ແຂ່ງຂັນກິລາເປຕັງ ສ້າງຂະບວນການຕ້ອນຮັບກອງປະຊຸມໃຫຍ່ອົງຄະນະະພັກ ສານປະຊາຊົນສູງສຸດ ຄັ້ງທີ V

ທ່ານ ສີວັນ ບຸນທະລາ ໄດ້ຕາງໜ້າ ອານຸກຳມະການ ຂະບວນການໂຄສະນາ ແລະ ຂະບວນການກິລາ ໄດ້ກ່າວວ່າ: ນີ້ກໍແມ່ນໜຶ່ງທີ່ມີຄວາມໝາຍຄວາມສໍາຄັນ ທີ່ອານຸກຳມະການ ຂະບວນການໂຄສະນາ ແລະ ຂະບວນການກິລາ ໄດ້ເອົາໃຈໃສ່ຈັດຂະບວນການແຂ່ງກິລາໃນຄັ້ງນີ້ຂຶ້ນ ຊຶ່ງຜ່ານມາພວກເຮົາໃນນາມອານຸກຳມະການ ຂະບວນການກິລາກໍໄດ້ມີການເຄື່ອນໄຫວ ເປັນແຕ່ລະໄລຍະ ໂດຍໄດ້ມີການສ້າງຂະບວນການແຂ່ງຂັນກິລາເຕະບານພາຍໃນສານປະຊາຊົນສູງສຸດ, ແຂ່ງຂັນກິລາເຕະບານກັບບັນດາກະຊວງ, ອົງການ ເຮັດໃຫ້ບັນດາພາກສ່ວນຕ່າງໆທີ່ໄດ້ຈັດກິດຈະກຳຮ່ວມກັນ ສ້າງໄດ້ຄວາມສາມັກຄີ ລະຫວ່າງພະນັກງານ ຂອງສານປະຊາຊົນ, ສົ່ງເສີມການອອກກໍາລັງກາຍ ແລະ ຮັກສາສຸຂະພາບໃຫ້ແຂງແຮງ; ເປັນສ່ວນໜຶ່ງໃນການດໍາເນີນນະໂຍບາຍຂອງພັກ ໃນການສ້າງຄວາມເຂົ້າໃຈ ແລະ ຄວາມສຳພັນຮ່ວມມືອັນດີ ລະຫວ່າງພະນັກງານດ້ວຍກັນ.

(ຂໍ້ມູນ ສປສສ ຂ່າວ:ຕຸໄລເພັດ)