຫ້ສືບຕໍ່ຮັບເອົາແຮງງານລາວໄປເຮັດວຽກຕາມລະດູການຢູ່ແຂວງດັ່ງກ່າວໃຫ້ນັບມື້ນັບຫຼາຍຂຶ້ນ.
ໂອກາດດັ່ງກ່າວນີ້, ກະຊວງ ຮສສ ຍັງໄດ້ມອບຫຼຽນກາແຮງງານໃຫ້ແຂວງຊຸງຊອງນຳໂດໃຫ້ກຽດມອບໂດຍທ່ານນາງ ໃບຄຳ ຂັດທິຍະ ແລະ ຕາງໜ້າຮັບໂດຍທ່ານ ກິມ ເທ ຮຶມ ເພື່ອເປັນການສະແດງຄວາມຂອບໃຈ ແລະ ຮູ້ບຸນຄຸນຕໍ່ອົງການປົກຄອງແຂວງຊຸງຊອງນຳໂດ ທີ່ໄດ້ປະກອບສ່ວນສຳຄັນໃນການພັດທະນາ ສປປ ລາວ ໂດຍສະເພາະການຮັບເອົາແຮງງານຕາມລະດູການຂອງສປປ ລາວ ໄປເຮັດວຽກຢູ່ບັນດາເມືອງແລ້ວ ແຂວງຊຸງຊອງນຳໂດ ຍັງໄດ້ໃຫ້ການຊ່ວຍເຫຼືອແກ່ ສປປ ລາວໂດຍຜ່ານກະຊວງ ຮສສ ເປັນຕົ້ນ ມອບລົດນຳສົ່ງຄົນເຈັບຈຳນວນ 15 ຄັນ, ຄອມພີວເຕີ 300 ຊຸດ ແລະ ໂຕະ-ຕັ່ງນັກຮຽນຈໍານວນ 280 ຊຸດ ເພື່ອແຈກຢາຍໃຫ້ພາກສ່ວນຕ່າງໆທັງສູນກາງ ແລະ ທ້ອງຖິ່ນທີ່ມີຄວາມຂາດເຂີນ ແລະ ຕ້ອງການ. ໃນວັນດຽວກັນນີ້, ສະມາຄົມອາສາສະໝັກດັບເພີງ ແຂວງຊຸງຊອງນຳໂດ ໄດ້ນຳເຄື່ອງເຕືອນໄຟໄໝ້ 550 ໜ່ວຍມອບໃຫ້ກະຊວງ ຮສສຕື່ມອີກ.
(ຂ່າວ-ພາບ: ວັນເພັງ)
ຄໍາເຫັນ