 |
ການຈັດກິດຈະກຳປູກຕົ້ນໄມ້ໃນຄັ້ງນີ້, ເພື່ອເປັນການຈັດຕັ້ງຜັນຂະຫຍາຍແນວທາງນະໂຍບາຍຂອງພັກ ແລະ ລັດຖະບານ ເວົ້າສະເພາະແມ່ນແຜນຍຸດທະສາດໄລຍະຍາວ ໃນການເພີ່ມທະວີເນື້ອທີ່ປົກຄຸມປ່າໄມ້ໃຫ້ໄດ້ 70% ຂອງເນື້ອທີ່ທົ່ວປະເທດ. ທັງນີ້, ເພື່ອເປັນການສ້າງຈິດສຳນຶກໃຫ້ນາຍ ແລະ ພົນຕຳຫຼວດ, ຄູ-ອາຈານ ແລະ ນັກສຶກສາໃຫ້ເຫັນໄດ້ເຖິງຄຸນປະໂຫຍດ ແລະ ຄວາມສຳຄັນຂອງປ່າໄມ້, ທັງເປັນການຮັກສາລະບົບນິເວດວິທະຍາ, ສ້າງສະພາບແວດລ້ອມສີຂຽວ, ສະອາດ ແລະ ຮົ່ມເຢັນ ຢູ່ພາຍໃນຂອບເຂດວິທະຍາໄລໃຫ້ເປັນພື້ນທີ່ໜ້າຢູ່. ຕົ້ນໄມ້ທີ່ນໍາມາປູກ ມີຕົ້ນໄມ້ອຸດສາຫະກຳ ແລະ ຕົ້ນໄມ້ກິນໝາກຈໍານວນ 110 ຕົ້ນ.
 |
ໂອກາດນີ້, ສະຫາຍ ພົຈວ ແສງທອງ ເກື້ອບຸນລໍ່າ ຮອງຫົວໜ້າຫ້ອງວ່າການ ກະຊວງ ປກສ ຕາງໜ້າກະຊວງ ປກສ ໄດ້ຮຽກຮ້ອງໃຫ້ຄະນະອຳນວຍການວິທະຍາໄລ ພ້ອມດ້ວຍພະນັກງານ, ຄູ-ອາຈານ ແລະ ນັກສຶກສາ ຈົ່ງພ້ອມກັນເອົາໃຈໃສ່ບົວລະບັດຮັກສາ, ປົກປັກຮັກສາ ແລະ ຕິດຕາມການຈະເລີນເຕີບໂຕຂອງຕົ້ນໄມ້ທີ່ປູກແລ້ວໃນຄັ້ງນີ້ໃຫ້ດີ, ບໍ່ໃຫ້ປ່ອຍປະລະເລີຍ ເພື່ອຮັບປະກັນໃຫ້ຕົ້ນໄມ້ທຸກຕົ້ນເຕີບໃຫຍ່ ຂຽວງາມ ແລະ ເປັນຮົ່ມເງົາໃຫ້ກົມກອງໃນໄລຍະຍາວ.
ຂ່າວ-ພາບ: ບຸນພະຈັນ + ສິດທິພັນ
ຄໍາເຫັນ