 |
ການພົບປະຜູ້ມີສິດເລືອກຕັ້ງຄັ້ງນີ້, ໄດ້ມີການຜ່ານປະຫວັດຫຍໍ້ຂອງຜູ້ສະໝັກແຕ່ລະທ່ານ. ຕໍ່ມາ,ຄະນະຜູ້ສະໝັກ ກໍໄດ້ສະເໜີຕົວຕໍ່ຜູ້ມີສິດປ່ອນບັດເລືອກຕັ້ງ ພ້ອມທັງສະແດງວິໄສທັດຂອງຕົນໃນການຮັບໃຊ້ປະຊາຊົນ, ຖ້າໄດ້ຮັບການເລືອກຕັ້ງເປັນສະມາຊິກສະພາແຫ່ງຊາດ ຊຸດທີ X. ຈາກນັ້ນ, ກໍໄດ້ຮັບຟັງຄຳເຫັນ ແລະ ບາງຄຳສະເໜີຂອງຜູ້ມີສິດເລືອກຕັ້ງ ຕື່ມອີກ.
ໂອກາດນີ້, ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈຳປາສັກ ປະທານຄະນະກຳມະການເລືອກຕັ້ງຂັນແຂວງ ໄດ້ມີຄໍາເຫັນ, ຊຶ່ງທ່ານໄດ້ຍົກໃຫ້ເຫັນພາລະບົດ ບາດ, ສິດ-ໜ້າທີ່ ແລະ ຄວາມໝາຍສໍາຄັນຂອງສະພາແຫ່ງຊາດ. ການເລືອກຕັ້ງ ສສຊ ແລະ ສສຊ ກໍເພື່ອປັບປຸງກົນໄກການບໍລິຫານລັດ ໃຫ້ກາຍເປັນອໍານາດຂອງປະຊາຊົນ, ໂດຍປະຊາຊົນ ແລະ ເພື່ອຜົນປະໂຫຍດສູງສຸດຂອງປະຊາຊົນຢ່າງແທ້ຈິງ, ເພື່ອກ້າວໄປສູ່ການປ່ຽນແປງ ແລະ ການພັດທະນາທີ່ດີຂຶ້ນ. ເພື່ອສ້າງຕັ້ງລະບົບອຳນາດລັດທີ່ເຂັ້ມແຂງ ແລະ ໂປ່ງໃສ ທີ່ຮັບໃຊ້ຊາດ ແລະ ຮັບໃຊ້ປະຊາຊົນຢ່າງສຸດກົກສຸດປາຍ. ທັງນີ້ ກໍເພື່ອໃຫ້ຄະນະພັກ - ອົງການປົກຄອງ ແລະ ພໍ່ແມ່ປະຊາຊົນ ຮັບຮູ້ເຂົ້າໃຈ ແລະ ກໍາແໜ້ນຢ່າງເລິກເຊິ່ງ ແລະ ພ້ອມກັນປະຕິບັດສິດ, ພັນທະ ແລະ ໄປໃຊ້ສິດເລືອກຕັ້ງໃນວັນທີ 22 ກຸມພາ 2026 ໃຫ້ຄົບຖ້ວນ ແລະ ຮັບປະກັນຜົນສຳເລັດໄດ້ຕາມຄາດໝາຍ 400%.
 |
ຜູ້ສະໝັກຮັບເລືອກຕັ້ງ ສສຊ ເຂດເລືອກຕັ້ງທີ 15 ແຂວງຈຳປາສັກ. ມີທັງໝົດ 20 ທ່ານ, ເລືອກເອົາ 15 ທ່ານ, ຂິດອອກ 5 ທ່ານ ແລະ ຜູ້ສະໝັກຮັບເລືອກຕັ້ງສະມາຊິກສະພາປະຊາຊົນແຂວງ ປະຈໍາເຂດເລືອກຕັ້ງ ເມືອງຊະນະສົມບູນ ມີ 7 ທ່ານ, ເລືອກເອົາ 5 ທ່ານ, ຂີດອອກ 2 ທ່ານ.
ບ້ານນາຫຼົ້ງ ມີ 2 ຄຸ້ມ ຄື: ຄຸ້ມນາຫຼົ້ນ ແລະ ຄຸ້ມນາຫຼັກ, ມີພົນລະເມືອງທັງໝົດ 4,454 ຄົນ ຍິງ 2,384 ຄົນ. ໃນນັ້ນ, ຜູ້ມີສິດປ່ອນບັດເລືອກຕັ້ງ 1,700 ຄົນ ຍິງ 1,326 ຄົນ.
ການເຄື່ອນໄຫວພົບປະຜູ້ມີສິດເລືອກຕັ້ງ ຂອງຜູ້ສະໝັກ ສສຊຈະດຳເນີນໄປຮອດວັນທີ 20 ກຸມພາ ແລະ ການປ່ອນບັດເລືອກຕັ້ງເປັນທາງການຈະຈັດຂຶ້ນໃນວັນທີ 22 ກຸມພາ 2026 ນີ້.
(ຂ່າວ-ພາບ: ທູນທອງໃຈ)
ຄໍາເຫັນ