ກະຊວງປ້ອງກັນຄວາມສະຫງົບ (ປກສ)ໄດ້ຈັດພິທີເຊື່ອມຊຶມເອກະສານສຶກສາອົບຮົມການເມືອງ-ແນວຄິດໃຫ້ສະມາຊິກພັກ,ພະນັກງານຫຼັກແຫຼ່ງ ເພື່ອດຳເນີນກອງປະຊຸມໃຫຍ່ 3ຂັ້ນຂອງພັກຂຶ້ນໃນວັນທີ 6ມັງກອນນີ້ ທີ່ກະຊວງດັ່ງກ່າວໂດຍການເຂົ້າຮ່ວມຂອງສະຫາຍ ພົທ ກົງທອງ ພົງວິຈິດ ກຳມະການສູນກາງພັກ ຮອງລັດຖະມົນຕີກະຊວງ ປກສ, ມີຄະນະລັດຖະມົນຕີ,ຄະນະປະຈໍາພັກກະຊວງ,ຄະນະບໍລິຫານງານພັກກະຊວງ,ຄະນະພັກ-ຄະນະບັນຊາ,ພະນັກງານຫຼັກແຫຼ່ງ ແລະ ກົມກອງກ່ຽວຂ້ອງເຂົ້າຮ່ວມ.
ທ່ານ ພົທ ກົງທອງ ພົງວິຈິດ ກ່າວວ່າ:ການເຊື່ອມຊຶມຄັ້ງນີ້ເພື່ອເຮັດໃຫ້ສະມາຊິກພັກ,ພະນັກງານຫຼັກແຫຼ່ງມີຄວາມຮັບຮູ້,ເຂົ້າໃຈກ່ຽວກັບຄວາມໝາຍ ຄວາມສໍາຄັນຂອງການດໍາເນີນກອງປະຊຸມໃຫຍ່ 3ຂັ້ນຂອງພັກໃຫ້ຖືກຕ້ອງຕາມບາດກ້າວ,ຂັ້ນຕອນ ແລະ ມີຜົນສໍາເລັດຕາມລະດັບຄາດໝາຍ,ຮັບປະກັນໃຫ້ບົດບາດການນໍາພາຂອງພັກແຕ່ລະຂັ້ນໃນກໍາລັງປ້ອງກັນຄວາມສະຫງົບທັງແມ່ນຄວາມຮຽກຮ້ອງຕ້ອງການພາວະວິໄສ ເພື່ອນໍາໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ ທັງເປັນການກະກຽມຄວາມພ້ອມຮອບດ້ານໃຫ້ແກ່ບັນດາເຫດການ-ການເມືອງ ທີ່ຈະເກີດຂຶ້ນໃນໄລຍະໃກ້ນີ້ເປັນຕົ້ນການຈັດຕັ້ງດໍາເນີນກອງປະຊຸມໃຫຍ່ 3ຂັ້ນຂອງພັກ ແລະ ການເປັນປະທານກອງປະຊຸມອາຊຽນໃນປີ 2024ນີ້.ສະນັ້ນ,ຮຽກຮ້ອງໃຫ້ບັນດາສະຫາຍທີ່ເຂົ້າຮ່ວມເຊື່ອມຊຶມໃນຄັ້ງນີ້ ຍົກສູງຄວາມຮັບຜິດຊອບການເມືອງເອົາໃຈໃສ່ຕິດຕາມ,ຄົ້ນຄວ້າເຊື່ອມຊຶມກຳແໜ້ນຢ່າງເລິກເຊິ່ງ,ລະອຽດ,ຈະແຈ້ງ ແລະ ນໍາເອົາເນື້ອໃນກອງປະຊຸມໄປເຜີຍແຜ່ຜັນຂະຫຍາຍຢູ່ກົມກອງໃຫ້ທົ່ວເຖິງ ແລະ ມີໝາກຜົນຕົວຈິງ.
ຈາກນັ້ນ,ທ່ານ ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດກະຊວງ ປກສ ໄດ້ເຜີຍແຜ່ເອກະສານຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງພັກ ທ່ານໄດ້ຍົກໃຫ້ເຫັນສະພາບໃນເງື່ອນໄຂໃໝ່ ໃນຖານະທີ່ພັກກຳອໍານາດ ເພື່ອສືບຕໍ່ນໍາພາແກ້ໄຂຄວາມທຸກຍາກຂອງປະຊາຊົນ ເຮັດໃຫ້ປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ,ນໍາພາປະເທດຊາດຕາມທິດຍືນຍົງ,ສູ່ຈຸດໝາຍສັງຄົມນິຍົມຢ່າງໜັກແໜ້ນໃນທ່າມກາງທີ່ສະພາບພາຍໃນປະເທດ,ພາກພື້ນ ແລະ ສາກົນທີ່ມີທັງກາລະໂອກາດ,ຂໍ້ສະດວກ,ຂໍ້ຫຍຸ້ງຍາກ ແລະ ສິ່ງທົດສອບທ້າທາຍຫຼາຍປະການນີ້ ການຍົກສູງບົດບາດນໍາພາ ແລະ ຄວາມເປັນແບບຢ່າງນໍາໜ້າຂອງພັກແມ່ນຄວາມຈໍາເປັນພາວະວິໄສເປັນບັນຫາພື້ນຖານ ແລະ ບັນຫາຮີບດ່ວນຂອງການກໍ່ສ້າງພັກໃນເງື່ອນໄຂປັດຈຸບັນ. ພ້ອມດຽວກັນນີ້, ທ່ານຍັງໄດ້ຍົກໃຫ້ເຫັນເຖິງການຝຶກຝົນຫຼໍ່ຫຼອມຄຸນທາດການເມືອງ,ຄຸນສົມບັດສິນທໍາປະຕິວັດ ແມ່ນໜ້າທີ່ຂອງສະມາຊິກພັກ,ພະນັກງານທຸກສະຫາຍ ທີ່ຕ້ອງຕັ້ງໜ້າເປັນແບບຢ່າງຝຶກຝົນຫຼໍ່ຫຼອມຄຸນທາດການເມືອງ,ຄຸນສົມບັດສິນທໍາປະຕິວັດ ເພາະເປັນມາດຖານແຖວໜ້າແມ່ນຄວາມຈໍາເປັນອັນຮີບດ່ວນຂອງພັກ ແລະ ເປັນພື້ນຖານທີ່ຂາດບໍ່ໄດ້ ເພື່ອສ້າງພັກໃຫ້ມີຄວາມປອດໃສເຂັ້ມແຂງໜັກແໜ້ນ.
ທ່ານ ພົຈວ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ໄດ້ຂຶ້ນເຜີຍແຜ່ເອກະສານເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວສະມາຊິກພັກ, ພະນັກງານ; ເອກະສານແຜນການກໍານົດກອງປະຊຸມໃຫຍ່ຂອງພັກ ແລະ ເອກະສານຄວາມເຂົ້າໃຈກ່ຽວກັບການດໍາເນີນກອງປະຊຸມໃຫຍ່ 3ຂັ້ນຂອງພັກຕື່ມອີກ.
ຂ່າວ: ນາງ ຄອນສະຫວັນ, ພາບ: ບົວພັນ
ທ່ານ ພົທ ກົງທອງ ພົງວິຈິດ ກ່າວວ່າ:ການເຊື່ອມຊຶມຄັ້ງນີ້ເພື່ອເຮັດໃຫ້ສະມາຊິກພັກ,ພະນັກງານຫຼັກແຫຼ່ງມີຄວາມຮັບຮູ້,ເຂົ້າໃຈກ່ຽວກັບຄວາມໝາຍ ຄວາມສໍາຄັນຂອງການດໍາເນີນກອງປະຊຸມໃຫຍ່ 3ຂັ້ນຂອງພັກໃຫ້ຖືກຕ້ອງຕາມບາດກ້າວ,ຂັ້ນຕອນ ແລະ ມີຜົນສໍາເລັດຕາມລະດັບຄາດໝາຍ,ຮັບປະກັນໃຫ້ບົດບາດການນໍາພາຂອງພັກແຕ່ລະຂັ້ນໃນກໍາລັງປ້ອງກັນຄວາມສະຫງົບທັງແມ່ນຄວາມຮຽກຮ້ອງຕ້ອງການພາວະວິໄສ ເພື່ອນໍາໄປຈັດຕັ້ງຜັນຂະຫຍາຍເຂົ້າສູ່ວຽກງານຕົວຈິງ ທັງເປັນການກະກຽມຄວາມພ້ອມຮອບດ້ານໃຫ້ແກ່ບັນດາເຫດການ-ການເມືອງ ທີ່ຈະເກີດຂຶ້ນໃນໄລຍະໃກ້ນີ້ເປັນຕົ້ນການຈັດຕັ້ງດໍາເນີນກອງປະຊຸມໃຫຍ່ 3ຂັ້ນຂອງພັກ ແລະ ການເປັນປະທານກອງປະຊຸມອາຊຽນໃນປີ 2024ນີ້.ສະນັ້ນ,ຮຽກຮ້ອງໃຫ້ບັນດາສະຫາຍທີ່ເຂົ້າຮ່ວມເຊື່ອມຊຶມໃນຄັ້ງນີ້ ຍົກສູງຄວາມຮັບຜິດຊອບການເມືອງເອົາໃຈໃສ່ຕິດຕາມ,ຄົ້ນຄວ້າເຊື່ອມຊຶມກຳແໜ້ນຢ່າງເລິກເຊິ່ງ,ລະອຽດ,ຈະແຈ້ງ ແລະ ນໍາເອົາເນື້ອໃນກອງປະຊຸມໄປເຜີຍແຜ່ຜັນຂະຫຍາຍຢູ່ກົມກອງໃຫ້ທົ່ວເຖິງ ແລະ ມີໝາກຜົນຕົວຈິງ.
ຈາກນັ້ນ,ທ່ານ ພົຕ ຄໍາກິ່ງ ຜຸຍຫຼ້າມະນີວົງ ຮອງລັດຖະມົນຕີ ຫົວໜ້າກົມໃຫຍ່ຕໍາຫຼວດກະຊວງ ປກສ ໄດ້ເຜີຍແຜ່ເອກະສານຍົກສູງຄວາມສາມາດນໍາພາ ແລະ ຄວາມເປັນແບບຢ່າງນໍາໜ້າຂອງພັກ ທ່ານໄດ້ຍົກໃຫ້ເຫັນສະພາບໃນເງື່ອນໄຂໃໝ່ ໃນຖານະທີ່ພັກກຳອໍານາດ ເພື່ອສືບຕໍ່ນໍາພາແກ້ໄຂຄວາມທຸກຍາກຂອງປະຊາຊົນ ເຮັດໃຫ້ປະເທດຊາດຫຼຸດພົ້ນອອກຈາກສະຖານະພາບດ້ອຍພັດທະນາ,ນໍາພາປະເທດຊາດຕາມທິດຍືນຍົງ,ສູ່ຈຸດໝາຍສັງຄົມນິຍົມຢ່າງໜັກແໜ້ນໃນທ່າມກາງທີ່ສະພາບພາຍໃນປະເທດ,ພາກພື້ນ ແລະ ສາກົນທີ່ມີທັງກາລະໂອກາດ,ຂໍ້ສະດວກ,ຂໍ້ຫຍຸ້ງຍາກ ແລະ ສິ່ງທົດສອບທ້າທາຍຫຼາຍປະການນີ້ ການຍົກສູງບົດບາດນໍາພາ ແລະ ຄວາມເປັນແບບຢ່າງນໍາໜ້າຂອງພັກແມ່ນຄວາມຈໍາເປັນພາວະວິໄສເປັນບັນຫາພື້ນຖານ ແລະ ບັນຫາຮີບດ່ວນຂອງການກໍ່ສ້າງພັກໃນເງື່ອນໄຂປັດຈຸບັນ. ພ້ອມດຽວກັນນີ້, ທ່ານຍັງໄດ້ຍົກໃຫ້ເຫັນເຖິງການຝຶກຝົນຫຼໍ່ຫຼອມຄຸນທາດການເມືອງ,ຄຸນສົມບັດສິນທໍາປະຕິວັດ ແມ່ນໜ້າທີ່ຂອງສະມາຊິກພັກ,ພະນັກງານທຸກສະຫາຍ ທີ່ຕ້ອງຕັ້ງໜ້າເປັນແບບຢ່າງຝຶກຝົນຫຼໍ່ຫຼອມຄຸນທາດການເມືອງ,ຄຸນສົມບັດສິນທໍາປະຕິວັດ ເພາະເປັນມາດຖານແຖວໜ້າແມ່ນຄວາມຈໍາເປັນອັນຮີບດ່ວນຂອງພັກ ແລະ ເປັນພື້ນຖານທີ່ຂາດບໍ່ໄດ້ ເພື່ອສ້າງພັກໃຫ້ມີຄວາມປອດໃສເຂັ້ມແຂງໜັກແໜ້ນ.
ທ່ານ ພົຈວ ສຸວັນນີ ສີສຸພາບມີໄຊ ຫົວໜ້າກົມໃຫຍ່ການເມືອງປ້ອງກັນຄວາມສະຫງົບ ໄດ້ຂຶ້ນເຜີຍແຜ່ເອກະສານເດັດດ່ຽວແກ້ໄຂປະກົດການຫຍໍ້ທໍ້ໃນຖັນແຖວສະມາຊິກພັກ, ພະນັກງານ; ເອກະສານແຜນການກໍານົດກອງປະຊຸມໃຫຍ່ຂອງພັກ ແລະ ເອກະສານຄວາມເຂົ້າໃຈກ່ຽວກັບການດໍາເນີນກອງປະຊຸມໃຫຍ່ 3ຂັ້ນຂອງພັກຕື່ມອີກ.
ຂ່າວ: ນາງ ຄອນສະຫວັນ, ພາບ: ບົວພັນ
ຄໍາເຫັນ