ໃຫ້ແກ່ບຸກຄົນທີ່ມີຜົນງານດີເດັ່ນໃນການປະກອບສ່ວນເຂົ້າໃນວຽກງານຂອງຊາວໜຸ່ມປະຊາຊົນປະຕິວັດລາວໃນວັນທີ 15ມັງກອນນີ້ ທີ່ສະໂມສອນຂອງກະຊວງດັ່ງກ່າວ, ພາຍໃຕ້ການເປັນປະທານ ຂອງທ່ານ ເພັດພົມພິພັກກຳມະການສູນການພັກເລຂາຄະນະພັກລັດຖະມົນຕີກະຊວງແຜນການແລະການລົງທຶນ, ທ່ານ ນວນທອງ ສຸວັນວິໄຊ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ ຄະນະບໍລິຫານງານຊາວໜຸ່ມຂອງກະຊວງ ແລະ ສະມາຊິກຊາວໜຸ່ມຂອງກະຊວງຜທ ເຂົ້າຮ່ວມຢ່າງພ້ອມພຽງ.
ໃນວາລະ, ທ່ານ ອຸຕະແກ້ວ ແກ້ວດວງສິນ ກໍາມະການຄະນະບໍລິຫານງານພັກ ເລຂາຄະນະບໍລິຫານງານຊາວໜຸ່ມກະຊວງ ຫົວໜ້າຫ້ອງການກຜທ ໄດ້ຜ່ານບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຊຶ່ງໄດ້ຍົກໃຫ້ເຫັນດ້ານດີ, ດ້ານອ່ອນ, ບົດຮຽນທີ່ຖອດຖອນໄດ້ ແລະ ທິດທາງໃນຕໍ່ໜ້າ ແລະ ຍົກໃຫ້ເຫັນຜົນງານການຈັດຕັ້ງປະຕິບັດໃນ 10ມາດຖານຂອງ ຄຊປປລ 4ບຸກ ພິເສດໜ່ວຍຊາວໜຸ່ມທີ່ຂຶ້ນກັບຄະນະບໍລິຫານງານຊາວໜຸ່ມກຜທ ປະກອບມີ 17ໜ່ວຍ, ໄດ້ຮັບການປະເມີນຢັ້ງຢືນ 4 ບຸກ ເທົ່າກັບ 100%;ມີກອງຊາວໜຸ່ມຕະລຸມບອນ 1 ກອງ ຊຶ່ງປະກອບມີບັນດາສະຫາຍສະມາຊິກຊາວໜຸ່ມອ້ອມຂ້າງກະຊວງເພື່ອເຄື່ອນໄຫວວຽກງານຂະບວນການຕ່າງໆໃຫ້ຟົດຟື້ນແລະຊ່ວຍເຫຼືອສັງຄົມໃນເວລາມີຄວາມຈຳເປັນອັນຮີບດ່ວນ;ຄະນະບໍລິຫານງານກະຊວງ ຜທມີເງິນຄັງຊາວໜຸ່ມທັງໝົດ113,284,666ກີບ;ໄດ້ເອົາໃຈໃສ່ປະກອບສ່ວນຢ່າງຕັ້ງໜ້າເຂົ້າໃນວຽກງານ3ສ້າງຂອງກະຊວງຜທກໍຄືການປະກອບສ່ວນເຂົ້າໃນຄະນະກອງເລຂາວຽກງານ3ສ້າງຂອງກະຊວງ; ໄດ້ເອົາໃຈໃສ່ປະກອບສ່ວນເຂົ້າໃນການເຄື່ອນໄຫວວຽກງານປ້ອງກັນເວນຍາມສໍານັກງານໃຫ້ມີຄວາມສະຫງົບ ແລະ ປອດໄພໂດຍສະເພາະໃນວັນສຳຄັນຕ່າງໆຂອງພັກ, ຂອງຊາດແລະກອງປະຊຸມທີ່ສຳຄັນທີ່ກະຊວງຈັດຂຶ້ນ ແລະ ວຽກງານອື່ນໆ. ຈາກນັ້ນ ຍັງໄດ້ຮັບຟັງການປະກອບຄຳຄິດເຫັນຕໍ່ບົດສະຫຼຸບການຈັດຕັ້ງປະຕິບັດຂໍ້ແຂ່ງຂັນ 4ບຸກ, ຂໍ້ຕົກລົງຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວວ່າດ້ວຍການຮັບຮອງຄະນະຊາວໜຸ່ມປະຊາຊົນປະຕິວັດລາວ ກຜທ ເປັນຄະນະຊາວໜຸ່ມປະຊາຊົນປະຕິວັດລາວ 4 ບຸກ, ຂໍ້ຕົກລົງ ວ່າດ້ວຍການມອບທຸງໄຊນຳໜ້າຂະບວນການແຂ່ງຂັນ 4 ບຸກ,ຂໍ້ຕົກລົງຂອງຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວວ່າດ້ວຍການມອບຫຼຽນຊາວໜຸ່ມຕະລຸມບອນ.ນອກນີ້ ໃນພິທີ, ໄດ້ມອບໃບຢັ້ງຢືນ 4 ບຸກ, ມອບທຸງໄຊນຳໜ້າ 4 ບຸກ, ມອບຫຼຽນຊາວໜຸ່ມຕະລຸມບອນໃຫ້ຄະນະນໍາກະຊວງແລະຄະນະບໍລິຫານງານຊາວໜຸ່ມກຜທ, ມອບຫຼຽນກາລະນຶກ 65 ປີວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ.
ໃນຕອນທ້າຍຂອງພິທີ, ທ່ານ ເພັດພົມພິພັກຍັງໄດ້ໃຫ້ກຽດໂອ້ລົມ ແລະ ຍ້ອງຍໍຊົມເຊີຍຕໍ່ຜົນສໍາເລັດໃນການເຄື່ອນໄຫວນໍາພາ-ຊີ້ນໍາວຽກງານຕະຫຼອດໄລຍະທີ່ຜ່ານມາ ຂອງຄະນະບໍລິຫານງານຊາວໜຸ່ມປະຊາຊົນປະຕິວັດລາວກຜທ ແລະ ພ້ອມນີ້ຍັງມີຄໍາເຫັນຕໍ່ບັນດາສະຫາຍໃນຄະນະບໍລິຫານງານຊາວໜຸ່ມ ພ້ອມດ້ວຍສະມາຊິກຊາວໜຸ່ມ ຈົ່ງພ້ອມກັນມີຄວາມຮັບຜິດຊອບສູງຕໍ່ກັບໜ້າທີ່ວຽກງານການເມືອງທີ່ໄດ້ຮັບມອບໝາຍຢ່າງຕັ້ງໜ້າ ໂດຍສະເພາະແມ່ນການເປັນເສນາທິການຊ່ວຍຄະນະພັກ-ຄະນໍາກະຊວງ ຜທ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ວຽກງານການຄົ້ນຄວ້າ, ວິເຄາະ-ວິໄຈສະພາບເສດຖະກິດ, ວຽກງານປະເມີນຜົນ, ວຽກງານສະຖິຕິ, ວຽກງານການສົ່ງເສີມ ແລະ ດຶງດູດການລົງທຶນທັງພາຍໃນ-ຕ່າງປະເທດ, ວຽກງານດຶງດູດການຊ່ວຍເຫຼືອເພື່ອການພັດທະນາ, ລວມທັງການເປັນໃຈກາງໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ທ່ານ ຍັງໄດ້ໃຫ້ກຽດຕັດແຖບຜ້າ ແລະ ລັ່ນຄ້ອງ 9ບາດອີກດ້ວຍ.
(ຂ່າວ-ພາບ: ແສງຈັນ)
ຄໍາເຫັນ