ຂະແໜງຈັດຕັ້ງທຸກຂັ້ນ ຈົ່ງສືບຕໍ່ບຸກບືນກ້າວຂຶ້ນ ແລະ ມີຜົນງານໃໝ່ໃຫຍ່ຫຼວງກວ່າເກົ່າ

ຂະແໜງຈັດຕັ້ງທຸກຂັ້ນ ຈົ່ງສືບຕໍ່ບຸກບືນກ້າວຂຶ້ນ ແລະ ມີຜົນງານໃໝ່ໃຫຍ່ຫຼວງກວ່າເກົ່າ

ຂະແໜງຈັດຕັ້ງທຸກຂັ້ນ ຈົ່ງສືບຕໍ່ບຸກບືນກ້າວຂຶ້ນ ແລະ ມີຜົນງານໃໝ່ໃຫຍ່ຫຼວງກວ່າເກົ່າ
ວຽກງານການຈັດຕັ້ງ ແລະ ວຽກງານພະນັກງານ ເປັນວຽກໜຶ່ງທີ່ພັກເຮົາ ໃຫ້ຄວາມສຳຄັນ.ພາຍຫຼັງທີ່ພັກເຮົາ ໄດ້ສ້າງຕັ້ງຂຶ້ນ ຈາກນັ້ນພຽງ 3 ວັນ ຄືວັນທີ 25 ມີນາ 1955 ກໍໄດ້ມີການປະກາດສ້າງຕັ້ງຫ້ອງການໜຶ່ງຂອງພັກ

ຂຶ້ນທີ່ເອີ້ນວ່າ; ຫ້ອງການພະນັກງານທົ່ວປະເທດຂອງສູນກາງພັກ ແລະ ໄດ້ກາຍເປັນຄະນະຈັດຕັ້ງສູນກາງພັກ (ຄຈສພ) ໃນໄລຍະຕໍ່ມາຈົນເຖິງປັດຈຸບັນ. ເຫດການດັ່ງກ່າວ, ໄດ້ສະແດງເຖິງການໃຫ້ຄວາມສຳຄັນເປັນແຖວໜ້າຂອງສູນກາງພັກ ຕໍ່ກັບວຽກງານການຈັດຕັ້ງ ແລະ ວຽກງານພະນັກງານແຕ່ຫົວທີຂອງພັກເຮົາ ກໍຄືຄວາມເອົາໃຈໃສ່ເປັນພິເສດ ຕໍ່ກັບວຽກງານນີ້ ຂອງປະທານໄກສອນ ພົມວິຫານ ແລະ ບັນດາສະຫາຍການນຳຮຸ່ນກໍ່ຕັ້ງຂອງພັກເຮົາ.

ໃນພິທີສະເຫຼີມສະຫຼອງ 70 ປີ, ວັນສ້າງຕັ້ງ ຄຈສພ, ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປະທານປະເທດ ໄດ້ກ່າວສູນທອນພົດ ເມື່ອອາທິດຜ່ານມາ ໂດຍໄດ້ກ່າວຊົມເຊີຍຕໍ່ຜົນສຳເລັດຂອງ ຄຈສພ ໃນຕະຫຼອດ 70 ປີຜ່ານມາ ແລະ ເນັ້ນໜັກບາງຈຸດສຳຄັນ ທີ່ຂະແໜງຈັດຕັ້ງທຸກຂັ້ນຕ້ອງ ໄດ້ເອົາໃຈໃສ່ໃນຕໍ່ໜ້າ ເພື່ອສືບຕໍ່ບຸກໜ້າບືນຕົວກ້າວຂຶ້ນ ແລະ ມີຜົນງານໃໝ່ທີ່ໃຫຍ່ຫຼວງກວ່າເກົ່າ.

70 ປີ ແຫ່ງການສ້າງຕັ້ງ ຄຈສພ ເປັນ 70 ປີ ແຫ່ງຄວາມພາກພູມໃຈຕໍ່ຄວາມເຕີບໃຫຍ່ຂອງພັກເຮົາ ແລະ ຂອງຜູ້ປະຕິບັດໜ້າທີ່ໃນວຽກງານຈັດຕັ້ງ, ພະນັກງານທີ່ຖືກມອບໝາຍ. ການນຳ ແລະ ພະນັກງານທຸກຂັ້ນ, ທຸກໆຄົນ ທີ່ໄດ້ອຸທິດເຫື່ອແຮງ ແລະ ສະຕິປັນຍາ ເຂົ້າໃນການປະຕິບັດວຽກງານສ້າງພັກ, ສ້າງພະນັກງານ ແລະ ວຽກງານປັບປຸງບູລະນະການຈັດຕັ້ງໃຫ້ພັກ - ລັດ ຂອງປະເທດເຮົາ ໃນທຸກຍຸກ ທຸກສະໄໝ. ໃນເວລາດຽວກັນ, ກໍເປັນ 70 ປີ ແຫ່ງການສະສົມບົດຮຽນ ແລະ ປະສົບການການນໍາພາຂອງວຽກງານຈັດຕັ້ງ ແລະ ພະນັກງານຂອງພັກເຮົາ ໃນພາລະກິດບູລະນະແນວທາງພະນັກງານ, ປັບປຸງການຈັດຕັ້ງ ໃຫ້ຕອບສະໜອງໄດ້ຄວາມຮຽກຮ້ອງຕ້ອງການຂອງແນວທາງປ່ຽນແປງໃໝ່ຮອບດ້ານແລະ ມີຫຼັກການຂອງພັກເຮົາ.

ຜົນງານ ແລະ ໄຊຊະນະຂອງວຽກງານຈັດຕັ້ງ-ພະນັກງານ ໃນ 70 ປີຜ່ານມາ ແມ່ນເປັນທຶນຮອນອັນມະຫາສານ, ເປັນການສ້າງໄດ້ພື້ນຖານແຫ່ງກຳລັງແຮງ ໃຫ້ແກ່ພັກເຮົາ ເພື່ອເປັນແປ້ນຢັນໃຫ້ບາດກ້າວເດີນຂອງພັກ ໃນອະນາຄົດ. ດັ່ງນັ້ນ, ວຽກງານຈັດຕັ້ງ ແລະ ພະນັກງານຂອງພັກ ຍັງມີພາລະກຳອັນໃຫຍ່ຫຼວງໃນຕໍ່ໜ້າເຊັ່ນ: ພວກເຮົາ ຍັງມີເວລາພຽງແຕ່ 30 ປີ, ພັກເຮົາ ຈະມີອາຍຸຄົບ 100 ປີ ໃນປີ 2055 ແລະ ອາຍຸຂອງ ຄຈສພ ກໍຈະຄົບຮອບ 100 ປີ. ດັ່ງນັ້ນ, ການເປັນເສນາທິການໃຫ້ພັກ ໃນວຽກງານຈັດຕັ້ງ-ພະນັກງານນັ້ນ, ສະຫາຍ ທອງລຸນ ສີສຸລິດ ຢາກໃຫ້ຜູ້ເຮັດວຽກຈັດຕັ້ງ ຕ້ອງໄດ້ຄິດວາດພາບເອົາໄວ້ວ່າ: 100 ປີ ຂອງພັກ ແລະ 100 ປີ ຂອງຄຈສພ ຈະເຮັດໃຫ້ພັກເຮົາ, ລັດເຮົາ ມີຮູບຮ່າງໜ້າຕາຄືແນວໃດ ເມື່ອເຖິງມື້ນັ້ນ. ເຖິງວ່າພວກເຮົາ, ກຳລັງສ້າງໂຄງການການເມືອງສະບັບທີ III ຂອງພັກເຮົາ ຂຶ້ນທີ່ຈະກຳນົດວິໄສທັດໄລຍະກາງ ແລະ ໄລຍະຍາວ ການກ້າວຂຶ້ນຂອງປະເທດຊາດເຮົາເພື່ອຈະໄດ້ຮັບຮອງເອົາໃນກອງປະຊຸມໃຫຍ່ ຄັ້ງທີ XII ຂອງພັກ, ແຕ່ພວກເຮົາ ກໍຍັງມີເວລາຈຳນວນໜຶ່ງສຳລັບການພິນິດພິຈາລະນາຕຶກຕອງສຳລັບຜູ້ເຮັດວຽກຈັດຕັ້ງ.

ເຖິງວ່າວຽກງານຈັດຕັ້ງຂອງພວກເຮົາ ສາມາດບັນລຸໄດ້ຜົນງານອັນໃຫຍ່ຫຼວງ ໃນ 70 ປີຜ່ານມາກໍຕາມ, ແຕ່ພວກເຮົາ ກໍຕ້ອງຮັບຮູ້ນຳກັນວ່າ: ວຽກງານຈັດຕັ້ງ-ພະນັກງານ ຍັງຕ້ອງໄດ້ປັບປຸງປ່ຽນແປງຫຼາຍດ້ານ ເພື່ອຮັບມືກັບສະພາບການໃໝ່ ແລະ ຄວາມຮຽກຮ້ອງຕ້ອງການໃໝ່ ເປັນຕົ້ນ ການຍົກສູງຄວາມຮັບຜິດຊອບການເມືອງ ເພື່ອກໍ່ສ້າງພັກ ໃຫ້ປອດໃສ, ເຂັ້ມແຂງ, ໜັກແໜ້ນ. ການເລືອກເຟັ້ນ, ກໍ່ສ້າງ-ບຳລຸງ ແລະ ນຳໃຊ້ພະນັກງານໃຫ້ຖືກຄົນ, ຖືກວຽກ ແລະ ຖືກຈຸດ ທັງສອດຄ່ອງກັບຄວາມຮຽກຮ້ອງຕ້ອງການໃນແຕ່ລະເງື່ອນໄຂ. ການປັບປຸງກົງຈັກການຈັດຕັ້ງ ໃນລະບົບການເມືອງ ໃຫ້ຮັດກຸມ, ກະທັດຮັດ ແລະ ມີປະສິດທິພາບ, ການບັນຈຸຄຸນທາດການເມືອງ, ຄຸນສົມບັດສິນທຳປະຕິວັດ ເຂົ້າໃນທາດແທ້ຂອງສະມາຊິກພັກ-ພະນັກງານ ເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງ ໃນສະເພາະໜ້າ ແລະ ຍາວນານຂອງພັກ ຍັງແມ່ນພາລະໜ້າທີ່ທີ່ຈະຕ້ອງໄດ້ຕັ້ງໜ້າດຳເນີນການປັບປຸງປ່ຽນແປງຕໍ່ໄປຢ່າງຈິງຈັງ.

ສະນັ້ນ, ຂະແໜງຈັດຕັ້ງທຸກຂັ້ນ ຈົ່ງສືບຕໍ່ບຸກໜ້າບືນຕົວກ້າວຂຶ້ນ ແລະ ມີຜົນງານໃໝ່ທີ່ໃຫຍ່ຫຼວງກວ່າເກົ່າ ໂດຍເອົາໃຈໃສ່ບາງຈຸດສຳຄັນທີ່ ສະຫາຍ ເລຂາທິການໃຫຍ່ ໄດ້ເນັ້ນໜັກດັ່ງນີ້:

1). ພັກປະຊາຊົນປະຕິວັດລາວ ຍາມໃດກໍໃຫ້ຄວາມສໍາຄັນ ຕໍ່ການຈັດຕັ້ງຮາກຖານພັກສະເໜີມາແລະ ຖືເອົາການກໍ່ສ້າງ, ປັບປຸງການຈັດຕັ້ງຮາກຖານພັກ ເປັນໜ້າທີ່ຍຸດທະສາດຍາວນານ, ພົວພັນເຖິງການຄົງຕົວ, ການຂະຫຍາຍຕົວຂອງພັກ ແລະ ຂອງລະບອບການເມືອງຢູ່ປະເທດເຮົາ. ດັ່ງນັ້ນ, ການເອົາໃຈໃສ່ຊີ້ນໍາປັບປຸງເນື້ອໃນ, ວິທີການໃນການກໍ່ສ້າງ, ປັບປຸງການຈັດຕັ້ງຮາກຖານພັກ ຢ່າງຕໍ່ເນື່ອງ ເພື່ອສ້າງໃຫ້ການຈັດຕັ້ງຮາກຖານພັກ ມີຄວາມໜັກແໜ້ນ, ເຂັ້ມແຂງ, ສາມາດດໍາລົງບົດບາດເປັນແກນນໍາໃນລະບົບການເມືອງຢູ່ຂັ້ນຮາກຖານ ເພື່ອນໍາພາ-ຊີ້ນໍາ ການຈັດຕັ້ງປະຕິບັດໜ້າທີ່ການເມືອງຂອງຮາກຖານ ໃຫ້ປະກົດຜົນເປັນຈິງ. ພັກເຮົາ ໄດ້ວາງຍຸດທະສາດໃນການກໍ່ສ້າງ-ປັບປຸງໜ່ວຍພັກ ເປັນແຕ່ລະໄລຍະ ຊຶ່ງປັດຈຸບັນ, ທົ່ວພັກ ພວມນໍາພາຈັດຕັ້ງປະຕິບັດແຜນການກໍ່ສ້າງໜ່ວຍພັກ ປອດໃສ, ເຂັ້ມແຂງ, ໜັກແໜ້ນ.

ສະນັ້ນ, ຄະນະພັກ, ຂະແໜງຈັດຕັ້ງທຸກຂັ້ນ ຕ້ອງໄດ້ອອກແຮງສືບຕໍ່ເສີມຂະຫຍາຍມູນເຊື້ອອັນສະຫງ່າງາມ ໃນຕະຫຼອດໄລຍະ 70 ປີ ແຫ່ງການເຕີບໃຫຍ່ຂະຫຍາຍຕົວຂອງວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງ, ຍົກສູງຄວາມສາມາດໃນການເຄື່ອນໄຫວ ຢ່າງຫ້າວຫັນກວ່າ, ມີປະສິດທິຜົນກວ່າ ແມ່ນມີຄວາມສຳຄັນທີ່ສຸດ. ຄວາມຮຽກຮ້ອງຕ້ອງການໃນສະພາບການໃໝ່ ບໍ່ອະນຸຍາດໃຫ້ພັກເຮົາ, ພະນັກງານເຮົາ ຢູ່ໃນສະພາບຢ້ຳເທົ່າ ຫຼືຖອຍຫຼັງໄດ້. ຍົກສູງຄວາມຮັບຜິດຊອບໃນການປະຕິບັດພາລະບົດບາດກ່ຽວກັບວຽກງານກໍ່ສ້າງພັກ ໂດຍສະເພາະ ການກໍ່ສ້າງພັກ ປອດໃສ, ເຂັ້ມແຂງ, ໜັກແໜ້ນ ຕ້ອງບໍ່ແລ່ນນໍາປະລິມານ, ແຕ່ຖືຄຸນນະພາບເປັນກົກ. ອັນນີ້ ຍັງແມ່ນເປັນຫົວໃຈສຳຄັນໃນການປ່ຽນແປງໃໝ່ ກ່ຽວກັບວຽກງານຈັດຕັ້ງ ແລະ ພະນັກງານໃນຕໍ່ໜ້າ.

2). ພະນັກງານ ແມ່ນກໍາລັງການເມືອງຫຼັກແຫຼ່ງ ໃນພາລະກິດປະຕິວັດຂອງພັກເຮົາ, ເປັນຜູ້ຕັດສິນຜົນໄດ້-ຜົນເສຍ ຂອງການຈັດຕັ້ງປະຕິບັດແນວທາງ, ນະໂຍບາຍຂອງພັກ ແລະ ລັດ. ດັ່ງນັ້ນ, ການອົບຮົມບົ່ມເພາະຈາກພັກ ໃຫ້ເປັນຜູ້ຈົງຮັກພັກດີ, ຮັບໃຊ້ປະຊາຊົນ ແລະ ປະເທດຊາດ ດ້ວຍຄວາມບໍລິສຸດໃຈ ຍັງເປັນພາລະໜ້າທີ່ສຳຄັນຂອງວຽກງານຈັດຕັ້ງ ແລະ ພະນັກງານ. ສ້າງການຫັນປ່ຽນຢ່າງແຂງແຮງ ແລະ ເລິກເຊິິ່ງ ວຽກງານພະນັກງານ ຕ້ອງຕິດພັນກັບການແກ້ໄຂບັນຫາຢ່າງເປັນລະບົບ ນັບແຕ່ການຫຼຸດຜ່ອນຈໍານວນພະນັກງານດ້ວຍຫຼາຍວິທີ, ມີກົນໄກທີ່ສອດຄ່ອງ, ປັບປຸງກົງຈັກການຈັດຕັ້ງພັກ-ລັດ, ອົງການຈັດຕັ້ງມະຫາຊົນ, ລັດວິສາຫະກິດ, ການເມືອງ, ສັງຄົມ ແລະ ເປັນທັນສະໄໝ. ຍົກສູງຄວາມຮັບຜິດຊອບການເມືອງ, ຄວາມຮັບຜິດຊອບດ້ານວິໄນຂອງພະນັກງານທຸກລະດັບ, ທຸກພາກສ່ວນ. ເດັດດ່ຽວແກ້ໄຂບັນຫາການເສື່ອມຖອຍດ້ານມານະຈິດປະຕິວັດ, ທາດແທ້ຄຸນທາດການເມືອງ, ຄຸນສົມບັດສິນທໍາປະຕິວັດ, ການຫັນປ່ຽນດ້ວຍຕົນເອງ ຕ້ານກົນອຸບາຍຫັນປ່ຽນໂດຍສັນຕິຂອງອິດທິກໍາລັງປໍລະປັກ ທີ່ສົ່ງຜົນກະທົບ ຕໍ່ຄວາມໝັ້ນຄົງຂອງຊາດ, ຂອງລະບອບການເມືອງ.

ສະນັ້ນ, ວຽກພະນັກງານ ແມ່ນຄວາມຮັບຜິດຊອບໂດຍກົງ ຂອງຄະນະພັກແຕ່ລະຂັ້ນ, ຕ້ອງຮັບປະກັນຫຼັກການລວມສູນປະຊາທິປະໄຕ ຕໍ່ກັບບັນຫາພະນັກງານ ແນໃສ່ຄັດຈ້ອນໃຫ້ໄດ້ຄົນດີ, ຄົນເກັ່ງ,ຜູ້ທີ່ມີຄວາມເສຍສະຫຼະ ເພື່ອວຽກງານ ເພື່ອສ່ວນລວມ. ເດັດດ່ຽວແກ້ໄຂປະກົດການຂອງລັດທິເອກະຊົນ, ອັດຕະວິໄສ, ພັກພວກ, ຈຸ້ມເຈື້ອ, ທ້ອງຖິ່ນ ແລະ ກຸ່ມຜົນປະໂຫຍດ. ໃນເວລາດຽວກັນ, ກໍເດັດດ່ຽວແກ້ໄຂຄວາມມີອະຄະຕິຕໍ່ພະນັກງານ... ສ້າງໃຫ້ພະນັກງານຮູ້ເສຍສະຫຼະເພື່ອສ່ວນລວມ, ນັບຖືກົດເກນເຂົ້າ-ອອກ, ຂຶ້ນ-ລົງ ໃຫ້ກາຍເປັນສະພາບປົກກະຕິ ແລະ ຕ້ອງເປັນໄປ.

3). ບັນດາສະຫາຍ ທີ່ເຮັດວຽກຈັດຕັ້ງ ແລະ ພະນັກງານ ເວລານີ້ຍິ່ງກວ່າເວລາໃດໝົດ ຕ້ອງເພີ່ມທະວີການປະສານສົມທົບ ຢ່າງແໜ້ນແຟ້ນ ລະຫວ່າງ ອົງການຂອງພັກ ກັບອົງການຈັດຕັ້ງລັດ, ອົງການຈັດຕັ້ງມະຫາຊົນ; ລະຫວ່າງອົງການຂອງສູນກາງ ແລະ ທ້ອງຖິ່ນ ສຸມໃສ່ປະຕິບັດມະຕິຂອງກອງປະຊຸມໃຫຍ່ ຄັ້ງທີ XI ຂອງພັກ ໂດຍເອົາການຜັນຂະຫຍາຍບັນດາມະຕິຂອງພັກ, ກົດໝາຍ ແລະ ນິຕິກໍາຂອງລັດ ກ່ຽວກັບວຽກງານປັບປຸງສັບຊ້ອນ ແລະ ຈັດວາງພະນັກງານ ໃຫ້ຮັບປະກັນປະສິດທິພາບ, ກະທັດຮັດ, ຮັດກຸມ ຕິດພັນກັບສະພາບຕົວຈິງ ແລະ ຕອບສະໜອງໄດ້ ຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່. ສ້າງກົນໄກ ແລະ ລະບຽບການຢ່າງເຂັ້ມງວດໂປ່ງໃສ ແລະ ຍຸຕິທຳ ເພື່ອສະກັດກັ້ນ ແລະ ແກ້ໄຂການສໍ້ລາດບັງຫຼວງ, ປະກົດການຫຍໍ້ທໍ້ ໃນຖັນແຖວພະນັກງານ.

ມະຕິຂອງຄະນະບໍລິຫານງານສູນກາງພັກ ກຳນົດອອກຕໍ່ວຽກງານປັບປຸງກົງຈັກການຈັດຕັ້ງ, ວຽກງານປັບປຸງລະບົບການປົກຄອງທ້ອງຖິ່ນຄືນໃໝ່ ແລະ ວຽກງານສັບຊ້ອນ ຈັດວາງພະນັກງານຄັ້ງນີ້ ແມ່ນມີຄວາມໝາຍສຳຄັນ ເປັນຄວາມຮຽກຮ້ອງຕ້ອງການທີ່ຈຳເປັນພາວະວິໄສ ເພື່ອແກ້ໄຂບັນຫາຂອງພັກ ຂອງຊາດ.

ດັ່ງນັ້ນ, ຈຶ່ງເປັນພາລະໜ້າທີ່ຂອງທຸກການຈັດຕັ້ງ-ພະນັກງານ, ສະມາຊິກພັກທຸກຄົນ ຕ້ອງໄດ້ມີພັນທະເຂົ້າຮ່ວມໃນການຈັດຕັ້ງປະຕິບັດ. ທັງນີ້ ກໍເພື່ອສ້າງຂະບວນການນຳໄປສູ່ກອງປະຊຸມໃຫຍ່ ຄັ້ງທີ XII ຂອງພັກເຮົາ ທີ່ຈະເປີດຂຶ້ນໃນຕໍ່ໜ້ານີ້.

ໂດຍ: ສ.ບຸດປະຊາ

ຄໍາເຫັນ

ຂ່າວເດັ່ນ

ມອບ-ຮັບໜ້າທີ່ ລັດຖະມົນຕີ ກະຊວງໂຍທາທິການ ແລະ ຂົນສົ່ງ  ຜູ້ເກົ່າ-ຜູ້ໃໝ່

ມອບ-ຮັບໜ້າທີ່ ລັດຖະມົນຕີ ກະຊວງໂຍທາທິການ ແລະ ຂົນສົ່ງ ຜູ້ເກົ່າ-ຜູ້ໃໝ່

ພິທີມອບ-ຮັບໜ້າທີ່ ເລຂາຄະນະບໍລິຫານງານພັກ ລັດຖະມົນຕີກະຊວງໂຍທາທິການ ແລະ ຂົນສົ່ງລະຫວ່າງຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 8 ກໍລະກົດ ນີ້ ທີ່ຫ້ອງປະຊຸມໃຫຍ່ ກະຊວງໂຍທາທິການ ແລະ ຂົນສົ່ງ (ຍທຂ) ໂດຍການເປັນກຽດເຂົ້າຮ່ວມຂອງ ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ ນາຍົກລັດຖະມົນຕີແຫ່ງ ສປປ ລາວ, ມີສະຫາຍລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ, ຜູ້ຕາງໜ້າຄະນະຈັດຕັ້ງສູນກາງພັກ, ມີບັນດາສະຫາຍຄະນະປະຈຳພັກ, ກຳມະການພັກ, ຄະນະນໍາກະຊວງ, ຫ້ອງການ, ກົມ, ສະຖາບັນ, ກອງວິຊາການ, ລັດວິສາຫະກິດ, ພະນັກງານຫຼັກແຫຼ່ງ ແລະ ພາກສ່ວນກ່ຽວຂ້ອງເຂົ້າຮ່ວມ.
ປະດັບຫຼຽນກຽດຕິຄຸນ ອາທິດອຸໄທ (ຊັ້ນ 1) ໃຫ້ນາຍົກລັດຖະມົນຕີແຫ່ງ ສປປ ລາວ

ປະດັບຫຼຽນກຽດຕິຄຸນ ອາທິດອຸໄທ (ຊັ້ນ 1) ໃຫ້ນາຍົກລັດຖະມົນຕີແຫ່ງ ສປປ ລາວ

ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ຮັບຫຼຽນກຽດຕິຄຸນ ອາທິດອຸໄທ (ຊັ້ນ 1), ເປັນກຽດປະດັບຫຼຽນ ໂດຍ ທ່ານ ໂຄອິຊຶມີ ຊິໂຕມຸ ເອກອັກຄະຣາຊະທູດຍີ່ປຸ່ນປະຈຳ ສປປ ລາວ, ຫຼຽນກຽດຕິຍົດອັນສູງສົ່ງ ຊຶ່ງປະທານໂດຍສົມເດັດພະເຈົ້າຈັກກະພັດແຫ່ງຍີ່ປຸ່ນ, ພິທີດັ່ງກ່າວໄດ້ຈັດຂຶ້ນໃນວັນທີ 3 ກໍລະກົດ ຜ່ານມານີ້ ທີ່ເຮືອນພັກເອກອັກຄະຣາຊະທູດຍີ່ປຸ່ນ ທີ່ນະຄອນຫຼວງວຽງຈັນ. ເຂົ້າຮ່ວມໃນພິທີມີ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ, ບັນດາການນໍາຂັ້ນສູງ, ແຂກຖືກເຊີນ ພ້ອມດ້ວຍ ຄອບຄົວຂອງ ທ່ານ ສອນໄຊ ສີພັນດອນ.
ທ່ານນາຍົກລັດຖະມົນຕີ ພົບປະໂອ້ລົມ ພະນັກງານການນໍາຫຼັກແຫຼ່ງ ຂອງແຂວງອັດຕະປື

ທ່ານນາຍົກລັດຖະມົນຕີ ພົບປະໂອ້ລົມ ພະນັກງານການນໍາຫຼັກແຫຼ່ງ ຂອງແຂວງອັດຕະປື

ໃນຕອນເຊົ້າວັນທີ 2 ກໍລະກົດ ຜ່ານມາ ທີ່ຫ້ອງວ່າການແຂວງອັດຕະປື, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ພົບປະໂອ້ລົມຕໍ່ພະນັກງານການນຳຫຼັກແຫຼ່ງ ແລະ ຕິດຕາມຊຸກຍູ້ການຈັດຕັ້ງປະຕິບັດວຽກງານຮອບດ້ານຂອງແຂວງ; ມີທ່ານຮອງລັດຖະມົນຕີ, ຮອງຫົວໜ້າຫ້ອງວ່າການສຳນັກງານນາຍົກລັດຖະມົນຕີ, ບັນດາຄະນະນຳຂອງແຂວງ ພ້ອມດ້ວຍສະມາຊິກພັກ-ພະນັກງານຫຼັກແຫຼ່ງ ແລະ ພາກສ່ວນກ່ຽວຂ້ອງຂອງແຂວງ ເຂົ້າຮ່ວມ.
ປະທານປະເທດ ຮັບສານຕາຕັ້ງ ຈາກ ທູດຕ່າງປະເທດ ແລະ ມອບສານຕາຕັ້ງໃຫ້ທູດລາວໄປປະຈຳຢູ່ຕ່າງປະເທດ

ປະທານປະເທດ ຮັບສານຕາຕັ້ງ ຈາກ ທູດຕ່າງປະເທດ ແລະ ມອບສານຕາຕັ້ງໃຫ້ທູດລາວໄປປະຈຳຢູ່ຕ່າງປະເທດ

ໃນວັນທີ 2 ກໍລະກົດ ນີ້ ທີ່ ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຍື່ນສານຕາຕັ້ງຂອງບັນດາທູດແຕ່ງຕັ້ງຕ່າງປະເທດ ຈໍານວນ 4 ທ່ານ ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດວິສາມັນຜູ້ມີອໍານາດເຕັມ ປະຈໍາ ສປປ ລາວ ຊຶ່ງມີລາຍລະອຽດດັ່ງນີ້:
ນາຍົກລັດຖະມົນຕີ ພົບປະໂອ້ລົມ ການນໍາແຂວງເຊກອງ

ນາຍົກລັດຖະມົນຕີ ພົບປະໂອ້ລົມ ການນໍາແຂວງເຊກອງ

ໃນວັນທີ 1 ກໍລະກົດຜ່ານມາ, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ພົບປະໂອ້ລົມພະນັກງານຫຼັກແຫຼ່ງແຂວງເຊກອງ ແລະ ຊຸກຍູ້ການກະກຽມດຳເນີນກອງປະຊຸມໃຫຍ່ຂອງອົງຄະນະພັກແຂວງ ຢູ່ທີ່ສະໂມສອນໃຫຍ່ຫ້ອງວ່າການແຂວງ.
6 ເດືອນຕົ້ນປີນີ້ ສາມາດສ້າງຄອບຄົວພົ້ນທຸກໄດ້ 31,232 ຄອບຄົວ ໃນທົ່ວປະເທດ

6 ເດືອນຕົ້ນປີນີ້ ສາມາດສ້າງຄອບຄົວພົ້ນທຸກໄດ້ 31,232 ຄອບຄົວ ໃນທົ່ວປະເທດ

6 ເດືອນຕົ້ນປີ 2025 ຜ່ານມາ ລັດຖະບານ ໄດ້ເອົາໃຈໃສ່ແກ້ໄຂສະພາບຂາດແຄນແຮງງານ ໂດຍສາມາດພັດທະນາສີມືແຮງງານເພື່ອນໍາເຂົ້າສູ່ຕຳແໜ່ງງານ, ຈັດຫາວຽກເຮັດງານທໍາຢູ່ພາຍໃນ ແລະ ຕ່າງປະເທດ ໄດ້ລື່ນແຜນການປີ 80.15%. ໃນນັ້ນ, ຍັງສາມາດສ້າງຄອບຄົວພົ້ນທຸກໄດ້ 31,232 ຄອບຄົວ ກວມ 89.23% ໃນທົ່ວປະເທດ.
ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ປິດ​ລົງ​ດ້ວຍສໍາເລັດຜົນຢ່າງຈົບງາມ

ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ IX ປິດ​ລົງ​ດ້ວຍສໍາເລັດຜົນຢ່າງຈົບງາມ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ (ສພຊ) ຊຸດທີ IX ໄດ້​ປິດ​ລົງ​ດ້ວຍຜົນສຳເລັດຢ່າງຈົບງາມ ໃນ​ວັນ​ທີ 26 ມິ​ຖຸ​ນາ​ນີ້, ທີ່ ສະພາແຫ່ງຊາດ ໂດຍການເປັນປະທານ ຂອງທ່ານ ໄຊສົມພອນ ພົມວິຫານ ປະທານສະພາແຫ່ງຊາດ, ໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ທ່ານ ສອນໄຊ ສີພັນດອນ ນາຍົກລັດຖະມົນຕີ, ມີບັນດາການນໍາຂັ້ນສູງ, ອະດີດການນໍາຂັ້ນສູງຂອງພັກ-ລັດ, ບັນດາສະມາຊິກສະພາແຫ່ງຊາດ ເຂົ້າຮ່ວມ.
ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ພີ່ນ້ອງຮ່ວມຊາດ ທີ່ຮັກແພງ ທັງຫຼາຍ, ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 - 26 ມິຖຸນາ 2025) ນີີ້, ໃນນາມຕາງໜ້າໃຫ້ພັກ ແລະ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍນໍາເອົາຄວາມຢ້ຽມຢາມຖາມຂ່າວອັນອົບອຸ່ນ, ຄວາມສາມັກຄີຮັກແພງອັນສະໜິດສະໜົມ ມາຍັງປະຊາຊົນ, ເພື່ອນມິດສະຫາຍ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ ແລະ ພະນັກງານລັດ-ຖະກອນ ໃນຂອບເຂດທົ່ວປະເທດ, ຖືໂອກາດນີີ້ ເປັນການຢືນຢັນຄືນເຖິງມານະຈິດທາງການເມືອງ ແລະ ຄວາມໝາຍໝັ້ນອັນແຮງກ້າ ຂອງວົງຄະນາຍາດສາກົນ ການຮ່ວມມືກັນໃນຂະບວນການຕ້ານຢາເສບຕິດແລ້ວ ຍັງເປັນໂອກາດອັນດີ ທີ່ພວກເຮົາຈະໄດ້ພ້ອມກັນທົບທວນ ແລະ ສັງເກດຕີລາຄາຄືນກ່ຽວກັບຜົນສໍາເລັດ ແລະ ບັນຫາຂໍ້ຄົງຄ້າງ ໂດຍສະເພາະໃນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ (2021-2025) ໃນ 1 ປີ ຜ່ານມາ.
ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນມິຖຸນາ 2025

ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນມິຖຸນາ 2025

ກອງປະຊຸມສະໄໝສາມັນຂອງລັດຖະບານປະຈຳເດືອນມິຖຸນາໄດ້ປິດລົງໃນຕອນແລງວັນທີ 25 ມິຖຸນານີ້ ພາຍຫຼັງດຳເນີນມາເປັນເວລາສອງວັນ ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ; ມີບັນດາທ່ານ ຮອງນາຍົກລັດຖະມົນຕີ, ສະມາຊິກລັດຖະບານ ແລະ ຜູ້ຕາງໜ້າກະຊວງ-ອົງການ ເຂົ້າຮ່ວມ.
ນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານຢູ່ແຂວງບໍລິຄຳໄຊ

ນາຍົກລັດຖະມົນຕີ ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານຢູ່ແຂວງບໍລິຄຳໄຊ

ໃນຕອນເຊົ້າວັນທີ 20 ມິຖຸນານີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍຄະນະ ໄດ້ມາຢ້ຽມຢາມ ແລະ ຊຸກຍູ້ວຽກງານຢູ່ແຂວງບໍລິຄຳໄຊ, ໃຫ້ການຕ້ອນຮັບໂດຍທ່ານ ສອນທະນູ ທຳມະວົງ ເຈົ້າແຂວງບໍລິຄຳໄຊ ພ້ອມດ້ວຍຄະນະນຳຂອງແຂວງ.
ເພີ່ມເຕີມ