ແລະ ຕໍ່ເນື່ອງ ເຮັດໃຫ້ສາມອົງການຈັດຕັ້ງມະຫາຊົນທີ່ຂຶ້ນກັບກະຊວງ ຍທຂ ໄດ້ມີສ່ວນຮ່ວມໃນການຄົ້ນຄວ້າປຶກສາຫາລືວຽກງານຕ່າງໆຂອງກະຊວງ ແລະຈັດກິດຈະກໍາ ສ້າງຂະບວນການໄດ້ຕາມແຜນການທີ່ວາງໄວ້.
ສະຫາຍ ງາມປະສົງ ເມືອງມະນີ ເລຂາຄະນະບໍລິຫານງານພັກລັດຖະມົນຕີກະຊວງ ຍທຂ ໄດ້ກ່າວໃນວາລະດໍາເນີນກອງປະຊຸມຄົບຄະນະບໍລິຫານພັກກະຊວງ ຍທຂ ຄັ້ງທີ 18 ສະໄໝທີ Vທີເປີດຂຶ້ນຢູ່ກະຊວງດັ່ງກ່າວ ໃນທ້າຍເດືອນທັນວາຜ່ານມານີ້ວ່າ: ການນໍາກະຊວງຍາມໃດກໍຖືອົງການຈັດຕັ້ງມະຫາຊົນເປັນກໍາລັງແຮງສໍາຄັນໃນການປະຕິບັດວິຊາສະເພາະໃນຂະແໜງການຕ່າງໆ ແລະ ຈັດຂະບວນການຕ່າງໆຂອງກະຊວງໃນວັນສໍາຄັນຂອງຊາດ.
ເວົ້າສະເພາະ ສະຫະພັນກຳມະບານກະຊວງ ໃນປີ 2024 ຜ່ານມາ, ນອກຈາກມີຄວາມຫ້າວຫັນປະຕິບັດວິຊາສະເພາະຂອງກົມກອງແລ້ວ ຍັງໄດ້ຈັດປາຖະກະຖາເລົ່າມູນເຊື່ອວັນສ້າງຕັ້ງກຳມະບານລາວ ຄົບຮອບ 67 ປີ ແລະ ວັນກໍາມະກອນສາກົນ ຄົບຮອບ 138 ປີ,ສຳເລັດກອງປະຊຸມໃຫຍ່ ຂອງກຳມະບານຮາກຖານ ຈໍານວນ 20 ຮາກຖານ ເທົ່າກັບ 100%, ສໍາເລັດການທາບທາມບຸກຄະລາກອນຮອບທີ1,ສໍາເລັດການປະເມີນຜົນຂະບວນການແຂ່ງຂັນ 5 ເປັນເຈົ້າຂອງບັນດາສະມາຊິກກຳມະບານ ແລະ ກຳມະບານຮາກຖານອ້ອມຂ້າງກະຊວງ. ໄດ້ສ້າງຂະບວນການຍ່າງເພື່ອສຸຂະພາບເນື່ອງໃນໂອກາດຕ້ອນຮັບວັນກໍາມະກອນສາກົນ ຄົບຮອບ 138 ປີມີສະມາຊິກກຳມະບານເຂົ້າຮ່ວມ ຈໍານວນ 300 ສະຫາຍ; ລະດົມສະມາຊິກກໍາມະບານ ແລະ ກໍາມະກອນ ບໍລິຈາກເລືອດເນື່ອງໃນໂອກາດສະເຫຼີມສະຫຼອງວັນສ້າງຕັ້ງກຳມະບານລາວ ຄົບຮອບ 67 ປີ, ມີຜູ້ເຂົ້າຮ່ວມ 15 ສະຫາຍຍິງ 4 ສະຫາຍ.
ສ່ວນສະຫະພັນແມ່ຍິງກະຊວງ ກໍໄດ້ຈັດພິທີສະເຫຼີມສະຫຼອງວັນແມ່ຍິງສາກົນ ຄົບຮອບ 119 ປີແລະ ປາຖະກະຖາ ສະເຫຼີມສະຫຼອງວັນສ້າງຕັ້ງແມ່ຍິງລາວ ຄົບຮອບ 69 ປີ ມີຜູ້ເຂົ້າຮ່ວມຈໍານວນ 148 ສະຫາຍ, ໄດ້ດໍາເນີນປະຊຸມໃຫຍ່ຂອງບັນດາໜ່ວຍແມ່ຍິງຮາກຖານ ສໍາເລັດຈຳນວນ 18 ຮາກຖານ ເທົ່າກັບ 100%, ສຳເລັດກອງປະຊຸມທາບທາມບຸກຄະລາກອນ ຮອບທີ 1 ແລະ ຮອບທີ 2.
ສະເພາະ ຄະນະບໍລິຫານງານຊາວໜຸ່ມກະຊວງ ໄດ້ຈັດພິທິມອບທຸງໄຊ ນໍາພາຂະບວນການແຂ່ງຂັນ 4 ບຸກ ແລະ ມອບຫຼຽນຊາວໜຸ່ມຕະລຸມບອນ; ດໍາເນີນກອງປະຊຸມໃຫຍ່ຂອງບັນດາໜ່ວຍຊາວໜຸ່ມຮາກຖານໄດ້ສໍາເລັດ 100%ແລະ ທາບທາມບຸກຄະລາກອນ ຮອບທີ 1 ແລະ ຮອບທີ 2, ສໍາເລັດກອງປະຊຸມການກະກຽມດໍາເນີນກອງປະຊຸມໃຫຍ່ຜູ້ແທນຊາວໜຸ່ມກະຊວງໂຍທາທິການ ແລະ ຂົນສົ່ງ ຄັ້ງທີ XII; ນໍາພາສະມາຊິກຊາວໜຸ່ມຕະລຸມບອນເຂົ້າຮ່ວມຕ້ານໄພນໍ້າຖ້ວມ ຈໍານວນ 137 ສະຫາຍຍິງ 32 ສະຫາຍ; ລະດົມສະມາຊິກຊາວໜຸ່ມເຂົ້າຮ່ວມບໍລິຈາກເລືອດເພື່ອຊ່ວຍເຫຼືອສັງຄົມ ຈຳນວນ 9 ສະຫາຍຍິງ 4 ສະຫາຍ; ເຂົ້າຮ່ວມຂະບວນການອອກແຮງງານລວມ ອະນາໄມອະນຸສອນສະຖານ ປະທານ ສຸພານຸວົງ ເພື່ອເປັນການສ້າງຂະບວນການຂໍ່ານັບຮັບຕ້ອນວັນສ້າງຕັ້ງ ຄຊປປລ ຄົບຮອບ 70 ປີ, ວັນຄ້າຍວັນເກີດ ປະທານ ສຸພານຸວົງ ຄົບຮອບ 115 ປີ, ປະກາດຮັບຮອງເອົາໜ່ວຍຊາວໜຸ່ມຕົວແບບ ຈໍານວນ 2 ຮາກຖານ ແລະ ສະມາຊິກຊາວໜຸ່ມຕົວແບບ 4 ສະຫາຍ; ຮັບຮອງໜ່ວຍຊາວໜຸ່ມ 4 ບຸກ ປະຈໍາປີ 2023 ຈໍານວນ 19 ຮາກຖານ ແລະ ສະມາຊິກຊາວໜຸ່ມ 4 ບຸກ ຈໍານວນ 1231 ສະຫາຍຍິງ 479 ສະຫາຍ; ອອກຂໍ້ຕົກລົງ ວ່າດ້ວຍ ການແຕ່ງຕັ້ງຄະນະຮັບຜິດຊອບປະສານງານວຽກງານໄພພິບັດ ແລະ ກອງອາສາສະໝັກຊາວໜຸ່ມຕະລຸມບອນຂອງຊາວໜຸ່ມກະຊວງໂຍທາທິການ ແລະ ຂົນສົ່ງ ມີຈຳນວນທັງໝົດ 89 ສະຫາຍ;
ສະຫາຍ ງາມປະສົງ ເມືອງມະນີ ກ່າວຕື່ມອີກວ່າ:ໃນປີ 2025 ນີ້,ການນໍາກະຊວງ ຈະສືບຕໍ່ນໍາພາອົງການຈັດຕັ້ງມະຫາຊົນເຄື່ອນໄຫວຕາມພາລະບົດບາດ, ສິດ ແລະ ໜ້າທີ່ ຂອງແຕ່ລະອົງການໃຫ້ດີຂຶ້ນກວ່າເກົ່າ,ເນັ້ນໃສ່ຊຸກຍູ້, ສົ່ງເສີມຫົວຄິດປະດິດສ້າງຂອງອົງການຈັດຕັ້ງມະຫາຊົນເຂົ້າໃນການຈັດຕັ້ງຜັນຂະຫຍາຍແນວທາງນະໂຍບາຍ ຂອງພັກ-ລັດ ກໍຄືການຈັດຕັ້ງປະຕິບັດມະຕິກອງປະຊຸມຂອງອົງຄະນະພັກກະຊວງວາງອອກ ໃຫ້ເປັນຮູບປະທໍາ, ເປັນໃຈກາງ, ໃນການສ້າງຂະບວນການຈັດຕັ້ງປະຕິບັດຂໍ້ແຂ່ງຂັນ “ ຮັກຊາດ ແລະ ພັດທະນາ” ຂອງກະຊວງ,ຊຸກຍູ້ບັນດາອົງການຈັດຕັ້ງມະຫາຊົນກະກຽມ ແລະ ດໍາເນີນກອງປະຊຸມໃຫຍ່ຂອງຕົນໃຫ້ສຳເລັດ.
ຄໍາເຫັນ