(24 ພຶດສະພາ1960-24 ພຶດສະພາ 2025), ວັນເກີດປະທານ ໂຮ່ຈີ່ມິນ ຄົບຮອບ 135 ປີ (19 ພຶດສະພາ 1890-19 ພຶດສະພາ 2025) ແລະ ວັນໄຊຊະນະຂອງສະຫະພາບໂຊຫວຽດເໜືອຟາດຊິດເຢຍລະມັນ ຄົບຮອບ 80 ປີ (9 ພຶດສະພາ 1945-9 ພຶດສະພາ 2025) ຂຶ້ນໃນວັນທີ 20 ພຶດສະພາຜ່ານມານີ້ ທີ່ສະໂມສອນຫ້ອງວ່າການເມືອງ, ໂດຍການເປັນກຽດເຂົ້າຮ່ວມຂອງທ່ານ ສີຄານ ແກ່ນມະນີ ຮອງເລຂາຄະນະບໍລິຫານງານພັກເມືອງ ຮັກສາການເຈົ້າເມືອງແກ່ນທ້າວ.
ການປະຖາກະຖາ ຄັ້ງນີ້, ເພື່ອເຮັດໃຫ້ພະນັກງານ, ສະມາຊິກພັກ, ທະຫານ, ຕຳຫຼວດ ແລະ ປະຊາຊົນບັນດາເຜົ່າ ໃນທົ່ວເມືອງໄດ້ຮັບຮູ້, ເຂົ້າໃຈກ່ຽວກັບຄວາມໝາຍ, ຄວາມສໍາຄັນຂອງ 4 ວັນ ປະຫວັດສາດ ເປັນຕົ້ນ ແມ່ນມູນເຊື້ອ ແລະ ວິລະກຳການຕໍ່ສູ້ພິລະອາດຫານຂອງກອງທັບ ແລະ ປະຊາຊົນບັນດາເຜົ່າ ໂດຍສະເພາະແມ່ນຄວາມສະຫຼາດຫຼັກແຫຼມຂອງພັກ ໃນການຊີ້ນໍາກອງພັນທີ 2 ຜ່າວົງປິດລ້ອມຂອງ ພວກສັດຕູຢູ່ທົ່ງໄຫຫີນ ຊຽງຂວາງ, ວິລະກຳໂຕນຄຸກຢ່າງມະຫັດສະຈັນຂອງບັນດາທ່ານຜູ້ນໍາຂອງພັກ ແລະ ແນວລາວຮັກຊາດ, ວັນເກີດປະທານ ໂຮ່ຈີ່ມິນ ແລະ ວັນໄຊຊະນະຂອງສະຫະພາບ ໂຊວຽດເໜືອຝາດຊິດເຢຍລະມັນ, ເພື່ອເສີມຂະຫຍາຍມູນເຊື້ອນໍ້າໃຈຮັກຊາດ, ຮັກບ້ານເກີດເມືອງນອນ, ເປັນເຈົ້າການປົກປັກຮັກສາ ແລະ ສ້າງສາພັດທະນາປະເທດຊາດ, ປຸກລະດົມຊຸກຍູ້ການຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດຄັ້ງທີ IX ທ້າຍສະໄໝໃຫ້ປະກົດຜົນເປັນຈິງ, ເພື່ອສະແດງຄວາມຮູ້ບຸນຄຸນຕໍ່ປະທານ ໂຮ່ຈີມິນ ຜູ້ກໍຕັ້ງພັກກອມມູນິດອິນດູຈີນ ຊຶ່ງເປັນຕົ້ນກຳເນີດຂອງພັກປະຊາຊົນ ປະຕິວັດລາວ ແລະ ຮໍ່າຮຽນເອົາຄຸນສົມບັດສິນທຳປະຕິວັດອັນດີເລີດຂອງເພິ່ນ ເຂົ້າໃນການປະຕິບັດໜ້າທີ່ວຽກງານຂອງພວກເຮົາ ພ້ອມທັງເສີມຂະຫຍາຍສາຍ ພົວພັນມິດຕະພາບອັນຍິ່ງໃຫຍ່, ການຮ່ວມສໍາພັນສູ້ຮົບທີ່ກົມກຽວໜຽວແໜ້ນ ແລະ ນໍ້າໃຈ ສາມັກຄີພິເສດອັນບໍລິສຸດຜຸດຜ່ອງລະຫວ່າງພະນັກງານ, ນັກຮົບ ແລະ ປະຊາຊົນສອງຊາດ ລາວ-ຫວຽດນາມ ອ້າຍນ້ອງ ແລະ ເປັນການຫວນຄືນເຫດການປະຫວັດສາດ, ວິລະກໍາລໍ້າເລີດ, ໄຊຊະນະອັນຍິ່່ງໃຫຍ່ ແຫ່ງການຕໍ່ສູ້ຕ້ານຟາດຊິດ ຂອງກອງທັບ ແລະ ປະຊາຊົນສະຫະພາບໂຊວຽດ ໃນສົງຄາມໂລກຄັ້ງທີ 2.
(ຂ່າວ: ແກ່ນທ້າວ)
ຄໍາເຫັນ