 |
ທ່ານ ນາງ ກັນຍາ ແສງແກ້ວວົງພະຈັນ ຮອງຫົວໜ້າກົມຄຸ້ມຄອງພະນັກງານ ຄະນະຈັດຕັ້ງສູນກາງພັກ ໄດ້ຂຶ້ນຜ່ານມະຕິຕົກລົງ ແລະ ດຳລັດ ວ່າດ້ວຍການອະນຸມັດ ໃຫ້ພະນັກງານການນຳອອກພັກການ-ຮັບອຸດໜູນບຳນານ ຊຶ່ງປະກອບມີຄື: ທ່ານ ເກດສະໜາ ພົມມະຈັນ ຮອງລັດຖະມົນຕີ ກະຊວງຍຸຕິທຳ, ທ່ານ ກົງຈີ ຢ່າງຈື່ ກຳມະການຄະນະພັກກະຊວງ ຮອງລັດຖະມົນຕີ ກະຊວງຍຸຕິທຳ ແລະ ທ່ານ ຄຳພອນ ສີປະເສີດ ຫົວໜ້າກົມຮ່ວມມືສາກົນ ກະຊວງຍຸຕິທຳ ອອກພັກການ-ຮັບອຸດໜູນບຳນານ, ດັ່ງນັ້ນ ຄະນະປະຈຳພັກ ກະຊວງຍຸຕິທຳ, ຄະນະຈັດຕັ້ງສູນກາງພັກ, ບັນດາກະຊວງ, ອົງການ ແລະ ການຈັດຕັ້ງທີ່ກ່ຽວຂ້ອງ ພ້ອມດ້ວຍຜູ້ກ່ຽວຈົ່ງຮັບຮູ້ ແລະ ຈັດຕັ້ງປະຕິບັດມະຕິຕົກລົງສະບັບນີ້ຢ່າງດີ.
 |
ຈາກນັ້ນ, ທ່ານ ຄຳເສີດ ວິລະພັນ ຫົວໜ້າກົມຈັດຕັ້ງ ແລະ ພະນັກງານ ກະຊວງຍຸຕິທຳ ກໍໄດ້ຜ່ານຂໍ້ຕົກຂອງລັດຖະມົນຕີ ກະຊວງຍຸຕິທຳ ວ່າດ້ວຍການແຕ່ງຕັ້ງ ທ່ານ ນາງ ສາຍຄິດ ວິສີສົມບັດ ຮອງຫົວໜ້າກົມຮ່ວມມືສາກົນ ເປັນວ່າການຫົວໜ້າກົມຮ່ວມມືສາກົນ. ດັ່ງນັ້ນ ໃຫ້ຫ້ອງການ, ບັນດາກົມ, ສູນແກ້ໄຂຂໍ້ຂັດແຍ່ງທາງດ້ານເສດຖະກິດ, ສະຖາບັນຍຸຕິທຳແຫ່ງຊາດ, ພາກສ່ວນທີ່ກ່ຽວຂ້ອງ ພ້ອມດ້ວຍທ່ານທີ່ໄດ້ຮັບການແຕ່ງຕັ້ງ ຈົ່ງຮັບຮູ້ ແລະ ປະຕິບັດຕາມຂໍ້ຕົກງລົງສະບັບນີ້ຢ່າງເຂັ້ມງວດ.
 |
ໃນໂອກາດນີ້, ທ່ານ ໄພວີ ສີບົວລິພາ ກໍໄດ້ໃຫ້ກຽດມອບດຳລັດໃຫ້ແກ່ພະນັກງານການນຳອອກພັກການ-ຮັບອຸດໜູນບຳນານ ແລະ ມອບຂໍ້ຕົກລົງ ວ່າດ້ວຍການແຕ່ງຕັ້ງເປັນວ່າການຫົວໜ້າກົມຮ່ວມມືສາກົນ.
ຂ່າວ-ພາບ: ບຸນຕອມ.
ຄໍາເຫັນ