ເຂດເສດຖະກິດພິເສດສາມຫຼ່ຽມຄຳ ຈັດກິດຈະກຳຍ່າງເພື່ອສຸຂະພາບ ໃນໂອກາດວັນສາກົນຕ້ານຢາເສບຕິດ

ສຳລັບກິດຈະກຳຍ່າງເພື່ອສຸຂະພາບ ເນື່ອງໃນໂອກາດວັນສາກົນຕ້ານຢາເສດຕິດ ຄົບຮອບ 38 ປີ ຄັ້ງນີ້ ແມ່ນໄດ້ເລີ່ມຍ່າງ ອອກຈາກສະໜາມກິລາໂຮງຮຽນດອກງີ້ວຄໍາ ນໍາຂະບວນໂດຍນັກຮຽນ ຕາມດ້ວຍຂະບວນຂອງກຳລັງ ປກສ ເຂດເສດຖະກິດພິເສດສາມຫຼ່ຽມຄຳ, ຂະບວນອົງການຄະນະຄຸ້ມຄອງເຂດເສດຖະກິດພິເສດສາມຫຼ່ຽມຄຳ, ກຸ່ມບໍລິສັດດອກງີ້ວຄຳ, ພະນັກງານ, ຜູ້ປົງຄອງນັກຮຽນ ແລະ ພາກສ່ວນອື່ນໆ ແລ້ວເຄື່ອນຂະບວນຍ່າງຕາມເສັ້ນທາງມິດຕະພາບ ລາວ-ຈີນ ອ້ອມໂຮງແຮມ ດອກງີ້ວຄຳ ແລ້ວລ້ຽວຂວາກັບມາສະໜາມກິລາໂຮງຮຽນດອກງີ້ວຄຳ.

ການຈັດກິດຈະກຳຍ່າງເພື່ອສຸຂະພາບໃນຄັ້ງນີ້ ເພື່ອເປັນການສົ່ງເສີມດ້ານສຸຂະພາບ, ປູກຈິດສຳນຶກທີ່ດີໃຫ້ທຸກພາກສ່ວນໃນສັງຄົມ ຈົ່ງຄຳນຶງເຖິງໄພອັນຕະລາຍຂອງຢາເສບຕິດ ໃຫ້ຫັນມາໃສ່ໃຈສຸຂະພາບຂອງຕົນ ແລະ ບໍ່ໄປຫຍຸ້ງກ່ຽວກັບຢາເສບຕິດ ພ້ອມກັນສ້າງສາພັດທະນາປະເທດຊາດ ເຮັດໃຫ້ເຍົາວະຊົນ-ໄວໜຸ່ມ ຫ່າງໄກຢາເສບຕິດ ທີ່ເປັນຜິດເປັນໄພ ຜູ້ເສບຕາຍ ຜູ້ຂາຍຕິດຄຸກ ຜູ້ທຸກໃຈຄືຄອບຄົວ ແລະ ສັງຄົມ.

ຂ່າວ-ພາບ: ເຂດເສດຖະກິດພິເສດສາມຫຼ່ຽມຄຳ