 |
ໃນພິທີ, ສະຫາຍ ຮທ ສົມນຶກ ເພັງພັກດີ ໄດ້ລາຍງານການເຄື່ອນໄຫວປະຕິບັດໜ້າທີ່ຕິດຕາມກວດກາສະພາບຢູ່ລຽບຕາມຊາຍແດນຕໍ່ທ່ານ ບຸນພະລັງ ວິໄລສັກ.
ໂອກາດນີ້, ທ່ານ ບຸນພະລັງ ວິໄລສັກ ໄດ້ໃຫ້ກຽດໂອ້ລົມເນັ້ນໜັກໃຫ້ຄະນະພັກ-ຄະນະບັນຊາ ນາຍ ແລະ ພົນທະຫານ ໃຫ້ເອົາໃຈໃສເຝົ້າລະວັງຕິດຕາມກວດກາ ການເຄື່ອນໄຫວຂອງກຸ່ມຄົນບໍ່ດີ, ການລັກລອບນຳເຂົ້າສິນຄ້າທີ່ບໍ່ຖືກຕ້ອງ ແລະ ສິ່ງທີ່ຜິດກົດໝາຍ, ອວຍພອນໃຫ້ນາຍ ແລະ ພົນທະຫານທຸກທົ່ວໜ້າທີ່ປະຕິບັດໜ້າທີ່ເປັນກຳແພງອັນແໜ້ນແກ່ນຂອງຊາດ ໃນການປົກປັກຮັກສາເຂດນ້ຳແດນດິນທີ່ພັກ-ລັດ ແລະ ປະຊາຊົນ ກໍຄືປະເທດຊາດມອບໝາຍໃຫ້ຢ່າງເຂັ້ມແຂງ ແລະ ໝັ້ນຄົງ. ຈາກນັ້ນໄດ້ມອບລວດໜາມໝາກຈັບຈຳນວນ 40 ໂຄ້ງເຫຼັກຕະປູ 1 ແກັດ ມູນຄ່າ 15,000,000 ກີບ ໂດຍການປະກອບສ່ວນຂອງບໍລິສັດດວງຈັນຮຸ່ງເຮືອງກໍ່ສ້າງສ້ອມແປງຂົວ-ທາງ ແລະ ຊົນລະປະທານຈຳກັດຜູ້ດຽວ ແລະ ມອບເຄື່ອງໄຟຟ້າພະລັງງານແສງອາທິດ 1 ຊຸດ,ເຄື່ອງອຸປະໂພກ, ບໍລິໂພກໃຫ້ອ້າຍນ້ອງທະຫານທີ່ປະຈຳການຢູ່ປ້ອມອີກຈຳນວນໜຶ່ງ.
ຂ່າວ: ສາຍຄຳ ບຸນຍາວົງລາຍງານ
ຄໍາເຫັນ