 |
ໃນວາລະ, ສະຫາຍ ສຸກຄຳເພັດ ເຮືອງບຸດສີ ກຳມະການສູນກາງພັກ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ແລະ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງ ໄດ້ຜ່ານຮ່າງບົດລາຍງານການເມືອງ ຂອງຄະນະບໍລິຫານງານພັກ ຄະນະກວດກາສູນກາງພັກ ສະໄໝທີ IV, ຈາກນັ້ນສະຫາຍ ນາງ ປິ່ງຄຳ ລາຊະສິມມາ ກຳມະການສູນກາງພັກ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ແລະ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງ ກໍໄດ້ຜ່ານຮ່າງບົດສະຫຼຸບຕີລາຄາການຈັດຕັ້ງປະຕິບັດແຜນພັດທະນາວຽກງານກວດກາ 5 ປີ (2021-2025) ແລະ ທິດທາງແຜນການພັດທະນາວຽກງານກວດກາ 5 ປີ (2026-2030), ສະຫາຍ ຄຳໄຫຼ ສີປະເສີດ ກຳມະການສູນກາງພັກ ຮອງເລຂາຄະນະພັກ ຮອງປະທານຄະນະກວດກາສູນກາງພັກ ຮອງປະທານອົງການກວດກາແຫ່ງລັດ ແລະ ຮອງຫົວໜ້າອົງການຕ້ານການສໍ້ລາດບັງຫຼວງສູນກາງ ຜ່ານຮ່າງບົດສຳຫຼວດການນຳພາລວມ ຂອງຄະນະບໍລິຫານງານພັກ ຄະນະກວດກາສູນກາງພັກ ສະໄໝທີ IV.
ຈາກນັ້ນ, ປະທານກອງປະຊຸມກໍໄດ້ມີຄຳເຫັນຊີ້ນຳຕໍ່ການປະກອບຄຳເຫັນໃສ່ 3 ຮ່າງເອກະສານດັ່ງກ່າວພ້ອມນັ້ນ ສະຫາຍຍັງໄດ້ເນັ້ນໃຫ້ຜູ້ເຂົ້າຮ່ວມ ຈົ່ງເຊີດຊູຄວາມຮັບຜິດຊອບ ເປັນເຈົ້າການໃນການປະກອບຄຳເຫັນຕໍ່ເອກະສານ ເພື່ອໃຫ້ມີເນື້ອໃນສົມບູນຄົບຖ້ວນ. ເຫັນໄດ້ວ່າບັນດາຜູ້ແທນກອງປະຊຸມໄດ້ຜັດປ່ຽນກັນປະກອບຄຳເຫັນ ຕໍ່ 3 ຮ່າງເອກະສານ ເພື່ອໃຫ້ສົມບູນຄົບຖ້ວນ.
ສະຫາຍ ວິໄລວັນ ບຸດດາຄຳ ໄດ້ຜ່ານມາດຕະຖານເງື່ອນໄຂຜູ້ອອກຮັບສະໝັກເລືອກຕັ້ງ ຄະນະບໍລິຫານງານພັກ, ຄະນະປະຈຳພັກ, ເລຂາ-ຮອງເລຂາຄະນະພັກ, ປະທານ-ຮອງປະທານ ຄະນະກວດກາພັກ ຮອບທີ II.
ໃນໂອກາດນີ້, ສະຫາຍ ວັນໄຊ ພອງສະຫວັນ ໄດ້ມີຄຳເຫັນຕໍ່ການທາບທາມ ໃນຄັ້ງນີ້ ຊຶ່ງສະຫາຍໄດ້ເນັ້ນໃຫ້ ຜູ້ແທນຍົກສູງຄວາມເປັນເຈົ້າການໃນການຄົ້ນຄວ້າ, ເລືອກເຟັ້ນເອົາບຸກຄະລາກອນເຂົ້າໃນຄະນະບໍລິຫານງານພັກໂດຍໃຫ້ອີງໃສ່ມາດຕະຖານເງື່ອນໄຂເປັນຕົ້ນແມ່ນມາດຕະຖານທາງດ້ານຄຸນທາດການເມືອງ, ຄຸນສົມບັດສິນທຳປະຕິວັດ ແລະ ແບບແຜນການດຳລົງຊີວິດ, ຄວາມຮູ້ຄວາມສາມາດ, ແບບແຜນການນຳພາ, ວິທີເຮັດວຽກ ແລະ ດ້ານສຸຂະພາບ ຫຼີກເວັ້ນທັດສະນະອັກຄະຕິສ່ວນຕົວ, ໃຫ້ຍົກສູງຜົນປະໂຫຍດສ່ວນລວມເປັນກົກ.
(ຂ່າວ: ແສງຈັນ)
ຄໍາເຫັນ